Ɛfɛsɩs Nɩaa 1:9 - WƖA TENIŊ

⁹ Ʋ tʋɔtɔrʋŋ lɛ nɛ ʋ leŋ la jɩŋ ʋ wɩalɩŋ kala fa sɩ faa, wɩalɩŋ ʋ sɩɩ chɛ dɩ ʋ to Kirisito lɛ a ŋaa pɩla.

Ɛfɛsɩs Nɩaa 1:9 ပူးပေါင်းရင်းမြစ်များ

WƖA YƖƖLAA 33:11

Ama wɩalɩŋ La Tɩɩna-na sɩ bɩɩna dɩ ʋ ŋaa jaŋ chɩŋ a kaa mʋ wuu. Ʋ tʋɔbɩɩnaa jaŋ chɩŋ a kaa mʋ wuu.

JƐRƖMAAYA 2:29

Wʋbɛɛ nɛ ma kɛŋ dɩ ma bʋl mɩ teeŋ? Ma kala vɩamɛ nɛ. Mɩ-na ma TƖƖNA nɛ bʋla.

Matiu 13:11

Ŋɩɩ nɛ Yesu bʋla pɩba, “Ma nɩaa deemba nɛ Wɩa dagɛ ʋ kuorii-la wɩaa sɩ faa bʋbʋɔŋ pɩpa, ama nɩ-daŋ kala dee.

Luuk 12:32

Ŋɩɩ nɛ Yesu bɩra bʋl, “Ma nɩalɩŋ sɩɩ tomi, ma bɩ yʋgɛ. Má sɩ́ leŋe dɩ fawʋllʋŋ kɛmma. Ma Nyɩmma tʋɔŋ tɔrɔ nɛ dɩ ʋ joŋ ʋ kuorii-la pɩma.

Luuk 2:14

“Má leŋ dɩ la dɛnnɛ Wɩa sɩ hɛ Wɩa-jaŋ lɛ. Nɩalɩŋ nyuŋ Wɩa tʋɔŋ sɩ tɔrɔ tinteeŋ lɛ jaŋ na fɩɛlɩŋ.”

Tɩntɩŋŋaa 13:48

Nɩalɩŋ sɩ bɩ Juu tɩŋŋaa ŋaa sɩ nɩɩ wɩɩŋ deeŋ, ba tʋɔŋ kala tɔrɛ, ba bʋl dɩ La tɩɩna niiŋ wɩaa sɩma kɩŋkɛŋ. Nɩalɩŋ Wɩa sɩ lɩɩsa dɩ ba kɛŋ mɩɩsɩ-la sɩ bɩ dɛrɛ, ba laa wɩalɩŋ dii.

Tɩntɩŋŋaa 2:23

Wɩa jɩma nɛ aŋ leŋ Yesu jʋʋ ma nɩsɩŋ. Ma nɛ leŋe wʋbɔŋ ŋaaraa kpaasʋ mɛrɛ daagɛsɛ nyuŋ ʋ sʋʋ.

Tɩntɩŋŋaa 4:28

Ba hilime ŋaa wɩalɩŋ kala ŋ sɩ paala jɩŋ ŋ doluŋ arɩ ŋ tʋɔbɩɩnaa lɛ arɩ ba jaŋ ŋaa nɛ.

Rom Tɩŋŋaa 11:25

Mɩ naambiiriŋ, wɩaa nɛ hɛ nɩmɛ Wɩa fa joŋo faama, mɩɩ chɛ dɩ ma jɩŋ. Wɩɩ-la jaŋ ŋaa dɩ ma sɩ́ bɩɩna bʋl arɩ ma kɛŋ wʋjɩmɩŋ a bibigisi ma tɩtɩa lɛ. Wɩɩ-la nɛ ŋ-la: Iziral tɩŋŋaa sɩ kɛŋ nyu-duo-la, ba bɩ jaŋ kɛnʋ wuu. Bʋa-la lɛ dɩ nɩalɩŋ sɩ bɩ Juu tɩŋŋaa ŋaa nɛ kʋ yʋgɛ a laa Wɩa wɩaa dii, Iziral tɩŋŋaa nyu-duo-la jaŋ dɛrɛ.

Rom Tɩŋŋaa 8:28

La jɩma wɩɩkala lɛ, Wɩa yie leŋ wɩaa zɔŋ nɛ a pɩ nɩalɩŋ sɩ chou, nɩalɩŋ ʋ sɩ lɩɩsa ʋ tʋɔtɔrʋŋ lɛ.

1 Kɔrɩntɩ Nɩaa 1:21

Wɩa sɩ kɛŋ wʋjɩmɩŋ, ŋɩɩ nɛ tɩɩ ʋ wuo ŋaa dɩ nuhuobiine sɩ́ ʋ tɩtɩa wʋjɩmɩŋ lɛ to a jɩŋ ʋ-na Wɩa. Nɩaa sɩ dɩ Wɩa wʋzɔmɔ-la la sɩɩ bʋl ŋaa wʋtɔɔnʋ nɛ, ama Wɩa to wɩalɩŋ lɛ nɛ a laa nɩalɩŋ sɩ laa wɩalɩŋ dii a ta.

Galiisia Nɩaa 1:12

Nuhuobiinee dee bɩ joŋo pɩmɛ, nuhuobiinee dee bɩ mɩ daga. Ama Yesu Kirisito nɛ joŋ wɩalɩŋ dagɛmɛ.

Galiisia Nɩaa 1:15

Ama ka dɩ ba-na lʋlmɛ, Wɩa lɩɩsɛmɛ nɛ dɩ mɩ tɩma pʋ. Ʋ lahɔrɩmɔ lɛ nɛ ʋ ŋaa ŋɩɩ mɩ lɛ.

Galiisia Nɩaa 1:16

Ʋ tʋɔtɔrʋŋ lɛ nɛ ʋ dagɛmɛ ʋ Bie Yesu Kirisito, dɩ mɩ wuo bʋl ʋ wʋzɔmɔ-la a pɩ nɩalɩŋ sɩ bɩ Juu tɩŋŋaa ŋaa. Ʋ sɩ ŋaa ŋɩɩ, mɩ bɩ nʋʋkala teeŋ mʋa dɩ ʋ dagɛmɛ.

Ɛfɛsɩs Nɩaa 1:11

Wɩa tʋɔtɔrʋŋ arɩ ʋ chɛnɩŋ lɛ nɛ ʋ yie ŋaa wɩɩkala. Ʋ to Kirisito lɛ nɛ a lɩɩsɛla a leŋ la ŋaa ʋ nɩaa, arɩ ŋɩɩ ʋ sɩ bɩɩna bil faafaa kala.

Ɛfɛsɩs Nɩaa 1:8

ŋɩɩ nɛ tɩɩ ʋ ŋaa ŋɩɩ pɩla. Ʋ sɩ kɛŋ wʋjɩmɩŋ, a jɩŋ wɩaa sɩaa lɛ nɛ ʋ ŋaa ŋɩɩ pɩla.

Ɛfɛsɩs Nɩaa 3:11

Wɩa fa bɩɩnɛ wɩɩŋ deeŋ faafaa kala nɛ a lɛɛlɛ to La Tɩɩna Yesu Kirisito lɛ a leŋ wɩalɩŋ sɛnɛ kʋ ŋaa wʋtɩtɩɩ.

1 Timoti 3:16

Wʋtɩtɩɩ, Wɩɩchʋɔlɛ wombii-la la sɩɩ to ŋaa wʋbal nɛ nʋʋkala bɩ jaŋ wuo kaa lɛrɛ. Wɩɩ-la fa faa nɛ ka Wɩa joŋo dagɛla lɛɛlɛ. Ʋ nɛ ŋ-la: Wɩa bɩrɩmɛ nuhuobiine nɛ a kʋ tuu dʋnɩa. Wɩa Dɩŋ-zɔmʋŋ ma dagɛ arɩ ʋ ŋaa tʋɔpʋl Tɩɩna nɛ. Wɩa tɩndaaraa ma naʋ. Nɩaa bʋl ʋ wɩaa dʋnɩa sɛmɛ-na kala lɛ. Dʋnɩa nɩaa laa ʋ wɩaa dii nɛ, aŋ ka Wɩa joŋu kaa jɩl Wɩa-jaŋ, ʋ laa yɩrɩŋ.

2 Timoti 1:9

Wɩa nɛ laala ta a yɩrɛla dɩ la ŋaa ʋ nɩaa. Ʋ bɩ naga Wɩa to la wʋzɔŋŋɔɔ lɛ nɛ a laala ta. Ama ʋ tɩtɩa tʋɔtɔrʋŋ lɛ nɛ ʋ fá la nenige a laala ta. Yesu Kirisito lɛ nɛ ʋ to a ŋaa ŋɩɩ pɩla. Ʋ jɩma arɩ ʋ jaŋ ŋaa ŋɩɩ pɩla faafaa kala nɛ, ka dʋnɩa-na suomi.