Ɛfɛsɩs Nɩaa 2:20 - WƖA TENIŊ

²⁰ Ma nagɛ tie-biee Wɩa sɩ kaa sɩsaa ʋ dɩa nɛ. Wɩa nanzɔɔba arɩ Wɩa wʋlaabʋllaa nɛ ŋaa dɩa-la gentine. Kirisito Yesu tɩtɩa nɛ ŋaa tie-bii-duo-la ba sɩ kaa bil dɩa-la gentine.

Ɛfɛsɩs Nɩaa 2:20 ပူးပေါင်းရင်းမြစ်များ

1 KUOROO 7:11

Ba bɩra joŋ tabɩɩ-duoruŋ dɔnsʋŋ ba sɩ yɛrɛ ba magɛ dɔŋɔ arɩ kuolu doloo a daŋa pɛ dɩa-la gentine tabɩaa lɛ.

WƖA YƖƖLAA 118:22

Tie-bii-la dɩɩ-saaraa sɩ vɩa ta nɛ kʋ ŋaa tie-bii-duoŋ ba sɩ joŋo bil dɩa gentine.

NAMAGABA 9:1

Wʋjɩmɩŋ saa ʋ dɩa nɛ a hɛ jebii duduosuŋ balɩpɛ.

AZAAYA 28:16

Wɩɩ-la La TƖƖNA Wɩɩjarɩbakɔ sɩ bʋla nɛ ŋ-la, “Má bee na, mɩ joŋ tabɩɩŋ mɩ sɩ magɩsa a jɩŋ ʋ maŋŋaa nɛ a bil Zaayɔŋ lɛ, ʋ ŋaa je-gʋnʋŋ tabɩɩ-zɔŋ nɛ sɩ jaŋ leŋ dɩ Zaayɔŋ gentine chɩŋ kpaŋkpaŋ. Dɩ nʋʋ nɛ laa tabɩɩ-la wɩaa dii, hɩɩsɩŋ bɩ jaŋ dii tɩɩna.

ZƐKARƖYA 10:4

Juda lɛ nɛ je-gʋnʋŋ tiebiiŋ jaŋ lɩɩ, ʋ lɛ nɛ lɛbɩŋ daapɛsɩŋ jaŋ lɩɩ, ʋ lɛ nɛ laalɩŋ toŋ jaŋ lɩɩ, ʋ lɛ nɛ sɩpaalaarʋ kala jaŋ lɩɩ.

Matiu 16:18

Ŋɩɩ wɩaa Pɩɩta, mɩ bʋlaa pɩŋ arɩ ŋ nagɛ bʋŋ nɛ. Bʋŋ-la nyuŋ nɛ mɩ jaŋ saa nɩalɩŋ sɩ laa mɩ wɩaa dii dɩa. Sʋʋŋ ma bɩ jaŋ wuo yigi dɩa-la lo.

Matiu 21:42

Ŋɩɩ nɛ Yesu pɩɛsɛ nɩalɩŋ sɩ nɩɩ namaga-la, “Ma bɩ Wɩa teŋ-la karɩma a mʋ yi lee-la ba sɩ bʋl ŋ-la: ‘Tie-bii-la dɩɩ-saaraa sɩ vɩa, ʋ nɛ mɩɩra kʋ ŋaa tie-bii-duoŋ ba sɩ joŋo bil dɩa gentine. La Tɩɩna Wɩa tɩntɩŋŋaa nɛ ŋɩɩ. Ʋ ŋaala wʋkpuŋkpere nɛ.’ ”

1 Kɔrɩntɩ Nɩaa 12:28

Ŋɩɩ nɛ tɩɩ nɩalɩŋ sɩ laa Yesu wɩaa dii aa hilimi tʋɔŋ, Wɩa joŋ ma kala hɛ leree nɛ, nɩalɩŋ sɩ laa sɩpaaŋ nɛ Wɩa nanzɔɔba, nɩalɩŋ sɩ tɩgɛ ba lɛ nɛ ŋaa Wɩa wʋlaabʋllaa, nɩalɩŋ sɩɩ to nɛ ŋaa nɩalɩŋ sɩɩ dagɛ Wɩa wɩaa, arɩ nɩalɩŋ ma sɩɩ ŋaa wʋmagɩlaa arɩ nɩalɩŋ ma Wɩa Dɩŋ-zɔmʋŋ sɩ joŋ doluŋ pa ba vɩvaarɛ nɩaa, arɩ nɩalɩŋ sɩɩ pɛ nɩaa lɛ, arɩ nɩalɩŋ sɩɩ beŋ nɩaa, arɩ nɩalɩŋ sɩɩ bʋl wɩaa yikoro-la Wɩa Dɩŋ-zɔŋ-la sɩ pɛ ba lɛ ba bʋbʋl.

Galiisia Nɩaa 2:9

Jeems arɩ Pɩɩta arɩ Jɔɔŋ sɩ ŋaa Wɩa nɩaa tʋɔŋ nɩhɩasɩ-la na arɩ wʋtɩtɩɩ, Wɩa nɛ lɩɩsɛmɛ dɩ mɩ tɩŋ tɩntɩŋ-fɩɛmɩŋ deeŋ. Ŋɩɩ nɛ ba kɛŋ mɩ dɩ Banabas hɛ ba tʋɔŋ, la kala kɛŋ nii-bala. Ba bʋla arɩ la dɩ Banabas jaŋ mʋ bʋl Wɩa wʋzɔmɔ-la nɩalɩŋ sɩ bɩ Juu tɩŋŋaa ŋaa teeŋ, ka ba ma bʋl wʋzɔmɔ-la Juu tɩŋŋaa teeŋ.

Ɛfɛsɩs Nɩaa 3:5

Wɩa fa bɩ leŋe nʋʋkala jɩŋ wɩaa deemba, ama lɛɛlɛ ʋ to ʋ Dɩŋ-zɔmʋŋ lɛ nɛ a joŋ wɩalɩŋ dagɛ ʋ nanzɔɔba-la sɩ kɛŋ tʋɔpʋla arɩ ʋ wʋlaabʋllaa.

Koloosi Nɩaa 2:7

Má leŋ dɩ ma naapoloo sʋʋsa jʋʋ-ʋ woruŋ, dɩ ma wuo gʋnnɛ ʋ wɩaa a waa ba lɛ a chɩŋ wɩalɩŋ ma sɩ laa dii lɛ, arɩ ba sɩ dagɛ ma ŋɩɩ. Má faasa lʋlɔllɛ Wɩa woruŋ.

1 Pɩɩta 2:6

Ba ŋmʋnsɛ Wɩa teniŋ tʋɔŋ a bʋl, “Ma bee na, mɩ lɩɩsɛ tabɩɩ-zɔŋ nɛ a joŋo bil Zaayɔŋ lɛ, ʋ ŋaa jegunuŋ tiebiiŋ. Nɩɩ-la kala sɩ laa ʋ wɩaa dii, hɩɩsɩŋ bɩ jaŋ dii ʋ tɩɩna.”

Jɔɔŋ Wʋnaalaa 21:14

Kɛrɛ-la gentine lɛ, ba bil tabɩaa fii arɩ balɩa nɛ. Tabɩa-la lɛ nɛ ba ŋmʋnsɛ Pie-bie-la nanzɔɔba fii arɩ balɩa-la yɩraa hɛ.