Ɛfɛsɩs Nɩaa 2:5 - WƖA TENIŊ

⁵ a leŋ la dɩ Kirisito kala kɛŋ mɩɩsɩŋ. La wʋbɔŋŋɔɔ fa leŋe la sʋʋ nɛ. Wɩa lahɔrɩmɔ lɛ nɛ ʋ laama ta.

Ɛfɛsɩs Nɩaa 2:5 ပူးပေါင်းရင်းမြစ်များ

Luuk 15:24

Ʋ naga mɩ bie deeŋ fa sʋba nɛ aŋ lɛɛlɛ sii. Ʋ fa lɛlɛ nɛ, ka la lɛɛlɛ naʋ.’ Ŋɩɩ nɛ ba dii kɩaa arɩ tʋɔtɔrʋŋ.

Jɔɔŋ 5:21

Mɩ Nyɩmma sɩ chɩsɛ nɩalɩŋ sɩ sʋba ba bɩra kɛŋ mɩɩsɩŋ ŋɩɩ, ŋɩɩ tɩtɩa nɛ mɩ ma ʋ Bie joŋ mɩɩsɩŋ a pɩpɩ nɩalɩŋ mɩ sɩ cho.

Jɔɔŋ 6:63

Wɩa Dɩŋ-zɔmʋŋ nɩɩ pɩla mɩɩsɩŋ. Nuhuobiine yaraa doluŋ-na ŋaa pɛɩ nɛ, ʋ bɩ mɩɩsɩ-la sɩ bɩ dɛrɛ wuo pa. Wɩa Dɩŋ-zɔmʋŋ wɩaa nɛ mɩ bʋla pɩma. Ba jaŋ pɩma mɩɩsɩŋ.

Tɩntɩŋŋaa 15:11

La laa dii arɩ La Tɩɩna Yesu dʋndʋŋa lahɔrɩmɔ lɛ Wɩa jaŋ laa la kala ta arɩ ʋ sɩ laaba ta ŋɩɩ.”

Rom Tɩŋŋaa 16:20

Dɩ ma nɩɩ ŋaa ŋɩɩ, Wɩa sɩ pɩ nɩaa fɩɛlɩŋ, bɩ jaŋ dieni, aŋ kɛŋ Sɩtaanɩ nyaga bil ma naasɩŋ bʋbʋɔŋ dɩ ma nʋɔsɛ. La Tɩɩna Yesu Kirisito jaŋ fá ma nenige a pɛ ma lɛ.

Rom Tɩŋŋaa 3:24

Ama Wɩa lahɔrɩmɔ lɛ nɛ ʋ to Yesu Kirisito lɛ a laaba ta ba kɛŋ tʋɔpʋla ʋ sɩpaaŋ. Ʋ ŋaa ŋɩɩ chɔgɩta nɛ.

Rom Tɩŋŋaa 4:16

Ŋɩɩ wɩaa, nii-la Wɩa sɩ hɛ, nɩalɩŋ sɩ laa Wɩa dii nɛ jaŋ naʋ. Ʋ ŋaa zile kʋŋ nɛ a pɩ Abɩraham doho nɩaa kala. Ʋ bɩ naga arɩ ʋ joŋo pɩ nɩalɩŋ sɩɩ to wɩalɩŋ Mosis sɩ bile dʋndʋŋa nɛ, ama ba dɩ nɩalɩŋ kala sɩ laa Wɩa dii a nagɛ Abɩraham fa sɩ laa Wɩa dii ŋɩɩ, ba kala nɛ ʋ joŋo pa nɩalɩŋ sɩ keri ba penee arɩ nɩalɩŋ sɩ bɩ ba penee kere kala, bɛɛ wɩaa Abɩraham nɛ ŋaa la kala nyɩmma Wɩa sɩpaaŋ.

Rom Tɩŋŋaa 5:10

La dɩ Wɩa faa yuo dɔŋɔ nɛ. Ama ʋ leŋe la ŋaa sɩma nɛ a tɩŋ ʋ Bie sɩ sʋba wɩaa. La dɩ ʋ sɩ ŋaa sɩma ŋɩɩ, ʋ jaŋ to Kirisito mɩɩsɩŋ lɛ a laala ta.

Rom Tɩŋŋaa 5:6

Bʋa-la lɛ la fa sɩ bɩ doluŋ kɛnɛ dɩ la wuo pɛ la tɩtɩa lɛ, Kirisito laa la wʋbɔŋ ŋaaraa nyuŋ sʋʋ nɛ.

Rom Tɩŋŋaa 5:8

Ama ŋɩɩ Wɩa sɩ daga arɩ ʋ chola nɛ ŋ-la: Bʋa-la lɛ la ha sɩ ŋaa wʋbɔŋ ŋaaraa nɛ Kirisito sʋʋ la wɩaa.

Rom Tɩŋŋaa 8:2

La dɩ Yesu Kirisito sɩ ŋaa kʋbala ŋɩɩ, ʋ Dɩŋ-zɔmʋŋ joŋ mɩɩsɩŋ pɩla nɛ. Ʋ laala ta nɛ wʋbɔŋŋɔɔ arɩ sʋʋŋ nɩsɩŋ lɛ.

2 Kɔrɩntɩ Nɩaa 13:14

Laa sʋl La Tɩɩna Yesu Kirisito dɩ ʋ leŋ dɩ ma jʋʋ ʋ lahɔrɩmɔ, dɩ la Nyɩmma Wɩa ma choma, ka dɩ Wɩa Dɩŋ-zɔmʋŋ ma leŋ dɩ ma ŋaa kʋbala. Amɩɩ.

Ɛfɛsɩs Nɩaa 2:1

Ma fa naga arɩ ma sʋba nɛ a tɩŋ ma wʋcheelee arɩ ma wʋbɔŋŋɔɔ wɩaa.

Ɛfɛsɩs Nɩaa 2:8

Wɩa lahɔrɩmɔ nɛ tɩɩ ʋ laama ta, a tɩŋ ma sɩ laa ʋ wɩaa dii. Ʋ bɩ naga ma tɩtɩa doluŋ lɛ nɛ tɩɩ Wɩa laama ta, ʋ ŋaa ŋɩɩ pɩma chɔgɩta nɛ.

Ɛfɛsɩs Nɩaa 5:14

Ŋɩɩ wɩaa nɛ tɩɩ ba bʋl, “Ma nɩalɩŋ sɩ pɩŋ doŋ a nagɛ ma sʋba, má sii doŋ lɛ. Kirisito jaŋ chaana hɛ ma lɛ.”

Koloosi Nɩaa 2:13

Faafaa-la ma fa naga ma sʋba nɛ Wɩa teeŋ a tɩŋ ma sɩɩ ŋaa wʋbɔŋŋɔɔ wɩaa a bɩ ma penee ma kere. Ama Wɩa sɩ chɩsɛ Yesu sʋʋŋ lɛ, ŋɩɩ leŋe ma ma kɛŋ mɩɩsɩŋ nɛ. Ʋ joŋ la wʋbɔŋŋɔɔ kala a chɛla nɛ.

Taatɩs 2:11

Wɩa dagɛ ʋ zile pɩla nɛ, a kɔ dɩ ʋ laa nʋʋkala ta.

Taatɩs 3:5

a laala ta. Ʋ bɩ naga arɩ la sɩ ŋaa tʋɔpʋl tɩmma nɛ tɩɩ ʋ laala ta. Ama ʋ sɩɩ fá nɩaa nenige nɛ tɩɩ ʋ laala ta. Ʋ laala ta nɛ, bɛɛ wɩaa ba fola Wɩɩchʋɔlɛ lɩɩŋ nɛ Wɩa Dɩŋ-zɔmʋŋ doluŋ lɛ. Ŋɩɩ dagɛ arɩ Wɩa bɩra wasa lʋlla nɛ, la kɛŋ mɩɩ-falɩŋ ʋ teeŋ.

Jɔɔŋ Wʋnaalaa 22:21

La Tɩɩna Yesu lahɔrɩmɔ lɛ, Wɩa nɩaa kala jaŋ hɔŋ arɩ yarɩfɩɛlaa. Amɩɩ.