Ɛfɛsɩs Nɩaa 3:8 - WƖA TENIŊ

⁸ Wɩa nɩaa kala tʋɔŋ, mɩ nɛ ŋaa ba kʋbie, aŋ ka ʋ lɩɩsɛmɛ ʋ lahɔrɩmɔ lɛ dɩ mɩ bʋl ʋ wʋzɔmɔ-la wɩaa a pɩ nɩalɩŋ sɩ bɩ Juu tɩŋŋaa ŋaa, dɩ ba jɩŋ Kirisito dʋa-la sɩ bɩ dɩdɛrɩ kɛnɛ wɩaa,

Ɛfɛsɩs Nɩaa 3:8 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 17:16

Ŋɩɩ nɛ kuoro Devit sii mʋ jʋʋ lɛbɩ-la lɛ Wɩa niiriŋ daga sɩ hɛ, a hɔŋ La TƖƖNA sɩpaaŋ, aŋ chʋɔlʋ a bʋl: “La TƖƖNA Wɩa, mɩ dɩ mɩ dɩa nɩaa nɛ kʋbɛɛba, ŋ ŋaa wʋbalɩŋ deeŋ la lɛ?

WƖA YƖƖLAA 31:19

Ŋ wʋzɔŋŋɔɔ yʋga, ba nɛ ŋ joŋo bil nɩalɩŋ sɩɩ fáŋ lɛ. Ba nɛ ŋ joŋo pɩ nɩalɩŋ sɩ kʋ yuoruŋ, ka nɩaa bibeŋ.

Luuk 14:22

Lɩma lɩma dɩ baal-la ʋ sɩ tɩma lɩa a yɩrɛ nɩalɩŋ ba kʋ jʋʋ, ka ʋ jʋʋ bʋla pɩ ʋ kʋhɩaŋ-la arɩ nɩalɩŋ kɔ nɛ, ama ba ha bɩ yʋgɛ.

Jɔɔŋ 1:16

Kʋ-la kala ʋ sɩ kɛnɛ, la ma na kpaalɩŋ ʋ tʋɔŋ nɛ. Ʋ yie fá la nenige aa pɛ la lɛ bʋa na-kala.

Tɩntɩŋŋaa 5:41

Ŋɩɩ nɛ ba lɩɩ nɩalɩŋ fa sɩ hilime teeŋ. Ba tʋɔŋ tɔrɛ arɩ ba sɩ dɔgɩsɛba a tɩŋ Yesu wɩaa.

Tɩntɩŋŋaa 9:15

La Tɩɩna Yesu bʋla pɩ Ananɩas, “Sii mʋ, mɩ nɛ lɩɩsʋ dɩ ʋ tɩma pɩpɩmɛ. Ʋ jaŋ mʋ bʋl mɩ wɩaa pɩ nɩalɩŋ sɩ bɩ Juu tɩŋŋaa ŋaa, arɩ ba kuoroo, arɩ Iziral nɩaa teeŋ.

Rom Tɩŋŋaa 11:33

Wɩa sɩɩ fá la nenige ŋɩɩ arɩ ŋɩɩ ʋ sɩ kɛŋ wʋjɩmɩŋ arɩ ŋɩɩ ʋ sɩ jɩŋ wɩaa bʋbʋɔŋ, ʋ bɩ magɩa kɛnɛ. Kʋbɛɛ nɛ jɩŋ ŋɩɩ Wɩa sɩɩ ŋaa wɩaa? Nʋʋkala bɩ Wɩa wʋŋaalaa jɩŋ.

Rom Tɩŋŋaa 12:10

Má cho ma dɔnsʋŋ tɩŋŋaa sɩ laa Wɩa wɩaa dii woruŋ arɩ naambiiriŋ sɩ cho dɔŋɔ ŋɩɩ, a zizil dɔŋɔ.

Rom Tɩŋŋaa 2:4

Wɩa sɩ kɛŋ zile kɩŋkɛŋ a kɛŋ kenyiri ŋɩɩ, a nyalɩma pɩma maa ŋaa wɩaa, ma bene arɩ ʋ bɩ kʋŋ ŋaa? Ma bɩ jɩŋ arɩ Wɩa sɩ kɛŋ zile ŋɩɩ, ʋʋ chɛ dɩ ma bɩrɩma lɩɩ ma wʋbɔŋŋɔɔ lɛ nɛɛ?

1 Kɔrɩntɩ Nɩaa 1:30

Ama Wɩa leŋe ma to Kirisito Yesu lɛ nɛ a kɛŋ mɩɩsɩŋ. Wɩa saa leŋe Kirisito nɛ ŋaa la wʋjɩmɩŋ. A tɩŋ ʋ wɩaa Wɩa laala ta nɛ, la kʋ ŋaa tʋɔpʋl tɩmma ʋ teeŋ, a ŋaa nɩalɩŋ sɩ bɩ disiniŋ kɛnɛ.

1 Kɔrɩntɩ Nɩaa 15:9

Yesu nanzɔɔba-la kala, mɩ nɛ paala ŋaa ba tʋɔŋ kʋbie. Ʋ paala bɩ maga dɩ ba kɛmmɛ kaa yɩrɛ Wɩa nanzɔɔ, bɛɛ wɩaa mɩ to naasɩŋ dɔgɩsɛ nɩalɩŋ sɩ laa Yesu wɩaa dii aa hilimi nɛ.

1 Kɔrɩntɩ Nɩaa 2:9

Ba ŋmʋnsɛ Wɩa teniŋ tʋɔŋ a bʋl, “Kʋ-la nuhuobiine ha sɩ bɩ na, kʋ-la wɩaa ʋ ha sɩ bɩ nɩa, arɩ kʋ-la wɩaa ha sɩ bɩ nuhuobiine tʋɔbɩɩnaa jʋa, kɩalɩŋ tɩtɩa nɛ Wɩa wasa bil nɩalɩŋ sɩ chou lɛ.”

Galiisia Nɩaa 1:16

Ʋ tʋɔtɔrʋŋ lɛ nɛ ʋ dagɛmɛ ʋ Bie Yesu Kirisito, dɩ mɩ wuo bʋl ʋ wʋzɔmɔ-la a pɩ nɩalɩŋ sɩ bɩ Juu tɩŋŋaa ŋaa. Ʋ sɩ ŋaa ŋɩɩ, mɩ bɩ nʋʋkala teeŋ mʋa dɩ ʋ dagɛmɛ.

Galiisia Nɩaa 2:8

Wɩa nɛ lɩɩsɛ Pɩɩta a pʋ doluŋ dɩ ʋ bʋl wʋzɔmɔ-la a pɩ Juu tɩŋŋaa. Ŋɩɩ tɩtɩa nɛ ʋ yɩrɛmɛ ma dɩ mɩ bʋl ʋ wɩaa a pɩ nɩalɩŋ sɩ bɩ Juu tɩŋŋaa ŋaa.

Ɛfɛsɩs Nɩaa 2:7

Wɩa ŋaa ŋɩɩ, dɩ ʋ wuo dagɛla ʋ lahɔrɩmɔ sɩ bɩ magɩa kɛnɛ nɛ, arɩ ŋɩɩ ʋ sɩɩ fá nɩaa nenige a kaa mʋ maachie kala. Ʋ to Kirisito lɛ a dagɛ ʋ zile sɩ yʋga ŋɩɩ la lɛ.

Ɛfɛsɩs Nɩaa 3:1

Ba kɛŋ mɩ-na Pɔɔl tɔ dɩa a tɩŋ Kirisito Yesu wɩaa nɛ. Mɩ bɩra hɛ sarɩka lɛ a tɩŋ ma ma nɩalɩŋ sɩ bɩ Juu tɩŋŋaa ŋaa wɩaa nɛ. Ŋɩɩ wɩaa nɛ tɩɩ mɩ yie sʋl Wɩa pɩpɩma.

Ɛfɛsɩs Nɩaa 3:16

Ʋ sɩ kɛŋ yɩrɩŋ kɩŋkɛŋ ŋɩɩ, mɩɩ sʋlʋ dɩ ʋ leŋ dɩ ʋ Dɩŋ-zɔmʋŋ pɩma doluŋ ma tʋɔŋ lɛ.

Ɛfɛsɩs Nɩaa 3:19

Ama nʋʋkala bɩ jaŋ wuo jɩŋ Kirisito chono-la sɩ magɛ ŋɩɩ. Ʋ nɛ kɩɩ wɩalɩŋ kala la sɩ wuo jɩŋ. Mɩɩ sʋl Wɩa dɩ ʋ leŋ dɩ ma nagɛ ŋɩɩ Wɩa sɩ naga.

Ɛfɛsɩs Nɩaa 3:2

Mɩ jɩma arɩ ma ma nɩɩ ŋɩɩ Wɩa sɩ lɩɩsɛmɛ ʋ lahɔrɩmɔ lɛ dɩ mɩ tɩŋ tɩntɩmɩŋ deeŋ ma teeŋ nɛ.

Fɩlɩpa Nɩaa 2:3

Wɩɩ na-kala ma sɩɩ ŋaa lɛ, má sɩ́ ma dʋndʋŋa wɩaa chɩl, a sɩ́ ma tɩtɩa lɛ ma bibigisu. Ama má leŋ dɩ ma sɩaa fɩɛlɛ dɔŋɔ nyuŋ, a sɩ́ beŋ arɩ ma kɩɩ ma dɔnsʋŋ tɩŋŋaa.

Fɩlɩpa Nɩaa 4:19

Wɩa-la mɩ sɩ tɩmaa pa kɛŋ kʋŋkala nɛ, ʋ jaŋ to Yesu Kirisito lɛ a pɩma kʋŋkala ma sɩɩ chɛ a yʋgɛ.

Koloosi Nɩaa 1:27

Ba nɛ Wɩa lɩɩsɛ dɩ ba jɩŋ wɩalɩŋ sɩ zɔmɔ ŋɩɩ kɩŋkɛŋ, ka ʋ fa joŋo faa. Lɛɛlɛ ʋ dagɛ ba sɩ magɛ ŋɩɩ nɛ a pɩ nɩalɩŋ sɩ bɩ Juu tɩŋŋaa ŋaa. Wɩalɩŋ nɛ daga arɩ Kirisito hɛ ma tʋɔŋ lɛ nɛ. Ŋɩɩ wɩaa, má yɩyɩɛlɛ dɩ ma kpaa ʋ yɩrɩ-bal-la nɛ.

1 Timoti 1:13

Bumbuŋ kala nɛ mɩ paala bʋl wʋbɔŋŋɔɔ ʋ lɛ a to naasɩŋ dɔgɩsʋ a tʋʋsʋ ma. Ka Kirisito ha fá mɩ nenige a lɩɩsɛmɛ dɩ mɩ tɩmaa pʋ. Bʋa-la kala lɛ mɩ fa sɩɩ ŋaa ŋɩɩ, mɩ fa bɩ jɩŋ wɩɩ-la mɩ sɩɩ ŋaa. Mɩ fa bɩ ʋ wɩaa laa dii maa.

1 Timoti 1:15

Wɩɩŋ deeŋ mɩ sɩɩ chɛ dɩ mɩ bʋl chaasa ŋaa wʋtɩtɩɩ nɛ a maga dɩ nʋʋkala laa dii. Ʋ nɛ ŋ-la: Kirisito Yesu kʋ tuu dʋnɩa nɛ dɩ ʋ laa wʋbɔŋ ŋaaraa ta. Mɩ nɛ saa paala ŋaa ba tʋɔŋ nɩbɔmʋŋ.

1 Timoti 2:7

Ŋɩɩ nɛ tɩɩ Wɩa lɩɩsɛmɛ dɩ mɩ ŋaa ʋ nanzɔɔ a wuo heele bʋl wɩaa deemba a pɩ nɩalɩŋ sɩ bɩ Juu tɩŋŋaa ŋaa, aŋ pɛ dagɛba dɩ ba laa wɩalɩŋ dii a jɩŋ wʋtɩtɩɩ. Wʋtɩtɩɩ nɛ mɩɩ bʋl, mɩ bɩ wɩaa nyɩa.

2 Timoti 1:11

Yesu wʋzɔmɔ-la wɩaa nɛ tɩɩ Wɩa lɩɩsɛmɛ dɩ mɩ ŋaa ʋ nanzɔɔ, a leŋ mɩ bʋl wɩaa deemba a pɩpɩ nɩaa a dɩdagɛba.

Jɔɔŋ Wʋnaalaa 3:18

Ŋɩɩ wɩaa mɩ bʋlaa pɩma dɩ ma yɔɔ sɛlɩmɛ-la ba sɩ chɛsɛ mɩ teeŋ, a ma wuo kɛŋ kɩaa, a yɔɔ gɛrɩ-pʋllʋŋ ma a laala tɔ ma yarɩ-biree, dɩ hɩɩsɩŋ sí ma kɛŋ. Má yɔɔ nʋʋŋ ma a hɛ ma sɩaa a wuo nɩna.