Ɛfɛsɩs Nɩaa 3:19 - WƖA TENIŊ

¹⁹ Ama nʋʋkala bɩ jaŋ wuo jɩŋ Kirisito chono-la sɩ magɛ ŋɩɩ. Ʋ nɛ kɩɩ wɩalɩŋ kala la sɩ wuo jɩŋ. Mɩɩ sʋl Wɩa dɩ ʋ leŋ dɩ ma nagɛ ŋɩɩ Wɩa sɩ naga.

Ɛfɛsɩs Nɩaa 3:19 ပူးပေါင်းရင်းမြစ်များ

WƖA YƖƖLAA 17:15

Ama mɩ-na jaŋ naŋ, bɛɛ wɩaa mɩ ŋaa tʋɔpʋl tɩɩna nɛ. Dɩ mɩ nɛ sie, mɩ yie na ŋɩɩ ŋ sɩ naga nɛ, mɩ tʋɔŋ tɔrɛ.

WƖA YƖƖLAA 43:4

Ŋɩɩ lɛ nɛ mɩ jaŋ mʋ ŋ-na Wɩa koru-la leriŋ a dɛnnɩŋ. Ŋ nɛ leŋe mɩ tʋɔŋ tɔrɛ mɩ jʋjʋɔsɛ. Ŋ nɛ mɩ Wɩa mɩ jaŋ du cheŋ a dɛnnɩŋ.

Matiu 5:6

Wɩa jaŋ pɛ nɩalɩŋ sɩ faasa chɩchɛ tʋɔpʋla a nagɛ losuŋ koo lɩɩnyʋasʋŋ sɩ kɛŋ nɩaa ba chɩchɛ kʋdiilee koo lɩɩŋ ŋɩɩ. Wɩa jaŋ leŋ dɩ ba kɛŋ tʋɔpʋla.

Jɔɔŋ 1:16

Kʋ-la kala ʋ sɩ kɛnɛ, la ma na kpaalɩŋ ʋ tʋɔŋ nɛ. Ʋ yie fá la nenige aa pɛ la lɛ bʋa na-kala.

Jɔɔŋ 17:3

Nɩalɩŋ sɩ jɩma arɩ ŋ nɛ sɛnɛ ŋaa Wɩɩ-tɩtɩɩ, Wɩa dɔŋ bɩra tuo, aŋ pɛ jɩŋ mɩ-na Yesu Kirisito, Nɩɩ-la ma ŋ sɩ tɩma, ba nɛ kɛŋ mɩɩsɩ-la sɩ bɩ dɛrɛ.

Rom Tɩŋŋaa 8:35

Kirisito sɩ chola ŋɩɩ, bɛɛ kʋŋ nɛ jaŋ bɩra ŋaa dɩ Kirisito sɩ́ la cho? Wahala koo wʋjʋʋlaa, koo dɩ ba to naasɩŋ dʋdɔgɩsɛla, koo dɩ losuŋ kpʋla, koo dɩ la bɩ gɛnnɩŋ kɛnɛ dɩ la laalɛ, koo dɩ wʋbɔŋ nɛ gbɛrɛla, koo dɩ la nɛ jaŋ sʋʋ? Wɩaa deemba kʋŋkala bɩ jaŋ wuo ŋaa dɩ Kirisito bɩra sɩ́ la cho.

2 Kɔrɩntɩ Nɩaa 5:14

Kirisito chola nɛ, ʋ chono-la nɛ kɛnla kaa tɩtɩŋ. La saa sɛyɛ arɩ nʋʋkala wɩaa nɛ nɩbala sʋʋ, a tɩŋ ŋɩɩ wɩaa ʋ nagɛ nʋʋkala sʋba nɛ.

Galiisia Nɩaa 2:20

Mɩ dɩ Kirisito kala nɛ ba kpaasa mɛrɛ daagɛsɛ nyuŋ. Mɩɩsɩ-la mɩ sɩ kɛnɛ, ʋ bɩ mɩ teeŋ lɩa, ʋ lɩɩ Kirisito teeŋ nɛ. Mɩ sɩ laa Wɩa Bie wɩaa dii nɛ tɩɩ mɩ wuo kɛŋ mɩɩsɩŋ deeŋ mɩ sɩ kɛnɛ dʋnɩa deeŋ lɛ. Wɩa Bie Yesu nɛ chomi, a joŋ ʋ mɩɩsɩŋ a yɔɔ sʋʋŋ mɩ wɩaa.

Ɛfɛsɩs Nɩaa 1:23

Nɩalɩŋ sɩ laa Yesu wɩaa dii aa hilimi nɛ ŋaa Yesu yaraa. Nɩalɩŋ nɛ leŋe Kirisito ŋaa nɩ-piliŋ, ʋ ma leŋ kʋŋkala ŋaa kʋpiliŋ wɩɩkala lɛ.

Ɛfɛsɩs Nɩaa 3:18

Mɩ bɩraa sʋlʋ dɩ ʋ pɩma doluŋ, dɩ ma dɩ ʋ nɩaa kala wuo jɩŋ ŋɩɩ Kirisito sɩ faasa choma kɩŋkɛŋ kɩŋkɛŋ.

Ɛfɛsɩs Nɩaa 5:2

Má cho dɔŋɔ arɩ Kirisito sɩ chola ŋɩɩ a sʋʋ la wɩaa. Ʋ joŋ ʋ tɩtɩa a pɩ Wɩa nɛ, ba kpʋʋ arɩ ba sɩ yie kpʋ pʋsʋŋ a nyɩga pɩ Wɩa ŋɩɩ, ʋ sʋɔra sɩŋ.

Ɛfɛsɩs Nɩaa 5:25

Baalaa, má cho ma haalaa, arɩ Kirisito sɩ cho nɩalɩŋ sɩ laa Wɩa wɩaa dii aa hilimi ŋɩɩ, ʋ sʋʋ ba wɩaa,

Fɩlɩpa Nɩaa 1:7

Mɩɩ bɩɩnɛ ma wɩaa nɛ woruŋ. Ʋ ŋaa wombii nɛ dɩ mɩ ŋaa ŋɩɩ, bɛɛ wɩaa ma kala pɛ mɩ lɛ nɛ la tɩŋ tɩntɩmɩɩ-la Wɩa sɩ joŋo pɩmɛ. Ma pɛ mɩ lɛ nɛ bumbuŋ-la mɩ fa sɩɩ bʋl Wɩa wɩaa, arɩ lɛɛlɛ ma kala ba sɩ kɛmmɛ tɔ dɩa a tɩŋ Wɩa wʋzɔmɔ-la wɩaa. Bʋa deeŋ lɛ la kala dii dansɩa a mʋ tɩgɛ Wɩa wʋzɔmɔ-la lɛ arɩ ba ŋaa wʋtɩtɩɩ nɛ, a leŋ nɩaa laa dii a chɩŋ ba lɛ kpaŋ kpaŋ.

Fɩlɩpa Nɩaa 4:7

Dɩ ma nɩɩ ŋaa ŋ-la, Wɩa jaŋ pɩma ʋ fɩɛl-la sɩ kɩɩ nuhuobiine jɩmɩŋ. Fɩɛl-la jaŋ leŋ dɩ ma tʋɔŋ arɩ ma tʋɔbɩɩnaa kala pɩŋ dɩ-bala, Yesu Kirisito doluŋ lɛ.

Koloosi Nɩaa 1:10

Ʋ jaŋ leŋ dɩ ma wʋŋaalaa kala chɩŋ Wɩa wombiiŋ lɛ, dɩ ʋ tʋɔŋ tɔrɛ ma nyuŋ a leŋ dɩ ma tɩŋ tɩntɩŋ-zɔŋŋɔɔ, tɩntɩŋ-dosunuŋ kala lɛ, dɩ ʋ kɛŋ doho, dɩ ma kʋ jɩŋ Wɩa woruŋ a waa pɛ.

1 Pɩɩta 1:8

Arɩ ma ha sɩ bɩ Yesu Kirisito na ma kala, ma ha chou nɛ. Ma ha sɩ bɩ ʋ na lɛɛlɛ ma, ma laa ʋ wɩaa dii nɛ. Ma tʋɔŋ tɔrɛ nɛ woruŋ, ma paala bɩ jaŋ wuo dagɛ ŋɩɩ ma tʋɔŋ sɩ tɔrɛ magɛ.

2 Pɩɩta 3:18

Má leŋ dɩ ma wʋjɩmɩŋ pʋŋa pɛ La Tɩɩna Yesu Kirisito wɩaa, Nɩɩ-la sɩ ŋaa la Laataara. Dɩ ma nɛ ŋaa ŋɩɩ, ʋ jaŋ pɛ ma lɛ. Ʋ yɩrɩŋ nɛ nɩaa jaŋ yɩrɛ lɛɛlɛ a kaa mʋ wuu. Amɩɩ.