Ɛfɛsɩs Nɩaa 1:7 - WƖA TENIŊ

⁷ La sɩ mɛrɛ Kirisito lɛ ŋɩɩ, ʋ joŋ ʋ chalɩŋ jaasɛ la wɩaa a tiŋ la wʋbɔŋŋɔɔ chɩmɩŋ, dɩ Wɩa joŋ la wʋbɔŋŋɔɔ chɛla. Wɩa zile yʋga nɛ kɩŋkɛŋ la teeŋ,

Ɛfɛsɩs Nɩaa 1:7 ပူးပေါင်းရင်းမြစ်များ

JOB 33:24

a wuo fá ʋ nenige a bʋl, ‘Sɩ́ leŋe dɩ ʋ tuu sʋʋŋ bʋa, mɩ na kʋ-la mɩ sɩ jaŋ kaa time laa nɛ,’

WƖA YƖƖLAA 130:4

Ama ŋ nɛ joŋ wɩaa chɩchɛla, ŋɩɩ wɩaa ʋ maga dɩ la fáŋ.

WƖA YƖƖLAA 130:7

Iziral tɩmma, má joŋ ma yɩɛlaa kala hɛ La Tɩɩna lɛ. La Tɩɩna chonuŋ bɩ dɛrɛ, ʋ kɛŋ doluŋ ma ʋ sɩ jaŋ laama ta.

WƖA YƖƖLAA 86:5

Ŋ wɩaa zɔmɔ, ŋ joŋ wɩaa ma a chɩchɛ nɩaa. La Tɩɩna, ŋ chonuŋ bɩ magɩa kɛnɛ, nɩalɩŋ kala sɩɩ chʋɔlʋŋ teeŋ.

MOSIS KƐŊ IZIRAL TƖŊŊAA LƖƖ 34:7

a cho nɩaa arɩ ba doho doho bʋɩba, a joŋ nɩaa wʋbɔŋŋɔɔ arɩ ba wʋcheelee aa chɛba. Ama mɩ bɩ nɩalɩŋ sɩ ŋaa wɩaa chei ka leŋ pɛɩ, mɩ yie dɔgɩsɛ biiriŋ arɩ ba ma biiriŋ arɩ biiri-la ma nihee a tɩŋ ba nyɩmmaba wʋbɔŋŋɔɔ wɩaa.”

AZAAYA 43:25

Mɩ nɛ Wɩa, mɩ nɛ joŋ ma wʋbɔŋŋɔɔ chɛma. Mɩ ŋaa ŋɩɩ a tɩŋ mɩ tɩtɩa wɩaa nɛ. Mɩ bɩra bɩ jaŋ liisi ma wʋbɔŋŋɔɔ wɩaa.

JƐRƖMAAYA 31:34

Nʋʋkala bɩra bɩ jaŋ dagɛ ʋ dɔŋɔ tɩɩna koo ʋ naambii ŋɩɩ ʋ sɩ jaŋ ŋaa a jɩmmɛ, bɛɛ wɩaa ba kala jaŋ jɩmmɛ, a chɩŋ nɩbiisiŋ lɛ a kaa jɩl nɩbalaa. Mɩ jaŋ joŋ ba wʋbɔŋŋɔɔ chɛba. Mɩ bɩra bɩ jaŋ liliisi ba wʋbɔŋŋɔɔ wɩaa. Mɩ-na ma Tɩɩna nɛ bʋla.”

DANƖƐL 9:19

La TƖƖNA, jegile nɩɩ. La TƖƖNA joŋo chɛla. La TƖƖNA, jegile nɩɩ a kaa tɩŋ. Mɩ Wɩa, tɩŋ ŋ tɩtɩa wɩaa a ŋaa wɩɩ. Sɩ́ kaa dieni a tɩŋ tabal-la arɩ ʋ nɩaa sɩ ŋaa ŋ kɩaa wɩaa.”

DANƖƐL 9:9

La TƖƖNA Wɩa, ŋŋ fá nɩaa nenige nɛ a joŋ wɩaa chɩchɛba, arɩ la sɩ lɩɩ ŋ harɩŋ ma kala,

JONA 4:2

Ʋ sʋl La TƖƖNA, “Ou, mɩ TƖƖNA, ŋ-la dee mɩ bʋl mɩ fa ha sɩ hɛ mɩ jaŋ lɛɛ? Ŋ-la wɩaa nɛ tɩɩ mɩ fa fá lɩma lɩma a mʋmʋ Taasɩs ŋɩɩ. Mɩ jɩma ŋ ŋaa Wɩa sɩ kɛŋ zile a fɩfá nɩaa nenige nɛ. Ŋ baanɩŋ bɩ lɩma lɩma ka sii. Ŋ cho nɩaa ma woruŋ aŋ ŋaa Wɩa sɩ bɩ cho ʋ joŋ wʋbɔŋ kala ŋaa nʋʋ lɛ.

MƖKA 7:18

Wɩa, nʋʋkala tuo a nagɩŋ, ŋ nɛ nɩɩ-la sɩ joŋ ŋ nɩalɩŋ sɩ ka a bɩ sʋba wʋcheelee arɩ ba wʋbɔŋŋɔɔ a chɛba. Ŋ bɩ baanɩŋ na didieni, ŋ cho nɩaa nenige fanɩŋ nɛ.

ZƐKARƖYA 13:1

La TƖƖNA sɩ, “Tapʋlɩɩ-la mɩ jaŋ suri lɩɩ-bul-sɩɩŋ a pɩ Devit doho nɩaa arɩ Jerusalɛm nɩaa, a chɛsɛ ba wʋbɔŋŋɔɔ arɩ ba disiniŋ ta.

ZƐKARƖYA 13:7

La TƖƖNA doluŋ kala Tɩɩna sɩ, “Tokobiiŋ, sii chɩŋ mɩ pie-daara lɛ, sii chɩŋ nɩɩ-la sɩ kpagɛmɛ lɛ. Kpʋ pie-daarʋ-la, piese-la jaŋ pɩsɛ, ka dɩ mɩ joŋ sɩaa chaasɛ pie-biisi-la.”

ZƐKARƖYA 9:11

Ama ma-na mɩ nɩaa, a tɩŋ nii-la sɩ hɛ mɩ dɩ ma pɛgɛ la kɛŋ chalɩŋ magɩlɛ wɩaa, mɩ jaŋ lɩɩsɛ ma nɩalɩŋ sɩ ŋaa dansarɩkaba buotuo-la sɩ bɩ lɩɩŋ kɛnɛ lɛ.

Matiu 20:28

Mɩ-na Nuhuobiine Bie, mɩ bɩ kɔ dɩ mɩ chɛ nɩaa dɩ ba tɩma pɩmɛ, mɩ kɔ dɩ mɩ tɩma pɩba nɛ a sʋʋ a laa nɩ-daŋ mɩɩsɩŋ pɩba.”

Matiu 26:28

bɛɛ wɩaa mɩ chalɩŋ nɛ ŋɩɩ. Chalɩŋ deeŋ nɛ Wɩa joŋo hɛ niiŋ ma dɩ ʋ pɛgɛ. Mɩ chalɩŋ jaŋ jaasɛ nɩ-daŋ wɩaa, dɩ Wɩa joŋ ba wʋbɔŋŋɔɔ chɛba.

Matiu 6:12

aŋ joŋ la wʋbɔŋŋɔɔ chɛla, arɩ la ma sɩ joŋ la dɔnsʋŋ tɩŋŋaa wʋbɔŋŋɔɔ chɛba ŋɩɩ.

Maak 14:24

Ŋɩɩ nɛ Yesu bʋla pɩba, “Mɩ chalɩŋ nɛ ŋɩɩ. Chalɩŋ deeŋ nɛ Wɩa kaa hɛ niiŋ ma dɩ ʋ pɛgɛ. Mɩ chalɩŋ jaŋ jaasɛ nɩ-daŋ wɩaa, dɩ Wɩa joŋ ba wʋbɔŋŋɔɔ chɛba.

Luuk 1:77

Ŋ jaŋ bʋla pɩ nɩalɩŋ sɩ ŋaa siri dɩ ba tou, dɩ Wɩa jaŋ joŋ ba wʋbɔŋŋɔɔ chɛba aŋ laaba ta.

Luuk 24:47

Ba jaŋ bʋl Wɩa wɩaa ʋ yɩrɩŋ lɛ, tintee kala lɛ, dɩ nɩaa bɩrɩma lɩɩ ba wʋbɔŋŋɔɔ lɛ dɩ Wɩa joŋ ba wʋbɔŋŋɔɔ chɛba. Ba jaŋ suomo ŋaa ŋɩɩ Jerusalɛm lɛ.

Jɔɔŋ 20:23

Dɩ ma nɛ joŋ nʋʋ wʋbɔŋŋɔɔ a chɛʋ, ʋ bɩra bɩ wʋbɔŋ kɛnɛ. Dɩ ma nɛ bɩra bɩ nʋʋ wʋbɔŋŋɔɔ joŋo chɛʋ, ʋ ha kɛŋ ʋ wʋbɔŋŋɔɔ nɛ.”

Tɩntɩŋŋaa 10:43

Ʋ wɩaa nɛ Wɩa wʋlaabʋllaa fa bʋl ŋɩɩ. Ba sɩ nʋʋkala sɩ laa ʋ wɩaa dii, Wɩa jaŋ joŋ tɩɩna wʋbɔŋŋɔɔ chɛʋ ʋ yɩrɩŋ lɛ.”

Tɩntɩŋŋaa 2:38

Ŋɩɩ nɛ Pɩɩta bʋla pɩba, “Má bɩrɩma lɩɩ ma wʋbɔŋŋɔɔ lɛ, aŋ leŋ dɩ ba foma Wɩɩchʋɔlɛ lɩɩŋ Yesu Kirisito yɩrɩŋ lɛ, dɩ Wɩa joŋ ma wʋbɔŋŋɔɔ chɛma, aŋ joŋ ʋ Dɩŋ-zɔmʋŋ dii zile ma lɛ.

Tɩntɩŋŋaa 20:28

Má beŋ ma tɩtɩa nyuŋ woruŋ, aŋ pɛ beŋ nɩalɩŋ maa ʋ Dɩŋ-zɔmʋŋ sɩ joŋo hɛ ma nɩsɩŋ lɛ. Má beŋ nɩalɩŋ sɩ laa Yesu wɩaa dii a hihilimi nyuŋ, a nagɛ pie-daara sɩ yie beŋ ʋ piesee nyuŋ ŋɩɩ. Wɩa nɛ joŋ ʋ tɩtɩa bie chalɩŋ yɔɔba.

Tɩntɩŋŋaa 3:19

Má bɩrɩma lɩɩ ma wʋbɔŋŋɔɔ lɛ aŋ to Wɩa, dɩ ʋ joŋ ma wʋbɔŋŋɔɔ chɛma, dɩ La Tɩɩna leŋ dɩ ma dɩnsɩŋ na wiese.

Rom Tɩŋŋaa 2:4

Wɩa sɩ kɛŋ zile kɩŋkɛŋ a kɛŋ kenyiri ŋɩɩ, a nyalɩma pɩma maa ŋaa wɩaa, ma bene arɩ ʋ bɩ kʋŋ ŋaa? Ma bɩ jɩŋ arɩ Wɩa sɩ kɛŋ zile ŋɩɩ, ʋʋ chɛ dɩ ma bɩrɩma lɩɩ ma wʋbɔŋŋɔɔ lɛ nɛɛ?

Rom Tɩŋŋaa 3:24

Ama Wɩa lahɔrɩmɔ lɛ nɛ ʋ to Yesu Kirisito lɛ a laaba ta ba kɛŋ tʋɔpʋla ʋ sɩpaaŋ. Ʋ ŋaa ŋɩɩ chɔgɩta nɛ.

Rom Tɩŋŋaa 3:25

Wɩa leŋe Yesu Kirisito sʋʋ nɛ a joŋ ʋ chalɩŋ jaasɛ la wʋbɔŋŋɔɔ wɩaa, dɩ nɩɩ-la kala sɩ laa Yesu wɩaa dii, Wɩa jaŋ joŋ ʋ wʋbɔŋŋɔɔ chɛʋ. Wɩa ŋaa ŋɩɩ a dagɛ arɩ ʋ kɛŋ wʋtɩtɩɩ nɛ. Faafaa ʋ kɛŋ kenyiri nɛ, a bee kieli nuhuobiinee wʋbɔŋŋɔɔ a bɩ ba dɔgʋsɔ.

Rom Tɩŋŋaa 9:23

Ʋ ŋaa ŋɩɩ dɩ ʋ kɛŋ ʋ tʋla-la sɩ yʋga a dagɛ nɩalɩŋ nenige ʋ sɩ fá nɛ, nɩalɩŋ ʋ sɩ laa sɩpaaŋ lɩɩsɛ dɩ ba na ʋ tʋla-la.

1 Kɔrɩntɩ Nɩaa 1:30

Ama Wɩa leŋe ma to Kirisito Yesu lɛ nɛ a kɛŋ mɩɩsɩŋ. Wɩa saa leŋe Kirisito nɛ ŋaa la wʋjɩmɩŋ. A tɩŋ ʋ wɩaa Wɩa laala ta nɛ, la kʋ ŋaa tʋɔpʋl tɩmma ʋ teeŋ, a ŋaa nɩalɩŋ sɩ bɩ disiniŋ kɛnɛ.

2 Kɔrɩntɩ Nɩaa 8:9

Ma jɩma, La Tɩɩna Yesu kɛŋ zile nɛ. Aŋ ka dɩ ʋ kʋ tuu dʋnɩa, ʋ fa kɛŋ kɩaa nɛ woruŋ Wɩa-jaŋ lɛ, ama a tɩŋ ma wɩaa ʋ kɛŋ ʋ tɩtɩa kaa ŋaa summu nɛ dʋnɩa lɛ. Ʋ ŋaa ŋɩɩ dɩ ma wuo to ʋ lɛ nɛ a kuori.

Ɛfɛsɩs Nɩaa 1:14

Wɩa Dɩŋ-zɔmʋŋ ʋ sɩ joŋo hɛ la lɛ nɛ sɛnɛ daga arɩ wʋtɩtɩɩ, maachie la jaŋ dii kɩalɩŋ Wɩa sɩ ŋaa bil ʋ nɩaa lɛ, aŋ laa ʋ nɩaa ta. Ŋɩɩ lɛ nɛ ʋ yɩrɩŋ jaŋ yɩrɛ.

Ɛfɛsɩs Nɩaa 1:18

Wɩa sɩ yɩrɛma dɩ ma wuo jʋʋ ʋ kuorii-la tʋɔŋ ŋɩɩ, mɩɩ sʋlʋ dɩ ʋ wuo suri ma tʋɔŋ dɩ ma wuo jɩŋ kʋ-la ma sɩɩ yɩɛlʋ nagɩsɩŋ, a bɩra jɩŋ kɩalɩŋ ma dɩ Wɩa nɩaa kala sɩ jaŋ dii zɔmʋŋ.

Ɛfɛsɩs Nɩaa 1:6

Ʋ ŋaa ŋɩɩ dɩ la wuo dɛnnʋ, a leŋ dɩ ʋ yɩrɩŋ yɩrɛ, a tɩŋ ʋ sɩ fá la nenige. Ʋ Bii-choolii-la ʋ sɩ joŋo pɩla lɛ nɛ ʋ to a pɛ la lɛ.

Ɛfɛsɩs Nɩaa 1:8

ŋɩɩ nɛ tɩɩ ʋ ŋaa ŋɩɩ pɩla. Ʋ sɩ kɛŋ wʋjɩmɩŋ, a jɩŋ wɩaa sɩaa lɛ nɛ ʋ ŋaa ŋɩɩ pɩla.

Ɛfɛsɩs Nɩaa 2:4

Ama Wɩa chola nɛ kɩŋkɛŋ, a faasa fɩfá la nenige,

Ɛfɛsɩs Nɩaa 2:7

Wɩa ŋaa ŋɩɩ, dɩ ʋ wuo dagɛla ʋ lahɔrɩmɔ sɩ bɩ magɩa kɛnɛ nɛ, arɩ ŋɩɩ ʋ sɩɩ fá nɩaa nenige a kaa mʋ maachie kala. Ʋ to Kirisito lɛ a dagɛ ʋ zile sɩ yʋga ŋɩɩ la lɛ.

Ɛfɛsɩs Nɩaa 3:16

Ʋ sɩ kɛŋ yɩrɩŋ kɩŋkɛŋ ŋɩɩ, mɩɩ sʋlʋ dɩ ʋ leŋ dɩ ʋ Dɩŋ-zɔmʋŋ pɩma doluŋ ma tʋɔŋ lɛ.

Ɛfɛsɩs Nɩaa 3:8

Wɩa nɩaa kala tʋɔŋ, mɩ nɛ ŋaa ba kʋbie, aŋ ka ʋ lɩɩsɛmɛ ʋ lahɔrɩmɔ lɛ dɩ mɩ bʋl ʋ wʋzɔmɔ-la wɩaa a pɩ nɩalɩŋ sɩ bɩ Juu tɩŋŋaa ŋaa, dɩ ba jɩŋ Kirisito dʋa-la sɩ bɩ dɩdɛrɩ kɛnɛ wɩaa,

Fɩlɩpa Nɩaa 4:19

Wɩa-la mɩ sɩ tɩmaa pa kɛŋ kʋŋkala nɛ, ʋ jaŋ to Yesu Kirisito lɛ a pɩma kʋŋkala ma sɩɩ chɛ a yʋgɛ.

Koloosi Nɩaa 1:14

Ʋ nɛ Wɩa joŋo tiŋ la wʋbɔŋŋɔɔ chɩmɩŋ, a joŋ la wʋbɔŋŋɔɔ chɛla.

Koloosi Nɩaa 1:27

Ba nɛ Wɩa lɩɩsɛ dɩ ba jɩŋ wɩalɩŋ sɩ zɔmɔ ŋɩɩ kɩŋkɛŋ, ka ʋ fa joŋo faa. Lɛɛlɛ ʋ dagɛ ba sɩ magɛ ŋɩɩ nɛ a pɩ nɩalɩŋ sɩ bɩ Juu tɩŋŋaa ŋaa. Wɩalɩŋ nɛ daga arɩ Kirisito hɛ ma tʋɔŋ lɛ nɛ. Ŋɩɩ wɩaa, má yɩyɩɛlɛ dɩ ma kpaa ʋ yɩrɩ-bal-la nɛ.

Koloosi Nɩaa 2:13

Faafaa-la ma fa naga ma sʋba nɛ Wɩa teeŋ a tɩŋ ma sɩɩ ŋaa wʋbɔŋŋɔɔ wɩaa a bɩ ma penee ma kere. Ama Wɩa sɩ chɩsɛ Yesu sʋʋŋ lɛ, ŋɩɩ leŋe ma ma kɛŋ mɩɩsɩŋ nɛ. Ʋ joŋ la wʋbɔŋŋɔɔ kala a chɛla nɛ.

Koloosi Nɩaa 2:2

Mɩɩ chɛ dɩ ba kɛŋ bɔɩ-duoŋ a kɛŋ nii-bala a cho dɔŋɔ, a wuo jɩŋ wɩaa sɩaa woruŋ a mʋ dɛrɛ, a jɩŋ wɩɩ-la Wɩa sɩ joŋo faa bʋbʋɔŋ, wɩɩ-la nɛ ŋaa Kirisito.

1 Timoti 2:6

Ʋ joŋ ʋ mɩɩsɩŋ yɔɔ sʋʋŋ nɛ dɩ ʋ laa nʋʋkala ta. Ʋ nɛ dagɛla ŋɩɩ arɩ bʋa-la yie nɛ, dɩ Wɩa laa nʋʋkala ta.

Taatɩs 2:14

La wɩaa nɛ tɩɩ ʋ sʋʋ, dɩ ʋ laala ta la wʋbɔŋŋɔɔ lɛ a pɩɩsɛ la disiniŋ ta, dɩ la ŋaa ʋ nɩaa. Ʋʋ chɛ dɩ la ŋaa nɩa sɩ joŋ la nyuŋ hɛ wʋzɔŋŋɔɔ ŋaanɩŋ lɛ.

Taatɩs 3:6

Wɩa to la Laataara Yesu Kirisito lɛ nɛ a joŋ ʋ Dɩŋ-zɔmʋŋ a hɛ la lɛ woruŋ.

Hiburu TƖŊŊAA 9:22

Wʋtɩtɩɩ, wɩalɩŋ Mosis sɩ ŋmʋnsa bil dɩ nɩaa tuto tʋɔŋ, chalɩŋ nɛ ba yie kaa pɩɩsɛ kɩaa jesiŋ kala disiniŋ ta. Dɩ ba nɛ bɩ kʋŋ chalɩŋ lɩɩsa, Wɩa bɩ jaŋ wuo joŋ nʋʋkala wʋbɔŋŋɔɔ a chɛʋ.

1 Pɩɩta 2:24

Yesu Kirisito tɩtɩa nɛ laa la wʋbɔŋŋɔɔ a chʋŋ, ba kpaasʋ mɛrɛ daagɛsɛ nyuŋ dɩ la joŋ harɩŋ yɩa wʋbɔŋŋɔɔ aŋ ŋɩŋaa tʋɔpʋl wɩaa. Ba vɩɩrʋ ʋ yaraa ŋaa naawɩɩlaa, ŋɩɩ nɛ leŋe la nyanyalaa kala dɛrɛ.

1 Pɩɩta 3:18

Yesu Kirisito sʋʋ la wʋbɔŋŋɔɔ wɩaa bala nɛ. Ʋ fa ŋaa tʋɔpʋl tɩɩna nɛ, a sʋʋ wʋbɔŋ ŋaaraa wɩaa, dɩ ʋ wuo kɛnla kaa mʋ Wɩa teeŋ. Nuhuobiinee nɛ kpʋ ʋ yaraa, ama Wɩa leŋ ʋ dɩma wei.

1 Jɔɔŋ 2:12

Mɩ biiriŋ, a tɩŋ Yesu wɩaa nɛ Wɩa joŋ ma wʋbɔŋŋɔɔ a chɛma. Ŋɩɩ nɛ tɩɩ mɩ ŋmʋnsɛ wɩaa deemba pɩpɩma.

1 Jɔɔŋ 2:2

Ʋ nɛ joŋ ʋ mɩɩsɩŋ a yɔɔ sʋʋŋ la wʋbɔŋŋɔɔ wɩaa, dɩ Wɩa joŋ la wʋbɔŋŋɔɔ a chɛla. La dʋndʋŋa wʋbɔŋŋɔɔ wɩaa dee, ama dʋnɩa nɩaa kala wʋbɔŋŋɔɔ wɩaa nɛ.

1 Jɔɔŋ 4:10

Ŋ-la nɛ chonuŋ nagɛ: Ʋ bɩ naga la nɛ laa sɩpaaŋ cho Wɩa, ama Wɩa nɛ laa sɩpaaŋ chola. Ʋ tɩŋ ʋ Bie ʋ kʋ tuu sʋʋ la wɩaa, dɩ Wɩa joŋ ʋ baanɩŋ ta ʋ fa sɩ kɛnɛ a tɩŋ la wʋbɔŋŋɔɔ wɩaa, a joŋ la wʋbɔŋŋɔɔ chɛla.

Jɔɔŋ Wʋnaalaa 14:4

Nɩaa deemba nɛ ŋaa nɩalɩŋ sɩ bɩ wʋlɩɩlɩŋ ŋaa, a lɩɩsɛ ba tɩta disiŋ kala lɛ. Ba nɩɩ to Pie-bie-la harɩŋ lee-na kala ʋ sɩɩ mʋ. Ba nɛ Wɩa laa sɩpaaŋ lɩɩsɛ nuhuobiinee tʋɔŋ, dɩ ba ŋaa Wɩa arɩ Pie-bie-la tʋɔpʋl tɩŋŋaa.

Jɔɔŋ Wʋnaalaa 5:9

Ŋɩɩ nɛ nɩhɩasɩ-la arɩ kɩalɩŋ sɩ weye ta yɩɩl-falɩŋ aa yɩɩ, “Ŋ nɛ wuo laa teŋ-la ba sɩ mɛrɛ, a lɛrɛ kel-la ba sɩ kaa mɛrɛ, bɛɛ wɩaa ba kpʋŋ nɛ. Ba sɩ kpʋŋ ŋɩɩ, ŋ joŋ ŋ chalɩŋ a yɔɔ nuhuobiine mɩɩsɩŋ a pɩ Wɩa. Nɩalɩŋ ŋ sɩ yɔbɔ lɩɩ nɩdoho kala tʋɔŋ nɛ aa bʋl yikori doho kala a hɛ taŋ kala arɩ tintee kala lɛ.