Ɛfɛsɩs Nɩaa 2:14 - WƖA TENIŊ

¹⁴ Kirisito tɩtɩa nɛ leŋe la sɩŋ, ʋ nɛ kɛŋ nɩalɩŋ sɩ ŋaa Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kala hɛ dɔŋɔ lɛ ba kʋ ŋaa kʋbala. Ʋ sɩ sʋʋ daagɛsɛ nyuŋ nɛ giri dʋndɔnnɩɩ-la fa sɩ hɛ la pɛgɛ ta.

Ɛfɛsɩs Nɩaa 2:14 ပူးပေါင်းရင်းမြစ်များ

ƐSƖTA 3:8

Ŋɩɩ nɛ Hamaŋ sii mʋ kuoro Zɛzɛs teeŋ a bʋla pʋ, “Nɩa kʋbala ba nɛ gɔllɔ hɔŋ ŋ tinteeŋ kala lɛ, ŋ nɩaa tʋɔŋ. Ba naabarɩŋ arɩ ŋ nɩaa naabarɩŋ bɩ dɔŋɔ naga. Ba-na bɩ ŋ niiŋ wɩaa kaa tɩtɩŋ. Kuoro, ŋ bɩ maga dɩ ŋ leŋ dɩ ba hɔŋ ŋ nɩaa tʋɔŋ.

MƖKA 5:5

Ʋ nɛ jaŋ leŋ dɩ ba hɔŋ arɩ fɩɛlɩŋ. Dɩ Asiiria tɩŋŋaa nɛ kɔ dɩ ba yuo la tinteeŋ a chichei la dɩ-duoruŋ, la jaŋ leŋ la sɩpaalaarɩ duoruŋ baŋmɛnɛ ku lɩɩ yuoba.

ZƐKARƖYA 6:13

Ʋ nɛ jaŋ saa mɩ-na ma TƖƖNA dɩɩ-bal-la, ʋ jaŋ kɛŋ yɩrɩŋ woruŋ. Ʋ jaŋ hɔŋ ʋ kuoru kpasa nyuŋ a beŋ ʋ nɩaa, a bɩra ŋaa nʋʋ sɩ jaŋ laa nɩaa nyuŋ a tɩma pɩpɩ mɩ-na Wɩa. Ʋ jaŋ ŋaa wɩalɩŋ balɩa kala hɩhɛ dɔŋɔ dɩ fɩɛlɩŋ hɛ nɩmɛ.

Luuk 1:79

Pʋlʋŋ-la jaŋ lɩɩ Wɩa-jaŋ a pɔsɛ hɛ nɩalɩŋ kala sɩ hɔŋ birimiŋ tʋɔŋ a faa chɛ dɩ ba sʋʋ. Ʋ jaŋ dagɛla wombii-la sɩ kɛŋ yarɩfɩɛlaa dɩ la to.”

Luuk 2:14

“Má leŋ dɩ la dɛnnɛ Wɩa sɩ hɛ Wɩa-jaŋ lɛ. Nɩalɩŋ nyuŋ Wɩa tʋɔŋ sɩ tɔrɔ tinteeŋ lɛ jaŋ na fɩɛlɩŋ.”

Jɔɔŋ 10:16

Mɩ kɛŋ piesee dɔnsʋŋ ma, aŋ ka ba tuo piesee deemba tʋɔŋ. Mɩ jaŋ kɛŋ ba ma kaa kɔ. Ba ma jaŋ jɩŋ mɩ yikoro a kala ŋaa nɩbala piesee, ba pie-daara ma ŋaa kʋbala.

Jɔɔŋ 11:52

tinteeŋ deeŋ nɩaa ma dʋndʋŋa wɩaa dee, ama dɩ ʋ wuo pɛ kɛsɛ Wɩa biiri-la sɩ pɩsa hɛ leree dɔnsʋŋ ma a hɛ dɔŋɔ lɛ.

Jɔɔŋ 16:33

Mɩ bʋl wɩaa deemba pɩma dɩ ma wuo hɔŋ arɩ fɩɛlɩŋ nɛ. Dʋnɩa deeŋ tʋɔŋ ma jaŋ na hɛɛŋ. Ama má leŋ dɩ ma nyuŋ nyaasɛ. Mɩ yuo dii dʋnɩa nɛ.”

Tɩntɩŋŋaa 10:28

Ŋɩɩ nɛ ʋ bʋla pɩba, “Ma tɩtɩa jɩma arɩ Juu tɩŋŋaa kɩsɩŋ nɛ dɩ ba guoli nɩalɩŋ sɩ bɩ Juu tɩŋŋaa ŋaa tʋɔŋ. Ba bɩ ba dɩɩsɩŋ maa mʋ. Ama Wɩa dagɛmɛ dɩ mɩ sɩ́ nʋʋkala kaa yɩrɛ disiŋ tɩɩna.

Tɩntɩŋŋaa 10:36

Ma ma nɩɩ Wɩa wʋzɔmɔ-la ʋ sɩ joŋo pɩ Iziral tɩŋŋaa nɛ. Ʋ fa bʋla pɩba dɩ ba to Yesu Kirisito lɛ a na wiese. Ʋ nɛ ŋaa kʋŋkala Tɩɩna.

Rom Tɩŋŋaa 5:1

Ŋɩɩ wɩaa, la sɩ laa Wɩa dii ŋɩɩ, Wɩa leŋe la ŋaa tʋɔpʋl tɩmma nɛ ʋ sɩpaaŋ. Wɩa to La Tɩɩna Yesu Kirisito lɛ nɛ a leŋ la ŋaa sɩma.

Galiisia Nɩaa 3:28

Lɛɛlɛ, la bɩra bɩ nɩaa kaa pʋpɔrɛ. Dɩ ŋ ŋaa Juu tɩɩna koo dɩ ŋ bɩ ŋaa, dɩ ŋ ŋaa yoŋ koo dɩ ŋ tɩɩ ŋ tɩtɩa, dɩ ŋ ŋaa haal koo baal, ma kala ŋaa kʋbala nɛ Kirisito Yesu teeŋ.

Ɛfɛsɩs Nɩaa 2:15

Ʋ sɩ sʋba ŋɩɩ, ʋ leŋe wɩalɩŋ Mosis fa sɩ bile dɩ nɩaa tuto arɩ wɩalɩŋ ʋ sɩ daga bɩra bɩ doluŋ kɛnɛ. Ʋ ŋaa ŋɩɩ dɩ nɩalɩŋ sɩ ŋaa Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kala to ʋ lɛ nɛ a bɩrɩmɛ nɩfalɩa a sɩŋ.

Ɛfɛsɩs Nɩaa 2:17

Kirisito nɛ kɔ a bʋl Wɩa wʋzɔmɔ-la sɩ kɛŋ fɩɛlɩŋ kʋkɔ a pɩ nɩalɩŋ arɩ Wɩa pɛgɛ fa sɩ bolie, arɩ nɩalɩŋ ma fa sɩ kpagɛ Wɩa kala.

Ɛfɛsɩs Nɩaa 3:15

Ʋ nɛ hɛ doho kala yɩrɩŋ, kɩalɩŋ kala sɩ hɛ Wɩa-jaŋ arɩ kɩalɩŋ kala sɩ hɛ tinteeŋ lɛ.

Ɛfɛsɩs Nɩaa 4:16

Ʋ sɩ ŋaa la kala nyuŋ ŋɩɩ, dɩ nandaasɩ-la kala nɛ mɛrɛ dɔŋɔ lɛ a tɩtɩŋ ba tɩntɩŋŋaa woruŋ, yara-la jaŋ waa a tɩŋ ba sɩ cho dɔŋɔ.

Koloosi Nɩaa 1:20

Ʋ lɛ nɛ Wɩa to ʋ dɩ kʋŋkala sɩŋ, kɩalɩŋ sɩ hɛ wɩa-nyuŋ arɩ kɩalɩŋ sɩ hɛ tinteeŋ lɛ kala. Bʋa-la lɛ ʋ sɩ sʋʋ daagɛsɛ nyuŋ, ʋ chalɩŋ jaasɛ, ʋ ŋɩɩ nɛ leŋe Wɩa arɩ kɩalɩŋ kala sɩ hɛ nɩmɛ tʋɔŋ tɔrɛ dɔŋɔ nyuŋ.

Koloosi Nɩaa 2:20

Ma dɩ Kirisito sɩ sʋba ŋɩɩ, wɩalɩŋ dʋnɩa nɩaa sɩɩ to bɩra bɩ doluŋ kɛnɛ ma lɛ. Bɛɛ nɛ saa tɩɩ ma haa ŋaa wɩaa a nagɛ dʋnɩa nɩaa sɩɩ ŋaa ŋɩɩ, aa to kɩsɩnɩŋ deemba:

Koloosi Nɩaa 3:11

Mɛl-falɩŋ deeŋ tʋɔŋ ʋ bɩ wɩɩ kɛnɛ dɩ ma ŋaa Juu tɩŋŋaa koo ma bɩ Juu tɩŋŋaa ŋaa, dɩ ma keri ma penee koo ma bɩ ma penee kere, dɩ ma ŋaa nʋhʋɔraa, koo dɩ ma ŋaa nɩalɩŋ sɩaa sɩ bɩ suro, dɩ ma ŋaa yosuŋ koo dɩ ma tɩɩ ma tɩtɩa. Wɩa nɩaa tʋɔŋ, Kirisito nɛ ŋaa ba wʋnyuŋ, ʋ hɛ ba kala lɛ nɛ.

Koloosi Nɩaa 3:15

Má leŋ dɩ fɩɛla-la Kirisito sɩ pɩma kɛmma tɩtɩŋ. Wɩa yɩrɛma dɩ ma ŋaa kʋbala nɛ a hɔŋ arɩ fɩɛlɩŋ, a lɔllɛ bʋa na-kala.

Hiburu TƖŊŊAA 13:20

A leŋ dɩ Wɩa sɩɩ pɩ nɩaa fɩɛlɩŋ pɛ ma lɛ. Ʋ nɛ chɩsɛ La Tɩɩna Yesu Kirisito sʋʋŋ lɛ. Yesu Kirisito nagɛ pie-daarɩ-duo nɛ aa beŋ ʋ nɩaa nyuŋ woruŋ. Ʋ chalɩŋ nɛ Wɩa kaa bil nii-la sɩ jaŋ hɛ nɩmɛ a kaa mʋ wuu ʋ dɩ ʋ nɩaa pɛgɛ.

Hiburu TƖŊŊAA 7:2

Ŋɩɩ nɛ Abɩraham kɛŋ kɩalɩŋ ʋ sɩ yuo dii laal-la lɛ a kaa kpaa leree fii, a joŋ kʋbala pʋ. Mɛlɩkɩzɛdɛk yɩrɩ-la bʋbʋɔŋ nɛ, ‘kuoru-la sɩ kɛŋ tʋɔpʋla Wɩa sɩpaaŋ’. Ʋ nɛ ŋaa Salɛm kuoro ma. Salɛm kuoro bʋbʋɔŋ nɛ, ‘kuoru-la sɩ kɛŋ ʋ nɩaa hɔŋ sɔm’.