Ɛfɛsɩs Nɩaa 2:19 - WƖA TENIŊ

¹⁹ Ma saa bɩra bɩ nʋhʋɔraa ŋaa, ma bɩ jʋjʋʋlʋ ma ŋaa. Ma dɩ Wɩa nɩaa kala ŋaa kʋbala nɛ a ŋaa Wɩa dɩa nɩaa.

Ɛfɛsɩs Nɩaa 2:19 ပူးပေါင်းရင်းမြစ်များ

Matiu 10:25

Ama dɩ sikuuri bile nɛ gʋnnɛ woruŋ, ʋ dɩ nɩɩ-la sɩ dagʋ jaŋ magɛ dɔŋɔ. Dɩ tɩntɩnnʋ-la ma nɛ gʋnnɛ tɩntɩmɩɩ-la dɛrɛ, ʋ dɩ nɩɩ-la sɩ dagʋ kala magɛ dɔŋɔ nɛ. Dɩ ba nɛ saa kɛŋ dɩa tɩɩna kaa yɩrɛ Bɛlizibul (Sɩtaanɩ yɩrɩŋ dɔŋɔ nɛ ŋɩɩ), ŋɩɩ-na ba jaŋ hɛ yɩrɩ-bɔŋŋɔɔ a kɩɩ ŋɩɩ a pɩ ʋ dɩa nɩaa kala.

Galiisia Nɩaa 6:10

Ŋɩɩ wɩaa, dɩ la nɛ wuolo, la ŋɩŋaa wʋzɔŋŋɔɔ nʋʋkala lɛ, a wasa nyaŋ la dɩ nɩalɩŋ kala sɩ laa Wɩa wɩaa dii a ŋaa kʋbala.

Ɛfɛsɩs Nɩaa 2:12

Ma bɩra sɩ́ yʋ arɩ bʋa kʋbala lɛ ma fa bɩ Kirisito jɩŋ. Ma dɩ Iziral tɩŋŋaa fa bɩ wɩɩ pɛ, ma fa nagɛ nʋhʋɔra nɛ. Wɩa fa sɩ bil nii-la ʋ dɩ ʋ nɩaa pɛgɛ arɩ ʋ jaŋ ŋaa wɩalɩŋ nɩaa lɛ, ma-na fa bɩ ba lɛ pɛ. Ma fa bɩ kʋŋkala ka yɩɛlɛ, ma fa hɛ dʋnɩa lɛ nɛ a bɩ Wɩa jɩŋ.

Ɛfɛsɩs Nɩaa 3:15

Ʋ nɛ hɛ doho kala yɩrɩŋ, kɩalɩŋ kala sɩ hɛ Wɩa-jaŋ arɩ kɩalɩŋ kala sɩ hɛ tinteeŋ lɛ.

Ɛfɛsɩs Nɩaa 3:6

Wɩalɩŋ nɛ ŋ-la: Wɩa to Kirisito Yesu wʋzɔmɔ-la lɛ nɛ a leŋ nɩalɩŋ sɩ bɩ Juu tɩŋŋaa ŋaa ma kɛŋ toruŋ kɩalɩŋ Wɩa sɩ hɛ niiŋ arɩ ʋ jaŋ joŋo pɩ Juu tɩŋŋaa lɛ. Lɛɛlɛ ba kala pɛ Kirisito yaraa lɛ nɛ a tɩŋ Wɩa wʋzɔmɔ-la wɩaa. Ba ma jaŋ pɛ dii kɩalɩŋ Wɩa sɩ to Kirisito Yesu lɛ a bʋl dɩ ʋ jaŋ joŋo pɩla.

Fɩlɩpa Nɩaa 3:20

Ama la-na ŋaa Wɩa-jaŋ nɩaa nɛ. La hɔnɔ gbɛrɛ La Tɩɩna Yesu Kirisito dɩ ʋ lɩɩ Wɩa-jaŋ kɔ nɛ. Ʋ nɛ ŋaa la Laataara.

Hiburu TƖŊŊAA 11:13

Nɩaa deemba kala laa Wɩa wɩaa dii nɛ aŋ-na sʋʋ. Ba bɩ kɩalɩŋ Wɩa sɩ sɩ ʋ jaŋ joŋo pɩba laa. Ba naba arɩ ba hɛ dɩ-bolii, ama ba laa dii arɩ maachie ba jaŋ laa kɩalɩŋ. Ba bɩra jɩma arɩ ba ŋaa nʋhʋɔraa nɛ, a ŋaa jʋjʋʋlɛ dʋnɩa deeŋ lɛ.

Hiburu TƖŊŊAA 13:14

La bɩ jáŋ kɛnɛ dʋnɩa deeŋ lɛ la sɩ jaŋ hɛ a kaa mʋ deeŋ deeŋ. Ama laa gbɛrɛ taŋ-la maachie sɩ jaŋ kɔ nɛ.

1 Pɩɩta 2:11

Mɩ naambii-kpɩanaba, ma jɩma ma ŋaa nʋhʋɔraa nɛ dʋnɩa deeŋ lɛ. Ŋɩɩ wɩaa, mɩɩ sʋlma, má lɩɩsɛ ma tɩtɩa ma tʋɔtɔrɛ wʋŋaala-la sɩ bɩ zɔŋ lɛ, bɛɛ wɩaa ma tʋɔtɔrɛ wʋŋaalaa bɩ jaŋ sɛɩ dɩ ma ŋaa wɩalɩŋ sɩɩ tɔrɛ Wɩa tʋɔŋ.

1 Jɔɔŋ 3:1

Ma na ŋɩɩ la Nyɩmma Wɩa sɩ chola. Ʋ chola kieli, ŋɩɩ nɛ tɩɩ ʋ kɛnla yɩyɩrɛ ʋ biiriŋ. Wʋtɩtɩɩ, la sɛnɛ ŋaa ʋ biiriŋ nɛ. Dʋnɩa nɩaa bɩ Wɩa jɩŋ, ŋɩɩ nɛ tɩɩ ba bɩ la ma jɩŋ ŋɩɩ.