Ɛfɛsɩs Nɩaa 2:11 - WƖA TENIŊ

¹¹ Ma nɩalɩŋ sɩ bɩ Juu tɩŋŋaa ŋaa, má sɩ́ yʋ arɩ Juu tɩmma-la fa sɩ keri ba penee kɛŋ ma nɩalɩŋ sɩ bɩ ma penee keri yɩyɩrɛ peŋ-puru tɩmma nɛ. Ama nuhuobiine nɛ keri ba penee.

Ɛfɛsɩs Nɩaa 2:11 ပူးပေါင်းရင်းမြစ်များ

ƐZƖKƖƐL 20:43

Nɩmɛ nɛ ma jaŋ liisi wɩalɩŋ kala ma fa sɩ ŋaa a joŋ disiniŋ hɛ ma tɩtɩa lɛ, dɩ ma tʋɔŋ lɩɩ ma tɩtɩa a tɩŋ wʋbɔmɔ-la kala ma sɩ ŋaa wɩaa.

ƐZƖKƖƐL 36:31

Ŋɩɩ nɛ ma jaŋ liisi wʋbɔmɔ-la ma sɩ ŋaa, dɩ ma tʋɔŋ lɩɩ ma tɩtɩa a tɩŋ ma wʋbɔŋŋɔɔ arɩ wʋkɩsɩa-la ma sɩ ŋaa wɩaa.

Matiu 20:7

Ŋɩɩ nɛ ba bʋla pʋ arɩ ba bɩ tɩntɩŋŋaa na dɩ ba tɩŋ. Ŋɩɩ nɛ ʋ bʋla pɩba dɩ ba ma mʋ a tɩŋ ʋ baga lɛ. Ba ma mʋ.

Rom Tɩŋŋaa 11:17

Juu tɩŋŋaa saa nagɛ tɩa-la ba sɩɩ yɩrɛ Olif nɛ. Ba kɛŋ ʋ nɛnɛɛ a kaa tutugi nʋʋŋ nɛ. Wɩa ŋaa ʋ zɔŋ. Ŋɩɩ nɛ Wɩa keri ʋ naakelee dɔnsʋŋ, aŋ kɛmma kaa mɛrɛ ba leree, ma nɩalɩŋ sɩ nagɛ gɩrɩŋ tɩɩ-naakelee. Ʋ ŋaa ŋɩɩ dɩ ma ma pɛ nɩɩ Olif tɩɩ-zɔŋ-la naakelee sɩma nɛ.

Rom Tɩŋŋaa 2:26

Dɩ nɩɩ-la sɩ bɩ ʋ peniŋ kere nɩɩ to wɩalɩŋ Mosis sɩ ŋmʋnsa bil dɩ nɩaa tuto, ma bɩ jɩŋ arɩ Wɩa jaŋ benu arɩ ʋ keri ʋ peniŋ nɛɛ?

Rom Tɩŋŋaa 2:27

Ŋɩɩ wɩaa nɩalɩŋ sɩ bɩ ba penee keri aŋ tuto wɩalɩŋ Mosis sɩ ŋmʋnsa bil dɩ nɩaa tuto, ba jaŋ joŋ cheeriŋ pɩma. Ma nɩaa deemba jɩŋ wɩalɩŋ Mosis sɩ ŋmʋnsa bil nɛ a kikeri ma penee maa, aŋ ka ma chichei wɩalɩŋ.

1 Kɔrɩntɩ Nɩaa 12:2

Ma jɩma bʋa-la lɛ ma fa sɩ bɩ Wɩa ka chʋɔlɛ, ma faa to Sɩtaanɩ harɩŋ nɛ, a faa kpaarɛ vʋɩyaa ma. Vʋɩyaa deemba fa bɩ wɩaa wuo bʋbʋl. Ba leŋe ma yeŋŋi nɛ.

1 Kɔrɩntɩ Nɩaa 6:11

Ma dɔnsʋŋ faa ŋaa wɩaa deemba nɛ. Ama Wɩa fo ma wʋbɔŋŋɔɔ ta nɛ. Wɩa nɛ tɩɩma. A tɩŋ La Tɩɩna Kirisito Yesu wɩaa arɩ Wɩa Dɩŋ-zɔŋ-la doluŋ lɛ, ma ŋaa tʋɔpʋl tɩmma nɛ Wɩa teeŋ.

Galiisia Nɩaa 2:15

Wʋtɩtɩɩ nɛ, ba sɩ lʋlla, la ŋaa Juu tɩmma nɛ. Nɩalɩŋ sɩ bɩ Juu tɩŋŋaa ŋaa sɩ ŋaa wʋbɔmɔ-la, la bɩ baa ŋaa.

Galiisia Nɩaa 6:12

Nɩalɩŋ sɩɩ chɛ dɩ ba dagɛ ba tɩtɩa lɛ arɩ baa to Juu tɩŋŋaa wombiiŋ, ba nɩɩ fʋgɛma dɩ ma keri ma penee. Ba laa dii arɩ Kirisito sʋʋ daagɛsɛ nyuŋ ba wɩaa nɛ. Ama ba bɩ chɛ dɩ nɩaa to ŋɩɩ lɛ a dɔgɩsɛba.

Ɛfɛsɩs Nɩaa 2:2

Ma faa ŋaa wʋbɔŋŋɔɔ nɛ a ŋɩŋaa dʋnɩa deeŋ tʋɔtɔrɛ wɩaa, a tuto Sɩtaanɩ. Sɩtaanɩ nɛ ŋaa jɩŋ-bɔŋŋɔɔ kala kuoro, ʋ nɩɩ beŋ nɩalɩŋ sɩ bɩ Wɩa niiŋ wɩaa ka to.

Ɛfɛsɩs Nɩaa 5:8

Bʋa kʋbala lɛ ma ma fa hɛ birimiŋ tʋɔŋ nɛ, ama La Tɩɩna Yesu leŋe ma lɛɛlɛ hɛ pʋlʋmʋŋ tʋɔŋ nɛ. Ŋɩɩ wɩaa, má leŋ dɩ ma wʋŋaalaa nagɛ nɩalɩŋ sɩ hɛ pʋlʋmʋŋ tʋɔŋ.

MOSIS BƖRA WULLI WƖA WOMBIIŊ 15:15

Ma jɩŋ arɩ ma ma fa ŋaa yosi nɛ Ijipiti tinteeŋ lɛ, ma TƖƖNA Wɩa laama ta, ŋɩɩ nɛ tɩɩ mɩ joŋ wɩɩŋ deeŋ aa dagɛma jɩnɩŋ.

MOSIS BƖRA WULLI WƖA WOMBIIŊ 16:12

Má jɩŋ arɩ ma fa ŋaa yosi nɛ Ijipiti tinteeŋ lɛ, ŋɩɩ wɩaa má fɩɛlɛ ma sɩaa a to wɩaa deemba mɩ sɩɩ dagɛma.

MOSIS BƖRA WULLI WƖA WOMBIIŊ 5:15

Má jɩŋ arɩ ma fa ŋaa yosi nɛ Ijipiti tinteeŋ lɛ, mɩ-na ma TƖƖNA Wɩa kɛŋ mɩ doluŋ a kɛmma kaa kʋ lɩɩ. Ŋɩɩ nɛ tɩɩ mɩ-na ma TƖƖNA bʋla pɩma arɩ ma tuto mɩ chɛ-wiesii-la woruŋ ŋɩɩ.

MOSIS BƖRA WULLI WƖA WOMBIIŊ 8:2

Má liisi jɩsɩŋ mahɩŋ balɩa-la kala ma TƖƖNA Wɩa sɩ kɛmma kaa vɩvɛŋ tintee-hɩlɩɩ-la lɛ. Ʋ ŋaa wɩaa ma lɛ dɩ ma sɩaa tuu tinteeŋ nɛ, aŋ magɩsɛma dɩ ʋ na ma jaŋ to wɩalɩŋ ʋ sɩ daga koo ma bɩ to.

MOSIS BƖRA WULLI WƖA WOMBIIŊ 9:7

Má sɩ́ yʋ, ŋɩɩ ma sɩ leŋe ma TƖƖNA Wɩa baanɩŋ faasa sii ma nyuŋ tintee-hɩlɩɩ-la lɛ, a chɩŋ bʋa-la lɛ ma sɩ lɩɩ Ijipiti tinteeŋ lɛ a kʋ yi daha, ma vɩa ma TƖƖNA niiŋ nɛ.

Fɩlɩpa Nɩaa 3:3

La nɛ paala chaasa ŋaa nɩalɩŋ sɩ sɛnɛ keri ba penee, bɛɛ wɩaa la-na to Wɩa Dɩŋ-zɔmʋŋ niiŋ lɛ nɛ aa chʋɔlɛ Wɩa. Ŋɩɩ wɩaa, laa jʋɔsɛ Kirisito Yesu teeŋ nɛ. La-na bɩ la yɩɛlaa joŋo hɛ yaraa wʋŋaalaa lɛ.

Koloosi Nɩaa 1:21

Ma dɩ Wɩa sɩaa fa bɩ dɔŋɔ ka na, a tɩŋ ma wʋbɔmɔ-la ŋaanɩŋ arɩ ma tʋɔbɩɩŋ lɔrʋnʋ-la wɩaa.

Koloosi Nɩaa 2:11

Ma dɩ Kirisito sɩ ŋaa kʋbala ŋɩɩ, ʋ naga arɩ ʋ keri ma penee nɛ, ʋ bɩ naga nuhuobiinee nɛ kere. Ʋ sɩ ŋaa ŋɩɩ nɛ leŋe ma wuo joŋ ma faafaa wʋbɔmɔ-la ta.

Koloosi Nɩaa 2:13

Faafaa-la ma fa naga ma sʋba nɛ Wɩa teeŋ a tɩŋ ma sɩɩ ŋaa wʋbɔŋŋɔɔ wɩaa a bɩ ma penee ma kere. Ama Wɩa sɩ chɩsɛ Yesu sʋʋŋ lɛ, ŋɩɩ leŋe ma ma kɛŋ mɩɩsɩŋ nɛ. Ʋ joŋ la wʋbɔŋŋɔɔ kala a chɛla nɛ.

Koloosi Nɩaa 3:11

Mɛl-falɩŋ deeŋ tʋɔŋ ʋ bɩ wɩɩ kɛnɛ dɩ ma ŋaa Juu tɩŋŋaa koo ma bɩ Juu tɩŋŋaa ŋaa, dɩ ma keri ma penee koo ma bɩ ma penee kere, dɩ ma ŋaa nʋhʋɔraa, koo dɩ ma ŋaa nɩalɩŋ sɩaa sɩ bɩ suro, dɩ ma ŋaa yosuŋ koo dɩ ma tɩɩ ma tɩtɩa. Wɩa nɩaa tʋɔŋ, Kirisito nɛ ŋaa ba wʋnyuŋ, ʋ hɛ ba kala lɛ nɛ.

1 SAMƲƐL 17:26

Devit pɩɛsɛ laalɩyuoro-la dɔnsʋŋ sɩ chɩna kpagʋ, “Ma sɩ bɛɛ nɛ ba jaŋ ŋaa pɩ nɩɩ-la sɩ jaŋ kpʋ Fɩlɩsɩtɩa tɩŋŋaa baala deeŋ a lɩɩsɛ Iziral tɩŋŋaa hɩɩsɩŋ lɛ? Kʋbɛɛ nɛ ka Fɩlɩsɩtɩa tɩɩna deeŋ sɩ bɩ Wɩa ka to, aa tʋʋsɛ Wɩa-la sɩ weye laalɩyuoroo joŋŋoo?”

1 SAMƲƐL 17:36

Mɩ kpʋ naachigee arɩ lʋgʋmaa nɛ woruŋ, Fɩlɩsɩtɩa tɩŋŋaa baala deeŋ sɩ bɩ Wɩa ka to ma jaŋ nagɛ ba dɔŋɔ mɩ teeŋ, bɛɛ wɩaa ʋ tʋʋsɛ Wɩa-la sɩ weye laalɩyuoroo joŋoo nɛ.