Ɛfɛsɩs Nɩaa 1:8 - WƖA TENIŊ

⁸ ŋɩɩ nɛ tɩɩ ʋ ŋaa ŋɩɩ pɩla. Ʋ sɩ kɛŋ wʋjɩmɩŋ, a jɩŋ wɩaa sɩaa lɛ nɛ ʋ ŋaa ŋɩɩ pɩla.

Ɛfɛsɩs Nɩaa 1:8 ပူးပေါင်းရင်းမြစ်များ

WƖA YƖƖLAA 104:24

La Tɩɩna, kʋ-daŋ nɛ ŋ ŋaa. Wʋjɩmɩŋ nɛ ŋ kaa ŋaa ba kala. Kɩalɩŋ ŋ sɩ ŋaa su tinteeŋ kala nɛ.

NAMAGABA 8:12

Mɩ-na wʋjɩmɩŋ arɩ nɩɩ-la sɩ jɩŋ wɩaa sɩaa nɩɩ jʋʋ. Mɩ jɩŋ wɩaa a bɩɩnɛ wɩaa woruŋ a ŋɩŋaa.

AZAAYA 52:13

La TƖƖNA sɩ, “Mɩ tɩntɩnna jaŋ dii nyuŋ ʋ wɩaa kala lɛ. Ʋ yɩrɩŋ jaŋ sii kɩŋkɛŋ, dɩ nɩaa zizilu woruŋ.

Matiu 11:19

Aŋ ka mɩ-na Nuhuobiine Bie kɔ ma teeŋ a didii kɩaa aŋ pɛ nyʋnyʋa sɩnɩŋ ma. Ŋɩɩ nɛ ba bʋl, ‘Baala deeŋ ŋaa luobii tɩɩna nɛ a ŋaa sɩ-nyʋarʋ ma aŋ pɛ kɛŋ lampoo laaraa arɩ wʋbɔŋ ŋaaraa kala kaa dii nandɔnsʋŋ.’ Nɩalɩŋ sɩ sɛɩ wʋjɩmɩɩ-la sɩ lɩɩ Wɩa teeŋ, ba wʋŋaalaa nɛ yie dagɛ arɩ wɩalɩŋ sɛnɛ ŋaa wʋtɩtɩɩba nɛ.”

Rom Tɩŋŋaa 11:33

Wɩa sɩɩ fá la nenige ŋɩɩ arɩ ŋɩɩ ʋ sɩ kɛŋ wʋjɩmɩŋ arɩ ŋɩɩ ʋ sɩ jɩŋ wɩaa bʋbʋɔŋ, ʋ bɩ magɩa kɛnɛ. Kʋbɛɛ nɛ jɩŋ ŋɩɩ Wɩa sɩɩ ŋaa wɩaa? Nʋʋkala bɩ Wɩa wʋŋaalaa jɩŋ.

Rom Tɩŋŋaa 5:15

Ama Wɩa zile kʋ-la kɩɩ Adam wʋbɔŋ-la. Nɩaa yʋga nɛ a sʋʋ a tɩŋ nɩbala wʋbɔmʋŋ wɩaa. Ama Wɩa fá la nenige a joŋ ʋ zile kʋ-la pɩla, ʋ nɛ paala yʋga kɩɩ wʋbɔŋ-la. Yesu Kirisito nɛ ŋaa zile kʋ-la. Ʋ lahɔrɩmɔ lɛ ʋ pɛ nɩaa lɛ yʋgɛ kɩŋkɛŋ kɩŋkɛŋ.

1 Kɔrɩntɩ Nɩaa 2:7

Wʋjɩmɩɩ-la wɩaa mɩ sɩɩ bʋl, ʋ lɩɩ Wɩa teeŋ nɛ a ŋaa wʋfaalɩɩ nɩaa teeŋ. Wʋjɩmɩɩ-la faa nɛ Wɩa teeŋ, ka dʋnɩa-na suomi. Wɩa lɩɩsɛla dɩ la kɛŋ wʋjɩmɩŋ deeŋ nɛ a wuo kɛŋ tʋla ʋ teeŋ.

Ɛfɛsɩs Nɩaa 1:11

Wɩa tʋɔtɔrʋŋ arɩ ʋ chɛnɩŋ lɛ nɛ ʋ yie ŋaa wɩɩkala. Ʋ to Kirisito lɛ nɛ a lɩɩsɛla a leŋ la ŋaa ʋ nɩaa, arɩ ŋɩɩ ʋ sɩ bɩɩna bil faafaa kala.

Ɛfɛsɩs Nɩaa 1:7

La sɩ mɛrɛ Kirisito lɛ ŋɩɩ, ʋ joŋ ʋ chalɩŋ jaasɛ la wɩaa a tiŋ la wʋbɔŋŋɔɔ chɩmɩŋ, dɩ Wɩa joŋ la wʋbɔŋŋɔɔ chɛla. Wɩa zile yʋga nɛ kɩŋkɛŋ la teeŋ,

Ɛfɛsɩs Nɩaa 1:9

Ʋ tʋɔtɔrʋŋ lɛ nɛ ʋ leŋ la jɩŋ ʋ wɩalɩŋ kala fa sɩ faa, wɩalɩŋ ʋ sɩɩ chɛ dɩ ʋ to Kirisito lɛ a ŋaa pɩla.

Ɛfɛsɩs Nɩaa 3:10

Wɩa ka chɛ dɩ ʋ to nɩalɩŋ sɩ laa Yesu wɩaa dii aa hilimi lɛ, a leŋ Wɩa bii-zɔŋŋɔɔ arɩ Wɩa bii-bɔŋŋɔɔ kala sɩ hɛ wɩa-nyuŋ kʋ jɩŋ Wɩa sɩ kɛŋ wʋjɩmɩŋ ŋɩɩ kɩŋkɛŋ.

Koloosi Nɩaa 2:3

Ʋ dʋndʋŋa lɛ nɛ Wɩa joŋ wʋjɩmɩŋ arɩ jɩma kala faa.

Juud 1:25

Ʋ dʋndʋŋa nɛ ŋaa Wɩa, ʋ nɛ to La Tɩɩna Yesu Kirisito lɛ a laala ta. Má dɛnnʋ a leŋ dɩ ʋ yɩrɩŋ yɩrɛ, ʋ nɛ kɛŋ doluŋ a tɩɩ kʋŋkala aa bemba ma, a lɩɩ dɩ-suomuŋ kʋkɔ lɛɛlɛ a kaa mʋ deeŋ deeŋ. Amɩɩ.

Jɔɔŋ Wʋnaalaa 5:12

Yɩɩl-la ba fa sɩɩ yɩɩ arɩ yikori-balɩŋ nɛ ŋ-la: “Pie-bie-la ba sɩ kpʋa nɛ maga dɩ ʋ kɛŋ doluŋ a bibeŋ nɩaa. Ʋ nɛ maga dɩ ʋ kɛŋ kɩaa, arɩ wʋjɩmɩŋ, arɩ doluŋ kʋŋkala lɛ. Ʋ nɛ maga dɩ ʋ kɛŋ yɩrɩŋ, dɩ nɩaa dɛnnʋ a chʋɔlʋ.”