Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ɛfɛsɩs Nɩaa 2:2 - WƖA TENIŊ

2 Ma faa ŋaa wʋbɔŋŋɔɔ nɛ a ŋɩŋaa dʋnɩa deeŋ tʋɔtɔrɛ wɩaa, a tuto Sɩtaanɩ. Sɩtaanɩ nɛ ŋaa jɩŋ-bɔŋŋɔɔ kala kuoro, ʋ nɩɩ beŋ nɩalɩŋ sɩ bɩ Wɩa niiŋ wɩaa ka to.

အခန်းကိုကြည့်ပါ။ ကော်ပီ




Ɛfɛsɩs Nɩaa 2:2
64 ပူးပေါင်းရင်းမြစ်များ  

Bʋa-la lɛ ʋ ha sɩɩ bʋl wɩaa, nʋʋ dɔŋ ma bɩra kʋ jʋʋ a bʋl, “Wɩa nyiniŋ lɩɩ wɩa-nyuŋ a kʋ tuu dii piese-la arɩ ŋ tɩntɩnnaa kala, mɩ dʋndʋŋa nɛ wuo foro fá a kɔ dɩ mɩ hɛ duoso pɩŋ.”


dɩ pel-duo guu lɩɩ tintee-hɩlɩŋ dɩɩrɩŋ a kʋ yagɛ dɩa-la gʋnaa banɛsɛ kala lɛ, ʋ tuu tele tɔba, ba kala sʋʋ. Mɩ dʋndʋŋa nɛ wuo lɩɩ a kɔ dɩ mɩ hɛ duoso pɩŋ.”


Ŋɩɩ nɛ La TƖƖNA pɩɛsɛ Sɩtaanɩ, “Nɩɩ nɛ ŋ lɩɩ kɔ daha?” Sɩtaanɩ bʋla pɩ La TƖƖNA, “Mɩ gɔllɔɔ baarɛ dʋnɩa lɛ nɛ.”


Dɩ mɩ nɛ yeŋŋe Wɩa wombiiŋ lɛ, dɩ mɩ nɛ joŋ mɩ tʋɔbɩɩnaa hɛ mɩ sɩaa wʋchooloo lɛ, koo dɩ mɩ nɛ ŋaa wʋbɔŋ dɔŋ,


Laamɛ ta nɩalɩŋ time kala sɩ hɛ dʋnɩa deeŋ nɩsɩŋ lɛ. Joŋ hɛɛ-la ŋ sɩ joŋo bil a gbɛrɛba a dɔgɩsɛba. Leŋ dɩ ʋ yi ba biiriŋ, aŋ ka dɩ mʋa ha ka a gbɛrɛ ba nihee ma.


La TƖƖNA sɩ, “Wɩaa jaŋ jʋʋ nɩalɩŋ sɩɩ beŋ Juda tinteeŋ. Ba vɩa mɩ niiŋ nɛ. Ba yie vʋʋrɛ wɩaa ŋɩŋaa, ka mɩ bɩ ba ŋɩɩ daga. Ba dɩ nɩaa pɛ niiŋ nɛ a ŋaa wɩalɩŋ mɩ sɩ bɩ cho. Ba ŋaa wʋbɔŋŋɔɔ a dɩdaŋ dɔŋɔ lɛ nɛ.


Kʋbɛɛ lɛ nɛ ma sisieri? Ma ŋaa nɩaa sɩ bɩ mɩ niiŋ ka sɛɩ nɛ, aŋ pɛ ŋaa wʋnyɩɛra ma.


Tintee-la kala nɛ suo arɩ hachɔrʋmɔɔ, bɛɛ wɩaa ŋmɩaŋ dii nɩalɩŋ nɛ, tintee-la kala hɩl. Yaŋ-la sɩ hɛ tintee-hɩlɩŋ lɛ kala nɛ hɩla. Wɩa wʋlaabʋlla-la ka to nɩbɔŋ wombiee nɛ, a dɩdagɛ ba doluŋ ŋɩɩ sɩ bɩ maga.


La TƖƖNA sɩ, “Iziral tɩmma, bʋa-la ma sɩ hɛ Gɩbɩa lɛ, ma ŋaa wʋbɔŋŋɔɔ nɛ, aŋ ha ŋɩŋaa wʋbɔŋŋɔɔ. Laalɩŋ fa bɩ kʋ kpʋ wʋbɔŋ ŋaaraa Gɩbɩa lɛɛ?


gʋra-nyilimi, hajaaŋkuŋkuŋ-la sɩ kɛŋ dɩgɩlaa, naliiribommie arɩ kɩl doho na-kala,


Aŋ ka mɩ-na Nuhuobiine Bie kɔ ma teeŋ a didii kɩaa aŋ pɛ nyʋnyʋa sɩnɩŋ ma. Ŋɩɩ nɛ ba bʋl, ‘Baala deeŋ ŋaa luobii tɩɩna nɛ a ŋaa sɩ-nyʋarʋ ma aŋ pɛ kɛŋ lampoo laaraa arɩ wʋbɔŋ ŋaaraa kala kaa dii nandɔnsʋŋ.’ Nɩalɩŋ sɩ sɛɩ wʋjɩmɩɩ-la sɩ lɩɩ Wɩa teeŋ, ba wʋŋaalaa nɛ yie dagɛ arɩ wɩalɩŋ sɛnɛ ŋaa wʋtɩtɩɩba nɛ.”


Kɩalɩŋ sɩ tel sɔsʋŋ tʋɔŋ ma nɛ ŋaa nɩalɩŋ sɩ yie nɩɩ Wɩa niiŋ wɩalɩŋ, ama dʋnɩa wɩaa arɩ dʋnɩa kɩaa wɩaa wʋwalɩmɛba, ba cho dɩ ba jige aa chɛ kʋŋkala. A tɩŋ wɩaa deemba, ba bɩ sɛɩ dɩ ba to wɩalɩŋ. Wɩalɩŋ bɩ doho kɛnɛ ba teeŋ.


Baga-la ma nɛ ŋaa dʋnɩa. Miiri-la ma nɛ ŋaa nɩalɩŋ sɩ jaŋ jʋʋ Wɩa kuorii-la tʋɔŋ. Yaŋ-la ma sɩ nyʋ baga-la lɛ nɛ ŋaa Sɩtaanɩ nɩaa.


ama dʋnɩa kɩaa wɩaa wʋwalɩmɛba, a nyɩsɛba ba cho dɩ ba jige aa chɛ ba kɛŋ kʋŋkala. A tɩŋ kɩaa deemba wɩaa ba bɩ sɛɩ dɩ ba to wɩalɩŋ. Wɩalɩŋ bɩ doho kɛnɛ ba teeŋ.


Ŋɩɩ nɛ kɩaa tɩɩna-la bɛsɛ sɩŋgɩrɩŋ tɩɩna-la lɛ arɩ ʋ ŋaa kukeri nɛ arɩ wʋjɩmɩɩ-la ʋ sɩ kɛnɛ a ŋaa wʋbɔŋ-la.” Ŋɩɩ nɛ Yesu bɩra bʋl, “Bee na nɩalɩŋ sɩ cho dʋnɩa kɩaa kɩŋkɛŋ sɩ kɛŋ wʋjɩmɩŋ ŋɩɩ a pɩpɛ dɔŋɔ lɛ a kɩɩ nɩalɩŋ sɩɩ to Wɩa.”


Ŋɩɩ nɛ Yesu bʋla pɩ Saamɔŋ Pɩɩta, “Saamɔŋ, Saamɔŋ, Sɩtaanɩ laa wombiiŋ nɛ dɩ ʋ magɩsɛ ma kala, dɩ ʋ pɔrɛ nɩzɔŋŋɔɔ nɩbɔŋŋɔɔ lɛ, a nagɛ paara sɩ yie chaarɛ mɩɩ-jɔrʋŋ ta, aŋ ka mɩɩ-biiŋ ŋɩɩ.


Bʋa-la lɛ Wɩa sɩ jaŋ dii dʋnɩa nɩaa sarɩya yie nɛ. Bʋa deeŋ lɛ nɛ ʋ ma jaŋ kiri Sɩtaanɩ ta, dʋnɩa nɩaa kuoro.


Tapʋlɩɩ-la dɩdaanɩŋ Yesu arɩ ʋ harɩ-tooroo hɔŋ dɩ ba dii kʋdiilee. Bʋa deeŋ lɛ dɩ Sɩtaanɩ kʋ jʋʋ Saamɔŋ bie Judas Ɩsɩkarɔt dɩ ʋ joŋ Yesu yallɛ.


Judas sɩ yɩa laa boroboro-la dɛrɛ, Sɩtaanɩ kʋ jʋʋ-ʋ. Ŋɩɩ nɛ Yesu bʋla pʋ, “Wɩɩ-la ŋ sɩɩ chɛ dɩ ŋ ŋaa, ŋaaʋ lɩma lɩma.”


Mɩ bɩ jaŋ wuo bʋl wɩaa ma teeŋ a dieni, bɛɛ wɩaa dʋnɩa kuoro ka kɔ nɛ. Ama ʋ bɩ dol kala kɛnɛ mɩ lɛ.


Dɩ ma nɛ fa ŋaa dʋnɩa nɩaa, dʋnɩa nɩaa fa jaŋ choma woruŋ, arɩ ba sɩ cho dɔŋɔ ŋɩɩ. Ama ma dɩ dʋnɩa nɩaa bɩ kʋbala ŋaa. Mɩ lɩɩsɛma dʋnɩa nɩaa tʋɔŋ nɛ. Ŋɩɩ nɛ tɩɩ ba bɛrɛma.


Wɩa sɩ folo dii dʋnɩa kuoro Sɩtaanɩ sarɩya ŋɩɩ, ba jaŋ jɩŋ arɩ Wɩa jaŋ dii ba ma sarɩya.


Dʋnɩa nɩaa bɩ ma bɛrɛ, ama ba bɛrɛ mɩ-na nɛ, bɛɛ wɩaa mɩ vɛnɛ bʋla pɩpɩba arɩ baa ŋaa wʋbɔŋŋɔɔ nɛ.


Ŋɩɩ nɛ Yesu bɩra bʋla pɩba, “Ma lɩɩ dʋnɩa deeŋ nɛ, ka mɩ ma lɩɩ Wɩa-jaŋ. Ma lɩɩ dʋnɩa nɛ, aŋ ka mɩ ma bɩ dʋnɩa lɩa.


Ma nyɩmma nɛ ŋaa Sɩtaanɩ. Ma saa cho dɩ maa ŋaa ʋ tʋɔtɔrɛ wɩaa nɛ. Dʋnɩa dɩ-suomuŋ kala lɛ nɛ ʋ ŋaa nɩkpʋʋrʋ. Ʋ tɩtɩa bɩ wʋtɩtɩɩ kɛnɛ. Ŋɩɩ nɛ tɩɩ ʋ bɩ wʋtɩtɩɩ ka to. Dɩ ʋ nɛ nyɩɛ wɩaa ma, ʋ nagɩsɩŋ nɛ paala ŋɩɩ. Ʋ ŋaa wʋnyɩɛrʋ nɛ, a paala ŋaa wʋnyɩɛraa kala nyɩmma ma.


Ŋɩɩ nɛ ba taŋ kerichi-hɩaŋ-la kʋ lɩɩ a wuo ŋaa ba kɛŋ goŋ kala, ka ʋ bʋla pɩba, “Ɛfɛsɩs tɩmma, nʋʋkala nɛ jɩma arɩ la taŋ Ɛfɛsɩs nɛ tɩɩ la veŋ-balɩŋ Atɛmɩs arɩ ʋ dɩa kala, a pɛ tabɩɩ-la sɩ́ lɩɩ wɩa-nyuŋ kʋ tuu tel, la kpʋkpaarɛ lɛ.


Pɩɩta pɩɛsʋ, “Ananɩas, bɛɛ nɛ tɩɩ ŋ leŋ Sɩtaanɩ nyɩsɩŋ, ŋ joŋ tintee-la ŋ sɩ yalla moribie-la dɔnsʋŋ faa, aŋ nyɩɛ wɩaa pɩ Wɩa Dɩŋ-zɔmʋŋ?


Má sɩ́ ma nyuŋ joŋo hɛ dʋnɩa wʋŋaalaa lɛ. Ama má leŋ dɩ Wɩa kɛŋ ma tʋɔbɩɩnaa bɩrɩmɛ dɩ ba zɔŋ. Ŋɩɩ lɛ nɛ ma jaŋ wuo jɩŋ wɩɩ-la Wɩa sɩɩ chɛ. Ma jaŋ wuo jɩŋ wɩɩ-la sɩ zɔmɔ aa tɔrɛ Wɩa tʋɔŋ aŋ pɛ zɔŋ ma woruŋ.


Mɩ saa bɩ bʋla arɩ ma sɩ́ dʋnɩa nɩaa sɩɩ ŋaa wʋlɩɩlɩŋ, koo nɩalɩŋ sɩ kɛŋ tʋɔ-luŋuŋ, koo gaaraa, koo vʋɩ-kpaaraa tʋɔŋ guolu. Dɩ ma nɩɩ chɛ dɩ ma sɩ́ ba tʋɔŋ guolu, ŋɩɩ-na ma bɩ jaŋ hɛ dʋnɩa lɛ.


Ma dɔnsʋŋ faa ŋaa wɩaa deemba nɛ. Ama Wɩa fo ma wʋbɔŋŋɔɔ ta nɛ. Wɩa nɛ tɩɩma. A tɩŋ La Tɩɩna Kirisito Yesu wɩaa arɩ Wɩa Dɩŋ-zɔŋ-la doluŋ lɛ, ma ŋaa tʋɔpʋl tɩmma nɛ Wɩa teeŋ.


Nɩaa deemba Sɩtaanɩ nɛ tɔ ba wʋjɩmɩŋ dɩ ba sɩ́ wuo na Wɩa wʋzɔmɔ-la pʋlʋmʋŋ. Wɩa wʋzɔmɔ-la nɩɩ dagɛ Kirisito tʋla, Nɩɩ-la sɩ nagɛ Wɩa.


Yesu Kirisito joŋ ʋ tɩtɩa pa nɛ ba kpʋʋ a tɩŋ la wʋbɔŋŋɔɔ wɩaa, dɩ ʋ lɩɩsɛla wʋbɔmɔ-la sɩ hɛ dʋnɩa deeŋ lɛ lɛɛlɛ. Ʋ to la Nyɩmma Wɩa tʋɔtɔrʋŋ lɛ nɛ a ŋaa ŋɩɩ pɩla.


Ʋ nɛ kɩɩ kɩalɩŋ kala la sɩ bɩ na ka ba kɛŋ doluŋ a bibeŋ leriŋ. Ʋ nɛ kɛŋ yɩrɩŋ a kɩɩ nʋʋ na-kala sɩ kɛŋ yɩrɩŋ dʋnɩa deeŋ lɛ arɩ dʋnɩa-la sɩ jaŋ bɩra kɔ lɛ.


Ma nɩalɩŋ sɩ bɩ Juu tɩŋŋaa ŋaa, má sɩ́ yʋ arɩ Juu tɩmma-la fa sɩ keri ba penee kɛŋ ma nɩalɩŋ sɩ bɩ ma penee keri yɩyɩrɛ peŋ-puru tɩmma nɛ. Ama nuhuobiine nɛ keri ba penee.


Ma dɩ Wɩa pɛgɛ fa bolie nɛ, ama lɛɛlɛ ma dɩ Kirisito sɩ ŋaa kʋbala ŋɩɩ, ʋ joŋ ʋ chalɩŋ jaasɛ ma wɩaa nɛ, a kɛŋ ma dɩ Wɩa kʋ kpagɛ dɔŋɔ.


La ma kala fa nagɛ ba nɛ a tuto la tʋɔtɔrɛ wʋŋaalaa harɩŋ a ŋɩŋaa wʋlɔrʋnʋŋ, a bɩbɩɩnɛ wʋbɔŋŋɔɔ. La fa sɩɩ ŋaa wɩaa deemba, Wɩa fa na baanɩŋ nɛ la nyuŋ, arɩ ʋ fa sɩ na baanɩŋ nɩalɩŋ nyuŋ ŋɩɩ.


La Tɩɩna yɩrɩŋ lɛ mɩɩ chɛ dɩ mɩ bʋl wɩɩ nɛ pɩma arɩ sɩɩfɩɛsɩŋ. Má sɩ́ leŋe dɩ ma wʋŋaalaa nagɛ nɩalɩŋ sɩ bɩ Wɩa jɩŋ. Wɩalɩŋ kala ba sɩɩ bɩɩnʋ ŋaa wʋpɛɩba nɛ.


Ŋɩɩ wɩaa, má joŋ ma bumbuŋ mɛlɛ-la ta. Mɛlɛ-la fa nyɩsɛma nɛ a cheima.


Má sɩ́ leŋe dɩ nʋʋkala kɛŋ wʋnyɩɛrɩŋ a nyɩsɛma. Wɩaa deemba nɛ leŋe Wɩa baanɩŋ sisii nɩalɩŋ sɩ bɩ ʋ niiŋ ka to nyuŋ.


Bʋa kʋbala lɛ ma ma fa hɛ birimiŋ tʋɔŋ nɛ, ama La Tɩɩna Yesu leŋe ma lɛɛlɛ hɛ pʋlʋmʋŋ tʋɔŋ nɛ. Ŋɩɩ wɩaa, má leŋ dɩ ma wʋŋaalaa nagɛ nɩalɩŋ sɩ hɛ pʋlʋmʋŋ tʋɔŋ.


Ama la bɩ naga nɩalɩŋ sɩɩ yuo nuhuobiinee. Laa yuo Sɩtaanɩ arɩ ʋ harɩ-tooroo nɛ, arɩ kʋŋkala sɩ kɛŋ doluŋ nɩalɩŋ sɩ hɛ birimiŋ tʋɔŋ teeŋ. Dʋnɩa deeŋ arɩ dol-bɔmɔ-la kala sɩ hɛ wɩa-nyuŋ, ba nɛ laa yuo.


Ma dɩ Wɩa sɩaa fa bɩ dɔŋɔ ka na, a tɩŋ ma wʋbɔmɔ-la ŋaanɩŋ arɩ ma tʋɔbɩɩŋ lɔrʋnʋ-la wɩaa.


bɛɛ wɩaa Dɩmas vɩamɛ nɛ. Ʋ cho dʋnɩa kɩaa nɛ. Ŋɩɩ nɛ tɩɩ ʋ vɩamɛ ta aŋ mʋ Tɛsalonaaka. Kɩrɛsɩsɛŋ ma mʋ Galiisia, Taatɩs ma mʋ Dalɩmatɩa.


La Nyɩmma Wɩa wombiiŋ tonuŋ ʋ sɩ daga arɩ ʋ ŋaa wombii-tɩtɩɩ nɛ ŋ-la: Má pɩpɛ biisinsiŋ arɩ yo-haala-la sɩɩ na hɛɛŋ lɛ, aŋ lɩɩsɛ ma tɩtɩa dʋnɩa nɩaa wʋŋaalaa sɩ jaŋ leŋ dɩ ma kɛŋ disiniŋ lɛ.


Nɩɩ-la kala sɩ kɛŋ tʋɔbɩɩnaa balɩa a bɩ wʋbala lɛ chɩna wɩɩkala ʋ sɩɩ ŋaa lɛ, ʋ tɩɩna sɩ́ yɩɛlʋ arɩ La Tɩɩna Wɩa jaŋ joŋ kʋŋkala pʋ.


Ma nagɛ haala bɩra sɩ bɩ ʋ bala niiŋ ka to nɛ. Ma bɩ jɩŋ arɩ nɩɩ-la kala sɩ joŋ ʋ nyuŋ kala hɛ dʋnɩa kɩaa lɛ ŋaa Wɩa dʋndɔŋ nɛɛ? Wʋtɩtɩɩ, nɩɩ-la kala sɩ joŋ ʋ nyuŋ hɛ dʋnɩa kɩaa lɛ bɩrɩmɛ Wɩa dʋndɔŋ nɛ.


Má tuto Wɩa niiŋ. Bʋa-la lɛ ma fa sɩ bɩ Wɩa jɩŋ, ma faa to ma tʋɔtɔrɛ wʋŋaalaa sɩ bɩ zɔŋ lɛ nɛ. Má bɩra sɩ́ ba to.


Bumbuŋ-la kala lɛ ma faa ŋaa wɩalɩŋ nɩalɩŋ fa sɩ bɩ Wɩa jɩŋ sɩɩ ŋaa nɛ. Ma faa to ma tʋɔtɔrɛ wʋŋaalaa harɩŋ nɛ aa ŋaa wʋlɩɩlɩŋ, a chɩl ma yaraa wʋchɛɛlɛɛ wɩaa, a fa nyʋa sɩnɩŋ bubugi, a ŋɩŋaa wʋtɔɔnʋŋ, a yie gɔllɔ nyʋnyʋa sɩnɩŋ, a faa kpaarɛ vʋɩyaa ma, wɩalɩŋ Wɩa sɩɩ kɩsʋ.


Bʋa na-kala lɛ dɩ ba nɛ na haal, ba yie chɛʋ nɛ ba tʋɔŋ lɛ. Ba-na bɩ lɔl arɩ wʋbɔŋŋɔɔ ŋaanɩŋ. Ba yie nyɩnyɩsɛ nɩalɩŋ sɩ bɩ Wɩa wɩaa lɛ chɩna kpaŋ kpaŋ dɩ ba ŋaa wʋbɔŋ. Ba ŋaa tʋɔ-luŋ tɩmma nɛ. Wɩa kalɩba hɛ ba lɛ nɛ.


Ŋ-la lɛ nɛ ma jaŋ wuo to jɩŋ Wɩa biiriŋ arɩ Sɩtaanɩ biiriŋ. Nɩɩ-la kala sɩ bɩ wɩaa ŋaa ba bʋa lɛ, koo nɩɩ-la kala sɩ bɩ ʋ dɔŋɔ tɩɩna cho, ʋ tɩɩna bɩ Wɩa bii ŋaa.


Ama nɩɩ-la kala ha sɩɩ ŋaa wʋbɔŋŋɔɔ, ʋ ŋaa Sɩtaanɩ nʋʋ nɛ. Sɩtaanɩ ŋaa wʋbɔŋŋɔɔ bumbuŋ kala nɛ a kaa kɔ arɩ jɩnɩŋ kala. Wɩɩ-la sɩ tɩɩ Wɩa Bie kɔ dʋnɩa nɛ ŋ-la: Ʋ kɔ dɩ ʋ chei Sɩtaanɩ tɩntɩŋŋaa nɛ.


Mɩ biiri, ma nɛ ŋaa nɩalɩŋ Wɩa sɩ tɩɩ. Ma nɛ lɛɛlɛ kɛŋ doluŋ a kɩɩ nɩalɩŋ sɩ nyɩɛ wɩaa arɩ ba ŋaa Wɩa wʋlaabʋlla nɛ, bɛɛ wɩaa Wɩa Dɩŋ-zɔmʋŋ sɩ hɛ ma lɛ nɛ kɛŋ doluŋ a kɩɩ dol-la dʋnɩa nɩaa sɩ kɛnɛ.


La jɩma la ŋaa Wɩa biiriŋ nɛ. Nɩkaana-la-na kala sɩ hɛ dʋnɩa lɛ hɛ Sɩtaanɩ nɩsɩŋ lɛ nɛ.


bɛɛ wɩaa Wɩa bii kala kɛŋ doluŋ nɛ dʋnɩa wɩaa lɛ. La sɩ laa Wɩa dii nɛ pɩla doluŋ deeŋ la yuo dii dʋnɩa wɩaa.


Ŋɩɩ nɛ ba joŋ dɩŋ-la arɩ ʋ harɩ-tooroo a yuo ta ba lɩɩ Wɩa-jaŋ a kʋ tuu tinteeŋ. Dɩŋ-la fa hɛ nɩmɛ faafaa kala nɛ a lɩɩ dʋnɩa dɩ-suomuŋ. Ʋ nɛ baa yɩrɛ Sɩtaanɩ, nɩɩ-la sɩɩ nyɩsɛ dʋnɩa nɩaa ba yeŋŋi.


A tɩŋ wʋmagɩla-la ba sɩ pʋ doluŋ ʋ ŋaa bumbuŋ baga kʋ-la nyuŋ, ʋ nyɩsɛ dʋnɩa nɩaa dɩ ba mɛ kʋŋ sɩ nagɛ bumbuŋ baga kʋ-la, kʋ-la ba sɩ pɩra arɩ tokobiiŋ ka ʋ ha wei.


Nɩɩ-la kala yɩrɩŋ sɩ tuo mɩɩsɩŋ teŋ-la lɛ a lɩɩ dʋnɩa dɩ-suomuŋ, jaŋ dɛnnɛ baga kʋ-la. Pie-bie-la ba sɩ kpʋa nɛ tɩɩ teŋ-la.


Ŋɩɩ nɛ Wɩa tɩndaarɩ-pɛɩ-la joŋ ʋ gbaŋa tʋɔŋ kɩaa bɩsa hɛ peliŋ lɛ. Ŋɩɩ nɛ yikori-bal kʋbala lɩɩ lee-la kuoru kpasa-la sɩ chɩna Wɩa dɩɩ-bal-la tʋɔŋ a bʋl, “Wɩalɩŋ dɛrɛ nɛ.”


Ŋɩɩ nɛ ʋ kɛŋ dɩŋ-la, dɩŋ-la fa sɩ hɛ nɩmɛ bumbuŋ, a vɔbʋ bil jɩsɩŋ bʋɩ. Dɩŋ-la nɛ ŋaa Sɩtaanɩ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ