Ɛfɛsɩs Nɩaa 3:9 - WƖA TENIŊ

⁹ a bɩra leŋ dɩ nʋʋkala jɩŋ ŋɩɩ Wɩa sɩ jaŋ to a ŋaa ʋ wɩalɩŋ kala sɩ faa. Wɩa nɛ Nɩɩ-la sɩ ta kʋŋkala, ʋ fa joŋ wɩalɩŋ faa faafaa kala nɛ.

Ɛfɛsɩs Nɩaa 3:9 ပူးပေါင်းရင်းမြစ်များ

WƖA YƖƖLAA 33:6

La Tɩɩna wʋbʋlaa lɛ nɛ wɩa-nyuŋ to a hɛ nɩmɛ. Ʋ wʋbʋlaa nɛ ŋaa kɩalɩŋ kala hɛ nɩmɛ.

AZAAYA 44:24

Wɩɩ-la La TƖƖNA, ma Laataara, Nɩɩ-la sɩ ŋaama sɩ bʋla nɛ ŋ-la: “Mɩ nɛ ma TƖƖNA, mɩ nɛ ŋaa kʋŋkala. Mɩ dʋndʋŋa nɛ ŋaa wɩa-nyuŋ arɩ tinteeŋ.

Matiu 10:27

Wɩɩkala mɩ sɩ bʋla pɩma birimiŋ tʋɔŋ, ʋ maga dɩ ma bʋlʋ pʋlʋmʋŋ tʋɔŋ. Wɩɩkala mɩ sɩ munso bʋla pɩma birimiŋ tʋɔŋ, má heele bʋlʋ lusuŋ nyuŋ.”

Matiu 13:35

Ʋ ŋaa ŋɩɩ dɩ wɩalɩŋ Wɩa wʋlaabʋlla sɩ bʋla kʋ ŋaa wʋtɩtɩɩ nɛ. Ʋ fa sɩ, “Dɩ mɩ nɛ bʋl wɩaa pɩpɩ nɩaa, mɩ jaŋ magɛ namagaba, mɩ jaŋ bʋl wɩaa sɩ faa a chɩŋ dʋnɩa dɩ-suomuŋ a pɩba.”

Matiu 25:34

Ŋɩɩ nɛ mɩ-na Kuoro jaŋ bʋla pɩ nɩalɩŋ sɩ chɩŋ mɩ nadiiŋ, ‘Má kɔ. Mɩ Nyɩmma Wɩa nɛ pɛ ma lɛ. Má kʋ dii Wɩa kuorii-la ba sɩ wasa bil ma lɛ dʋnɩa dɩ-suomuŋ,

Matiu 28:19

Má saa mʋ dʋnɩa sɛmɛ-na kala a bʋl mɩ wɩaa pɩ nɩaa a leŋ dɩ ba ŋaa mɩ harɩ-tooroo a foba Wɩɩchʋɔlɛ lɩɩŋ mɩ Nyɩmma arɩ mɩ-na ʋ Bie arɩ ʋ Dɩŋ-zɔmʋŋ yɩrɩŋ lɛ.

Luuk 24:47

Ba jaŋ bʋl Wɩa wɩaa ʋ yɩrɩŋ lɛ, tintee kala lɛ, dɩ nɩaa bɩrɩma lɩɩ ba wʋbɔŋŋɔɔ lɛ dɩ Wɩa joŋ ba wʋbɔŋŋɔɔ chɛba. Ba jaŋ suomo ŋaa ŋɩɩ Jerusalɛm lɛ.

Jɔɔŋ 10:30

Mɩ dɩ mɩ Nyɩmma kala ŋaa kʋbala nɛ.”

Jɔɔŋ 5:17

Ŋɩɩ nɛ Yesu bʋla pɩba, “Mɩ Nyɩmma ka tɩŋ nɛ, ŋɩɩ nɛ tɩɩ mɩ maa tɩŋ.”

Jɔɔŋ 5:19

Ŋɩɩ nɛ Yesu bʋla pɩba, “Mɩ bʋl wʋtɩtɩɩ nɛ a pɩpɩma, mɩ-na Wɩa Bie bɩ wɩɩkala wuo ŋaa mɩ tɩtɩa doluŋ lɛ. Mɩ yie ŋɩŋaa wɩalɩŋ mɩ sɩ na dɩ mɩ Nyɩmma ŋaa nɛ. Wɩɩ na-kala ʋ sɩɩ ŋaa nɛ mɩ ma ʋ Bie ŋɩŋaa,

Tɩntɩŋŋaa 15:18

Wɩa bʋl ŋɩɩ faafaa kala nɛ dɩ nɩaa jɩŋ.”

Rom Tɩŋŋaa 11:25

Mɩ naambiiriŋ, wɩaa nɛ hɛ nɩmɛ Wɩa fa joŋo faama, mɩɩ chɛ dɩ ma jɩŋ. Wɩɩ-la jaŋ ŋaa dɩ ma sɩ́ bɩɩna bʋl arɩ ma kɛŋ wʋjɩmɩŋ a bibigisi ma tɩtɩa lɛ. Wɩɩ-la nɛ ŋ-la: Iziral tɩŋŋaa sɩ kɛŋ nyu-duo-la, ba bɩ jaŋ kɛnʋ wuu. Bʋa-la lɛ dɩ nɩalɩŋ sɩ bɩ Juu tɩŋŋaa ŋaa nɛ kʋ yʋgɛ a laa Wɩa wɩaa dii, Iziral tɩŋŋaa nyu-duo-la jaŋ dɛrɛ.

1 Kɔrɩntɩ Nɩaa 2:7

Wʋjɩmɩɩ-la wɩaa mɩ sɩɩ bʋl, ʋ lɩɩ Wɩa teeŋ nɛ a ŋaa wʋfaalɩɩ nɩaa teeŋ. Wʋjɩmɩɩ-la faa nɛ Wɩa teeŋ, ka dʋnɩa-na suomi. Wɩa lɩɩsɛla dɩ la kɛŋ wʋjɩmɩŋ deeŋ nɛ a wuo kɛŋ tʋla ʋ teeŋ.

Ɛfɛsɩs Nɩaa 1:4

Ka dɩ ʋ-na suomo ŋaa dʋnɩa, ʋ to Kirisito lɛ nɛ a lɩɩsɛla, dɩ la kɛŋ tʋɔpʋla, a sɩ́ cheeri kala kɛŋ ʋ sɩpaaŋ. A tɩŋ Wɩa sɩ chola wɩaa,

Ɛfɛsɩs Nɩaa 3:2

Mɩ jɩma arɩ ma ma nɩɩ ŋɩɩ Wɩa sɩ lɩɩsɛmɛ ʋ lahɔrɩmɔ lɛ dɩ mɩ tɩŋ tɩntɩmɩŋ deeŋ ma teeŋ nɛ.

Ɛfɛsɩs Nɩaa 6:19

Má sʋl Wɩa pɩ mɩ ma dɩ mɩ nɛ suri mɩ niiŋ dɩ Wɩa dagɛmɛ wɩɩ-la mɩ sɩ jaŋ bʋl, a sɩ́ nʋʋkala fá, aŋ bʋl Yesu wʋzɔmɔ-la fa sɩ faa a pɩ nɩaa.

Koloosi Nɩaa 1:23

Kirisito jaŋ ŋaa wɩalɩŋ pɩma, dɩ ma nɛ chɩŋ wɩalɩŋ ma sɩ laa dii lɛ kpaŋ kpaŋ, aa yɩɛlɛ wɩalɩŋ ba sɩ bʋla Wɩa wʋzɔmɔ-la tʋɔŋ. Ma nɩɩ Wɩa wʋzɔŋŋɔɔ deemba ba sɩ bʋla pɩ nɩaa dʋnɩa lee-kala nɛ. Mɩ-na Pɔɔl ma kʋ ŋaa Wɩa tɩntɩnnaa dɔŋɔ aa bʋl Wɩa wʋzɔŋŋɔɔ deemba.

Koloosi Nɩaa 1:26

Wɩa niiŋ wɩaa fa fáa nɛ. Wɩa joŋo faa la naabalɩmaba nɛ faafaa kala a kʋ yi bʋa deeŋ lɛ. Ama lɛɛlɛ Wɩa joŋo dagɛ ʋ nɩaa nɛ.

Koloosi Nɩaa 3:3

bɛɛ wɩaa ʋ naga ma sʋba nɛ, ka ma mɩɩsɩŋ faa Kirisito lɛ. Ʋ nɛ hɛ Wɩa teeŋ.

Koloosi Nɩaa 4:3

Má pɛ chʋɔlɛ Wɩa pɩpɩ la ma, dɩ Wɩa wuo suri wombiiŋ pɩla dɩ la wuo bʋl Kirisito wɩalɩŋ fa sɩ faa. Ba wɩaa nɛ tɩɩ ba kɛmmɛ tɔ dɩa.

2 Tɛsalonaaka Nɩaa 2:13

La naambiiri, ʋ maga dɩ la lɔllɛ Wɩa bʋa na-kala lɛ pɩpɩma nɛ, ma nɩalɩŋ La Tɩɩna Yesu sɩ cho. Ma nɛ Wɩa lɩɩsɛ bumbuŋ kala dɩ ʋ laama ta. Wɩa to ʋ Dɩŋ-zɔmʋŋ doluŋ lɛ dɩ ʋ leŋ dɩ ma ŋaa tʋɔpʋl tɩmma a tɩŋ ma sɩ laa wʋtɩtɩɩ-la dii wɩaa.

1 Timoti 3:16

Wʋtɩtɩɩ, Wɩɩchʋɔlɛ wombii-la la sɩɩ to ŋaa wʋbal nɛ nʋʋkala bɩ jaŋ wuo kaa lɛrɛ. Wɩɩ-la fa faa nɛ ka Wɩa joŋo dagɛla lɛɛlɛ. Ʋ nɛ ŋ-la: Wɩa bɩrɩmɛ nuhuobiine nɛ a kʋ tuu dʋnɩa. Wɩa Dɩŋ-zɔmʋŋ ma dagɛ arɩ ʋ ŋaa tʋɔpʋl Tɩɩna nɛ. Wɩa tɩndaaraa ma naʋ. Nɩaa bʋl ʋ wɩaa dʋnɩa sɛmɛ-na kala lɛ. Dʋnɩa nɩaa laa ʋ wɩaa dii nɛ, aŋ ka Wɩa joŋu kaa jɩl Wɩa-jaŋ, ʋ laa yɩrɩŋ.

2 Timoti 1:9

Wɩa nɛ laala ta a yɩrɛla dɩ la ŋaa ʋ nɩaa. Ʋ bɩ naga Wɩa to la wʋzɔŋŋɔɔ lɛ nɛ a laala ta. Ama ʋ tɩtɩa tʋɔtɔrʋŋ lɛ nɛ ʋ fá la nenige a laala ta. Yesu Kirisito lɛ nɛ ʋ to a ŋaa ŋɩɩ pɩla. Ʋ jɩma arɩ ʋ jaŋ ŋaa ŋɩɩ pɩla faafaa kala nɛ, ka dʋnɩa-na suomi.

2 Timoti 4:17

Ama Wɩa chɩŋ mɩ harɩŋ nɛ a pɩmɛ doluŋ mɩ wuo bʋl Wɩa niiŋ wɩalɩŋ kala. Mɩ bʋl wɩalɩŋ a pɩ nɩalɩŋ sɩ bɩ Juu tɩŋŋaa ŋaa nɛ. Wɩa lɩɩsɛmɛ nɛ nɩbɔŋŋɔɔ nɩsɩŋ lɛ.

Taatɩs 1:2

Nɩalɩŋ sɩɩ to Wɩa wombiiŋ deeŋ, baa yɩɛlɛ arɩ ba jaŋ kɛŋ mɩɩsɩ-la sɩ bɩ dɛrɛ. Wɩa fa bʋl wɩaa a tɩgɛ mɩɩsɩŋ deeŋ lɛ faafaa kala nɛ, ka dʋnɩa-na suomi. Wɩa bɩ wɩaa ka nyɩɛ, ʋ jaŋ ŋaa wɩɩ-la.

1 Pɩɩta 1:20

Bumbuŋ kala, ka dɩ Wɩa-na ŋaa dʋnɩa, ʋ lɩɩsɛ Yesu Kirisito nɛ dɩ ʋ to ʋ lɛ a laa dʋnɩa nɩaa ta. Ama Wɩa leŋe ʋ kɔ nɛ dʋnɩa deeŋ dɩdɛrɩŋ, ma wɩaa.

Jɔɔŋ Wʋnaalaa 13:8

Nɩɩ-la kala yɩrɩŋ sɩ tuo mɩɩsɩŋ teŋ-la lɛ a lɩɩ dʋnɩa dɩ-suomuŋ, jaŋ dɛnnɛ baga kʋ-la. Pie-bie-la ba sɩ kpʋa nɛ tɩɩ teŋ-la.

Jɔɔŋ Wʋnaalaa 14:6

Ŋɩɩ nɛ mɩ bɩra na Wɩa tɩndaara dɔŋɔ dɩ ʋʋ fil wɩa-nyuŋ dɩ-bolii. Ʋ fa kori Wɩa Wʋzɔmɔ-la nɛ, Wʋzɔmɔ-la sɩ jaŋ hɛ nɩmɛ a kaa mʋ wuu. Ʋ kaa mʋ bʋla pɩ tintee kala nɩaa, doho kala nɩaa, yikoro kala nɩaa arɩ nɩaa kala.

Jɔɔŋ Wʋnaalaa 17:8

Baga kʋ-la ŋ sɩ na nɛ fa hɛ nɩmɛ bumbuŋ aŋ bɩra tuo. Ʋ jaŋ lɩɩ buotuo-luŋii-la tʋɔŋ kʋ lɩɩ a mʋ sʋʋ. Nɩalɩŋ kala sɩ hɛ dʋnɩa lɛ ka ba bɩ ba yɩraa ŋmʋnsa hɛ mɩɩsɩŋ teŋ-la lɛ a lɩɩ dʋnɩa dɩ-suomuŋ jaŋ na baga kʋ-la dɩ ʋ ŋaaba wʋkpuŋkpere, bɛɛ wɩaa ʋ fa hɛ nɩmɛ bumbuŋ aŋ bɩra tuo, aŋ saa jaŋ bɩra kɔ.

Jɔɔŋ Wʋnaalaa 4:11

“La Tɩɩna Wɩa, ʋ maga dɩ la chʋɔlʋŋ, ʋ maga dɩ la dɛnnɩŋ a yɩyɩrɛ ŋ yɩrɩŋ, ŋ nɛ doluŋ Tɩɩna. Ŋ nɛ ta kʋŋkala, ŋ tʋɔtɔrʋŋ lɛ nɛ ŋ taba ba hɛ nɩmɛ.”