Ɛfɛsɩs Nɩaa 1:4 - WƖA TENIŊ

⁴ Ka dɩ ʋ-na suomo ŋaa dʋnɩa, ʋ to Kirisito lɛ nɛ a lɩɩsɛla, dɩ la kɛŋ tʋɔpʋla, a sɩ́ cheeri kala kɛŋ ʋ sɩpaaŋ. A tɩŋ Wɩa sɩ chola wɩaa,

Ɛfɛsɩs Nɩaa 1:4 ပူးပေါင်းရင်းမြစ်များ

2 SAMƲƐL 22:24

Mɩ bɩ wʋcheeli kɛnɛ ŋ sɩpaaŋ. Mɩ kɛŋ mɩ tɩtɩa nɛ dɩ mɩ sɩ́ wʋbɔŋ kala ŋaa.

WƖA YƖƖLAA 135:4

La Tɩɩna lɩɩsɛ Jekɔb nɛ ʋ ŋaa ʋ nʋʋ, Iziral tɩŋŋaa kala ŋaa ʋ nɩchooloo.

AZAAYA 42:1

La TƖƖNA sɩ, “Mɩ tɩntɩnna nɛ ŋ-la, mɩ nɛ leŋe ʋ kɛŋ doluŋ. Ʋ nɛ mɩ lɩɩsɛ mɩ tʋɔŋ tɔrɛ ʋ nyuŋ. Mɩ joŋ mɩ Dɩma a hɛ ʋ lɛ nɛ, dɩ ʋ leŋ dɩ wʋtɩtɩɩ chɩŋ tinteyee kala lɛ.

LEVI DOHO NƖAA 19:2

“Bʋla pɩ Iziral tɩŋŋaa kala: ‘Má sɩ́ disiniŋ kɛŋ, bɛɛ wɩaa mɩ-na ma Tɩɩna Wɩa bɩ disiniŋ kɛnɛ.

LEVI DOHO NƖAA 20:7

Má joŋ ma tɩtɩa hɛ mɩ nɩsɩŋ lɛ a sɩ́ disiniŋ kɛŋ, bɛɛ wɩaa mɩ nɛ ma TƖƖNA Wɩa.

Matiu 24:22

Dɩ Wɩa nɛ bɩ tapʋlɩa-la kere ta, nɩbala ma bɩ jaŋ ka. Ama nɩalɩŋ Wɩa sɩ lɩɩsa dɩ baa tou, ba wɩaa nɛ tɩɩ ʋ jaŋ keri tapʋlɩa-la ta.

Matiu 24:24

Nɩaa dɔnsʋŋ jaŋ sii fugo bʋl dɩ ba nɛ ŋaa Kirisito, nɩɩ-la Wɩa sɩ lɩɩsa. Dɔnsʋŋ ma jaŋ sii fugo bʋl ba ŋaa Wɩa wʋlaabʋllaa nɛ. Ba jaŋ ŋaa wʋmagɩlaa arɩ wʋkpuŋkperisiŋ kala a chɩchɛ dɩ ba nyɩsɛ nɩalɩŋ Wɩa sɩ lɩɩsa dɩ baa toba, dɩ ba nɛ wuolo.

Matiu 24:31

Ŋɩɩ nɛ ba jaŋ ŋmʋʋ nyil-balɩŋ, a tɩŋ Wɩa tɩndaaraa dɩ ba mʋ dʋnɩa sɛmɛ-na kala a kɛŋ nɩalɩŋ kala Wɩa sɩ lɩɩsa ba tutou a hilimi.

Matiu 25:34

Ŋɩɩ nɛ mɩ-na Kuoro jaŋ bʋla pɩ nɩalɩŋ sɩ chɩŋ mɩ nadiiŋ, ‘Má kɔ. Mɩ Nyɩmma Wɩa nɛ pɛ ma lɛ. Má kʋ dii Wɩa kuorii-la ba sɩ wasa bil ma lɛ dʋnɩa dɩ-suomuŋ,

Jɔɔŋ 10:16

Mɩ kɛŋ piesee dɔnsʋŋ ma, aŋ ka ba tuo piesee deemba tʋɔŋ. Mɩ jaŋ kɛŋ ba ma kaa kɔ. Ba ma jaŋ jɩŋ mɩ yikoro a kala ŋaa nɩbala piesee, ba pie-daara ma ŋaa kʋbala.

Jɔɔŋ 15:16

Ma dee bɩ mɩ lɩɩsa, mɩ nɛ lɩɩsɛma. Mɩ nɛ lɩɩsɛma dɩ ma mʋ faasa ŋaa wʋzɔŋŋɔɔ, wʋzɔmɔ-la sɩ bɩ jaŋ lɛl. Dɩ ma nɩɩ ŋaa ŋɩɩ, mɩ Nyɩmma jaŋ pɩma kʋŋkala ma sɩ pɩɛsa chɩchɛ mɩ yɩrɩŋ lɛ.

Jɔɔŋ 17:24

Mɩ Nyɩmma, ŋ paala chomi nɛ a leŋ mɩ laa yɩrɩŋ, ka dʋnɩa-na suomi. Mɩ saa chɛ dɩ ŋ leŋ dɩ nɩalɩŋ ŋ sɩ lɩɩsa pɩmɛ, dɩ ba hɛ mɩ teeŋ lee na-kala mɩ sɩ jaŋ hɛ nɛ, dɩ ba wuo na ŋɩɩ ŋ sɩ leŋe mɩ laa yɩrɩŋ.

Tɩntɩŋŋaa 13:48

Nɩalɩŋ sɩ bɩ Juu tɩŋŋaa ŋaa sɩ nɩɩ wɩɩŋ deeŋ, ba tʋɔŋ kala tɔrɛ, ba bʋl dɩ La tɩɩna niiŋ wɩaa sɩma kɩŋkɛŋ. Nɩalɩŋ Wɩa sɩ lɩɩsa dɩ ba kɛŋ mɩɩsɩ-la sɩ bɩ dɛrɛ, ba laa wɩalɩŋ dii.

Tɩntɩŋŋaa 15:18

Wɩa bʋl ŋɩɩ faafaa kala nɛ dɩ nɩaa jɩŋ.”

Tɩntɩŋŋaa 18:10

Mɩ chɩŋ ŋ harɩŋ nɛ. Nʋʋkala bɩ jaŋ wuo kɛnɩŋ a ŋaaŋ wʋbɔŋ kala, bɛɛ wɩaa mɩ nɩaa yʋga taŋ deeŋ lɛ.”

Rom Tɩŋŋaa 8:33

Kʋbɛɛ nɛ saa jaŋ bɩra joŋ cheeriŋ a pɩ nɩalɩŋ Wɩa sɩ lɩɩsa? Wɩa tɩtɩa nɛ leŋe ba kɛŋ tʋɔpʋla ʋ sɩpaaŋ.

1 Kɔrɩntɩ Nɩaa 1:8

Wɩa ma jaŋ chaasa kɛmma woruŋ dɩ ma sɩ́ wʋbɔŋ ŋaa, a kaa mʋ yi tapʋlɩɩ-la La Tɩɩna Yesu Kirisito sɩ jaŋ mɩɩra kɔ.

Galiisia Nɩaa 5:13

Ka ma-na mɩ naambiiriŋ, Wɩa yɩrɛma nɛ dɩ ma tɩɩ ma tɩtɩa. Ma saa sɩ tɩɩ ma tɩtɩa ŋɩɩ, má sɩ́ ŋɩɩ joŋ a to ma tɩtɩa tʋɔtɔrɛ wʋŋaalaa lɛ. Ama má cho dɔŋɔ a tɩma pɩpa dɔŋɔ.

Galiisia Nɩaa 5:22

Ama dɩ Wɩa Dɩŋ-zɔmʋŋ nɛ hɛ nʋʋ lɛ, ʋ yie ŋaa ʋ cho nɩaa nɛ, a kɛŋ tʋɔtɔrʋŋ, a fɩɛla hɔŋ sɔm, a kɛŋ kenyiri, a kɛŋ zile, a ŋɩŋaa wʋzɔŋŋɔɔ, a kɛŋ wʋtɩtɩɩ,

Galiisia Nɩaa 5:6

Dɩ la dɩ Kirisito nɛ ŋaa kʋbala, dɩ la keri la penee koo dɩ la bɩ kere, ʋ bɩ wɩɩ kɛnɛ. Wɩɩ-la sɩ ŋaa sɩɩfɩaŋ wɩɩ nɛ, dɩ la laa Wɩa wɩaa dii a cho dɔŋɔ.

Ɛfɛsɩs Nɩaa 2:10

Wɩa nɛ ŋaala. Ʋ ŋaala dɩ la dɩ Kirisito Yesu ŋaa kʋbala nɛ a ŋɩŋaa wʋzɔŋŋɔɔ. Ʋ ŋaa wʋzɔŋŋɔɔ deemba bil la lɛ faa faa kala nɛ dɩ la ŋɩŋaaba.

Ɛfɛsɩs Nɩaa 3:17

Mɩ bɩra sʋlʋ dɩ ma wuo laa Kirisito wɩaa dii woruŋ, dɩ ʋ hɛ ma tʋɔŋ lɛ a leŋ dɩ ma chɩŋ kpaŋ kpaŋ a cho nɩaa.

Ɛfɛsɩs Nɩaa 4:2

Má leŋ dɩ ma sɩaa tuu tinteeŋ, a pɛ kɛŋ ma tɩtɩa muuri, a kɛŋ kenyiri, a joŋ wɩaa chɩchɛ dɔŋɔ, a tɩŋ ma sɩ cho dɔŋɔ wɩaa.

Ɛfɛsɩs Nɩaa 5:2

Má cho dɔŋɔ arɩ Kirisito sɩ chola ŋɩɩ a sʋʋ la wɩaa. Ʋ joŋ ʋ tɩtɩa a pɩ Wɩa nɛ, ba kpʋʋ arɩ ba sɩ yie kpʋ pʋsʋŋ a nyɩga pɩ Wɩa ŋɩɩ, ʋ sʋɔra sɩŋ.

Ɛfɛsɩs Nɩaa 5:27

Ʋ ŋaa ŋɩɩ dɩ nɩalɩŋ sɩ laa ʋ wɩaa dii aa hilimi, dɩ ba wuo zɔŋ kɩŋkɛŋ, a sɩ́ disiŋ koo wʋcheeli kala kɛŋ, dɩ wʋbɔŋ kala sɩ́ ba lɛ lagɩsʋ, a sɩ́ nyɔɔ kala kɛŋ.

Fɩlɩpa Nɩaa 2:15

Dɩ ma nɛ ŋaa ŋɩɩ, ma jaŋ ŋaa tʋɔpʋl tɩmma a sɩ́ wʋcheeli kala kɛŋ. Ma jaŋ ŋaa Wɩa biiriŋ a hɛ wʋbɔŋ ŋaaraa arɩ nɩbɔŋŋɔɔ tʋɔŋ dʋnɩa deeŋ lɛ. Ma chaanɛ nɩaa deemba tʋɔŋ a nagɛ chɛnwʋlaa sɩ chaanɛ ŋɩɩ wɩa-nyuŋ.

Koloosi Nɩaa 1:22

Ama lɛɛlɛ Wɩa ŋaa ma dɩ ʋ sɩŋ nɛ a tɩŋ Kirisito sʋʋŋ wɩaa, dɩ ʋ kɛmma kaa kɔ Wɩa sɩpaaŋ arɩ tʋɔpʋla, dɩ ma sɩ́ disiniŋ kɛŋ a sɩ́ wʋcheeli ma kɛŋ.

Koloosi Nɩaa 2:2

Mɩɩ chɛ dɩ ba kɛŋ bɔɩ-duoŋ a kɛŋ nii-bala a cho dɔŋɔ, a wuo jɩŋ wɩaa sɩaa woruŋ a mʋ dɛrɛ, a jɩŋ wɩɩ-la Wɩa sɩ joŋo faa bʋbʋɔŋ, wɩɩ-la nɛ ŋaa Kirisito.

Koloosi Nɩaa 3:12

Ŋɩɩ wɩaa, Wɩa sɩ lɩɩsɛma a choma a leŋ ma ŋaa ʋ nɩaa sɩ bɩ disiniŋ kɛnɛ, ma fɩfá nɩaa nenige a kɛŋ zile, a kɛŋ ma tɩtɩa muuri, a leŋ dɩ ma sɩaa fɩɛlɛ, a kɛŋ kenyiri.

1 Tɛsalonaaka Nɩaa 3:12

La bɩraa sʋl La Tɩɩna Yesu dɩ ʋ pɛ ma lɛ dɩ ma wasa cho dɔŋɔ, dɩ ma cho dɔŋɔ kɩŋkɛŋ a cho nʋʋkala, arɩ la sɩ choma ŋɩɩ,

1 Tɛsalonaaka Nɩaa 4:7

Wɩa bɩ la lɩɩsa dɩ la ŋɩŋaa wʋlɩɩlɩŋ, ama ʋ lɩɩsɛla dɩ la ŋaa nɩa sɩ bɩ disiniŋ kɛnɛ nɛ.

2 Timoti 1:9

Wɩa nɛ laala ta a yɩrɛla dɩ la ŋaa ʋ nɩaa. Ʋ bɩ naga Wɩa to la wʋzɔŋŋɔɔ lɛ nɛ a laala ta. Ama ʋ tɩtɩa tʋɔtɔrʋŋ lɛ nɛ ʋ fá la nenige a laala ta. Yesu Kirisito lɛ nɛ ʋ to a ŋaa ŋɩɩ pɩla. Ʋ jɩma arɩ ʋ jaŋ ŋaa ŋɩɩ pɩla faafaa kala nɛ, ka dʋnɩa-na suomi.

2 Timoti 2:10

Mɩ nyalɩma nɛ wɩɩkala lɛ a tɩŋ nɩalɩŋ Wɩa sɩ lɩɩsa wɩaa, dɩ Yesu Kirisito wuo laaba ta dɩ ba na ʋ tʋla a kaa mʋ deeŋ deeŋ.

2 Timoti 2:19

Ama dɩa gentiŋ-duo-la Wɩa sɩ bile pɩ ʋ nɩaa, ʋ bɩ jaŋ wuo jigisi. Wɩalɩŋ ba sɩ ŋmʋnsa hɛ ʋ lɛ nɛ ŋ-la: “La Tɩɩna Wɩa jɩŋ nɩalɩŋ sɩ ŋaa ʋ nɩaa nɛ.” Ba bɩra ŋmʋnsa arɩ ʋ maga dɩ nɩɩ-la kala sɩ sɩ ʋ ŋaa Wɩa nʋʋ nɛ, dɩ ʋ leŋ wʋbɔŋŋɔɔ ŋaanɩŋ.

Jeems 2:5

Mɩ naambii-kpɩanaba, má jegile nɩɩ mɩ teeŋ. Nɩalɩŋ sɩ ŋaa summoo dʋnɩa deeŋ lɛ, Wɩa tʋɔsɛba nɛ dɩ ba laa ʋ wɩaa dii woruŋ a jʋʋ ʋ kuorii-la, lee-la ʋ sɩ sɩ ʋ jaŋ joŋo pɩ nɩalɩŋ sɩ chou.

1 Pɩɩta 1:2

Faafaa kala nɛ la Nyɩmma Wɩa bɩɩnɛ arɩ ʋ maga dɩ ma ŋaa ʋ nɩaa, ŋɩɩ nɛ tɩɩ ʋ lɩɩsɛma a joŋ ʋ Dɩŋ-zɔmʋŋ a hɛ ma lɛ, dɩ ma ŋaa tʋɔpʋl tɩmma ʋ teeŋ a tuto Yesu Kirisito niiŋ. Ʋ nɛ joŋ ʋ chalɩŋ jaasɛ ma wɩaa dɩ ma sɩ́ disiniŋ kɛŋ Wɩa teeŋ. La Tɩɩna Wɩa lahɔrɩmɔ lɛ, fɩɛlɩŋ jaŋ yʋgɛ ma teeŋ.

1 Pɩɩta 1:20

Bumbuŋ kala, ka dɩ Wɩa-na ŋaa dʋnɩa, ʋ lɩɩsɛ Yesu Kirisito nɛ dɩ ʋ to ʋ lɛ a laa dʋnɩa nɩaa ta. Ama Wɩa leŋe ʋ kɔ nɛ dʋnɩa deeŋ dɩdɛrɩŋ, ma wɩaa.

1 Pɩɩta 2:9

Ama Wɩa lɩɩsɛma nɛ dɩ ma ŋaa ʋ nɩaa, a laa nɩaa nyuŋ a tɩma pɩpɩ ma Kuoro. Ma ŋaa nɩa sɩ bɩ disiniŋ kɛnɛ nɛ. Wɩa tɩtɩa nɛ tɩɩma. Ʋ yɩrɛma dɩ ma wuo bʋl wʋkpuŋkperisi-la kala ʋ sɩ ŋaa a pɩ nɩaa arɩ ŋɩɩ ʋ sɩ lɩɩsɛma birimiŋ tʋɔŋ a kaa kʋ jʋʋ ʋ pʋlʋŋ-jalɩɩ-la tʋɔŋ.

2 Pɩɩta 3:14

Ŋɩɩ wɩaa mɩ nandɔŋ-kpɩanaba, ma sɩɩ gbɛrɛ dɩ ma na wɩaa deemba ŋɩɩ, má fɩɛsɛ sɩɩŋ a leŋ dɩ ma mɛlɛ zɔŋ, dɩ tapʋlɩɩ-la nɛ yie, dɩ Wɩa sɩ́ cheeriŋ joŋo pɩma, ka dɩ ma dɩ Wɩa sɩŋ.

1 Jɔɔŋ 4:16

Ŋɩɩ nɛ la tɩtɩa jɩŋ a laa dii arɩ Wɩa chola nɛ. Chonuŋ ŋaa Wɩa kʋŋ nɛ. Nɩɩ-la kala sɩ cho Wɩa arɩ nɩaa a kaa mʋ, ʋ tɩɩna hɛ Wɩa teeŋ nɛ a kaa mʋ. Wɩa ma hɛ ʋ tɩɩna teeŋ a kaa mʋ.

Jɔɔŋ Wʋnaalaa 13:8

Nɩɩ-la kala yɩrɩŋ sɩ tuo mɩɩsɩŋ teŋ-la lɛ a lɩɩ dʋnɩa dɩ-suomuŋ, jaŋ dɛnnɛ baga kʋ-la. Pie-bie-la ba sɩ kpʋa nɛ tɩɩ teŋ-la.

Jɔɔŋ Wʋnaalaa 17:8

Baga kʋ-la ŋ sɩ na nɛ fa hɛ nɩmɛ bumbuŋ aŋ bɩra tuo. Ʋ jaŋ lɩɩ buotuo-luŋii-la tʋɔŋ kʋ lɩɩ a mʋ sʋʋ. Nɩalɩŋ kala sɩ hɛ dʋnɩa lɛ ka ba bɩ ba yɩraa ŋmʋnsa hɛ mɩɩsɩŋ teŋ-la lɛ a lɩɩ dʋnɩa dɩ-suomuŋ jaŋ na baga kʋ-la dɩ ʋ ŋaaba wʋkpuŋkpere, bɛɛ wɩaa ʋ fa hɛ nɩmɛ bumbuŋ aŋ bɩra tuo, aŋ saa jaŋ bɩra kɔ.