Ɛfɛsɩs Nɩaa 3:21 - WƖA TENIŊ

²¹ Má leŋ dɩ la nɩalɩŋ kala sɩ laa Yesu wɩaa dii aa hilimi to Kirisito Yesu lɛ, a leŋ dɩ ʋ yɩrɩŋ yɩrɛ a lɩɩ lɛɛlɛ a kaa mʋ wuu. Amɩɩ.

Ɛfɛsɩs Nɩaa 3:21 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 29:11

La TƖƖNA, ŋ nɛ yʋga kɩɩ kʋŋkala, a kɛŋ doluŋ, arɩ tʋla arɩ yɩrɩŋ. Ŋ nɛ tɩɩ kʋŋkala sɩ hɛ tinteeŋ arɩ wɩa-nyuŋ, La TƖƖNA, ŋ nɛ kuoro. Ŋ nɛ kɩɩ kʋŋkala.

WƖA YƖƖLAA 115:1

La-na bɩ maga dɩ nʋʋ dɛnnɛla. Ŋ-na La Tɩɩna, ŋ dʋndʋŋa nɛ maga dɩ ba dɛnnɛ, a tɩŋ ŋ chono-la sɩ bɩ dɛrɛ arɩ ŋ wʋtɩtɩɩ wɩaa.

WƖA YƖƖLAA 72:19

Má dɛnnɛ ʋ yɩrɩ-balɩŋ a kaa mʋ wuu, a leŋ dɩ ʋ tʋla su dʋnɩa kala. Amɩɩ, Amɩɩ.

AZAAYA 42:12

Ma nɩalɩŋ sɩ hɛ tinteye-la lɩɩŋ sɩ gollo chu lɛ, má bɛsɛ La TƖƖNA tʋla lɛ, a dɛnnʋ.

AZAAYA 6:3

Ba yɩrɛ dɔŋɔ a bʋla pɩ dɔŋɔ: “La TƖƖNA doluŋ kala Tɩɩna bɩ disiniŋ kɛnɛ, ʋ bɩ disiŋ kala kɛnɛ, ʋ bɩ disiniŋ kɛnɛ, dʋnɩa kala nɛ suo arɩ ʋ tʋla.”

Matiu 6:13

Sɩ́ leŋe dɩ wɩɩkala kɛnla hɛ wʋbɔmʋŋ lɛ, ama lɩɩsɛla wʋbɔŋŋɔɔ lɛ [bɛɛ wɩaa kuorii-la arɩ doluŋ arɩ yɩrɩ-la ŋaa ŋ kɩaa nɛ, lɛɛlɛ a kaa mʋ deeŋ deeŋ. Amɩɩ].’

Luuk 2:14

“Má leŋ dɩ la dɛnnɛ Wɩa sɩ hɛ Wɩa-jaŋ lɛ. Nɩalɩŋ nyuŋ Wɩa tʋɔŋ sɩ tɔrɔ tinteeŋ lɛ jaŋ na fɩɛlɩŋ.”

Rom Tɩŋŋaa 11:36

Bɛɛ wɩaa Wɩa nɛ ŋaa kʋŋkala. Ʋ doluŋ lɛ nɛ kʋŋkala ma hɛ nɩmɛ. Ʋ nɛ tɩɩ kʋŋkala. Má leŋ dɩ Wɩa yɩrɩŋ yɩrɛ a kaa mʋ wuu. Amɩɩ.

Rom Tɩŋŋaa 16:27

Má leŋ la to Yesu Kirisito lɛ a dɛnnɛ Wɩa wuu. Ʋ dʋndʋŋa nɛ kɛŋ wʋjɩmɩŋ. Amɩɩ.

Galiisia Nɩaa 1:5

Wɩa yɩrɩŋ jaŋ yɩrɛ lɛɛlɛ a kaa mʋ wuu. Amɩɩ.

Ɛfɛsɩs Nɩaa 1:6

Ʋ ŋaa ŋɩɩ dɩ la wuo dɛnnʋ, a leŋ dɩ ʋ yɩrɩŋ yɩrɛ, a tɩŋ ʋ sɩ fá la nenige. Ʋ Bii-choolii-la ʋ sɩ joŋo pɩla lɛ nɛ ʋ to a pɛ la lɛ.

Ɛfɛsɩs Nɩaa 2:7

Wɩa ŋaa ŋɩɩ, dɩ ʋ wuo dagɛla ʋ lahɔrɩmɔ sɩ bɩ magɩa kɛnɛ nɛ, arɩ ŋɩɩ ʋ sɩɩ fá nɩaa nenige a kaa mʋ maachie kala. Ʋ to Kirisito lɛ a dagɛ ʋ zile sɩ yʋga ŋɩɩ la lɛ.

Ɛfɛsɩs Nɩaa 4:1

Ba kɛŋ mɩ-na Pɔɔl tɔ dɩa a tɩŋ La Tɩɩna Yesu wɩaa nɛ. Ma nɩalɩŋ Wɩa sɩ yɩra, mɩɩ sʋlma dɩ ma leŋ dɩ ma wʋŋaalaa joŋ wombiiŋ arɩ Wɩa sɩɩ chɛ ŋɩɩ.

Fɩlɩpa Nɩaa 1:11

Ŋɩɩ jaŋ leŋ dɩ ma to Yesu Kirisito lɛ a wasa ŋaa tʋɔpʋl wɩaa dɩ nɩaa na a dɛnnɛ Wɩa dɩ ʋ yɩrɩŋ yɩrɛ.

Fɩlɩpa Nɩaa 2:11

Nʋʋkala jaŋ suri ʋ niiŋ a bʋl arɩ Yesu Kirisito nɛ ŋaa ʋ Tɩɩna, dɩ la Nyɩmma Wɩa yɩrɩŋ yɩrɛ.

Fɩlɩpa Nɩaa 4:20

La Nyɩmma Wɩa yɩrɩŋ jaŋ yɩrɛ bʋa na-kala lɛ a kaa mʋ wuu. Amɩɩ.

2 Timoti 4:18

Wɩa jaŋ lɩɩsɛmɛ wʋbɔŋŋɔɔ kala lɛ. Ʋ jaŋ bemmi woruŋ a kɛmmɛ joiiŋ kaa mʋ hɛ ʋ kuorii-la tʋɔŋ Wɩa-jaŋ lɛ. Wɩa yɩrɩŋ jaŋ yɩrɛ bʋa na-kala lɛ, a kaa mʋ wuu. Amɩɩ.

Hiburu TƖŊŊAA 13:21

Mɩɩ sʋlʋ dɩ ʋ to Yesu Kirisito lɛ a pɩma kʋzɔŋ-na kala dɩ ma wuo kaa ŋɩŋaa wɩalɩŋ kala sɩɩ tɔrɛ ʋ tʋɔŋ. Má leŋ dɩ Kirisito yɩrɩŋ yɩrɛ a kaa mʋ wuu. Amɩɩ.

1 Pɩɩta 2:5

Ma ma nagɛ tabɩɩ-la sɩ kɛŋ mɩɩsɩŋ nɛ. Ŋɩɩ wɩaa, má leŋ dɩ Wɩa kɛmma saa ʋ dɩa, a leŋ dɩ ma ŋaa nɩa sɩ́ bɩ disiniŋ kɛnɛ a laa nɩaa nyuŋ a tɩma pʋpʋ, a nagɛ Wɩɩsʋllɩ sɩpaalaaraa. Wɩa chɛ dɩ ma to Yesu Kirisito lɛ nɛ a ŋaa Wɩɩsʋlɩɩ-la sɩ maga a pʋ.

1 Pɩɩta 5:11

Wɩa nɛ kɛŋ doluŋ a kaa mʋ wuu. Amɩɩ.

2 Pɩɩta 3:18

Má leŋ dɩ ma wʋjɩmɩŋ pʋŋa pɛ La Tɩɩna Yesu Kirisito wɩaa, Nɩɩ-la sɩ ŋaa la Laataara. Dɩ ma nɛ ŋaa ŋɩɩ, ʋ jaŋ pɛ ma lɛ. Ʋ yɩrɩŋ nɛ nɩaa jaŋ yɩrɛ lɛɛlɛ a kaa mʋ wuu. Amɩɩ.

Juud 1:25

Ʋ dʋndʋŋa nɛ ŋaa Wɩa, ʋ nɛ to La Tɩɩna Yesu Kirisito lɛ a laala ta. Má dɛnnʋ a leŋ dɩ ʋ yɩrɩŋ yɩrɛ, ʋ nɛ kɛŋ doluŋ a tɩɩ kʋŋkala aa bemba ma, a lɩɩ dɩ-suomuŋ kʋkɔ lɛɛlɛ a kaa mʋ deeŋ deeŋ. Amɩɩ.