Ɛfɛsɩs Nɩaa 2:12 - WƖA TENIŊ

¹² Ma bɩra sɩ́ yʋ arɩ bʋa kʋbala lɛ ma fa bɩ Kirisito jɩŋ. Ma dɩ Iziral tɩŋŋaa fa bɩ wɩɩ pɛ, ma fa nagɛ nʋhʋɔra nɛ. Wɩa fa sɩ bil nii-la ʋ dɩ ʋ nɩaa pɛgɛ arɩ ʋ jaŋ ŋaa wɩalɩŋ nɩaa lɛ, ma-na fa bɩ ba lɛ pɛ. Ma fa bɩ kʋŋkala ka yɩɛlɛ, ma fa hɛ dʋnɩa lɛ nɛ a bɩ Wɩa jɩŋ.

Ɛfɛsɩs Nɩaa 2:12 ပူးပေါင်းရင်းမြစ်များ

WƖAA DƖ-SUOMUŊ 15:18

Tapʋlɩɩ-la tɩtɩa nɛ La TƖƖNA bil niiŋ ʋ dɩ Abɩram pɛgɛ a bʋl, “Mɩ jaŋ joŋ tinteeŋ deeŋ a pɩ ŋ doho nɩaa a chɩŋ Ijipiti fuo-la a kaa mʋ Yufireti fuo-bal-la, nɩaa deemba tinteyee:

2 IZIRAL TƖŊŊAA NAABARƖŊ 15:3

Ʋ fa diene kɩŋkɛŋ nɛ Iziral tɩŋŋaa sɩ bɩ Wɩɩ-tɩtɩɩ-la to, a bɩ nʋʋ sɩ ŋaa Wɩɩsʋllɩ sɩpaalaarʋ ma kɛnɛ dɩ ʋ dagɛba Wɩa wombiee ʋ sɩ bile dɩ ba tuto.

ƐZƖRA 4:3

Ama Zerubabɛl, Jesua arɩ Iziral tɩŋŋaa dɩa dɩa nɩhɩasɩ-la nɩkaanaa bʋl, “Ma bɩ jaŋ wuo pɛ la lɛ dɩ la saa La TƖƖNA dɩɩ-bal-la. La dʋndʋŋa jaŋ saa dɩa-la a pɩ La TƖƖNA, Iziral tɩŋŋaa Wɩa, arɩ Pɛsɩa kuoro Siirus sɩ dagɛ la ŋɩɩ.”

MOSIS KƐŊ IZIRAL TƖŊŊAA LƖƖ 12:45

Nʋhʋɔra arɩ pachɩŋ diire-na bɩ kɩalɩŋ wuo dii.

AZAAYA 14:1

La TƖƖNA jaŋ fá Iziral tɩŋŋaa nenige. Ʋ jaŋ bɩra lɩɩsɛ Iziral tɩŋŋaa dɩ ba ŋaa ʋ nɩaa, a leŋ dɩ ba hɔŋ ba tɩtɩa tinteeŋ lɛ. Nɩwogusuŋ jaŋ kʋ pɛ hɔŋ Jekɔb doho nɩalɩŋ tinteeŋ lɛ dɩ ba niiŋ ŋaa kʋbala.

AZAAYA 44:6

La TƖƖNA doluŋ kala Tɩɩna sɩ ŋaa Iziral tɩŋŋaa kuoro arɩ ba Laataara sɩ, “Mɩ nɛ dɩ-suomuŋ arɩ dɩ-dɛrɩŋ, Wɩa dɔŋ kala tuo a pɛ mɩ lɛ.

AZAAYA 45:20

Ma nɩalɩŋ sɩ fá a kagɛ ma tinteyee lɛ, má hɛ dɔŋɔ lɛ a kɔ. Nɩalɩŋ kala sɩ kɛŋ daaŋ a ŋaa tɔŋŋɔɔ sɩ bɩ ba wuo laa ta a kpʋkpaarɛba a tuto vesiŋ, ba bɩ wɩɩkala jɩŋ.

AZAAYA 61:5

Nʋhʋɔraa jaŋ dɩdaa ma pʋsʋŋ, nɩwogusuŋ jaŋ pɩpɛrɛ ma bagɩsɩŋ arɩ ma girep tɩɩsɩŋ bagɩsɩŋ a pɩpɩma.

JƐRƖMAAYA 14:8

Ŋ nɛ la Iziral tɩŋŋaa yɩyɩɛlɛ, ŋ nɛ la Laataara, a lɩlɩɩsɛla la wʋjʋʋlaa lɛ. Bɛɛ nɛ tɩɩ ŋ nagɛ nʋhʋɔrʋ tintee-la lɛ a nagɛ wombii-vɛnnʋ sɩ mʋ chʋa leriŋ tapʋl bala?

JƐRƖMAAYA 17:13

La TƖƖNA, ŋ lɛ nɛ Iziral tɩŋŋaa yɩɛlaa kala hɛ. Hɩɩsɩŋ jaŋ dii nɩalɩŋ kala sɩ joŋ harɩŋ yɩaŋ. Nɩalɩŋ kala sɩ mɩɩrɛ ŋ harɩŋ yɩrɩŋ jaŋ lɛl a nagɛ ba sɩ ŋmʋnsɛ nɩa yɩrɩŋ bil hagɩla lɛ, a tɩŋ ba sɩ vɩa La TƖƖNA sɩɩ pɩba mɩɩsɩŋ a nagɛ lɩɩ-bulo.

ƐZƖKƖƐL 13:9

Mɩ jaŋ dɔgɩsɛ ma nɩalɩŋ sɩ nyɩɛ wɩaa arɩ maa na wɩaa a nagɛ duosoo tʋɔŋ nɛ, a vʋgaa nyɩɛ wɩaa. Ma bɩra bɩ jaŋ guoli mɩ nɩalɩŋ sɩ yie hilime vʋvʋʋrɛ wɩaa tʋɔŋ, koo dɩ ba ŋmʋnsɛ ma yɩraa hɛ Iziral tɩŋŋaa tʋɔŋ koo ma jʋʋ Iziral tinteeŋ. Ŋɩɩ nɛ ma jaŋ jɩŋ arɩ mɩ nɛ ma TƖƖNA Wɩɩjarɩbakɔ.

ƐZƖKƖƐL 37:26

Mɩ jaŋ bil niiŋ mɩ dɩ ba pɛgɛ dɩ fɩɛlɩŋ hɛ ba teeŋ a kaa mʋ wuu. Mɩ jaŋ leŋ dɩ ba chɩŋ, a leŋ dɩ ba nɩaa pʋŋa pɛ. Mɩ dɩɩ-balɩŋ jaŋ hɛ ba tʋɔŋ a kaa mʋ wuu.

ƐZƖKƖƐL 47:22

Ma jaŋ kɛŋ tintee-la kpaa pɩ ma tɩtɩa arɩ nɩwogusu-la sɩ hɛ ma tʋɔŋ a lʋl biiriŋ. Má jomba dɩ ba nagɛ Iziral tɩmma dɩ ma kpaa leriŋ pɩ ba ma Iziral doho doho-la tʋɔŋ.

HOSIA 3:4

Ŋɩɩ tɩtɩa nɛ Iziral tɩŋŋaa jaŋ hɛ nɩmɛ tapʋl-daŋ a bɩ jaŋ kɛŋ kuoro koo sɩpaa-laarʋ, a bɩ pʋsʋŋ ma jaŋ kpʋ ŋaa Wɩɩsʋlʋŋ koo a kpaarɛ tabɩa-la sɩ ŋaa vesiŋ, a bɩ jaŋ kɛŋ gɛrɩ-laala-daŋɩɩ-la ba sɩ kaa chɛ na wɩaa koo tɔŋ.

NAMBABA 18:19

Wɩɩsʋlʋŋ kʋzɔmɔ-la Iziral tɩŋŋaa sɩ yie kaa kʋ pɩ mɩ-na ma TƖƖNA, ba jaŋ ŋaa ŋ dɩ ŋ hambolibiisiŋ arɩ ŋ toloo kpaalɩŋ. Ʋ jaŋ ŋaa nii a pɩŋ mɩ dɩŋ arɩ ŋ doho nɩaa pɛgɛ a kaa mʋ wuu.”

Luuk 1:72

Ʋ bʋla arɩ ʋ jaŋ fá la doho nɩaa nenige, a liise yi nii-zɔŋ-la ʋ sɩ bile ʋ dɩ la naabalɩmaba pɛgɛ.

Jɔɔŋ 10:16

Mɩ kɛŋ piesee dɔnsʋŋ ma, aŋ ka ba tuo piesee deemba tʋɔŋ. Mɩ jaŋ kɛŋ ba ma kaa kɔ. Ba ma jaŋ jɩŋ mɩ yikoro a kala ŋaa nɩbala piesee, ba pie-daara ma ŋaa kʋbala.

Jɔɔŋ 15:5

Ŋɩɩ nɛ Yesu bɩra bʋl, “Mɩ nagɛ tɩa nɛ, ma ma nagɛ tɩa-la naakelee. Nɩɩ-la kala sɩ mɛrɛ mɩ lɛ, mɩ ma mɛrɛ tɩɩna lɛ, ʋ nɛ jaŋ wuo ŋaa wʋzɔŋŋɔɔ yʋgɛ, bɛɛ wɩaa dɩ ma nɛ bɩ mɩ lɛ mɛrɛ, ma bɩ jaŋ wuo ŋaa wɩɩkala.

Jɔɔŋ 4:22

Ma-na Samarɩa tɩŋŋaa sɛnɛ bɩ jɩŋ nɩɩ-la ma sɩɩ chʋɔlʋ. La-na Juu tɩŋŋaa jɩŋ Nɩɩ-la la sɩɩ chʋɔlʋ nɛ. Nɩɩ-la lɛ Wɩa sɩ jaŋ to a laa dʋnɩa nɩaa ta, ʋ lɩɩ Juu tɩŋŋaa tʋɔŋ nɛ.

Tɩntɩŋŋaa 2:39

Wɩalɩŋ Wɩa sɩ bʋla, ma nɛ ʋ bʋla pa, ma dɩ ma biiriŋ arɩ nɩalɩŋ kala sɩ lɩɩ dɩ-boluŋ, nʋʋ na-kala Wɩa sɩ yɩra dɩ ʋ kɔ ʋ teeŋ.”

Tɩntɩŋŋaa 28:20

Ŋ-la nɛ tɩɩ mɩ sɩ mɩ jaŋ nama dɩ la bʋl wɩaa. Ba kɛŋ chɔrʋmɔɔ deemba vɔɔmɛ a tɩŋ nɩɩ-la wɩaa ma Iziral tɩŋŋaa sɩɩ yɩɛlʋ arɩ ʋ jaŋ kɔ lɛ nɛ.”

Tɩntɩŋŋaa 3:25

Wɩalɩŋ Wɩa fa sɩ to ʋ wʋlaabʋllaa lɛ a bʋla pɩ ma naabalɩmaba, ma ma pɛ ba lɛ nɛ. Ʋ fa bil niiŋ nɛ ʋ dɩ ma naabalɩma Abɩraham pɛgɛ: ‘Ŋ doho nɩaa lɛ nɛ mɩ jaŋ to a pɛ dʋnɩa nɩaa kala lɛ.’

Rom Tɩŋŋaa 9:8

Wɩɩŋ deeŋ daga arɩ nʋʋkala doho bɩ Wɩa nɩaa doho ŋaa, see biiri-la Wɩa sɩ hɛ niiŋ ba lʋl, ba nɛ ʋ beŋ ba ŋaa ʋ doho nɩaa tɩtɩa.

Galiisia Nɩaa 4:8

Faafaa-la, ma sɩ bɩ Wɩa jɩŋ, ma faa to vʋɩyaa nɛ a ŋaa ba yosi.

Ɛfɛsɩs Nɩaa 2:19

Ma saa bɩra bɩ nʋhʋɔraa ŋaa, ma bɩ jʋjʋʋlʋ ma ŋaa. Ma dɩ Wɩa nɩaa kala ŋaa kʋbala nɛ a ŋaa Wɩa dɩa nɩaa.

Ɛfɛsɩs Nɩaa 4:18

Birimiŋ tɔ ba wʋjɩmɩŋ nɛ. Ba bɩ jaŋ wuo na mɩɩsɩ-la Wɩa sɩ joŋo pɩ nɩaa, bɛɛ wɩaa ba bɩ wɩɩkala jɩŋ, ba dɩgɩlaa ma bɩ wɩaa ka nɩɩ.

Koloosi Nɩaa 1:21

Ma dɩ Wɩa sɩaa fa bɩ dɔŋɔ ka na, a tɩŋ ma wʋbɔmɔ-la ŋaanɩŋ arɩ ma tʋɔbɩɩŋ lɔrʋnʋ-la wɩaa.

Koloosi Nɩaa 1:27

Ba nɛ Wɩa lɩɩsɛ dɩ ba jɩŋ wɩalɩŋ sɩ zɔmɔ ŋɩɩ kɩŋkɛŋ, ka ʋ fa joŋo faa. Lɛɛlɛ ʋ dagɛ ba sɩ magɛ ŋɩɩ nɛ a pɩ nɩalɩŋ sɩ bɩ Juu tɩŋŋaa ŋaa. Wɩalɩŋ nɛ daga arɩ Kirisito hɛ ma tʋɔŋ lɛ nɛ. Ŋɩɩ wɩaa, má yɩyɩɛlɛ dɩ ma kpaa ʋ yɩrɩ-bal-la nɛ.

Koloosi Nɩaa 1:5

Ma ŋaa ŋɩɩ a tɩŋ ma sɩɩ yɩɛlɛ kɩalɩŋ sɩ pɩna gbɛrɛma nɛ Wɩa-jaŋ lɛ. Ma nɩɩ wɩɩŋ deeŋ bʋa-la ma sɩ nɩɩ Wɩa wʋzɔmɔ-la sɩ ŋaa wʋtɩtɩɩ nɛ.

1 Tɛsalonaaka Nɩaa 4:13

Mɩ naambiiri, laa chɛ dɩ ma jɩŋ wʋtɩtɩɩ-la a mʋ tɩgɛ nɩalɩŋ sɩ sʋba lɛ, dɩ ma tʋɔŋ sɩ́ faasa chei a nagɛ nɩalɩŋ sɩ bɩ kʋŋkala ka yɩɛlɛ tʋɔŋ sɩ chei ŋɩɩ.

1 Tɛsalonaaka Nɩaa 4:5

Má sɩ́ ma tʋɔtɔrɛ wʋŋaalaa lɛ to a gɔllɔ ŋaa wʋlɩɩlɩŋ arɩ nɩalɩŋ sɩ bɩ Wɩa jɩŋ sɩɩ ŋaa ŋɩɩ.

2 Tɛsalonaaka Nɩaa 2:16

La Tɩɩna Yesu Kirisito arɩ la Nyɩmma Wɩa sɩ chola lahɔrɩmɔ lɛ, ʋ ŋaa la tʋɔŋ pɩŋ dɩ-bala nɛ a kaa mʋ wuu, dɩ la wuo yɩyɩɛlɛ wʋzɔŋŋɔɔ.

1 Timoti 1:1

Mɩ-na Pɔɔl nɛ ŋmʋnsɛ teniŋ deeŋ. La Tɩɩna Wɩa sɩ ŋaa la Laataara doluŋ lɛ nɛ ʋ lɩɩsɛmɛ dɩ mɩ ŋaa Kirisito Yesu nanzɔɔ. Kirisito Yesu lɛ nɛ la yɩɛlaa hɛ.

Hiburu TƖŊŊAA 11:34

Nyiniŋ ma bɩ ba dɔnsʋŋ wuo dii. Wɩa lɩɩsɛba nɩbɔŋŋɔɔ nɩsɩŋ lɛ dɩ ba sɩ́ ba kpʋ. Ba fa bɩ doluŋ kɛnɛ, ama Wɩa nɛ pɩba doluŋ ba wuo ŋaa wɩaa. Ba kʋ ŋaa bɔɩ-duoŋ tɩŋŋaa a yuo laalɩŋ a dii. Ba yuo a dii tinteyee dɔnsʋŋ, ba laalɩyuoroo fá lɛl.

Hiburu TƖŊŊAA 6:18

Wɩa saa ŋaa wɩaa balɩa nɛ. Ʋ sɩ wuo bʋl wɩɩ-la aŋ pɛ ŋmɩɛsɛ ŋɩɩ, wɩaa deemba balɩamɩŋ bɩra bɩ jaŋ kɔ dɩ ba bɩrɩma, bɛɛ wɩaa Wɩa bɩ wɩaa nyɩɛ. Ŋɩɩ wɩaa, la nɩalɩŋ sɩ fá mʋ Wɩa teeŋ dɩ ʋ laala ta nyuŋ nyaasɛ nɛ dɩ la kɛŋ yɩɛlaa woruŋ a mʋ tɩgɛ wɩalɩŋ Wɩa sɩ sɩ ʋ jaŋ ŋaa pɩla lɛ.

Hiburu TƖŊŊAA 8:6

Tɩntɩmɩɩ-la Kirisito sɩɩ tɩŋ nɛ yʋga kɩɩ tɩntɩmɩɩ-la bumbuŋ nɩaa sɩ tɩma, bɛɛ wɩaa Wɩa to ʋ lɛ nɛ a bil nii-falɩŋ ʋ dɩ ʋ nɩaa pɛgɛ. Nii-falɩɩ-la nɛ kpɩa bumbuŋ nii-la Wɩa sɩ hɛ pɩ ʋ nɩaa, bɛɛ wɩaa wɩɩ-la Wɩa sɩ bʋla bɩ jaŋ kɔ dɩ ʋ ta da.

1 Pɩɩta 1:21

Ma to ʋ lɛ nɛ a laa Wɩa wɩaa dii. Ʋ nɛ chɩsɛ Yesu sʋʋŋ lɛ a pʋ yɩrɩŋ. Ŋɩɩ wɩaa ma laa diiniŋ arɩ ma yɩɛlaa kala hɛ Wɩa lɛ nɛ.

1 Pɩɩta 1:3

Má leŋ dɩ la dɛnnɛ Wɩa, ʋ nɛ ŋaa La Tɩɩna Yesu Kirisito Nyɩmma. Ʋ fá la nenige nɛ kɩŋkɛŋ a leŋ la kɛŋ mɩɩ-falɩŋ, a tɩŋ ʋ sɩ chɩsɛ Yesu Kirisito sʋʋŋ lɛ. La saa yɩɛlʋ arɩ la jaŋ kɛŋ mɩɩsɩŋ,

1 Pɩɩta 3:15

Ama ma tʋɔŋ lɛ má fɩfá Kirisito a leŋ dɩ ʋ ŋaa ma Tɩɩna. Bʋa na-kala lɛ, dɩ nʋʋ nɛ pɩɛsɛma dɩ ʋ jɩŋ wɩɩ-la sɩ tɩɩ ma laa Yesu wɩaa dii, ma kɛŋ ma tɩtɩa woruŋ a to wɩɩ-la naasɩŋ pʋ. Ama ma fɩɛlɛ ma sɩaa a bʋl wɩɩ-la.

1 Jɔɔŋ 3:3

Nɩɩ-la kala sɩɩ yɩɛlɛ wɩɩŋ deeŋ, ʋ jaŋ lɩɩsɛ ʋ tɩtɩa wʋbɔŋŋɔɔ lɛ aŋ kɛŋ tʋɔpʋla, arɩ Kirisito sɩ kɛŋ tʋɔpʋla ŋɩɩ.