Ɛfɛsɩs Nɩaa 1:3 - WƖA TENIŊ

³ Má leŋ dɩ la dɛnnɛ Wɩa. Ʋ nɛ ŋaa La Tɩɩna Yesu Kirisito Nyɩmma. La dɩ Kirisito sɩ ŋaa kʋbala nɛ tɩɩ ʋ pɛ la lɛ a joŋ wʋzɔŋ na-kala sɩ lɩɩ ʋ teeŋ a pɩla.

Ɛfɛsɩs Nɩaa 1:3 ပူးပေါင်းရင်းမြစ်များ

WƖAA DƖ-SUOMUŊ 14:20

Mɩɩ dɛnnɛ Wɩa sɩ kɩɩ kʋŋkala sɩ joŋ ŋ dʋndɔŋŋɔɔ hɛ ŋ nɩsɩŋ lɛ.” Ŋɩɩ nɛ Abɩram kɛŋ kɩalɩŋ kala ka kpaa puguloo fii a joŋ dɔŋɔ pɩ Mɛlɩkɩzɛdɛk.

WƖAA DƖ-SUOMUŊ 22:18

A tɩŋ ŋ sɩ sɛɩ mɩ niiŋ wɩaa, mɩ jaŋ to ŋ doho nɩaa lɛ a pɛ dʋnɩa nɩaa kala lɛ.”

1 IZIRAL TƖŊŊAA NAABARƖŊ 29:20

Ŋɩɩ nɛ Devit bʋla pɩ nɩalɩŋ kala sɩ hilime, “Má dɛnnɛ ma TƖƖNA Wɩa.” Ŋɩɩ nɛ ba kala dɛnnɛ La TƖƖNA, ba naabalɩmaba Wɩa, aŋ tuu kpirimi a zil La TƖƖNA arɩ kuoro Devit.

1 IZIRAL TƖŊŊAA NAABARƖŊ 4:10

Tapʋlɩɩ kʋbala Jabɛs sʋl Iziral tɩŋŋaa Wɩa, a bʋl, “Mɩɩ sʋlʋŋ, pɛ mɩ lɛ a leŋ dɩ mɩ tinteeŋ jalla pɛ. Pɔmɛ dɩ wʋbɔŋ kala sɩ́ mɩ jʋʋ dɩ mɩ na hɛɛŋ.” Ŋɩɩ nɛ Wɩa laa ʋ sʋla.

2 IZIRAL TƖŊŊAA NAABARƖŊ 31:8

Hezikaaya arɩ ʋ tɩntɩnnɩ-hɩasɩŋ sɩ kʋ na kɩalɩŋ sɩ chʋɔra ŋɩɩ, ba dɛnnɛ La TƖƖNA aŋ lɔllɛ Iziral nɩalɩŋ ma kala.

NƐHƖMAAYA 9:5

Ŋɩɩ nɛ Levi doho nɩaa deemba: Jesua, Kadɩmɩɛl, Banɩ, Hasabineya, Sɛrɛbɩa, Hodia, Sɛkanɩa arɩ Pɛtahɩa bʋla pɩ nɩalɩŋ, “Má sii chɩŋ a dɛnnɛ ma TƖƖNA Wɩa sɩ hɛ nɩmɛ a kaa mʋ deeŋ deeŋ. Má zil ʋ yɩrɩ-balɩŋ arɩ la sɩ bɩ jaŋ wuo zilu a magɛ ŋɩɩ sɩ maga ma kala.” Aŋ bɩra chʋɔlɛ Wɩa a bʋl,

WƖA YƖƖLAA 134:3

La Tɩɩna sɩ hɛ Zaayɔŋ lɛ, a leŋ dɩ ʋ pɛ ma lɛ. Ʋ nɛ ŋaa wɩa-nyuŋ arɩ tinteeŋ.

WƖA YƖƖLAA 72:17

Leŋ dɩ kuoro yɩrɩŋ yɩrɛ a kaa mʋ wuu, a nagɛ wɩɩpɔsʋŋ sɩ hɛ wɩa-nyuŋ. Leŋ dɩ tinteyee nɩaa kala to ʋ lɛ a na wʋzɔŋŋɔɔ, a kɛnʋ yɩyɩrɛ tʋɔtɔrɛ tɩɩna.

WƖA YƖƖLAA 72:19

Má dɛnnɛ ʋ yɩrɩ-balɩŋ a kaa mʋ wuu, a leŋ dɩ ʋ tʋla su dʋnɩa kala. Amɩɩ, Amɩɩ.

AZAAYA 61:9

Mɩ nɩaa doho jaŋ kɛŋ yɩrɩŋ tinteyee tʋɔŋ, ba jaŋ zilba nɩaa tʋɔŋ. Nɩalɩŋ kala sɩ naba jaŋ jɩŋ, dɩ ba ŋaa nɩa mɩ-na ma TƖƖNA sɩ pɛ ba lɛ nɛ.”

DANƖƐL 4:34

Jɩsɩ-la balɩpɛ harɩŋ, mɩ-na Nebukadineza kɛŋ mɩ nyuŋ je wɩa-nyuŋ, mɩ wʋjɩmɩŋ mɩɩra kɔ mɩ nyuŋ. Ŋɩɩ nɛ mɩ dɛnnɛ Wɩa sɩ kɩɩ kʋŋkala. Mɩ zilu a leŋ ʋ yɩrɩŋ yɩrɛ, ʋ nɛ sɩ hɛ nɩmɛ a kaa mʋ wuu. Ʋ doluŋ bɩ dɩdɛrɩŋ kɛnɛ, ʋ nɛ kuoro sɩ hɛ nɩmɛ a kaa mʋ wuu.

Luuk 2:28

Simioŋ na bile a laaʋ hɛ ʋ nɩsaa lɛ aŋ dɛnnɛ Wɩa a bʋl,

Jɔɔŋ 14:20

Tapʋlɩɩ-la Wɩa sɩ jaŋ joŋ ʋ Dɩŋ-zɔmʋŋ hɛ ma lɛ nɛ, ma jaŋ jɩŋ arɩ mɩ hɛ mɩ Nyɩmma lɛ nɛ, ma ma hɛ mɩ lɛ, mɩ ma hɛ ma lɛ.

Jɔɔŋ 17:21

Mɩ Nyɩmma, mɩɩ sʋlʋŋ dɩ ba kala wuo ŋaa kʋbala, a nagɛ ŋ sɩ hɛ mɩ lɛ mɩ ma hɛ ŋ lɛ ŋɩɩ. Dɩ ŋ nɛ ŋaa ŋɩɩ, dʋnɩa nɩaa jaŋ wuo laa dii arɩ ŋ nɛ tɩmmɛ.

Jɔɔŋ 20:17

Ŋɩɩ nɛ Yesu bʋla pʋ, “Sɩ́ mɩ kɛŋ. Mɩ ha bɩ mɩ Nyɩmma teeŋ jɩla. Ama mʋ bʋla pɩ mɩ naambiiriŋ arɩ mɩ jaŋ jɩl mɩ Nyɩmma teeŋ. Ʋ ŋaa ma ma Nyɩmma nɛ a ŋaa mɩ Wɩa, a ŋaa ma ma Wɩa.”

Rom Tɩŋŋaa 12:5

Ŋɩɩ tɩtɩa nɛ la ma nagɛ. La yʋga nɛ, aŋ ka la kala mɛrɛ Kirisito lɛ a ŋaa kʋbala. La ŋaa nɩ-dabaŋ dabamba nɛ a mɛrɛ dɔŋɔ lɛ a ŋaa yarɩ-bala.

Rom Tɩŋŋaa 15:6

dɩ ma kala wuo kɛŋ nii-bala arɩ tʋɔ-bala a dɛnnɛ Wɩa. Ʋ nɛ ŋaa La Tɩɩna Yesu Kirisito Nyɩmma.

1 Kɔrɩntɩ Nɩaa 1:30

Ama Wɩa leŋe ma to Kirisito Yesu lɛ nɛ a kɛŋ mɩɩsɩŋ. Wɩa saa leŋe Kirisito nɛ ŋaa la wʋjɩmɩŋ. A tɩŋ ʋ wɩaa Wɩa laala ta nɛ, la kʋ ŋaa tʋɔpʋl tɩmma ʋ teeŋ, a ŋaa nɩalɩŋ sɩ bɩ disiniŋ kɛnɛ.

1 Kɔrɩntɩ Nɩaa 12:12

Nuhuobiine yaraa ŋaa kʋbala nɛ, ama ʋ nandaasɩŋ yʋga nɛ. La yaraa nandaasɩŋ sɩ yʋga ŋɩɩ, ba kala pɛ dɔŋɔ lɛ nɛ a ŋaa yarɩ-bala. Ŋɩɩ tɩtɩa nɛ Kirisito ma nagɛ.

2 Kɔrɩntɩ Nɩaa 1:3

Má leŋ dɩ la dɛnnɛ Wɩa. Ʋ nɛ ŋaa La Tɩɩna Yesu Kirisito Nyɩmma, aa fá nɩaa nenige. Ʋ nɛ yie leŋ nɩalɩŋ tʋɔŋ sɩ cheye tʋɔŋ bɩra tɔrɛ.

2 Kɔrɩntɩ Nɩaa 11:31

Wɩa sɩ ŋaa La Tɩɩna Yesu Nyɩmma, ʋ yɩrɩŋ jaŋ yɩrɛ deeŋ deeŋ. Ʋ jɩma arɩ mɩ bɩ wɩaa nyɩɛ.

2 Kɔrɩntɩ Nɩaa 5:17

Ŋɩɩ wɩaa dɩ nʋʋkala nɛ laa Kirisito wɩaa dii, Wɩa kɛnʋ bɩrɩmɛ nɩ-falɩɩ nɛ. Wʋbɩnɩa-la kala bálá nɛ. Wʋfalaa nɛ suomi ʋ mɩɩsɩŋ lɛ.

2 Kɔrɩntɩ Nɩaa 5:21

Kirisito fa bɩ wʋbɔŋ kɛnɛ, ama a tɩŋ la wɩaa, Wɩa leŋe ʋ sʋʋ a nagɛ wʋbɔŋ ŋaarʋ. Wɩa ŋaa ŋɩɩ dɩ la wuo to Kirisito lɛ nɛ a kɛŋ tʋɔpʋla ʋ teeŋ.

Galiisia Nɩaa 3:9

Abɩraham nɩɩ wɩɩŋ deeŋ nɛ a laa dii. Ŋɩɩ nɛ Wɩa pɛ ʋ lɛ. Nɩalɩŋ ma kala sɩ laa wɩɩŋ deeŋ dii, Wɩa pɛ ba ma lɛ nɛ arɩ ʋ sɩ pɛ Abɩraham lɛ ŋɩɩ.

Ɛfɛsɩs Nɩaa 1:10

Ʋ ŋaa ŋɩɩ dɩ bʋa-la nɛ yie, dɩ ʋ kɛŋ kʋŋkala kʋ hɛ dɔŋɔ lɛ, kɩalɩŋ sɩ hɛ Wɩa-jaŋ arɩ kɩalɩŋ sɩ hɛ tinteeŋ kala, dɩ Kirisito ŋaa ba kala Tɩɩna.

Ɛfɛsɩs Nɩaa 1:17

Mɩ yie sʋl Wɩa, La Tɩɩna Yesu Kirisito Nyɩmma, Nɩɩ-la sɩ kɛŋ yɩrɩŋ, dɩ ʋ pɩma wʋjɩmɩŋ, a bɩra kɛŋ ʋ tɩtɩa ma kaa dagɛma ʋ Dɩŋ-zɔmʋŋ doluŋ lɛ dɩ ma wuo jɩmʋ.

Ɛfɛsɩs Nɩaa 1:20

Dol-la tɩtɩa nɛ ʋ kaa chɩsɛ Kirisito sʋʋŋ lɛ a leŋ ʋ hɔŋ ʋ nadiiŋ Wɩa-jaŋ lɛ, nɩduoŋ dɩhɔnʋŋ.

Ɛfɛsɩs Nɩaa 2:6

La dɩ Kirisito Yesu sɩ ŋaa kʋbala ŋɩɩ, Wɩa chɩsɛla sʋʋ-la lɛ la wʋbɔŋŋɔɔ fa sɩ ŋaa la sʋʋ lɛ nɛ, arɩ ʋ sɩ chɩsɛ Kirisito sʋʋŋ lɛ ŋɩɩ, a leŋ la dɩ Kirisito Yesu kala hɔŋ Wɩa kuorii-la tʋɔŋ Wɩa jaŋ lɛ.

Ɛfɛsɩs Nɩaa 3:10

Wɩa ka chɛ dɩ ʋ to nɩalɩŋ sɩ laa Yesu wɩaa dii aa hilimi lɛ, a leŋ Wɩa bii-zɔŋŋɔɔ arɩ Wɩa bii-bɔŋŋɔɔ kala sɩ hɛ wɩa-nyuŋ kʋ jɩŋ Wɩa sɩ kɛŋ wʋjɩmɩŋ ŋɩɩ kɩŋkɛŋ.

Ɛfɛsɩs Nɩaa 6:12

Ama la bɩ naga nɩalɩŋ sɩɩ yuo nuhuobiinee. Laa yuo Sɩtaanɩ arɩ ʋ harɩ-tooroo nɛ, arɩ kʋŋkala sɩ kɛŋ doluŋ nɩalɩŋ sɩ hɛ birimiŋ tʋɔŋ teeŋ. Dʋnɩa deeŋ arɩ dol-bɔmɔ-la kala sɩ hɛ wɩa-nyuŋ, ba nɛ laa yuo.

Fɩlɩpa Nɩaa 2:11

Nʋʋkala jaŋ suri ʋ niiŋ a bʋl arɩ Yesu Kirisito nɛ ŋaa ʋ Tɩɩna, dɩ la Nyɩmma Wɩa yɩrɩŋ yɩrɛ.

Hiburu TƖŊŊAA 8:5

Nɩaa deemba sɩ ŋaa Wɩɩsʋllɩ sɩpaalaaraa kʋhɩasɩŋ tɩŋ ba tɩntɩŋŋaa nɛ Wɩa dɩa tʋɔŋ dʋnɩa deeŋ lɛ. Ba sɩɩ ŋaa ŋɩɩ, baa chesi Wɩa dɩ-zɔŋ-la sɩ hɛ Wɩa-jaŋ lɛ wɩaa nɛ ŋɩɩ. Wɩa dɩ-zɔŋ-la tɩtɩa deeŋ. Mosis fa sɩ kɛŋ ʋ tɩtɩa hɛ dɔŋɔ dɩ ʋ hɛ lɛbɩŋ, Wɩa fa bʋl wɩaa pʋ nɛ. Ʋ sɩ, “Hɛ lɛbɩ-la dɩ ʋ nagɛ kʋ-la mɩ sɩ dagɩŋ peel-la nyuŋ.”

Hiburu TƖŊŊAA 9:23

Kɩalɩŋ fa sɩ hɛ lɛbɩ-la tʋɔŋ nagɛ kɩalɩŋ sɩ hɛ Wɩa-jaŋ nɛ. Ʋ maga dɩ ba kɛŋ pʋsʋŋ chalɩŋ pɩɩsɛ kɩaa deemba disiniŋ ta. Ama kɩalɩŋ tɩtɩa sɩ hɛ Wɩa-jaŋ lɛ, ʋ maga dɩ ba chɛ kʋ-la sɩ zɔmɔ kɩɩ pʋsʋ-la chalɩŋ nɛ a kaa pɩɩsɛ ba disiniŋ ta.

1 Pɩɩta 1:3

Má leŋ dɩ la dɛnnɛ Wɩa, ʋ nɛ ŋaa La Tɩɩna Yesu Kirisito Nyɩmma. Ʋ fá la nenige nɛ kɩŋkɛŋ a leŋ la kɛŋ mɩɩ-falɩŋ, a tɩŋ ʋ sɩ chɩsɛ Yesu Kirisito sʋʋŋ lɛ. La saa yɩɛlʋ arɩ la jaŋ kɛŋ mɩɩsɩŋ,