Ɛfɛsɩs Nɩaa 3:13 - WƖA TENIŊ

¹³ Mɩ saa sʋlma dɩ má sɩ́ leŋe dɩ ma tʋɔŋ chei a tɩŋ mɩ sɩɩ na hɛɛŋ ŋɩɩ wɩaa. Mɩ sɩɩ na hɛɛ-la jaŋ leŋ dɩ ma laa yɩrɩŋ.

Ɛfɛsɩs Nɩaa 3:13 ပူးပေါင်းရင်းမြစ်များ

ZEFANAAYA 3:16

Tapʋlɩɩ-la ba jaŋ bʋla pɩ Jerusalɛm tɩŋŋaa, “Má sɩ́ fawʋllʋŋ fá, Zaayɔŋ nɩaa, má sɩ́ leŋe dɩ ma nandaasɩŋ yʋɔrɛ.

Tɩntɩŋŋaa 14:22

Leree deemba kala lɛ ba yie bʋl wɩaa pɩ nɩalɩŋ sɩ laa Yesu wɩaa dii, dɩ ba wasa kɛŋ wʋtɩtɩɩ a bʋl wɩaa nyaasɛ ba nyuŋ dɩ ba chɩŋ ŋɩɩ ba sɩ laa Wɩa dii lɛ. Ba bʋla pɩba, “La nɩalɩŋ sɩ laa Yesu wɩalɩŋ dii, jaŋ na hɛɛŋ kɩŋkɛŋ, aŋ-na jʋʋ Wɩa kuorii-la tʋɔŋ.”

2 Kɔrɩntɩ Nɩaa 1:6

Dɩ la nɩɩ na hɛɛŋ, ma pɛnɩŋ arɩ ma laatanɩŋ wɩaa nɛ. Dɩ la nɛ na pɛnɩŋ, ma ma jaŋ na pɛnɛ-la doho tɩtɩa, dɩ ma nɛ wuo kɛŋ kenyiri a na hɛɛ-la doho la sɩɩ na.

2 Kɔrɩntɩ Nɩaa 4:1

Wɩa nɛ fá la nenige a joŋ tɩntɩmɩŋ deeŋ pɩla dɩ la tɩtɩŋ, ŋɩɩ wɩaa la nandaasɩŋ bɩ yʋɔrɛ.

Galiisia Nɩaa 6:9

Ŋɩɩ wɩaa, má sɩ́ leŋe dɩ la lɔl wʋzɔŋŋɔɔ ŋaanɩŋ lɛ. Dɩ la nɛ ŋaa wʋzɔŋŋɔɔ a lɔl aŋ nyalɩmɛ, dɩ bʋa-la nɛ yie, Wɩa jaŋ tinla.

Ɛfɛsɩs Nɩaa 3:1

Ba kɛŋ mɩ-na Pɔɔl tɔ dɩa a tɩŋ Kirisito Yesu wɩaa nɛ. Mɩ bɩra hɛ sarɩka lɛ a tɩŋ ma ma nɩalɩŋ sɩ bɩ Juu tɩŋŋaa ŋaa wɩaa nɛ. Ŋɩɩ wɩaa nɛ tɩɩ mɩ yie sʋl Wɩa pɩpɩma.

MOSIS BƖRA WULLI WƖA WOMBIIŊ 20:3

Ʋ jaŋ bʋl, “Iziral tɩmma, má jegile nɩɩ, jɩnɩŋ maa mʋ laalɩŋ nɛ dɩ ma yuo ma dʋndɔŋŋɔɔ. Má sɩ́ ba fá, má sɩ́ leŋe dɩ ma bɔyɛ joŋ, má sɩ́ leŋe dɩ ma nandaasɩŋ yʋɔrɛ, má sɩ́ chel ba sɩpaaŋ.

Fɩlɩpa Nɩaa 2:18

Ŋɩɩ wɩaa, má ma leŋ dɩ ma tʋɔŋ tɔrɛ dɩ la kala jʋjʋɔsɛ.

Koloosi Nɩaa 1:24

Lɛɛlɛ mɩ tʋɔŋ tɔrɔ hɛɛ-la mɩ sɩ na a pɩma lɛ. Hɛɛ-la mɩ sɩ na ma wɩaa nɛ leŋe Kirisito sɩ na hɛɛ-la nɩalɩŋ sɩ laa ʋ wɩaa dii aa hilimi dɛrɛ. Nɩalɩŋ nɛ ŋaa ʋ yaraa.

2 Tɛsalonaaka Nɩaa 3:13

Ama la naambiiriŋ, má sɩ́ lɔl wʋzɔŋŋɔɔ ŋaanɩŋ lɛ.