Ɛfɛsɩs Nɩaa 3:16 - WƖA TENIŊ

¹⁶ Ʋ sɩ kɛŋ yɩrɩŋ kɩŋkɛŋ ŋɩɩ, mɩɩ sʋlʋ dɩ ʋ leŋ dɩ ʋ Dɩŋ-zɔmʋŋ pɩma doluŋ ma tʋɔŋ lɛ.

Ɛfɛsɩs Nɩaa 3:16 ပူးပေါင်းရင်းမြစ်များ

JOB 23:6

Wɩa fa jaŋ kɛŋ ʋ dol-bal-la dɔgɩsɛmɛɛ? Aɩ, ʋ fa jaŋ fɩɛlɛ ʋ sɩaa a jegile nɩɩ mɩ teeŋ.

WƖA YƖƖLAA 138:3

Mɩ sɩ sʋlʋŋ dɩ ŋ pɛ mɩ lɛ, ŋ laa mɩ sʋla nɛ, a leŋ mɩ nyuŋ nyaasɛ, mɩ yaraa polli.

WƖA YƖƖLAA 28:8

La Tɩɩna, ŋ nɛ pɩ ŋ nɩaa doluŋ. Ŋ nɛ ŋaa kuoru-la ŋ sɩ lɩɩsa dɩɩ-duoŋ a laaʋ ta.

AZAAYA 41:10

Má sɩ́ fawʋllʋŋ fá, mɩ hɛ ma teeŋ nɛ. Má sɩ́ leŋe dɩ ma tʋɔŋ vʋgʋmɛ, mɩ nɛ ma Wɩa. Mɩ jaŋ pɛ ma lɛ a pɩma doluŋ, mɩ jaŋ pɔma a laama ta.

JƐRƖMAAYA 31:33

La TƖƖNA bɩra sɩ, “Bʋa-la lɛ nii-la mɩ sɩ jaŋ bil mɩ dɩ Iziral tɩŋŋaa pɛgɛ nɛ ŋ-la: Mɩ jaŋ joŋ wombii-la mɩ sɩ bile dɩ ba tuto wɩaa hɛ ba nyuŋ lɛ, aŋ ŋmʋnsʋ a hɛ ba tʋɔŋ ma lɛ. Mɩ jaŋ ŋaa ba Wɩa, dɩ ba ma ŋaa mɩ nɩaa.

ZƐKARƖYA 10:12

Mɩ-na ma TƖƖNA jaŋ leŋ dɩ ba kɛŋ doluŋ, a vɩvɛŋ mɩ yɩrɩŋ lɛ. Mɩ-na ma TƖƖNA nɛ bʋla.”

Matiu 6:13

Sɩ́ leŋe dɩ wɩɩkala kɛnla hɛ wʋbɔmʋŋ lɛ, ama lɩɩsɛla wʋbɔŋŋɔɔ lɛ [bɛɛ wɩaa kuorii-la arɩ doluŋ arɩ yɩrɩ-la ŋaa ŋ kɩaa nɛ, lɛɛlɛ a kaa mʋ deeŋ deeŋ. Amɩɩ].’

Rom Tɩŋŋaa 2:29

Ama nɩɩ-la sɩ ŋaa Juu-tɩtɩɩ, ʋ tʋɔŋ wʋŋaalaa lɛ nɛ tɩɩ ʋ ŋaa Juu tɩɩna. Nɩɩ-la sɩ kɛŋ tʋɔpʋla, ʋ nɛ nɩɩ-la sɩ keri ʋ peniŋ. Wɩa Dɩŋ-zɔmʋŋ nɛ jaŋ wuo ŋaa ŋɩɩ pɩŋ, ŋ sɩ keri ŋ yaraa nammɩa ta dee. Wɩa nɛ jaŋ bɛsɛ ʋ tɩɩna lɛ, nuhuobiiŋ dee bɩ jaŋ bɛsɛ ʋ lɛ.

Rom Tɩŋŋaa 7:22

Mɩ cho wɩalɩŋ Wɩa sɩ daga nɛ mɩ tʋɔŋ lɛ, a cho dɩ mɩɩ ŋaaba.

Rom Tɩŋŋaa 9:23

Ʋ ŋaa ŋɩɩ dɩ ʋ kɛŋ ʋ tʋla-la sɩ yʋga a dagɛ nɩalɩŋ nenige ʋ sɩ fá nɛ, nɩalɩŋ ʋ sɩ laa sɩpaaŋ lɩɩsɛ dɩ ba na ʋ tʋla-la.

1 Kɔrɩntɩ Nɩaa 16:13

Má pɔ, a chɩŋ wɩalɩŋ ma sɩ laa dii lɛ kpaŋ kpaŋ. Má kɛŋ bɔɩ-duoŋ a kɛŋ doluŋ Wɩa teeŋ.

2 Kɔrɩntɩ Nɩaa 12:9

Ŋɩɩ nɛ Wɩa bʋla pɩmɛ, “Mɩ zile yʋga kɩŋkɛŋ ŋ teeŋ, dɩ ŋ nɛ bɩ doluŋ kɛnɛ ŋɩɩ nɛ mɩ doluŋ yie faasa tɩŋ ŋ lɛ.” Ŋɩɩ wɩaa mɩ tʋɔŋ tɔrɔ nɛ, mɩ jaŋ bigisi mɩ tɩtɩa lɛ a tɩŋ mɩ sɩ bɩ doluŋ kɛnɛ wɩaa, dɩ Kirisito dol-la wuo hɛ mɩ lɛ a tɩtɩŋ.

2 Kɔrɩntɩ Nɩaa 4:16

A tɩŋ wɩɩŋ deeŋ wɩaa la nandaasɩŋ bɩ yʋɔrɛ. Yara-la la sɩ kɛnɛ la mɩɩsɩŋ deeŋ lɛ, ʋʋ hɩɛsɛ nɛ, ama la dɩnsɩŋ-na wasa zʋzɔŋ nɛ tapʋlɩɩ kala.

Ɛfɛsɩs Nɩaa 1:18

Wɩa sɩ yɩrɛma dɩ ma wuo jʋʋ ʋ kuorii-la tʋɔŋ ŋɩɩ, mɩɩ sʋlʋ dɩ ʋ wuo suri ma tʋɔŋ dɩ ma wuo jɩŋ kʋ-la ma sɩɩ yɩɛlʋ nagɩsɩŋ, a bɩra jɩŋ kɩalɩŋ ma dɩ Wɩa nɩaa kala sɩ jaŋ dii zɔmʋŋ.

Ɛfɛsɩs Nɩaa 1:7

La sɩ mɛrɛ Kirisito lɛ ŋɩɩ, ʋ joŋ ʋ chalɩŋ jaasɛ la wɩaa a tiŋ la wʋbɔŋŋɔɔ chɩmɩŋ, dɩ Wɩa joŋ la wʋbɔŋŋɔɔ chɛla. Wɩa zile yʋga nɛ kɩŋkɛŋ la teeŋ,

Ɛfɛsɩs Nɩaa 2:7

Wɩa ŋaa ŋɩɩ, dɩ ʋ wuo dagɛla ʋ lahɔrɩmɔ sɩ bɩ magɩa kɛnɛ nɛ, arɩ ŋɩɩ ʋ sɩɩ fá nɩaa nenige a kaa mʋ maachie kala. Ʋ to Kirisito lɛ a dagɛ ʋ zile sɩ yʋga ŋɩɩ la lɛ.

Ɛfɛsɩs Nɩaa 3:15

Ʋ nɛ hɛ doho kala yɩrɩŋ, kɩalɩŋ kala sɩ hɛ Wɩa-jaŋ arɩ kɩalɩŋ kala sɩ hɛ tinteeŋ lɛ.

Ɛfɛsɩs Nɩaa 3:8

Wɩa nɩaa kala tʋɔŋ, mɩ nɛ ŋaa ba kʋbie, aŋ ka ʋ lɩɩsɛmɛ ʋ lahɔrɩmɔ lɛ dɩ mɩ bʋl ʋ wʋzɔmɔ-la wɩaa a pɩ nɩalɩŋ sɩ bɩ Juu tɩŋŋaa ŋaa, dɩ ba jɩŋ Kirisito dʋa-la sɩ bɩ dɩdɛrɩ kɛnɛ wɩaa,

Ɛfɛsɩs Nɩaa 6:10

Wɩɩ-la mɩ sɩɩ chɛ mɩ bʋl, ʋ wʋkaanɩŋ nɛ ŋ-la: Má leŋ dɩ La Tɩɩna dol-bal-la hɛ ma lɛ dɩ ma kɛŋ doluŋ woruŋ.

Fɩlɩpa Nɩaa 4:13

Mɩ jaŋ wuo kɛŋ mɩ tɩtɩa woruŋ wɩɩkala lɛ, a tɩŋ dol-la Kirisito sɩ pɩmɛ wɩaa.

Fɩlɩpa Nɩaa 4:19

Wɩa-la mɩ sɩ tɩmaa pa kɛŋ kʋŋkala nɛ, ʋ jaŋ to Yesu Kirisito lɛ a pɩma kʋŋkala ma sɩɩ chɛ a yʋgɛ.

Koloosi Nɩaa 1:11

Wɩa jaŋ pɩma ʋ dol-bal-la, dɩ ma wuo kɛŋ pɩɩna arɩ kenyiri, a kɛŋ tʋɔtɔrʋŋ

Koloosi Nɩaa 1:27

Ba nɛ Wɩa lɩɩsɛ dɩ ba jɩŋ wɩalɩŋ sɩ zɔmɔ ŋɩɩ kɩŋkɛŋ, ka ʋ fa joŋo faa. Lɛɛlɛ ʋ dagɛ ba sɩ magɛ ŋɩɩ nɛ a pɩ nɩalɩŋ sɩ bɩ Juu tɩŋŋaa ŋaa. Wɩalɩŋ nɛ daga arɩ Kirisito hɛ ma tʋɔŋ lɛ nɛ. Ŋɩɩ wɩaa, má yɩyɩɛlɛ dɩ ma kpaa ʋ yɩrɩ-bal-la nɛ.

Koloosi Nɩaa 2:2

Mɩɩ chɛ dɩ ba kɛŋ bɔɩ-duoŋ a kɛŋ nii-bala a cho dɔŋɔ, a wuo jɩŋ wɩaa sɩaa woruŋ a mʋ dɛrɛ, a jɩŋ wɩɩ-la Wɩa sɩ joŋo faa bʋbʋɔŋ, wɩɩ-la nɛ ŋaa Kirisito.

2 Timoti 4:17

Ama Wɩa chɩŋ mɩ harɩŋ nɛ a pɩmɛ doluŋ mɩ wuo bʋl Wɩa niiŋ wɩalɩŋ kala. Mɩ bʋl wɩalɩŋ a pɩ nɩalɩŋ sɩ bɩ Juu tɩŋŋaa ŋaa nɛ. Wɩa lɩɩsɛmɛ nɛ nɩbɔŋŋɔɔ nɩsɩŋ lɛ.

Hiburu TƖŊŊAA 11:34

Nyiniŋ ma bɩ ba dɔnsʋŋ wuo dii. Wɩa lɩɩsɛba nɩbɔŋŋɔɔ nɩsɩŋ lɛ dɩ ba sɩ́ ba kpʋ. Ba fa bɩ doluŋ kɛnɛ, ama Wɩa nɛ pɩba doluŋ ba wuo ŋaa wɩaa. Ba kʋ ŋaa bɔɩ-duoŋ tɩŋŋaa a yuo laalɩŋ a dii. Ba yuo a dii tinteyee dɔnsʋŋ, ba laalɩyuoroo fá lɛl.

1 Pɩɩta 3:4

Ama má leŋ dɩ ma zɔmʋŋ lɩɩ ma tʋɔŋ nɛ. Má leŋ dɩ ma sɩaa fɩɛlɛ, a kɛŋ ma tɩtɩa muuri. Zɔmʋŋ deeŋ doho-na bɩ lɛl. Ʋ nɛ bɩra kɛŋ nyʋʋrʋŋ ma Wɩa teeŋ.