Ɛfɛsɩs Nɩaa 3:20 - WƖA TENIŊ

²⁰ Ʋ dol-la ʋ sɩ kaa tɩtɩŋ la lɛ, mɩɩ sʋlʋ dɩ ʋ leŋ dɩ dol-la faasa tɩtɩŋ la tʋɔŋ lɛ. Ʋ nɛ jaŋ wuo ŋaa wɩaa yʋga kɩɩ wɩalɩŋ kala la sɩ sʋlʋ chɩchɛ arɩ wɩalɩŋ kala la sɩɩ bɩɩnʋ.

Ɛfɛsɩs Nɩaa 3:20 ပူးပေါင်းရင်းမြစ်များ

WƖAA DƖ-SUOMUŊ 17:1

Abɩram sɩ ŋaa jɩsɩŋ mahɩŋ banɛsɛ arɩ fii arɩ nibi, La TƖƖNA kɛŋ ʋ tɩtɩa kʋ dagʋ a bʋla pʋ, “Mɩ nɛ ŋaa Wɩa doluŋ kala Tɩɩna, kɛŋ tʋɔpʋla mɩ teeŋ.

WƖAA DƖ-SUOMUŊ 18:4

Má leŋ dɩ mɩ kɛŋ lɩɩŋ mʋa kɔ dɩ ma sɔŋ ma naasɩŋ aŋ wiesi tɩa deeŋ bʋbʋɔŋ.

2 SAMƲƐL 7:19

La TƖƖNA Wɩɩjarɩbakɔ, a nagɛ dɩ bumbuŋ wɩɩ-la paala bɩ yʋgɛ, ŋ bɩra wasa dagɛ ŋɩɩ mɩ-na ŋ tɩntɩnna dɩa maachie sɩ jaŋ nagɛ. La TƖƖNA Wɩɩjarɩbakɔ, mɩ jɩma ŋɩɩ dee ŋ vɛnɛ ŋaa wɩaa pɩpɩ nɩaa.

1 KUOROO 3:13

Mɩ ha jaŋ bɩra pɩŋ kɩalɩŋ ma ŋ sɩ bɩ sʋla. Mɩ jaŋ leŋ dɩ ŋ kɛŋ kɩaa, a leŋ dɩ nɩaa ziziliŋ. Ŋ mɩɩsɩŋ kala lɛ, kuoru kala jaŋ tuo a magɩŋ.

2 IZIRAL TƖŊŊAA NAABARƖŊ 25:9

Ŋɩɩ nɛ Amazɩa pɩɛsɛ Wɩa wʋlaabʋllʋ-la, “Aŋ ka warɩpʋla-la mɩ sɩ joŋo tiŋ Iziral laalɩyuoro-la?” Wɩa wʋlaabʋllʋ-la bʋl, “La TƖƖNA jaŋ wuo pɩŋ a kɩɩ ŋɩɩ.”

2 IZIRAL TƖŊŊAA NAABARƖŊ 9:12

Ŋɩɩ nɛ kuoro Solomoŋ pɩ Sɩɩba kuoro kɩalɩŋ kala ʋ sɩ pɩɛsaa chɛ. Kɩalɩŋ Solomoŋ sɩ joŋo pʋ nɛ kɩɩ kɩalɩŋ ʋ sɩ kaa kʋ pɩ Solomoŋ. Ŋɩɩ nɛ ʋ dɩ ʋ nɩaa mɩɩra mʋ ba tinteeŋ.

MOSIS KƐŊ IZIRAL TƖŊŊAA LƖƖ 34:6

Ŋɩɩ nɛ ʋ to Mosis sɩpaaŋ bal aŋ bʋl, “Mɩ nɛ ma TƖƖNA, mɩ nɛ ma TƖƖNA, mɩ nɛ ŋaa Wɩa-la sɩɩ fá nɩaa nenige. Mɩ nɛ ŋaa Wɩa-la nɩaa sɩ jaŋ wuo jʋʋ mɩ lahɔrɩmɔ, mɩ baanɩŋ bɩ lɩma lɩma ka sii, a cho nɩaa kɩŋkɛŋ a kɛŋ wʋtɩtɩɩ,

SOLOMOŊ YƖƖL-SƖMƖŊ 5:1

Mɩ dɩhaala, mɩ ha-falɩŋ, mɩ kʋ jʋʋ mɩ lɩga nɛ. Mɩ kɛŋ mɩ tɩɩ-kel-la sʋɔra sɩ sɩma baa yɩrɛ mɛɛ arɩ mɩ tegisiŋ hɛ dɔŋɔ nɛ. Mɩ dii mɩ tʋʋ-nʋʋŋ arɩ ʋ tʋʋ-jaga kala nɛ. Mɩ nyʋa mɩ girep nɛnɛɛ sɩnɩŋ arɩ mɩ nayɩlɩŋ ma kala nɛ. La nɩchooloo, má dagɛ ma chonuŋ, a magɛ ŋɩɩ kala ma sɩɩ chɛ, a nagɛ nɩa sɩ dii kɩaa a nyʋa kɩaa vɔgɛ.

AZAAYA 35:2

Tɩɩfɩɩla-la jaŋ pɔsɛ dɩ ʋ ŋɩŋaa goŋ arɩ tʋɔtɔrʋŋ. Ba jaŋ joŋ Lɛbanɔŋ tʋla-la a pʋ. Ʋ zɔmʋŋ jaŋ nagɛ peel-la ba sɩɩ yɩrɛ Kamɛl a bɩra nagɛ Sarɔŋ fuonaaŋ. Ba jaŋ na La TƖƖNA Wɩa tʋla arɩ ʋ zɔmʋŋ kala.

AZAAYA 55:7

Nɩbɔŋŋɔɔ, má leŋ wʋbɔmɔ-la ma sɩɩ ŋaa, aŋ bɩrɩmɛ ma tʋɔbɩɩnaa. Má mɩɩra kɔ ma TƖƖNA Wɩa teeŋ, ʋ jaŋ fá ma nenige aŋ joŋ ma wʋbɔŋŋɔɔ chɛma lɩma.

JƐRƖMAAYA 32:17

“La TƖƖNA Wɩɩjarɩbakɔ, ŋ dol-balɩŋ arɩ ŋ naduo-la nɛ ŋ kaa ŋaa wɩa-nyuŋ arɩ tinteeŋ. Wɩɩkala tuo a dolie pɩŋ.

JƐRƖMAAYA 32:27

“Mɩ nɛ ma TƖƖNA, nuhuobiinee kala Wɩa. Wɩɩ nɛ hɛ nɩmɛ a dolie pɩmɛɛ?

DANƖƐL 3:17

Kuoro, dɩ ba nɛ jonla yuo hɛ nyiŋ-balɩŋ tʋɔŋ, Wɩa-la la sɩɩ to jaŋ laala ta ʋ lɛ, a laala ta ŋ nɩsɩŋ ma lɛ.

DANƖƐL 6:20

Ʋ sɩ kʋ kpagɛ naachigee dɩ-jʋʋlɩɩ-la, ʋ chele yɩrɛ, “Danɩɛl, Wɩa sɩ weye tɩntɩnnʋ, ŋ Wɩa-la ŋ sɩɩ chʋɔlʋ bʋa na-kala wuo laaŋ ta nɛ naachigee deemba niiŋ lɛɛ?”

Matiu 3:9

aŋ sɩ́ bɩɩna bʋl Abɩraham sɩ ŋaa ma naabalɩma ŋɩɩ, Wɩa bɩ jaŋ dɔgɩsɛma. Mɩ jaŋ bʋla pɩma arɩ Wɩa paala jaŋ wuo ŋaa dɩ tabɩaa deemba ma sɩ na bɩrɩmɛ Abɩraham doho nɩaa.

Jɔɔŋ 10:10

Gaara-na yie kɔ dɩ ʋ gaa nɛ, a kpʋ, a chei kɩaa, ama mɩ-na kɔ dɩ nɩaa wuo kɛŋ mɩɩsɩŋ, dɩ ba tʋɔŋ tʋtɔrɛ woruŋ bʋa na-kala lɛ.”

Rom Tɩŋŋaa 16:25

Má leŋ dɩ la dɛnnɛ Wɩa. Ʋ nɛ leŋe ma chɩŋ ma wʋtɩtɩɩ lɛ a tɩŋ Wɩa wʋzɔmɔ-la mɩ sɩ bʋla pɩma a tɩgɛ Yesu Kirisito lɛ. Wɩa fa joŋ wɩalɩŋ faa nɛ faafaa kala,

Rom Tɩŋŋaa 4:21

Ʋ paala chaasa laa Wɩa dii nɛ woruŋ arɩ Wɩa kɛŋ doluŋ dɩ ʋ ŋaa wɩɩ-la ʋ sɩ sɩ ʋ jaŋ ŋaa.

1 Kɔrɩntɩ Nɩaa 2:9

Ba ŋmʋnsɛ Wɩa teniŋ tʋɔŋ a bʋl, “Kʋ-la nuhuobiine ha sɩ bɩ na, kʋ-la wɩaa ʋ ha sɩ bɩ nɩa, arɩ kʋ-la wɩaa ha sɩ bɩ nuhuobiine tʋɔbɩɩnaa jʋa, kɩalɩŋ tɩtɩa nɛ Wɩa wasa bil nɩalɩŋ sɩ chou lɛ.”

2 Kɔrɩntɩ Nɩaa 9:8

Wɩa kɛŋ doluŋ, ʋ jaŋ wuo pɩma kʋŋkala ma sɩɩ chɛ. Ʋ jaŋ paala faasa pɩma kʋŋkala ma sɩɩ chɛ dɩ ma kaa wasɛ ma tɩtɩa aŋ ka, a kɛŋ kʋkaanaa ma pɛ ma dɔnsʋŋ tɩŋŋaa lɛ.

Ɛfɛsɩs Nɩaa 1:19

Mɩ bɩraa sʋlʋ dɩ ʋ wuo leŋ dɩ ma jɩŋ ŋɩɩ ʋ dol-bal-la sɩ bɩ magɩa kɛnɛ nɩalɩŋ sɩ laa ʋ wɩaa dii teeŋ. Ʋ yie to ʋ dol-bal-la lɛ nɛ a tɩŋ ʋ tɩntɩŋŋaa.

Ɛfɛsɩs Nɩaa 3:7

Wɩa leŋe mɩ ŋaa ʋ tɩntɩnnʋ nɛ, dɩ mɩ bʋl Yesu wʋzɔmɔ-la a pɩ nɩaa. Ʋ lahɔrɩmɔ lɛ nɛ ʋ dii zile mɩ lɛ a joŋ ʋ doluŋ pɩmɛ mɩ kaa tɩtɩŋ.

Koloosi Nɩaa 1:29

Ŋɩɩ wɩaa mɩ faasa hɛ mɩ doluŋ kala nɛ a tɩtɩŋ, arɩ Wɩa sɩ joŋ ʋ dol-bal-la pɩmɛ dɩ mɩ kaa tɩtɩŋ ŋɩɩ.

1 Timoti 1:14

Aŋ ka La Tɩɩna Wɩa ha pɛ mɩ lɛ kɩŋkɛŋ kɩŋkɛŋ a leŋ mɩ laa Kirisito Yesu dii, aŋ cho nɩaa ma.

Hiburu TƖŊŊAA 11:19

Abɩraham fa jɩma arɩ Wɩa jaŋ wuo chɩsɛ ʋ bie sʋʋŋ lɛ. Ŋɩɩ nɛ Wɩa ma sɛnɛ joŋ Aɩzɩk pɩ Abɩraham a nagɛ ʋ sʋba nɛ ka ʋ chɩsʋ sʋʋŋ lɛ.

Hiburu TƖŊŊAA 7:25

Ŋɩɩ wɩaa, ʋ jaŋ wuo laa nɩalɩŋ sɩ to ʋ lɛ a kɔ Wɩa teeŋ ta. Ʋ jaŋ wuo laaba ta, bɛɛ wɩaa ʋ jaŋ hɛ nɩmɛ bʋa na-kala a sʋl Wɩa pɩpɩba.

Jeems 4:12

Wɩa dʋndʋŋa nɛ kɛŋ doluŋ dɩ ʋ bil wɩaa pɩ nɩaa dɩ ba tuto. Ʋ dʋndʋŋa ma nɛ jaŋ wuo dii nɩaa sarɩya. Ʋ nɛ jaŋ wuo laaba ta, ʋ nɛ jaŋ bɩra wuo joŋ cheeriŋ pɩba a ŋaa dɩ ba sʋʋ. Kʋbɛɛ nɛ ka ma ma, dɩ ma dii ma dɔnsʋŋ tɩŋŋaa sarɩya?

2 Pɩɩta 1:11

Dɩ ma chɩŋ wɩalɩŋ lɛ woruŋ, ma jaŋ na wombiiŋ a jʋʋ La Tɩɩna arɩ la Laataara Yesu Kirisito kuorii-la sɩ jaŋ hɛ nɩmɛ deeŋ deeŋ tʋɔŋ.

Juud 1:24

Má leŋ la zizil Wɩa. Ʋ nɛ kɛŋ doluŋ, ʋ jaŋ wuo pɛ ma lɛ dɩ ma sɩ́ wʋbɔŋŋɔɔ ŋaa, a pɛ ma lɛ dɩ ma sɩ́ wʋcheeli kala kɛŋ ʋ sɩpaaŋ, a kɛŋ tʋɔtɔrʋŋ woruŋ.