Ɛfɛsɩs Nɩaa 3:14 - WƖA TENIŊ

¹⁴ Dɩ mɩ nɛ bɩɩnɛ wɩalɩŋ Wɩa sɩ ŋaa pɩla, mɩ yie tuu kpirimi la Nyɩmma Wɩa sɩpaaŋ nɛ.

Ɛfɛsɩs Nɩaa 3:14 ပူးပေါင်းရင်းမြစ်များ

1 KUOROO 19:18

Mɩ jaŋ lɩɩsɛ nɩaa bʋɩ balɩpɛ sɩ hɛ Iziral lɛ a bɩ Baal kpaara koo a digu, dɩ ba kɛŋ mɩɩsɩŋ.”

1 KUOROO 8:54

Solomoŋ sɩ kpirimi La TƖƖNA koru-la sɩpaaŋ aŋ kɛŋ ʋ nɩsaa je wɩa-nyuŋ a chʋɔlɛ Wɩa dɛrɛ, ʋ sii chɩŋ,

2 IZIRAL TƖŊŊAA NAABARƖŊ 6:13

Ʋ fa kɛŋ kɔlɩɩŋ ŋaa kʋ-taala nɛ, ʋ duomuŋ ŋaa naakieliŋ bʋlɩa arɩ kpaa magɛ dɔŋɔ, ʋ jalɩŋ ma ŋaa naakieliŋ bʋlɩa arɩ kpaa magɛ dɔŋɔ, ka ʋ leŋiŋ ŋaa naakieli-bala arɩ kpaa magɛ dɔŋɔ, ʋ joŋo bil Wɩa dɩɩ-bal-la harɩŋ kaala-la tʋtʋɔbaanɩŋ. Ŋɩɩ nɛ ʋ jɩl kʋ-la nyuŋ a tuu kpirimi Iziral tɩŋŋaa kala sɩpaaŋ, a kɛŋ ʋ nɩsaa je wɩa-nyuŋ.

ƐZƖRA 9:5

Dɩdaanɩŋ Wɩɩsʋlʋŋ bʋa-la lɛ, mɩ sii lee-la mɩ fa sɩ hɔnɔ arɩ tʋɔ-cheeŋ, aŋ ha laalɛ gɛnnɩ-la mɩ sɩ kaa kɩɛsɛ. Ŋɩɩ nɛ mɩ tuu kpirimi mɩ naadʋsʋŋ nyuŋ a kɛŋ nɩsaa je mɩ Tɩɩna Wɩa teeŋ,

WƖA YƖƖLAA 95:6

Má kɔ dɩ la kpirimi a chʋɔlɛ La Tɩɩna. Má leŋ dɩ la kpirimi ʋ sɩpaaŋ, ʋ nɛ ŋaala.

AZAAYA 45:23

Mɩ tɛŋɛ kala nɛ mɩ kaa hɛ niiŋ deeŋ, ʋ bɩ jaŋ ta. Nʋʋkala jaŋ kpirimi mɩ sɩpaaŋ a chʋɔlɛmɛ.

DANƖƐL 6:10

Danɩɛl sɩ nɩa dɩ ba tɔ boŋ-la nɛ a ŋmʋnsa bil nʋʋkala jɩŋ, ʋ mɩɩra mʋ dɩa a jɩl ʋ lusuŋ nyuŋ dɩa, lee-la tokoroba sɩ suroo chaasɛ Jerusalɛm dɩɩrɩŋ. Nɩmɛ nɛ ʋ yie kpirime chʋɔlɛ Wɩa naansɩɩŋ butori tapʋlɩɩ kala, a lɔllʋ arɩ ʋ fa sɩ vɛnɛɛ ŋaa ŋɩɩ.

Luuk 22:41

Ʋ sɩ bʋl ŋɩɩ dɛrɛ, ʋ kieli ʋ harɩ-tooro-la a mʋ sɩpaaŋ mʋapɩlɩɩ, a tuu kpirimi a chʋɔlɛ Wɩa bʋl,

Tɩntɩŋŋaa 20:36

Pɔɔl sɩ bʋl wɩaa dɛrɛ, ʋ dɩ ba kala tuu kpirimi ʋ chʋɔlɛ Wɩa a pɩba kala.

Tɩntɩŋŋaa 21:5

La sɩ hɔŋ nɩmɛ tapʋlaa balɩpɛ ŋɩɩ, la bɩra lɩɩ nɩmɛ a joŋ la wombiiŋ. Baalaa arɩ ba haalaa arɩ ba biiriŋ kɛnla kaa lɩɩ taŋ-la tʋɔŋ. La kala tuu kpirimi lɩɩŋ niiŋ a chʋɔlɛ Wɩa.

Tɩntɩŋŋaa 7:60

Ʋ tuu kpirimi a faasa ŋmoo niiŋ a bʋl, “Mɩ Tɩɩna Yesu, mɩɩ sʋlʋŋ, sɩ́ wʋbɔmʋŋ deeŋ ba sɩ ŋaa chɩmɩŋ joŋo tiŋ ba lɛ.” Ʋ fa bʋl ŋɩɩ nɛ aŋ sʋʋ.

Tɩntɩŋŋaa 9:40

Pɩɩta ŋaa ba kala lɩɩ dɩa-la tʋɔŋ. Ba sɩ lɩa, ʋ tuu kpirimi a chʋɔlɛ Wɩa. Ŋɩɩ nɛ aŋ bɩrɩmɛ sʋʋ-la teeŋ a bʋl, “Tabɩta, sii.” Ʋ suri ʋ sɩaa. Ʋ sɩ na Pɩɩta, ʋ sii hɔŋ.

Ɛfɛsɩs Nɩaa 1:3

Má leŋ dɩ la dɛnnɛ Wɩa. Ʋ nɛ ŋaa La Tɩɩna Yesu Kirisito Nyɩmma. La dɩ Kirisito sɩ ŋaa kʋbala nɛ tɩɩ ʋ pɛ la lɛ a joŋ wʋzɔŋ na-kala sɩ lɩɩ ʋ teeŋ a pɩla.

Ɛfɛsɩs Nɩaa 3:15

Ʋ nɛ hɛ doho kala yɩrɩŋ, kɩalɩŋ kala sɩ hɛ Wɩa-jaŋ arɩ kɩalɩŋ kala sɩ hɛ tinteeŋ lɛ.

Fɩlɩpa Nɩaa 2:10

Ŋɩɩ wɩaa, Yesu yɩrɩŋ lɛ, kɩalɩŋ kala sɩ hɛ Wɩa-jaŋ arɩ kɩalɩŋ sɩ hɛ tinteeŋ arɩ lɛlɛɛ-jaŋ, ba kala jaŋ tuu kpirimi ʋ sɩpaaŋ a chʋɔlʋ.