Ɛfɛsɩs Nɩaa 2:18 - WƖA TENIŊ

¹⁸ Kirisito lɛ nɛ la nɩalɩŋ sɩ ŋaa Juu tɩŋŋaa arɩ la nɩalɩŋ sɩ bɩ Juu tɩŋŋaa ŋaa kala to a kɛŋ Wɩa Dɩŋ-zɔŋ-la, a jaŋ wuo mʋ la Nyɩmma Wɩa teeŋ.

Ɛfɛsɩs Nɩaa 2:18 ပူးပေါင်းရင်းမြစ်များ

ZƐKARƖYA 12:10

Mɩ jaŋ joŋ mɩ Dɩma hɛ Devit doho nɩaa arɩ Jerusalɛm nɩaa lɛ, dɩ ba fɩfá nɩaa nenige aŋ chʋchʋɔlɛmɛ. Ba jaŋ bibeŋ mɩ-na nɩɩ-la ba sɩ tɔbɔ, a yel mɩ lɛ a nagɛ nɩa sɩɩ yel ʋ bii-bala lɛ. Ba tʋɔŋ jaŋ faasa chei a nagɛ nɩa tʋɔŋ sɩ cheye ʋ bii-bumbuŋ sʋʋŋ lɛ.

Matiu 28:19

Má saa mʋ dʋnɩa sɛmɛ-na kala a bʋl mɩ wɩaa pɩ nɩaa a leŋ dɩ ba ŋaa mɩ harɩ-tooroo a foba Wɩɩchʋɔlɛ lɩɩŋ mɩ Nyɩmma arɩ mɩ-na ʋ Bie arɩ ʋ Dɩŋ-zɔmʋŋ yɩrɩŋ lɛ.

Jɔɔŋ 10:7

Ŋɩɩ nɛ Yesu bɩra bʋla pɩba, “Wʋtɩtɩɩ nɛ mɩ bʋlaa pɩma, mɩ nɛ ŋaa pie-dɩa-la boiŋ niiŋ.

Jɔɔŋ 10:9

Mɩ nɛ ŋaa boi-la, nɩɩ-la kala sɩ to mɩ lɛ jʋʋ, mɩ jaŋ laaʋ ta. Mɩ jaŋ leŋ ba lɩɩ dii yaŋ aŋ mɩɩra kʋʋ jʋʋ.

Jɔɔŋ 14:6

Ŋɩɩ nɛ Yesu bʋla pʋ, “Mɩ nɛ ŋaa wombiiŋ a mʋmʋ Wɩa-jaŋ. Mɩ nɛ bɩra wʋtɩtɩɩ Tɩɩna ma, a bɩraa pɩ nɩaa ma mɩɩsɩŋ. Nʋʋkala bɩ mɩ Nyɩmma teeŋ wuo mʋ, see dɩ ʋ to mɩ lɛ.

Rom Tɩŋŋaa 5:2

La sɩ laa Yesu Kirisito wɩaa dii ŋɩɩ, ʋ leŋe la jʋʋ Wɩa lahɔrɩmɔ nɛ. Nɩmɛ nɛ la hɛ lɛɛlɛ aa jʋɔsɛ, a kɛŋ yɩɛlaa arɩ la jaŋ kpaa Wɩa yɩrɩ-la chɛɛ dɔŋ.

Rom Tɩŋŋaa 8:15

Wɩa bɩ ma ŋaa dɩ ma nagɛ yosuŋ a bɩra fɩfá fawʋllʋŋ, ama ʋ Dɩŋ-zɔŋ-la leŋe ma ŋaa ʋ biiriŋ nɛ. Dɩ la nɩɩ yɩrʋ, la wuo kɛnʋ yɩrɛ “La Nyɩmma.”

1 Kɔrɩntɩ Nɩaa 12:13

La nɩalɩŋ sɩ laa Yesu wɩaa dii, la nagɛ ŋ-la nɛ. La yʋga nɛ, ama la ŋaa kʋbala nɛ. Wɩa Dɩŋ-zɔŋ-la doluŋ lɛ nɛ ba fola Wɩɩchʋɔlɛ lɩɩŋ, nɩalɩŋ sɩ ŋaa Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa, nɩalɩŋ sɩ ŋaa yosi arɩ nɩalɩŋ sɩ tɩɩ ba tɩtɩa. Wɩa leŋe la laa ʋ Dɩŋ-zɔmʋŋ a hɛ la tʋɔŋ nɛ.

1 Kɔrɩntɩ Nɩaa 8:6

la-na jɩŋ Wɩɩ-bala lɛ nɛ. Ʋ nɛ ŋaa la Nyɩmma. Ʋ nɛ ta kʋŋkala sɩ hɛ nɩmɛ. Ʋ lɛ nɛ la to a kɛŋ mɩɩsɩŋ. La Tɩɩna ŋaa kʋbala nɛ. Ʋ nɛ Yesu Kirisito. Ʋ lɛ nɛ Wɩa to a ta kʋŋkala. Ʋ lɛ nɛ la to a kɛŋ mɩɩsɩŋ ma.

Galiisia Nɩaa 4:6

A tɩŋ la sɩ ŋaa Wɩa biiriŋ nɛ tɩɩ ʋ joŋ ʋ Bie Dɩŋ-zɔmʋŋ hɛ la lɛ. Dɩŋ-zɔŋ-la sɩ hɛ la tʋɔŋ, ʋ yie ŋaa la kɛŋ Wɩa kaa yɩrɛ “La Nyɩmma.”

Ɛfɛsɩs Nɩaa 3:12

La sɩ laa ʋ wɩaa dii ŋɩɩ, la bɩ jaŋ fɩfá fawʋllʋŋ. La jaŋ kɛŋ nyuduoŋ a mʋ ʋ sɩpaaŋ.

Ɛfɛsɩs Nɩaa 3:14

Dɩ mɩ nɛ bɩɩnɛ wɩalɩŋ Wɩa sɩ ŋaa pɩla, mɩ yie tuu kpirimi la Nyɩmma Wɩa sɩpaaŋ nɛ.

Ɛfɛsɩs Nɩaa 4:4

La kala ŋaa kʋbala nɛ a tɩŋ Kirisito wɩaa. Wɩa Dɩŋ-zɔŋ-la sɩ hɛ la lɛ, ma ŋaa kʋbala nɛ. Wɩa sɩ yɩrɛla ŋɩɩ, la kala ka yɩɛlɛ wʋbala nɛ.

Ɛfɛsɩs Nɩaa 6:18

Má chʋchʋɔlɛ Wɩa bʋa na-kala lɛ ʋ Dɩŋ-zɔŋ-la doluŋ lɛ, a sʋsʋlʋ wɩɩ-wɩɩkala lɛ. Ma sɩɩ ŋaa ŋɩɩ, má pɔ woruŋ a sɩ́ doŋ dɩɛgʋ, aŋ pɛsɛ, a chʋɔlɛ Wɩa pɩpɩ Wɩa nɩaa ma.

Koloosi Nɩaa 1:12

a lɔllɛ Wɩa arɩ ʋ sɩ leŋe ma ma maachie jaŋ wuo pɛ dii kɩalɩŋ ʋ sɩ ŋaa bil ʋ nɩaa lɛ Wɩa kuorii-la tʋɔŋ.

Hiburu TƖŊŊAA 7:19

Wɩalɩŋ Mosis fa sɩ ŋmʋnsa bil dɩ nɩaa tuto bɩ jaŋ wuo leŋ dɩ nʋʋkala wuo chaasa ŋaa nɩzɔŋ. Wʋfalaa nɛ lɛɛlɛ Wɩa bil dɩ la tuto, wɩalɩŋ sɩ jaŋ leŋ dɩ la mʋ kpagʋ.

Jeems 3:9

La yie kɛŋ la nandelimee nɛ a dɩdɛnnɛ Wɩa sɩ ŋaa La Tɩɩna a ŋaa la Nyɩmma ma, aŋ bɩra kɛŋ nandelime-la tɩtɩa a kaa bʋl wʋbɔŋŋɔɔ hɩhɛ la dɔnsʋŋ tɩŋŋaa ma Wɩa sɩ ŋaa ba nagʋ lɛ.

1 Pɩɩta 1:17

Ma sɩ yie chʋchʋɔlɛ Wɩa a kɛnʋ yɩyɩrɛ ma Nyɩmma ŋɩɩ dɩ ʋ pɛ ma lɛ, ma jɩŋ arɩ ʋ nɩɩ dii nɩaa sarɩya, ʋ bɩ ba kaa pɔrɛ. Ʋ yie dii nʋʋkala sarɩya a magɛ ŋɩɩ ŋ wɩɩŋ sɩ maga nɛ. Má saa fáʋ a leŋ dɩ ma wʋŋaalaa zɔŋ dʋnɩa deeŋ lɛ.

1 Pɩɩta 1:21

Ma to ʋ lɛ nɛ a laa Wɩa wɩaa dii. Ʋ nɛ chɩsɛ Yesu sʋʋŋ lɛ a pʋ yɩrɩŋ. Ŋɩɩ wɩaa ma laa diiniŋ arɩ ma yɩɛlaa kala hɛ Wɩa lɛ nɛ.

1 Pɩɩta 3:18

Yesu Kirisito sʋʋ la wʋbɔŋŋɔɔ wɩaa bala nɛ. Ʋ fa ŋaa tʋɔpʋl tɩɩna nɛ, a sʋʋ wʋbɔŋ ŋaaraa wɩaa, dɩ ʋ wuo kɛnla kaa mʋ Wɩa teeŋ. Nuhuobiinee nɛ kpʋ ʋ yaraa, ama Wɩa leŋ ʋ dɩma wei.

Juud 1:20

Ama ma-na, mɩ nandɔŋ-chooloo, wɩalɩŋ ma sɩ laa dii lɩɩ Wɩa teeŋ nɛ. Ŋɩɩ wɩaa, má kɛmba woruŋ a waa ba lɛ, a to Wɩa Dɩŋ-zɔŋ-la lɛ a chʋchʋɔlɛ Wɩa.