Ɛfɛsɩs Nɩaa 2:13 - WƖA TENIŊ

¹³ Ma dɩ Wɩa pɛgɛ fa bolie nɛ, ama lɛɛlɛ ma dɩ Kirisito sɩ ŋaa kʋbala ŋɩɩ, ʋ joŋ ʋ chalɩŋ jaasɛ ma wɩaa nɛ, a kɛŋ ma dɩ Wɩa kʋ kpagɛ dɔŋɔ.

Ɛfɛsɩs Nɩaa 2:13 ပူးပေါင်းရင်းမြစ်များ

WƖA YƖƖLAA 22:7

Nʋʋkala yie namɛ a sieri mɩ lɛ a tʋʋsɛmɛ, aŋ vivigisi nyuŋ,

WƖA YƖƖLAA 73:27

Nɩalɩŋ kala sɩ bɩŋ kpaga jaŋ lɛl, ŋ jaŋ chei nɩalɩŋ kala sɩ bɩŋ laa dii.

AZAAYA 11:10

Tapʋlɩɩ-la nɛ yie, kuoru-la sɩ jaŋ lɩɩ Jesi gentine lɛ jaŋ chɩŋ a nagɛ tuuta nɩaa teeŋ, tinteyee jaŋ kɔ ʋ teeŋ a zilu.

AZAAYA 43:6

Mɩ jaŋ bʋla pɩ wɩɩpɔsʋŋ nadiiŋ nɩaa: ‘Má jomba tɩa,’ a bʋla pɩ wɩɩpɔsʋŋ nagʋa nɩaa: ‘Má sɩ́ ba lɛrɛ bil.’ Má jomba ta dɩ ba lɩɩ dʋnɩa sɛmɛ na-kala a kɔ.

AZAAYA 49:12

Mɩ nɩaa jaŋ lɩɩ dɩ-boloo a kɔ. Dɔnsʋŋ jaŋ lɩɩ wɩɩpɔsʋŋ nagʋa dɩɩrɩŋ, dɩ dɔnsʋŋ ma lɩɩ wɩɩjʋʋlʋŋ dɩɩrɩŋ, ka dɔnsʋŋ ma lɩɩ tintee-la ba sɩɩ yɩrɛ Asɩwaŋ.”

AZAAYA 57:19

Mɩ jaŋ ŋaa dɩ nɩalɩŋ kala sɩɩ yel Iziral lɛ yaraa fɩɛlɛ, dɩ ba suri ba niiŋ a dɛnnɛmɛ. Nɩalɩŋ sɩ hɛ dɩ-boloo arɩ dɩ kpagɩsɩŋ kala jaŋ kɛŋ fɩɛlɩŋ. Mɩ jaŋ vaarɛba.

AZAAYA 60:4

Beŋ leriŋ na, wɩɩ-la sɩɩ ŋaa, ŋ nɩaa hɛ dɔŋɔ lɛ nɛ a kʋkɔ ŋ teeŋ. Ŋ hambolibiisi-la sɩ hɛ tintee-boloo lɛ ka kɔ nɛ. Ba paa ŋ toloo nɔgɛ nɛ a nagɛ hambiisiŋ a kaa kɔ.

AZAAYA 60:9

Tinteye-la lɩɩŋ sɩ gollo chu nɩaa sɛnɛ ka gbɛrɛ mɩ-na ma TƖƖNA nɛ. Lɩɩŋ daborusuŋ yʋga nɛ a laa sɩpaaŋ a lɩɩ Taasɩs kʋkɔ. Ŋ nɩaa sɩ hɛ dɩ-boloo nɛ ba paa kʋkɔ dɩa. Ba pɛ chʋŋ hɔpʋla arɩ sɛlɩmɛ nɛ dɩ ba kaa kʋ zil mɩ-na ma TƖƖNA Wɩa, Iziral tɩŋŋaa Wɩa sɩ bɩ disiniŋ kɛnɛ, bɛɛ wɩaa ʋ nɛ leŋe ŋ kɛŋ tʋla.

AZAAYA 66:19

Mɩ jaŋ bil magɩlɩŋ ba tʋɔŋ. Mɩ jaŋ kɛŋ ba nɩalɩŋ dɔnsʋŋ sɩ jaŋ ka a mʋ tintee-wogusuŋ arɩ tinteye-la lɩɩŋ sɩ gollu chu a ha bɩ mɩ wɩaa arɩ mɩ yɩrɩŋ nɩa, a bɩ mɩ doluŋ ma na. Tinteye-la nɛ ŋ-la: Taasɩs, Libiya arɩ Lidiya tɩmma-la sɩ jɩŋ toŋ yuonuŋ, Giriisi arɩ Tubal nɩaa. Ba jaŋ leŋ dɩ tinteye-la jɩŋ mɩ doluŋ sɩ magɛ ŋɩɩ.

JƐRƖMAAYA 16:19

La TƖƖNA, mɩ doluŋ arɩ mɩ dɩ-duoŋ, ŋ nɛ mɩ yie yuori dɩ hɛɛŋ nɛ jʋʋmɛ. Tinteyee nɩaa jaŋ kɔ ŋ teeŋ, a lɩɩ dʋnɩa sɛmɛ na-kala a bʋl, La naabalɩmaba bɩ kʋŋkala kɛnɛ see vesiŋ sɩ bɩ wʋtɩtɩɩ kɛnɛ, tɔŋŋɔɔ sɩ ŋaa kʋpɛɩba a bɩ wʋzɔŋ kala ŋaa pɩba.

Jɔɔŋ 10:16

Mɩ kɛŋ piesee dɔnsʋŋ ma, aŋ ka ba tuo piesee deemba tʋɔŋ. Mɩ jaŋ kɛŋ ba ma kaa kɔ. Ba ma jaŋ jɩŋ mɩ yikoro a kala ŋaa nɩbala piesee, ba pie-daara ma ŋaa kʋbala.

Tɩntɩŋŋaa 15:14

Saamɔŋ Pɩɩta bʋla pɩma ŋɩɩ Wɩa sɩ laa sɩpaaŋ cho nɩalɩŋ sɩ bɩ Juu tɩŋŋaa ŋaa, a lɩɩsɛ nɩaa ba tʋɔŋ dɩ ba ŋaa ʋ nɩaa.

Tɩntɩŋŋaa 2:39

Wɩalɩŋ Wɩa sɩ bʋla, ma nɛ ʋ bʋla pa, ma dɩ ma biiriŋ arɩ nɩalɩŋ kala sɩ lɩɩ dɩ-boluŋ, nʋʋ na-kala Wɩa sɩ yɩra dɩ ʋ kɔ ʋ teeŋ.”

Tɩntɩŋŋaa 22:21

Ŋɩɩ nɛ mɩ Tɩɩna bʋla pɩmɛ, ‘Sii daha, mɩ jaŋ tɩmɩŋ dɩ ŋ mʋ dɩ-bolii, nɩalɩŋ sɩ bɩ Juu tɩŋŋaa ŋaa leriŋ.’ ”

Tɩntɩŋŋaa 26:18

Mɩ jaŋ tɩmɩŋ dɩ ŋ mʋ bʋl wɩaa a suri ba sɩaa, dɩ ba bɩrɩma lɩɩ birimiŋ lɛ a kʋ jʋʋ pʋlʋmʋŋ tʋɔŋ, a ŋaa dɩ ba lɩɩ Sɩtaanɩ nɩsɩŋ lɛ a kɔ Wɩa teeŋ. Dɩ ba nɛ ŋaa ŋɩɩ a laa mɩ wɩaa dii, Wɩa jaŋ joŋ ba wʋbɔŋŋɔɔ chɛba. Ba jaŋ na leriŋ nɩalɩŋ Wɩa sɩ lɩɩsa tʋɔŋ.’

Rom Tɩŋŋaa 8:1

Dɩ la dɩ Kirisito kala nɛ ŋaa kʋbala, Wɩa bɩra bɩ jaŋ dii la sarɩya a joŋ cheeriŋ pɩla.

1 Kɔrɩntɩ Nɩaa 1:30

Ama Wɩa leŋe ma to Kirisito Yesu lɛ nɛ a kɛŋ mɩɩsɩŋ. Wɩa saa leŋe Kirisito nɛ ŋaa la wʋjɩmɩŋ. A tɩŋ ʋ wɩaa Wɩa laala ta nɛ, la kʋ ŋaa tʋɔpʋl tɩmma ʋ teeŋ, a ŋaa nɩalɩŋ sɩ bɩ disiniŋ kɛnɛ.

1 Kɔrɩntɩ Nɩaa 12:13

La nɩalɩŋ sɩ laa Yesu wɩaa dii, la nagɛ ŋ-la nɛ. La yʋga nɛ, ama la ŋaa kʋbala nɛ. Wɩa Dɩŋ-zɔŋ-la doluŋ lɛ nɛ ba fola Wɩɩchʋɔlɛ lɩɩŋ, nɩalɩŋ sɩ ŋaa Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa, nɩalɩŋ sɩ ŋaa yosi arɩ nɩalɩŋ sɩ tɩɩ ba tɩtɩa. Wɩa leŋe la laa ʋ Dɩŋ-zɔmʋŋ a hɛ la tʋɔŋ nɛ.

1 Kɔrɩntɩ Nɩaa 6:11

Ma dɔnsʋŋ faa ŋaa wɩaa deemba nɛ. Ama Wɩa fo ma wʋbɔŋŋɔɔ ta nɛ. Wɩa nɛ tɩɩma. A tɩŋ La Tɩɩna Kirisito Yesu wɩaa arɩ Wɩa Dɩŋ-zɔŋ-la doluŋ lɛ, ma ŋaa tʋɔpʋl tɩmma nɛ Wɩa teeŋ.

2 Kɔrɩntɩ Nɩaa 5:17

Ŋɩɩ wɩaa dɩ nʋʋkala nɛ laa Kirisito wɩaa dii, Wɩa kɛnʋ bɩrɩmɛ nɩ-falɩɩ nɛ. Wʋbɩnɩa-la kala bálá nɛ. Wʋfalaa nɛ suomi ʋ mɩɩsɩŋ lɛ.

Galiisia Nɩaa 3:28

Lɛɛlɛ, la bɩra bɩ nɩaa kaa pʋpɔrɛ. Dɩ ŋ ŋaa Juu tɩɩna koo dɩ ŋ bɩ ŋaa, dɩ ŋ ŋaa yoŋ koo dɩ ŋ tɩɩ ŋ tɩtɩa, dɩ ŋ ŋaa haal koo baal, ma kala ŋaa kʋbala nɛ Kirisito Yesu teeŋ.

Ɛfɛsɩs Nɩaa 1:1

Mɩ-na Pɔɔl nɛ ŋmʋnsɛ teniŋ deeŋ a pɩpɩ ma Wɩa nɩalɩŋ sɩ hɛ Ɛfɛsɩs lɛ a laa Yesu Kirisito dii arɩ wʋtɩtɩɩ. Wɩa tʋɔtɔrʋŋ lɛ nɛ ʋ lɩɩsɛmɛ dɩ mɩ ŋaa Kirisito Yesu nanzɔɔ.

Ɛfɛsɩs Nɩaa 1:7

La sɩ mɛrɛ Kirisito lɛ ŋɩɩ, ʋ joŋ ʋ chalɩŋ jaasɛ la wɩaa a tiŋ la wʋbɔŋŋɔɔ chɩmɩŋ, dɩ Wɩa joŋ la wʋbɔŋŋɔɔ chɛla. Wɩa zile yʋga nɛ kɩŋkɛŋ la teeŋ,

Ɛfɛsɩs Nɩaa 2:10

Wɩa nɛ ŋaala. Ʋ ŋaala dɩ la dɩ Kirisito Yesu ŋaa kʋbala nɛ a ŋɩŋaa wʋzɔŋŋɔɔ. Ʋ ŋaa wʋzɔŋŋɔɔ deemba bil la lɛ faa faa kala nɛ dɩ la ŋɩŋaaba.

Ɛfɛsɩs Nɩaa 2:12

Ma bɩra sɩ́ yʋ arɩ bʋa kʋbala lɛ ma fa bɩ Kirisito jɩŋ. Ma dɩ Iziral tɩŋŋaa fa bɩ wɩɩ pɛ, ma fa nagɛ nʋhʋɔra nɛ. Wɩa fa sɩ bil nii-la ʋ dɩ ʋ nɩaa pɛgɛ arɩ ʋ jaŋ ŋaa wɩalɩŋ nɩaa lɛ, ma-na fa bɩ ba lɛ pɛ. Ma fa bɩ kʋŋkala ka yɩɛlɛ, ma fa hɛ dʋnɩa lɛ nɛ a bɩ Wɩa jɩŋ.

Ɛfɛsɩs Nɩaa 2:2

Ma faa ŋaa wʋbɔŋŋɔɔ nɛ a ŋɩŋaa dʋnɩa deeŋ tʋɔtɔrɛ wɩaa, a tuto Sɩtaanɩ. Sɩtaanɩ nɛ ŋaa jɩŋ-bɔŋŋɔɔ kala kuoro, ʋ nɩɩ beŋ nɩalɩŋ sɩ bɩ Wɩa niiŋ wɩaa ka to.

Ɛfɛsɩs Nɩaa 2:6

La dɩ Kirisito Yesu sɩ ŋaa kʋbala ŋɩɩ, Wɩa chɩsɛla sʋʋ-la lɛ la wʋbɔŋŋɔɔ fa sɩ ŋaa la sʋʋ lɛ nɛ, arɩ ʋ sɩ chɩsɛ Kirisito sʋʋŋ lɛ ŋɩɩ, a leŋ la dɩ Kirisito Yesu kala hɔŋ Wɩa kuorii-la tʋɔŋ Wɩa jaŋ lɛ.

Hiburu TƖŊŊAA 9:18

Ŋɩɩ nɛ tɩɩ Wɩa kɛŋ chalɩŋ bil bumbuŋ nii-la.

1 Pɩɩta 3:18

Yesu Kirisito sʋʋ la wʋbɔŋŋɔɔ wɩaa bala nɛ. Ʋ fa ŋaa tʋɔpʋl tɩɩna nɛ, a sʋʋ wʋbɔŋ ŋaaraa wɩaa, dɩ ʋ wuo kɛnla kaa mʋ Wɩa teeŋ. Nuhuobiinee nɛ kpʋ ʋ yaraa, ama Wɩa leŋ ʋ dɩma wei.

Jɔɔŋ Wʋnaalaa 5:9

Ŋɩɩ nɛ nɩhɩasɩ-la arɩ kɩalɩŋ sɩ weye ta yɩɩl-falɩŋ aa yɩɩ, “Ŋ nɛ wuo laa teŋ-la ba sɩ mɛrɛ, a lɛrɛ kel-la ba sɩ kaa mɛrɛ, bɛɛ wɩaa ba kpʋŋ nɛ. Ba sɩ kpʋŋ ŋɩɩ, ŋ joŋ ŋ chalɩŋ a yɔɔ nuhuobiine mɩɩsɩŋ a pɩ Wɩa. Nɩalɩŋ ŋ sɩ yɔbɔ lɩɩ nɩdoho kala tʋɔŋ nɛ aa bʋl yikori doho kala a hɛ taŋ kala arɩ tintee kala lɛ.