Ɛfɛsɩs Nɩaa 2:3 - WƖA TENIŊ

³ La ma kala fa nagɛ ba nɛ a tuto la tʋɔtɔrɛ wʋŋaalaa harɩŋ a ŋɩŋaa wʋlɔrʋnʋŋ, a bɩbɩɩnɛ wʋbɔŋŋɔɔ. La fa sɩɩ ŋaa wɩaa deemba, Wɩa fa na baanɩŋ nɛ la nyuŋ, arɩ ʋ fa sɩ na baanɩŋ nɩalɩŋ nyuŋ ŋɩɩ.

Ɛfɛsɩs Nɩaa 2:3 ပူးပေါင်းရင်းမြစ်များ

WƖAA DƖ-SUOMUŊ 5:3

Adam sɩ hɛ nɩmɛ a yi jɩsɩŋ zɔlɔ arɩ mara arɩ fii, ʋ bɩra lʋl hambolibie, ʋ nagʋ woruŋ. Ʋ hɛ ʋ yɩrɩŋ Sɛf.

WƖAA DƖ-SUOMUŊ 6:5

La TƖƖNA na ŋɩɩ nuhuobiine tʋɔŋ sɩ hɛyɛ dʋnɩa tʋɔŋ, ʋ tʋɔbɩɩnaa ma kala lɔrɛ bʋa na-kala.

WƖAA DƖ-SUOMUŊ 8:21

Ŋɩɩ nɛ Wɩa nɩɩ kɩalɩŋ Nowa sɩ nyɩga sʋɔra dɩ ba sɩma. Ʋ tʋɔŋ tɔrɛ, ʋ bʋl ʋ tʋɔŋ lɛ, “Mɩ bɩra bɩ jaŋ tɩŋ nuhuobiine wɩaa a ŋmɩɛsa hɛ tinteeŋ lɛ. Nuhuobiine tʋɔbɩɩnaa kala ŋaa kʋbɔmɔ nɛ a lɩɩ ʋ hambiiriŋ kala lɛ. Mɩ bɩra bɩ jaŋ kɔ dɩ mɩ kpʋ kʋŋkala sɩ weye arɩ mɩ sɩ ŋaa ŋɩɩ bʋa-la lɛ.

JOB 14:4

Kʋbɛɛ nɛ jaŋ wuo lɩɩsɛ kʋŋ sɩ bɩ disiniŋ kɛnɛ kɩaa sɩ kɛŋ disiniŋ lɛ? Nʋʋ tuo.

JOB 25:4

Ɛɛ nɛ saa nuhuobiine jaŋ wuo ŋaa tʋɔpʋl tɩɩna Wɩa sɩpaaŋ? Nʋʋ sɩ pɩŋ haala tʋɔŋ lɩɩ jaŋ wuo ŋaa nɩpʋlaa?

WƖA YƖƖLAA 51:5

Mɩ ŋaa wʋbɔŋ ŋaarʋ nɛ, a chɩŋ bʋa-la lɛ mɩ naaŋ sɩ kɛŋ mɩ luoruŋ a lʋlmɛ a kaa kɔ jɩnɩŋ mɩ ŋaa wʋbɔŋŋɔɔ nɛ.

AZAAYA 53:6

La kala nagɛ piesee sɩ yeŋŋe nɛ, la kʋŋkala joŋ ʋ tɩtɩa wombiiŋ. Hɛɛ-la la kala fa sɩ jaŋ na a tɩŋ la wʋbɔŋŋɔɔ wɩaa, La TƖƖNA mɩɩra joŋo daŋ ʋ lɛ nɛ.

Maak 4:19

ama dʋnɩa kɩaa wɩaa wʋwalɩmɛba, a nyɩsɛba ba cho dɩ ba jige aa chɛ ba kɛŋ kʋŋkala. A tɩŋ kɩaa deemba wɩaa ba bɩ sɛɩ dɩ ba to wɩalɩŋ. Wɩalɩŋ bɩ doho kɛnɛ ba teeŋ.

Jɔɔŋ 1:13

Nɩaa deemba bɩ naga baala sɩ jɩŋ ʋ haala ba lʋl biiriŋ ŋɩɩ nɛ. Wɩa tɩtɩa nɛ ŋaa ba Nyɩmma.

Jɔɔŋ 8:44

Ma nyɩmma nɛ ŋaa Sɩtaanɩ. Ma saa cho dɩ maa ŋaa ʋ tʋɔtɔrɛ wɩaa nɛ. Dʋnɩa dɩ-suomuŋ kala lɛ nɛ ʋ ŋaa nɩkpʋʋrʋ. Ʋ tɩtɩa bɩ wʋtɩtɩɩ kɛnɛ. Ŋɩɩ nɛ tɩɩ ʋ bɩ wʋtɩtɩɩ ka to. Dɩ ʋ nɛ nyɩɛ wɩaa ma, ʋ nagɩsɩŋ nɛ paala ŋɩɩ. Ʋ ŋaa wʋnyɩɛrʋ nɛ, a paala ŋaa wʋnyɩɛraa kala nyɩmma ma.

Tɩntɩŋŋaa 14:16

Bumbuŋ Wɩa leŋe la naabalɩmaba tuto ba tɩtɩa wombiiŋ nɛ.

Rom Tɩŋŋaa 1:24

Ŋɩɩ wɩaa Wɩa jomba ta ba tuto ba tɩtɩa tʋɔbɩɩŋ lɔrʋnʋ-la ba sɩ cho, a ŋɩŋaa wʋlɩɩlɩŋ dɔŋɔ lɛ.

Rom Tɩŋŋaa 11:30

Ama, ma-na nɩalɩŋ sɩ bɩ Juu tɩŋŋaa ŋaa, ma fa vɩa Wɩa niiŋ wɩaa, ama lɛɛlɛ Wɩa fá ma nenige nɛ a tɩŋ Iziral tɩŋŋaa ma sɩ vɩa Wɩa niiŋ wɩaa ŋɩɩ.

Rom Tɩŋŋaa 13:14

Má leŋ dɩ Yesu Kirisito nɛ ŋaa ma laalɩyuori kɩaa, aŋ sɩ́ ma yaraa tʋɔtɔrɛ wʋŋaalaa lɛ to.

Rom Tɩŋŋaa 2:14

Nɩalɩŋ sɩ bɩ Juu tɩŋŋaa ŋaa, ba bɩ wɩalɩŋ Mosis sɩ ŋmʋnsa bil dɩ nɩaa tuto jɩŋ. Ama dɩ ba tʋɔbɩɩnaa nɛ daga dɩ ba ŋaa wɩalɩŋ tɩtɩa Mosis fa sɩ daga dɩ nɩaa tuto, ba bil niiŋ nɛ ŋɩɩ ba tɩtɩa lɛ, arɩ ba sɩ bɩ wɩalɩŋ Mosis sɩ ŋmʋnsa bil dɩ nɩaa tuto jɩŋ kala.

Rom Tɩŋŋaa 5:10

La dɩ Wɩa faa yuo dɔŋɔ nɛ. Ama ʋ leŋe la ŋaa sɩma nɛ a tɩŋ ʋ Bie sɩ sʋba wɩaa. La dɩ ʋ sɩ ŋaa sɩma ŋɩɩ, ʋ jaŋ to Kirisito mɩɩsɩŋ lɛ a laala ta.

Rom Tɩŋŋaa 5:9

Kirisito sɩ sʋʋ ŋɩɩ a leŋ la kɛŋ tʋɔpʋla ʋ teeŋ, ŋɩɩ-na ʋ jaŋ bɩra laala ta tapʋlɩɩ-la Wɩa sɩ jaŋ na baanɩŋ dʋnɩa nɩaa nyuŋ.

Rom Tɩŋŋaa 6:12

Ma saa sɩ́ leŋe dɩ wʋbɔŋŋɔɔ tɩɩ ma yaraa deemba sɩɩ sʋʋ, dɩ ma to ʋ lɛ a ŋɩŋaa ʋ wʋchɛɛlɛɛ.

Rom Tɩŋŋaa 7:18

Mɩ sɩ kɛŋ nuhuobiine yaraa ŋɩɩ, mɩ jɩma arɩ wʋzɔŋŋɔɔ ŋaanɩŋ bɩ mɩ lɛ hɛ. Mɩ fa cho dɩ mɩɩ ŋaa wʋzɔŋŋɔɔ nɛ, a ŋaa lʋlɔl.

Rom Tɩŋŋaa 9:22

Ŋɩɩ tɩtɩa nɛ Wɩa ma jaŋ wuo ŋaa nɩaa lɛ. Ʋ faa chɛ ʋ dagɛ ʋ baanɩŋ nɛ a leŋ dɩ ba jɩŋ ʋ doluŋ. Ama ʋ fa dii kenyiri nɛ nɩalɩŋ sɩ leŋe ʋ baanɩŋ sii nyuŋ, arɩ ʋ fa sɩ maga dɩ ʋ cheiba ma kala.

1 Kɔrɩntɩ Nɩaa 4:7

Kʋbɛɛ nɛ ŋaa ma yʋga kɩɩ ma dɔnsʋŋ? Wɩa dee bɩ kɩalɩŋ ma sɩ kɛnɛ joŋo pɩmaa? Dɩ Wɩa nɛ saa joŋo pɩma, bɛɛ nɛ tɩɩ ma bibigisi ma tɩtɩa lɛ arɩ ʋ dee bɩ joŋo pɩma?

2 Kɔrɩntɩ Nɩaa 7:1

Mɩ naambii-kpɩanaba, Wɩa sɩ folo bʋl dɩ ʋ jaŋ ŋaa wɩaa deemba kala pɩla, má leŋ dɩ la lɩɩsɛ la tɩtɩa disiŋ-na kala lɛ. Dɩ la nɛ bɩ disiŋ kala ŋaa, ŋɩɩ jaŋ dagɛ arɩ wʋtɩtɩɩ, la sɛnɛ ka fá Wɩa nɛ.

Galiisia Nɩaa 3:22

Ama Wɩa teniŋ tʋɔŋ ba bʋla arɩ dʋnɩa nɩaa kala ŋaa wʋbɔŋŋɔɔ yosi nɛ. Wɩa bʋl ŋɩɩ dɩ ʋ wuo joŋ kʋ-la wɩaa ʋ fa sɩ bʋla a pɩ nɩalɩŋ sɩ laa Yesu wɩaa dii nɛ, a tɩŋ ba sɩ laa Wɩa dii.

Ɛfɛsɩs Nɩaa 2:2

Ma faa ŋaa wʋbɔŋŋɔɔ nɛ a ŋɩŋaa dʋnɩa deeŋ tʋɔtɔrɛ wɩaa, a tuto Sɩtaanɩ. Sɩtaanɩ nɛ ŋaa jɩŋ-bɔŋŋɔɔ kala kuoro, ʋ nɩɩ beŋ nɩalɩŋ sɩ bɩ Wɩa niiŋ wɩaa ka to.

Ɛfɛsɩs Nɩaa 4:22

Ŋɩɩ wɩaa, má joŋ ma bumbuŋ mɛlɛ-la ta. Mɛlɛ-la fa nyɩsɛma nɛ a cheima.

Koloosi Nɩaa 1:21

Ma dɩ Wɩa sɩaa fa bɩ dɔŋɔ ka na, a tɩŋ ma wʋbɔmɔ-la ŋaanɩŋ arɩ ma tʋɔbɩɩŋ lɔrʋnʋ-la wɩaa.

1 Tɛsalonaaka Nɩaa 4:13

Mɩ naambiiri, laa chɛ dɩ ma jɩŋ wʋtɩtɩɩ-la a mʋ tɩgɛ nɩalɩŋ sɩ sʋba lɛ, dɩ ma tʋɔŋ sɩ́ faasa chei a nagɛ nɩalɩŋ sɩ bɩ kʋŋkala ka yɩɛlɛ tʋɔŋ sɩ chei ŋɩɩ.

1 Tɛsalonaaka Nɩaa 5:6

Ŋɩɩ wɩaa, ʋ bɩ maga dɩ la pɩŋ doŋ arɩ nɩalɩŋ sɩ bɩ La Tɩɩna gbɛrɛ sɩɩ ŋaa ŋɩɩ. Ama ʋ maga dɩ la wei a kɛŋ la tɩtɩa wɩɩ na-kala lɛ.

1 Timoti 6:9

Ama nɩalɩŋ sɩ cho dɩ ba kɛŋ kɩaa dʋnɩa deeŋ lɛ, Sɩtaanɩ yie nyɩsɛba hɛ bɛrɛ lɛ nɛ, baa ŋaa nɩyaarɩ wɩaa arɩ ba tʋɔtɔrɛ wɩalɩŋ sɩɩ cheiba. Wɩaa deemba nɩɩ chei nɩaa woruŋ.

Taatɩs 3:3

La ma tɩtɩa fa ŋaa nɩyaara nɛ, a fa bɩ Wɩa niiŋ to, wʋbɔŋŋɔɔ fa leŋ la yeŋŋi. La fa to la tʋɔtɔrɛ wʋŋaalaa harɩŋ nɛ a bɩrɩmɛ ba yosi. La fa cho dɩ nɩaa jʋʋ wʋbɔŋŋɔɔ a fa kɛŋ yarɩ-bieriŋ dɔŋɔ lɛ. Nɩaa fa bɛrɛla, la ma fa bɛrɛba.

1 Pɩɩta 1:14

Má tuto Wɩa niiŋ. Bʋa-la lɛ ma fa sɩ bɩ Wɩa jɩŋ, ma faa to ma tʋɔtɔrɛ wʋŋaalaa sɩ bɩ zɔŋ lɛ nɛ. Má bɩra sɩ́ ba to.

2 Pɩɩta 2:14

Bʋa na-kala lɛ dɩ ba nɛ na haal, ba yie chɛʋ nɛ ba tʋɔŋ lɛ. Ba-na bɩ lɔl arɩ wʋbɔŋŋɔɔ ŋaanɩŋ. Ba yie nyɩnyɩsɛ nɩalɩŋ sɩ bɩ Wɩa wɩaa lɛ chɩna kpaŋ kpaŋ dɩ ba ŋaa wʋbɔŋ. Ba ŋaa tʋɔ-luŋ tɩmma nɛ. Wɩa kalɩba hɛ ba lɛ nɛ.

2 Pɩɩta 2:18

Ba yie bʋbʋl babiibal wɩaa sɩ bɩ bʋbʋɔŋ kɛnɛ. Ba yie kɛŋ nii-sɩma a nyɩnyɩsɛ nɩalɩŋ sɩ bumo lɩɩsɛ ba tɩtɩa nɩalɩŋ sɩ bɩ wʋtɩtɩɩ jɩŋ lɛ.

1 Jɔɔŋ 2:16

Kɩalɩŋ kala sɩ hɛ dʋnɩa lɛ, la yaraa wʋchɛɛlɛɛ arɩ la sɩɩŋ wʋchooloo arɩ kɩalɩŋ sɩ ŋaa nɩaa bibigisi ba tɩtɩa lɛ, ba kala bɩ la Nyɩmma Wɩa teeŋ lɩa, ba ŋaa dʋnɩa kɩaa nɛ.

1 Jɔɔŋ 2:8

Ama ʋ saa naga arɩ wʋfalɩɩ nɛ mɩ sɩ ŋmʋnsa pɩpɩma, bɛɛ wɩaa wɩɩŋ deeŋ kʋ ŋaa wʋtɩtɩɩ Kirisito mɩɩsɩŋ lɛ arɩ ma ma mɩɩsɩŋ lɛ. Bʋa deeŋ lɛ birimiŋ ka lɛl nɛ, aŋ ka pʋlʋmʋŋ suomo chɩchaanɛ.