Ɛfɛsɩs Nɩaa 1:6 - WƖA TENIŊ

⁶ Ʋ ŋaa ŋɩɩ dɩ la wuo dɛnnʋ, a leŋ dɩ ʋ yɩrɩŋ yɩrɛ, a tɩŋ ʋ sɩ fá la nenige. Ʋ Bii-choolii-la ʋ sɩ joŋo pɩla lɛ nɛ ʋ to a pɛ la lɛ.

Ɛfɛsɩs Nɩaa 1:6 ပူးပေါင်းရင်းမြစ်များ

WƖA YƖƖLAA 22:20

Laamɛ ta mɩ dʋndɔŋŋɔɔ nɩsɩŋ lɛ, ba nagɛ vasɩŋ nɛ, sɩ́ leŋe dɩ ba kpʋmɛ.

WƖA YƖƖLAA 60:5

Kɛŋ ŋ naduo-la pɛ la lɛ a laala ta. Laa nɩalɩŋ ŋ sɩ cho ta.

NAMAGABA 16:4

La Tɩɩna ŋaa wɩɩkala kɛŋ dɩdɛrɩŋ nɛ. Ʋ paala leŋ nɩbɔmʋŋ kɛŋ tapʋl-bɔŋ nɛ wɩaa sɩ jaŋ jʋʋ-ʋ.

AZAAYA 42:1

La TƖƖNA sɩ, “Mɩ tɩntɩnna nɛ ŋ-la, mɩ nɛ leŋe ʋ kɛŋ doluŋ. Ʋ nɛ mɩ lɩɩsɛ mɩ tʋɔŋ tɔrɛ ʋ nyuŋ. Mɩ joŋ mɩ Dɩma a hɛ ʋ lɛ nɛ, dɩ ʋ leŋ dɩ wʋtɩtɩɩ chɩŋ tinteyee kala lɛ.

AZAAYA 43:21

Ba nɛ nɩalɩŋ mɩ sɩ ŋaa a pɩ mɩ tɩtɩa dɩ ba dɩdɛnnɛmɛ.

AZAAYA 61:11

a nagɛ kʋdoho sɩ yie nyʋ lɩɩ tinteeŋ a waa ŋɩɩ baga lɛ, ŋɩɩ tɩtɩa nɛ La TƖƖNA Wɩɩjarɩbakɔ jaŋ laa ʋ nɩaa ta dɩ tinteyee nɩaa kala na a dɛnnʋ.

AZAAYA 61:3

Tʋɔ-chei-la nɩalɩŋ sɩ hɛ Zaayɔŋ lɛ sɩ kɛnɛ, ʋ jaŋ leŋ dɩ ba mɩɩra kɛŋ tʋɔtɔrʋŋ, dɩ tʋɔ-chei-la lɛl. Ba tʋɔŋ fa sɩ chei ŋɩɩ, ba jaŋ mɩɩra yɩɩ tʋɔtɔrɛ yɩɩlaa. Ba kala jaŋ nagɛ tɩɩsɩŋ La TƖƖNA tɩtɩa sɩ chɔnsɔ. Ba jaŋ ŋaa wɩalɩŋ sɩ zɔmɔ a leŋ dɩ La TƖƖNA yɩrɩŋ yɩrɛ.

JƐRƖMAAYA 23:6

Ʋ kuoruŋ bʋa lɛ, ʋ jaŋ laa Juda nɩaa ta, dɩ Iziral nɩaa ma hɔŋ sɔm. Yɩrɩ-la ba sɩ jaŋ yɩyɩrʋ nɛ: La TƖƖNA nɛ ŋaa la kɛŋ tʋɔpʋla koo La TƖƖNA nɛ laala ta arɩ wʋtɩtɩɩ.”

JƐRƖMAAYA 33:9

Ŋɩɩ nɛ tabalɩŋ deeŋ jaŋ laa yɩrɩŋ pɩmɛ dɩ mɩ tʋɔŋ tɔrɛ, dɩ nɩaa dɩdɛnnɛmɛ a zizilmi dʋnɩa tinteye-la kala nɩaa sɩ nɩɩ wʋzɔmɔ-la mɩ sɩ ŋaa pʋ sɩpaaŋ. Fawʋllʋŋ jaŋ kɛmba dɩ ba chichel a tɩŋ dʋa bal-la arɩ fɩɛl-la mɩ sɩ pʋ wɩaa.”

LEVI DOHO NƖAA 15:15

Wɩɩsʋllɩ sɩpaalaara jaŋ laa a joŋ dɔŋɔ a sʋl wʋbɔŋŋɔɔ joŋo chɛnɩŋ Wɩɩsʋlʋŋ aŋ joŋ dɔŋɔ ma sʋl kʋnyɩgaa Wɩɩsʋlʋŋ pɩ mɩ-na ma TƖƖNA. Ŋ-la nɛ ʋ jaŋ ŋaa a pɩɩsɛ nɩɩ-la faagaa lɛ lɩɩŋ sɩɩ lɩɩ disiniŋ ta.

ZƐKARƖYA 13:7

La TƖƖNA doluŋ kala Tɩɩna sɩ, “Tokobiiŋ, sii chɩŋ mɩ pie-daara lɛ, sii chɩŋ nɩɩ-la sɩ kpagɛmɛ lɛ. Kpʋ pie-daarʋ-la, piese-la jaŋ pɩsɛ, ka dɩ mɩ joŋ sɩaa chaasɛ pie-biisi-la.”

Matiu 17:5

Pɩɩta fa ha sɩɩ bʋl wɩaa ŋɩɩ, dɩ duoŋ-bɩlɩmbaanɩŋ kʋ tɔba, ka yikoro kʋbala lɩɩ duoŋ-bɩlɩmbaaŋ-la tʋɔŋ a bʋbʋl, “Mɩ Bii-chooluŋ nɛ ŋ-la. Mɩ tʋɔŋ tɔrɛ ʋ nyuŋ. Má jegile nɩɩ ʋ teeŋ.”

Matiu 20:9

Nɩalɩŋ sɩ to harɩŋ mʋ baga-la, ʋ timba warɩpʋla kʋbala.

Matiu 3:17

Ka ʋ nɩɩ nʋʋ yikoro wɩa-nyuŋ sɩ bʋla, “Mɩ Bii-chooluŋ nɛ ŋ-la, mɩ tʋɔŋ tɔrɛ ʋ nyuŋ.”

Luuk 2:14

“Má leŋ dɩ la dɛnnɛ Wɩa sɩ hɛ Wɩa-jaŋ lɛ. Nɩalɩŋ nyuŋ Wɩa tʋɔŋ sɩ tɔrɔ tinteeŋ lɛ jaŋ na fɩɛlɩŋ.”

Jɔɔŋ 10:17

Mɩ joŋ mɩ mɩɩsɩŋ nɛ yɔɔ sʋʋŋ mɩ piesee wɩaa, ka dɩ mɩ bɩra laa. Ŋɩɩ nɛ tɩɩ mɩ Nyɩmma cho mɩ wɩaa ŋɩɩ.

Jɔɔŋ 3:35

Mɩ Nyɩmma Wɩa cho mɩ-na ʋ Bie, a joŋ ʋ doluŋ kala a hɛ mɩ nɩsɩŋ lɛ.

Rom Tɩŋŋaa 8:1

Dɩ la dɩ Kirisito kala nɛ ŋaa kʋbala, Wɩa bɩra bɩ jaŋ dii la sarɩya a joŋ cheeriŋ pɩla.

2 Kɔrɩntɩ Nɩaa 4:15

Ma wɩaa nɛ tɩɩ wɩaa deemba kala ŋaa, dɩ nɩaa wuo yʋgɛ a jʋʋ Wɩa lahɔrɩmɔ-la lɛ. Ŋɩɩ jaŋ leŋ dɩ nɩaa yʋgɛ a dɛnnɛ Wɩa, dɩ ʋ yɩrɩŋ yɩrɛ.

2 Kɔrɩntɩ Nɩaa 5:21

Kirisito fa bɩ wʋbɔŋ kɛnɛ, ama a tɩŋ la wɩaa, Wɩa leŋe ʋ sʋʋ a nagɛ wʋbɔŋ ŋaarʋ. Wɩa ŋaa ŋɩɩ dɩ la wuo to Kirisito lɛ nɛ a kɛŋ tʋɔpʋla ʋ teeŋ.

Ɛfɛsɩs Nɩaa 1:12

Ʋ ŋaa ŋɩɩ dɩ la nɩalɩŋ sɩ laa sɩpaaŋ joŋ la yɩɛlaa hɛ Kirisito lɛ, dɩ la wuo leŋ dɩ ʋ yɩrɩŋ yɩrɛ.

Ɛfɛsɩs Nɩaa 1:14

Wɩa Dɩŋ-zɔmʋŋ ʋ sɩ joŋo hɛ la lɛ nɛ sɛnɛ daga arɩ wʋtɩtɩɩ, maachie la jaŋ dii kɩalɩŋ Wɩa sɩ ŋaa bil ʋ nɩaa lɛ, aŋ laa ʋ nɩaa ta. Ŋɩɩ lɛ nɛ ʋ yɩrɩŋ jaŋ yɩrɛ.

Ɛfɛsɩs Nɩaa 1:18

Wɩa sɩ yɩrɛma dɩ ma wuo jʋʋ ʋ kuorii-la tʋɔŋ ŋɩɩ, mɩɩ sʋlʋ dɩ ʋ wuo suri ma tʋɔŋ dɩ ma wuo jɩŋ kʋ-la ma sɩɩ yɩɛlʋ nagɩsɩŋ, a bɩra jɩŋ kɩalɩŋ ma dɩ Wɩa nɩaa kala sɩ jaŋ dii zɔmʋŋ.

Ɛfɛsɩs Nɩaa 2:7

Wɩa ŋaa ŋɩɩ, dɩ ʋ wuo dagɛla ʋ lahɔrɩmɔ sɩ bɩ magɩa kɛnɛ nɛ, arɩ ŋɩɩ ʋ sɩɩ fá nɩaa nenige a kaa mʋ maachie kala. Ʋ to Kirisito lɛ a dagɛ ʋ zile sɩ yʋga ŋɩɩ la lɛ.

Fɩlɩpa Nɩaa 1:11

Ŋɩɩ jaŋ leŋ dɩ ma to Yesu Kirisito lɛ a wasa ŋaa tʋɔpʋl wɩaa dɩ nɩaa na a dɛnnɛ Wɩa dɩ ʋ yɩrɩŋ yɩrɛ.

Fɩlɩpa Nɩaa 3:9

dɩ mɩ dɩ Kirisito kala ŋaa kʋbala. Tʋɔpʋla-la mɩ sɩ kɛnɛ, ʋ bɩ mɩ tɩtɩa lɛ lɩa, ʋ saa bɩra bɩ Juu tɩŋŋaa naabalɩmaba wombiiŋ ma lɛ lɩa. Ama lɛɛlɛ mɩ sɩ laa Kirisito wɩaa dii, ŋɩɩ nɛ tɩɩ mɩ kɛŋ tʋɔpʋla ʋ teeŋ. Tʋɔpʋla deeŋ-na lɩɩ Wɩa teeŋ nɛ, ʋ joŋu pɩ nʋʋkala sɩ laa ʋ wɩaa dii nɛ.

Fɩlɩpa Nɩaa 4:19

Wɩa-la mɩ sɩ tɩmaa pa kɛŋ kʋŋkala nɛ, ʋ jaŋ to Yesu Kirisito lɛ a pɩma kʋŋkala ma sɩɩ chɛ a yʋgɛ.

Koloosi Nɩaa 1:13

Ʋ laala Sɩtaanɩ nɩsɩŋ lɛ nɛ, a kɛnla kaa mʋ hɛ ʋ bii-chooluŋ kuorii-la tʋɔŋ.

1 Pɩɩta 2:5

Ma ma nagɛ tabɩɩ-la sɩ kɛŋ mɩɩsɩŋ nɛ. Ŋɩɩ wɩaa, má leŋ dɩ Wɩa kɛmma saa ʋ dɩa, a leŋ dɩ ma ŋaa nɩa sɩ́ bɩ disiniŋ kɛnɛ a laa nɩaa nyuŋ a tɩma pʋpʋ, a nagɛ Wɩɩsʋllɩ sɩpaalaaraa. Wɩa chɛ dɩ ma to Yesu Kirisito lɛ nɛ a ŋaa Wɩɩsʋlɩɩ-la sɩ maga a pʋ.

1 Pɩɩta 2:9

Ama Wɩa lɩɩsɛma nɛ dɩ ma ŋaa ʋ nɩaa, a laa nɩaa nyuŋ a tɩma pɩpɩ ma Kuoro. Ma ŋaa nɩa sɩ bɩ disiniŋ kɛnɛ nɛ. Wɩa tɩtɩa nɛ tɩɩma. Ʋ yɩrɛma dɩ ma wuo bʋl wʋkpuŋkperisi-la kala ʋ sɩ ŋaa a pɩ nɩaa arɩ ŋɩɩ ʋ sɩ lɩɩsɛma birimiŋ tʋɔŋ a kaa kʋ jʋʋ ʋ pʋlʋŋ-jalɩɩ-la tʋɔŋ.

1 Pɩɩta 4:11

Dɩ Wɩa nɛ pɩ nʋʋkala doluŋ dɩ ʋ wuo bʋbʋl Wɩa wɩaa, ʋ maga dɩ ʋ bʋl wɩalɩŋ Wɩa doluŋ lɛ nɛ. Dɩ nʋʋ nɛ tɩma pɩpɩ nɩaa, ʋ kɛŋ dol-la Wɩa sɩ joŋo pʋ a tɩma pɩpɩba. Má ŋaa ŋɩɩ dɩ nɩaa wuo to Yesu Kirisito lɛ a dɛnnɛ Wɩa, dɩ ʋ yɩrɩŋ yɩrɛ wɩɩ-na kala lɛ. Ʋ nɛ Nɩɩ-la sɩ kɛŋ doluŋ arɩ yɩrɩŋ a kaa mʋ wuu. Amɩɩ.