Ɛfɛsɩs Nɩaa 1:5 - WƖA TENIŊ

⁵ ʋ laa sɩpaaŋ bɩɩna bil nɛ arɩ ʋ jaŋ to Yesu Kirisito lɛ nɛ a leŋ dɩ la ŋaa ʋ biiriŋ. Ʋ tʋɔtɔrʋŋ lɛ nɛ ʋ ŋaa ŋɩɩ.

Ɛfɛsɩs Nɩaa 1:5 ပူးပေါင်းရင်းမြစ်များ

JƐRƖMAAYA 3:19

Mɩ-na tɩtɩa nɛ fa sɩ, “Mɩ tʋɔŋ fa jaŋ tɔrɛ dɩ mɩ kɛmma a nagɛ mɩ biiriŋ, a joŋ tinteeŋ sɩ zɔmɔ woruŋ a pɩma. Tintee-la nɛ zɔmɔ kɩɩ tintee kala dʋnɩa lɛ. Mɩ fa bɩɩna ma jaŋ kɛmmɛ yɩrɛ ‘Ma Nyɩmma’, aŋ bɩra bɩ jaŋ mɩɩrɛ mɩ harɩŋ.

JƐRƖMAAYA 3:4

Lɛɛlɛ nɛ ma yɩrɛmɛ a bʋl, ‘Mɩ nyɩmma, ŋ nɛ mɩ nandɔŋɔ a chɩŋ mɩ hammiiriŋ kala lɛ a kaa kɔ.

DANƖƐL 4:35

Dʋnɩa nɩaa kala bɩ kɩa ŋaa ʋ sɩpaaŋ. Ʋ nɛ kɛŋ doluŋ dɩ ʋ ŋaa wɩɩ-la kala ʋ sɩɩ chɛ Wɩa tɩndaaraa arɩ nuhuobiinee kala lɛ. Nʋʋkala bɩ jaŋ wuo pɔ dɩ ʋ sɩ́ wɩɩ ŋaa koo a pɩɛsʋ: Wʋbɛɛ nɛ ŋ ŋaa ŋ-la?

HOSIA 1:10

Ama bʋa kʋbala jaŋ yi dɩ Iziral tɩŋŋaa pʋŋ a nagɛ hagɩla sɩ pɩŋ mʋgʋ-balɩŋ niiŋ nʋʋ sɩ bɩ jaŋ wuo magɩsɛ koo a dɩɩsɛ. Lee-la ba sɩ bʋla pɩba arɩ ba bɩ mɩ nɩaa ŋaa, ba jaŋ bɩra kɛmba yɩrɛ ‘Wɩa sɩ weye biiriŋ’.

Matiu 1:25

Ʋ sɩ jaaʋ ŋɩɩ, ʋ dɩ ʋ bɩ dɔŋɔ jɩŋ, ka ʋ lʋl ʋ hatol-bie. Ŋɩɩ nɛ Josɛf hɛ ʋ yɩrɩŋ Yesu.

Matiu 11:26

Mɩ Nyɩmma, mɩɩ lɔllʋŋ. Ŋ tɩtɩa tʋɔtɔrʋŋ lɛ nɛ ŋ ŋaa ŋɩɩ.”

Luuk 10:21

Bʋa-la tɩtɩa lɛ Yesu tʋɔŋ tɔrɛ Wɩa Dɩŋ-zɔmʋŋ doluŋ lɛ ʋ bʋl, “Mɩ Nyɩmma, ŋ nɛ ŋaa wɩa-nyuŋ arɩ tinteeŋ kala Tɩɩna. Mɩɩ lɔllʋŋ arɩ ŋ sɩ kɛŋ wɩalɩŋ ŋ sɩ joŋo faa a dagɛ nɩalɩŋ sɩ bɩ wɩaa jɩŋ, aŋ bɩ joŋo dagɛ nɩalɩŋ sɩ kɛŋ wʋjɩmɩŋ. Mɩ Nyɩmma, mɩɩ lɔllʋŋ. Ŋ tɩtɩa tʋɔtɔrʋŋ lɛ nɛ ŋ ŋaa ŋɩɩ.”

Luuk 11:32

Sarɩya chɛ-diiliŋ, Nɩnɩvɛ nɩaa ma jaŋ sii a joŋ cheeriŋ a pɩma woruŋ. Bʋa-la lɛ Jona ma fa sɩ mʋ bʋl Wɩa wɩaa pɩ Nɩnɩvɛ nɩaa, ba bɩrɩma lɩɩ ba wʋbɔŋŋɔɔ lɛ nɛ aŋ to Wɩa. Mɩ jaŋ bʋla pɩma arɩ nʋʋ nɛ hɛ ma tʋɔŋ a yʋga kɩɩ Jona, ka ma bɩ sɛɩ dɩ ma jegile nɩɩ ʋ wɩaa.”

Luuk 12:32

Ŋɩɩ nɛ Yesu bɩra bʋl, “Ma nɩalɩŋ sɩɩ tomi, ma bɩ yʋgɛ. Má sɩ́ leŋe dɩ fawʋllʋŋ kɛmma. Ma Nyɩmma tʋɔŋ tɔrɔ nɛ dɩ ʋ joŋ ʋ kuorii-la pɩma.

Jɔɔŋ 1:12

Ama nɩaa dɔnsʋŋ-na laaʋ, a laa ʋ wɩaa dii. Ŋɩɩ nɛ ʋ pɩba wombiiŋ dɩ ba wuo ŋaa Wɩa biiriŋ.

Jɔɔŋ 11:52

tinteeŋ deeŋ nɩaa ma dʋndʋŋa wɩaa dee, ama dɩ ʋ wuo pɛ kɛsɛ Wɩa biiri-la sɩ pɩsa hɛ leree dɔnsʋŋ ma a hɛ dɔŋɔ lɛ.

Jɔɔŋ 20:17

Ŋɩɩ nɛ Yesu bʋla pʋ, “Sɩ́ mɩ kɛŋ. Mɩ ha bɩ mɩ Nyɩmma teeŋ jɩla. Ama mʋ bʋla pɩ mɩ naambiiriŋ arɩ mɩ jaŋ jɩl mɩ Nyɩmma teeŋ. Ʋ ŋaa ma ma Nyɩmma nɛ a ŋaa mɩ Wɩa, a ŋaa ma ma Wɩa.”

Tɩntɩŋŋaa 13:48

Nɩalɩŋ sɩ bɩ Juu tɩŋŋaa ŋaa sɩ nɩɩ wɩɩŋ deeŋ, ba tʋɔŋ kala tɔrɛ, ba bʋl dɩ La tɩɩna niiŋ wɩaa sɩma kɩŋkɛŋ. Nɩalɩŋ Wɩa sɩ lɩɩsa dɩ ba kɛŋ mɩɩsɩ-la sɩ bɩ dɛrɛ, ba laa wɩalɩŋ dii.

Rom Tɩŋŋaa 8:23

Dʋnɩa kɩaa dʋndʋŋa dee, ama la ma nɩalɩŋ Wɩa sɩ laa sɩpaaŋ joŋ ʋ Dɩŋ-zɔmʋŋ hɛ la lɛ, la maa huuni nɛ la tʋɔŋ lɛ dɩ ʋ kɛŋ la yaraa bɩrɩmɛ dɩ la chaasa ŋaa ʋ biiriŋ a laa yɩrɩŋ.

1 Kɔrɩntɩ Nɩaa 1:1

Mɩ-na Pɔɔl, arɩ la naambie Sɔsɩtɛnɩs nɛ ŋmʋnsɛ teniŋ deeŋ pɩpɩma. Wɩa tʋɔtɔrʋŋ lɛ nɛ ʋ lɩɩsɛmɛ dɩ mɩ ŋaa Yesu Kirisito nanzɔɔ.

1 Kɔrɩntɩ Nɩaa 1:21

Wɩa sɩ kɛŋ wʋjɩmɩŋ, ŋɩɩ nɛ tɩɩ ʋ wuo ŋaa dɩ nuhuobiine sɩ́ ʋ tɩtɩa wʋjɩmɩŋ lɛ to a jɩŋ ʋ-na Wɩa. Nɩaa sɩ dɩ Wɩa wʋzɔmɔ-la la sɩɩ bʋl ŋaa wʋtɔɔnʋ nɛ, ama Wɩa to wɩalɩŋ lɛ nɛ a laa nɩalɩŋ sɩ laa wɩalɩŋ dii a ta.

2 Kɔrɩntɩ Nɩaa 6:18

Mɩ jaŋ ŋaa ma Nyɩmma dɩ ma ma ŋaa mɩ hambolibiisiŋ arɩ mɩ toloo.” La Tɩɩna doluŋ kala Tɩɩna nɛ bʋl ŋɩɩ.

Galiisia Nɩaa 3:26

A tɩŋ ma sɩ laa Yesu Kirisito dii nɛ tɩɩ ma kala ŋaa Wɩa biiriŋ ŋɩɩ.

Ɛfɛsɩs Nɩaa 1:11

Wɩa tʋɔtɔrʋŋ arɩ ʋ chɛnɩŋ lɛ nɛ ʋ yie ŋaa wɩɩkala. Ʋ to Kirisito lɛ nɛ a lɩɩsɛla a leŋ la ŋaa ʋ nɩaa, arɩ ŋɩɩ ʋ sɩ bɩɩna bil faafaa kala.

Ɛfɛsɩs Nɩaa 1:9

Ʋ tʋɔtɔrʋŋ lɛ nɛ ʋ leŋ la jɩŋ ʋ wɩalɩŋ kala fa sɩ faa, wɩalɩŋ ʋ sɩɩ chɛ dɩ ʋ to Kirisito lɛ a ŋaa pɩla.

Fɩlɩpa Nɩaa 2:13

Má ŋaa ŋɩɩ, bɛɛ wɩaa, Wɩa hɛ ma teeŋ nɛ bʋa na-kala lɛ a kɛmma tɩtɩŋ, dɩ ma cho dɩ ma ŋaa wɩɩ-la ʋ sɩɩ chɛ.

Koloosi Nɩaa 1:19

Wɩa cho dɩ Yesu nagɛ ʋ-na Wɩa nagɩsɩŋ kala nɛ.

2 Tɛsalonaaka Nɩaa 1:11

A tɩŋ wɩɩŋ deeŋ wɩaa la yie chʋɔlɛ Wɩa pɩpɩma nɛ bʋa na-kala lɛ. Laa sʋl Wɩa dɩ ʋ leŋ dɩ ma ŋaa nɩzɔmɔ a nagɛ ŋɩɩ ʋ sɩ yɩrɛma dɩ ma nagɛ, a leŋ dɩ ʋ doluŋ hɛ ma lɛ dɩ ma wuo ŋɩŋaa wʋzɔmɔ-la ma sɩ cho, a wuo chɩŋ wɩalɩŋ ma sɩ laa dii lɛ a mʋ dɛrɛ.

Hiburu TƖŊŊAA 2:4

Wɩa ma tɩtɩa daga arɩ wɩɩ-la ba sɩ bʋla ŋaa wʋtɩtɩɩ nɛ. Ʋ dagɛ ʋ doluŋ a ŋaa wʋkpuŋkperisiŋ arɩ wʋmagɩlaa kala. Wɩa to ʋ tʋɔtɔrʋŋ lɛ nɛ a joŋ ʋ Dɩŋ-zɔmʋŋ a dii zile nɩaa lɛ.

1 Jɔɔŋ 3:1

Ma na ŋɩɩ la Nyɩmma Wɩa sɩ chola. Ʋ chola kieli, ŋɩɩ nɛ tɩɩ ʋ kɛnla yɩyɩrɛ ʋ biiriŋ. Wʋtɩtɩɩ, la sɛnɛ ŋaa ʋ biiriŋ nɛ. Dʋnɩa nɩaa bɩ Wɩa jɩŋ, ŋɩɩ nɛ tɩɩ ba bɩ la ma jɩŋ ŋɩɩ.

Jɔɔŋ Wʋnaalaa 21:7

Nɩɩ-la kala sɩ wuo yuo dii Sɩtaanɩ jaŋ na kɩaa deemba kala. Mɩ jaŋ ŋaa ʋ Wɩa, ʋ ma jaŋ ŋaa mɩ bii.