Ɛfɛsɩs Nɩaa 2:10 - WƖA TENIŊ

¹⁰ Wɩa nɛ ŋaala. Ʋ ŋaala dɩ la dɩ Kirisito Yesu ŋaa kʋbala nɛ a ŋɩŋaa wʋzɔŋŋɔɔ. Ʋ ŋaa wʋzɔŋŋɔɔ deemba bil la lɛ faa faa kala nɛ dɩ la ŋɩŋaaba.

Ɛfɛsɩs Nɩaa 2:10 ပူးပေါင်းရင်းမြစ်များ

WƖA YƖƖLAA 100:3

Ma jɩma La Tɩɩna nɛ Wɩa, ʋ nɛ ŋaala a tɩɩla, la ŋaa ʋ nɩaa nɛ, ʋ dɩdaala a nagɛ piesee.

WƖA YƖƖLAA 119:3

Ba bɩ wʋbɔŋ ka ŋaa, baa to La Tɩɩna wombiee nɛ.

WƖA YƖƖLAA 138:8

La Tɩɩna jaŋ ŋaa wɩalɩŋ kala ʋ sɩ hɛ niiŋ arɩ ʋ jaŋ ŋaa pɩmɛ. La Tɩɩna, ŋ chonuŋ bɩ dɛrɛ. Sɩ́ ŋ nɩalɩŋ ŋ sɩ ŋaa vɩa ta.

WƖA YƖƖLAA 51:10

Mɩ Wɩa, leŋ dɩ mɩ kɛŋ tʋɔpʋla, a wasa chɩŋ mɩ wʋtɩtɩɩ naaŋ lɛ.

WƖA YƖƖLAA 81:13

Dɩ mɩ nɩaa nɛ jaŋ jegile nɩɩ mɩ teeŋ, dɩ ma Iziral tɩŋŋaa nɛ ŋaa wɩɩ-la mɩ sɩ bʋla,

AZAAYA 19:25

La TƖƖNA doluŋ kala Tɩɩna jaŋ pɛ ba lɛ aŋ bʋl, “Pɛnɩŋ jaŋ hɛ mɩ nɩaa Ijipiti tɩŋŋaa teeŋ, arɩ Asiiria tɩŋŋaa mɩ sɩ ŋaa, arɩ Iziral tɩŋŋaa, nɩalɩŋ mɩ sɩ lɩɩsa.”

AZAAYA 29:23

Dɩ ba nɛ na biiri-la mɩ sɩ joŋo pɩba, ba jaŋ kɛŋ mɩ yɩrɩ zɔmʋŋ woruŋ. Ba jaŋ jɩŋ arɩ Jekɔb Wɩa sɩ bɩ disiniŋ kɛnɛ nɛ ŋaa ŋɩɩ. Ŋɩɩ nɛ ba jaŋ chaasa zizil Iziral tɩŋŋaa Wɩa.

AZAAYA 43:21

Ba nɛ nɩalɩŋ mɩ sɩ ŋaa a pɩ mɩ tɩtɩa dɩ ba dɩdɛnnɛmɛ.

AZAAYA 43:7

Ba ŋaa mɩ nɩaa nɛ, mɩ nɛ ŋaaba, mɩ nɛ mɛba dɩ ba dagɛ mɩ tʋla.”

AZAAYA 44:21

“Iziral tɩmma, ma Jekɔb doho nɩaa, má jɩŋ arɩ ma ŋaa mɩ tɩntɩnnaa nɛ. Mɩ nɛ ŋaama, ma ŋaa mɩ tɩntɩnnaa, mɩ bɩ jaŋ yʋ ma wɩaa.

AZAAYA 60:21

Ŋ nɩaa kala jaŋ ŋaa tʋɔpʋl tɩmma, ba jaŋ tɩɩ tintee-la a kaa mʋ wuu. Ba nagɛ tɩɩsɩŋ mɩ sɩ chɔnsɔ nɛ, mɩ tɩntɩmɩŋ nɛ ŋɩɩ dɩ mɩ dagɛ mɩ doluŋ.

AZAAYA 61:3

Tʋɔ-chei-la nɩalɩŋ sɩ hɛ Zaayɔŋ lɛ sɩ kɛnɛ, ʋ jaŋ leŋ dɩ ba mɩɩra kɛŋ tʋɔtɔrʋŋ, dɩ tʋɔ-chei-la lɛl. Ba tʋɔŋ fa sɩ chei ŋɩɩ, ba jaŋ mɩɩra yɩɩ tʋɔtɔrɛ yɩɩlaa. Ba kala jaŋ nagɛ tɩɩsɩŋ La TƖƖNA tɩtɩa sɩ chɔnsɔ. Ba jaŋ ŋaa wɩalɩŋ sɩ zɔmɔ a leŋ dɩ La TƖƖNA yɩrɩŋ yɩrɛ.

JƐRƖMAAYA 31:33

La TƖƖNA bɩra sɩ, “Bʋa-la lɛ nii-la mɩ sɩ jaŋ bil mɩ dɩ Iziral tɩŋŋaa pɛgɛ nɛ ŋ-la: Mɩ jaŋ joŋ wombii-la mɩ sɩ bile dɩ ba tuto wɩaa hɛ ba nyuŋ lɛ, aŋ ŋmʋnsʋ a hɛ ba tʋɔŋ ma lɛ. Mɩ jaŋ ŋaa ba Wɩa, dɩ ba ma ŋaa mɩ nɩaa.

Matiu 5:16

Ŋɩɩ tɩtɩa nɛ ma maga dɩ ma chaanɛ nɩaa teeŋ, dɩ ba wuo na wʋzɔmɔ-la ma sɩɩ ŋaa a dɛnnɛ ma Nyɩmma sɩ hɛ Wɩa-jaŋ lɛ.

Jɔɔŋ 3:21

Ama nʋʋ na-kala sɩɩ ŋaa wʋzɔŋŋɔɔ cho pʋlʋmʋŋ a yie lɩlɩɩ pʋlʋmʋŋ tʋɔŋ, dɩ nɩaa wuo na arɩ ʋʋ ŋaa wʋzɔmɔ-la Wɩa doluŋ lɛ nɛ.”

Tɩntɩŋŋaa 9:31

Ŋɩɩ harɩŋ lɛ nɩalɩŋ sɩ laa Yesu wɩaa dii aa hilimi Judiya arɩ Galilii arɩ Samarɩa tinteeŋ lɛ kala na wiese, a wasa laa Wɩa dii, a to La Tɩɩna Yesu a fɩfáʋ. Wɩa Dɩŋ-zɔmʋŋ ma pɛ ba lɛ. Ba pʋŋa pɛ.

Tɩntɩŋŋaa 9:36

Haal kʋbala nɛ fa hɛ Jɔpa lɛ. Ʋ faa to Yesu nɛ. Ʋ yɩrɩŋ nɛ Tabɩta. (Giriik tɩŋŋaa ka yɩrʋ Dɔkas nɛ. Ʋ bʋbʋɔŋ nɛ ‘bagɩl’.) Ʋ kɛŋ zile kɩŋkɛŋ a pɩpɛ summoo lɛ.

Rom Tɩŋŋaa 8:1

Dɩ la dɩ Kirisito kala nɛ ŋaa kʋbala, Wɩa bɩra bɩ jaŋ dii la sarɩya a joŋ cheeriŋ pɩla.

Rom Tɩŋŋaa 8:29

Nɩalɩŋ Wɩa sɩ laa sɩpaaŋ lɩɩsɛ, ʋ lɩɩsɛba dɩ ʋ kɛmba bɩrɩmɛ dɩ ba nagɛ ʋ tɩtɩa Bie nɛ, a leŋ ʋ Bie ŋaa ba kala kʋhɩaŋ.

1 Kɔrɩntɩ Nɩaa 3:9

La kala ŋaa tɩntɩnnɩ-dɔsɛ nɛ a pɛ Wɩa lɛ laa tɩŋ. Ma saa nagɛ Wɩa baga nɛ, a bɩra nagɛ Wɩa dɩa.

2 Kɔrɩntɩ Nɩaa 5:17

Ŋɩɩ wɩaa dɩ nʋʋkala nɛ laa Kirisito wɩaa dii, Wɩa kɛnʋ bɩrɩmɛ nɩ-falɩɩ nɛ. Wʋbɩnɩa-la kala bálá nɛ. Wʋfalaa nɛ suomi ʋ mɩɩsɩŋ lɛ.

2 Kɔrɩntɩ Nɩaa 5:5

Wɩa nɛ ŋaa Nɩɩ-la sɩ joŋ yarɩ-falaa deemba a pɩla. Ʋ nɛ saa joŋ ʋ Dɩŋ-zɔmʋŋ ma hɛ la lɛ dɩ la wuo jɩŋ arɩ la jaŋ kɛŋ yarɩ-falaa deemba ʋ teeŋ.

2 Kɔrɩntɩ Nɩaa 9:8

Wɩa kɛŋ doluŋ, ʋ jaŋ wuo pɩma kʋŋkala ma sɩɩ chɛ. Ʋ jaŋ paala faasa pɩma kʋŋkala ma sɩɩ chɛ dɩ ma kaa wasɛ ma tɩtɩa aŋ ka, a kɛŋ kʋkaanaa ma pɛ ma dɔnsʋŋ tɩŋŋaa lɛ.

Galiisia Nɩaa 6:15

Ʋ bɩ wɩɩ kɛnɛ dɩ la keri la penee koo dɩ la bɩ kere. Wɩɩ-la sɩ ŋaa sɩɩfɩaŋ wɩɩ nɛ, dɩ la bɩrɩmɛ a kɛŋ mɩɩ-falɩɩ-la.

Ɛfɛsɩs Nɩaa 1:1

Mɩ-na Pɔɔl nɛ ŋmʋnsɛ teniŋ deeŋ a pɩpɩ ma Wɩa nɩalɩŋ sɩ hɛ Ɛfɛsɩs lɛ a laa Yesu Kirisito dii arɩ wʋtɩtɩɩ. Wɩa tʋɔtɔrʋŋ lɛ nɛ ʋ lɩɩsɛmɛ dɩ mɩ ŋaa Kirisito Yesu nanzɔɔ.

Ɛfɛsɩs Nɩaa 1:4

Ka dɩ ʋ-na suomo ŋaa dʋnɩa, ʋ to Kirisito lɛ nɛ a lɩɩsɛla, dɩ la kɛŋ tʋɔpʋla, a sɩ́ cheeri kala kɛŋ ʋ sɩpaaŋ. A tɩŋ Wɩa sɩ chola wɩaa,

Ɛfɛsɩs Nɩaa 2:13

Ma dɩ Wɩa pɛgɛ fa bolie nɛ, ama lɛɛlɛ ma dɩ Kirisito sɩ ŋaa kʋbala ŋɩɩ, ʋ joŋ ʋ chalɩŋ jaasɛ ma wɩaa nɛ, a kɛŋ ma dɩ Wɩa kʋ kpagɛ dɔŋɔ.

Ɛfɛsɩs Nɩaa 2:15

Ʋ sɩ sʋba ŋɩɩ, ʋ leŋe wɩalɩŋ Mosis fa sɩ bile dɩ nɩaa tuto arɩ wɩalɩŋ ʋ sɩ daga bɩra bɩ doluŋ kɛnɛ. Ʋ ŋaa ŋɩɩ dɩ nɩalɩŋ sɩ ŋaa Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kala to ʋ lɛ nɛ a bɩrɩmɛ nɩfalɩa a sɩŋ.

Ɛfɛsɩs Nɩaa 2:2

Ma faa ŋaa wʋbɔŋŋɔɔ nɛ a ŋɩŋaa dʋnɩa deeŋ tʋɔtɔrɛ wɩaa, a tuto Sɩtaanɩ. Sɩtaanɩ nɛ ŋaa jɩŋ-bɔŋŋɔɔ kala kuoro, ʋ nɩɩ beŋ nɩalɩŋ sɩ bɩ Wɩa niiŋ wɩaa ka to.

Ɛfɛsɩs Nɩaa 2:6

La dɩ Kirisito Yesu sɩ ŋaa kʋbala ŋɩɩ, Wɩa chɩsɛla sʋʋ-la lɛ la wʋbɔŋŋɔɔ fa sɩ ŋaa la sʋʋ lɛ nɛ, arɩ ʋ sɩ chɩsɛ Kirisito sʋʋŋ lɛ ŋɩɩ, a leŋ la dɩ Kirisito Yesu kala hɔŋ Wɩa kuorii-la tʋɔŋ Wɩa jaŋ lɛ.

Ɛfɛsɩs Nɩaa 4:1

Ba kɛŋ mɩ-na Pɔɔl tɔ dɩa a tɩŋ La Tɩɩna Yesu wɩaa nɛ. Ma nɩalɩŋ Wɩa sɩ yɩra, mɩɩ sʋlma dɩ ma leŋ dɩ ma wʋŋaalaa joŋ wombiiŋ arɩ Wɩa sɩɩ chɛ ŋɩɩ.

Ɛfɛsɩs Nɩaa 4:24

Má leŋ dɩ tʋɔbɩɩŋ falɩa-la nagɛ gɛrɩŋ ma sɩ laala. Wɩa ŋaama dɩ ma nagʋ nɛ a kɛŋ tʋɔpʋla ʋ sɩpaaŋ a sɩ́ disiniŋ kɛŋ.

MOSIS BƖRA WULLI WƖA WOMBIIŊ 32:6

Ma nɩyaaraa deemba sɩ bɩ wɩɩkala jɩŋ, ŋ-la nɛ maga dɩ ma joŋo ŋaa La TƖƖNA lɛɛ? Ʋ dee ma nyɩmmaa? Ʋ dee bɩ ma ta, a leŋ ma ŋaa nɩaa?

MOSIS BƖRA WULLI WƖA WOMBIIŊ 5:33

Má to wɩalɩŋ kala ma TƖƖNA Wɩa sɩ́ dagɛma, dɩ wɩaa vɛŋ woruŋ a pɩma dɩ ma hɔŋ tintee-la ma sɩɩ mʋ dɩ ma tɩɩ lɛ, a dieni.

Fɩlɩpa Nɩaa 1:6

Mɩ laa dii arɩ Wɩa sɩ pɛ ma lɛ ma tɩŋ tɩntɩŋ-zɔmɔ-la ŋɩɩ, ʋ jaŋ pɛ ma lɛ dɩ ma tɩma mʋ yi tapʋlɩɩ-la La Tɩɩna Yesu Kirisito sɩ jaŋ kɔ.

Fɩlɩpa Nɩaa 2:13

Má ŋaa ŋɩɩ, bɛɛ wɩaa, Wɩa hɛ ma teeŋ nɛ bʋa na-kala lɛ a kɛmma tɩtɩŋ, dɩ ma cho dɩ ma ŋaa wɩɩ-la ʋ sɩɩ chɛ.

Koloosi Nɩaa 1:10

Ʋ jaŋ leŋ dɩ ma wʋŋaalaa kala chɩŋ Wɩa wombiiŋ lɛ, dɩ ʋ tʋɔŋ tɔrɛ ma nyuŋ a leŋ dɩ ma tɩŋ tɩntɩŋ-zɔŋŋɔɔ, tɩntɩŋ-dosunuŋ kala lɛ, dɩ ʋ kɛŋ doho, dɩ ma kʋ jɩŋ Wɩa woruŋ a waa pɛ.

Koloosi Nɩaa 3:10

aŋ lɛɛlɛ tuto mɛl-falɩɩ-la sɩ zɔmɔ. Wɩa leŋe ma waa mɛl-falɩŋ deeŋ lɛ nɛ dɩ ma wuo jɩŋ ʋ wɩaa woruŋ a kʋ nagɛ ʋ tɩtɩa nagɩsɩŋ.

2 Tɛsalonaaka Nɩaa 2:17

Laa sʋlʋ dɩ ʋ leŋ dɩ ma nyuŋ nyaasɛ, a pɩma doluŋ dɩ ma ŋɩŋaa wʋzɔŋŋɔɔ aa bʋl wʋzɔmɔ-la ma.

1 Timoti 2:10

Ama má leŋ dɩ nɩaa bɩbagɩsɛ haalaa a tɩŋ ba wʋzɔŋŋɔɔ lɛ. Ŋɩɩ nɛ jaŋ dagɛ arɩ baa to Wɩa.

1 Timoti 5:10

Ʋ maga dɩ ʋ wʋŋaalaa zɔŋ nɛ, dɩ ʋ bibeŋ ʋ biiriŋ woruŋ, a kɩkɛŋ nʋhʋɔraa woruŋ ʋ dɩa lɛ, a hʋhʋɔrɛ Wɩa nɩaa woruŋ ʋ dɩa lɛ, a pɩpɛ nɩalɩŋ wɩaa sɩ jʋa lɛ, a joŋ ʋ tɩtɩa hɛ wʋzɔŋŋɔɔ ŋaanɩŋ lɛ.

1 Timoti 5:25

Ŋɩɩ tɩtɩa nɛ dɩ nɩaa dɔnsʋŋ nɛ ŋaa wʋzɔŋŋɔɔ, nɩaa yie naba lɩma lɩma. Nɩaa dɔnsʋŋ wʋzɔŋŋɔɔ ma yie faa nɛ. Ama chɛɛ dɔŋ nɛ ba jaŋ chaasa lɩɩ pʋlʋmʋŋ tʋɔŋ.

1 Timoti 6:18

Bʋla pɩ nɩalɩŋ sɩ kɛŋ kɩaa dɩ ba ŋɩŋaa wʋzɔŋŋɔɔ, dɩ ba leŋ dɩ ba wʋzɔŋŋɔɔ yʋgɛ. Bʋla pɩba dɩ ba kɛŋ zile a ŋaa kɩaa pɩpɩ nɩaa.

2 Timoti 2:21

Ŋɩɩ wɩaa dɩ nʋʋ nɛ lɩɩsɛ ʋ tɩtɩa wʋbɔŋŋɔɔ lɛ, ʋ jaŋ nagɛ gbansɩ-la ba sɩ kaa didii kɩaa chɛ-zɔŋŋɔɔ. Nɩɩ-la sɩ nagɛ ŋɩɩ ŋaa tʋɔpʋl tɩɩna nɛ ʋ kʋhɩaŋ teeŋ. Nɩɩ-la jaŋ wuo pɛ ʋ kʋhɩaŋ lɛ woruŋ. Ʋ kʋhɩaŋ jaŋ leŋ dɩ ʋ tɩtɩŋ tɩntɩŋ zɔŋ na-kala.

2 Timoti 3:17

Ŋ-la nɛ jaŋ pɛ Wɩa tɩntɩnna lɛ, dɩ ʋ wɩaa kala chesi dɩ ʋ wuo tɩŋ tɩntɩŋ zɔŋ na-kala.

Taatɩs 2:14

La wɩaa nɛ tɩɩ ʋ sʋʋ, dɩ ʋ laala ta la wʋbɔŋŋɔɔ lɛ a pɩɩsɛ la disiniŋ ta, dɩ la ŋaa ʋ nɩaa. Ʋʋ chɛ dɩ la ŋaa nɩa sɩ joŋ la nyuŋ hɛ wʋzɔŋŋɔɔ ŋaanɩŋ lɛ.

Taatɩs 2:7

Ŋ-na tɩtɩa Taatɩs, wɩɩ na-kala ŋ sɩɩ ŋaa lɛ, leŋ dɩ nɩaa na ŋ wʋŋaalaa sɩ zɔmɔ dɩ ba tuto. Wɩalɩŋ kala ŋ sɩɩ dagʋ, leŋ dɩ ba na arɩ ŋ kɛŋ wʋtɩtɩɩ arɩ sɩɩfɩɛsɩŋ.

Taatɩs 3:1

Bʋla pɩ Wɩa nɩaa dɩ ba joŋ ba tɩtɩa pɩ nɩalɩŋ sɩ kɛŋ doluŋ ba lɛ arɩ nɩalɩŋ sɩɩ bemba a tutoba, a ŋaa siri dɩ ba ŋaa wɩɩ na-kala sɩ zɔmɔ.

Taatɩs 3:14

La nɩaa ma maga ba gʋnnɛ wʋzɔŋŋɔɔ ŋaanɩŋ nɛ, a wuo pɩpɛ nɩalɩŋ sɩ maga dɩ ba pɛ lɛ, aŋ sɩ́ mɛlɛ-la sɩ bɩ chie kɛnɛ kɛŋ.

Taatɩs 3:8

Wɩɩŋ deeŋ ŋaa wʋtɩtɩɩ nɛ. Mɩɩ chɛ dɩ ŋ paala chaasa bʋl wɩaa deemba, dɩ nɩalɩŋ sɩ laa Wɩa wɩaa dii, dɩ ba ŋaa siri a ŋɩŋaa wʋzɔŋŋɔɔ bʋa na-kala lɛ. Wɩaa deemba ŋaa wʋzɔmɔ nɛ. Ba jaŋ wuo pɛ nɩaa lɛ.

Hiburu TƖŊŊAA 10:24

Má leŋ dɩ la cho dɔŋɔ, a kɛŋ dɔŋɔ arɩ sɩɩfɩɛsɩŋ, aa pɛ dɔŋɔ lɛ, a ŋɩŋaa wʋzɔŋŋɔɔ dɔŋɔ lɛ.

Hiburu TƖŊŊAA 13:21

Mɩɩ sʋlʋ dɩ ʋ to Yesu Kirisito lɛ a pɩma kʋzɔŋ-na kala dɩ ma wuo kaa ŋɩŋaa wɩalɩŋ kala sɩɩ tɔrɛ ʋ tʋɔŋ. Má leŋ dɩ Kirisito yɩrɩŋ yɩrɛ a kaa mʋ wuu. Amɩɩ.

1 Pɩɩta 2:12

Ma sɩ guoli nɩalɩŋ sɩ bɩ Wɩa wɩaa laa dii tʋɔŋ, má kɛŋ ma tɩtɩa woruŋ, dɩ ba sɩ́ wombiiŋ na a bʋl arɩ ma ŋaa nɩbɔmɔ nɛ. Dɩ ba nɛ bʋla arɩ maa ŋaa wʋbɔŋŋɔɔ ma, má leŋ dɩ ba na wʋzɔmɔ-la ma sɩɩ ŋaa, a dɛnnɛ Wɩa dɩ ʋ yɩrɩŋ yɩrɛ tapʋlɩɩ-la ʋ sɩ jaŋ dii nɩaa sarɩya.

1 Jɔɔŋ 1:7

Ama dɩ la nɛ hɛ pʋlʋmʋŋ tʋɔŋ, arɩ Wɩa sɩ hɛ pʋlʋmʋŋ tʋɔŋ ŋɩɩ, ŋɩɩ-na la dɩ la dɔnsʋŋ tɩŋŋaa kala kɛŋ nii-bala nɛ. Dɩ la nɛ ŋaa ŋɩɩ, Wɩa Bie Yesu chalɩŋ ma jaŋ chɛsɛ la wʋbɔŋŋɔɔ kala ta.

1 Jɔɔŋ 2:6

Nɩɩ-la kala sɩ sɩ ʋ dɩ Wɩa ŋaa kʋbala, ʋ maga dɩ ʋ tɩɩna wʋŋaalaa nagɛ Yesu Kirisito wʋŋaalaa nɛ.