Ɛfɛsɩs Nɩaa 1:21 - WƖA TENIŊ

²¹ Ʋ nɛ kɩɩ kɩalɩŋ kala la sɩ bɩ na ka ba kɛŋ doluŋ a bibeŋ leriŋ. Ʋ nɛ kɛŋ yɩrɩŋ a kɩɩ nʋʋ na-kala sɩ kɛŋ yɩrɩŋ dʋnɩa deeŋ lɛ arɩ dʋnɩa-la sɩ jaŋ bɩra kɔ lɛ.

Ɛfɛsɩs Nɩaa 1:21 ပူးပေါင်းရင်းမြစ်များ

DANƖƐL 7:27

Ba jaŋ joŋ doluŋ arɩ kuoruŋ yuŋuŋ kala sɩ hɛ dʋnɩa lɛ a pɩ Wɩa sɩ kɩɩ kʋŋkala nɩaa. Ba kuoruŋ doluŋ bɩ jaŋ dɛrɛ. Kuoroo kala sɩ hɛ dʋnɩa lɛ jaŋ to ba niiŋ a tɩma pɩpɩba.”

Matiu 12:32

Nɩɩ-la kala sɩ bʋl wʋbɔŋŋɔɔ a mʋ tɩgɛ mɩ-na Nuhuobiine Bie lɛ, Wɩa jaŋ joŋo chɛʋ, ama nɩɩ-la kala sɩ tʋʋsɛ Wɩa Dɩŋ-zɔmʋŋ joŋŋoo, Wɩa bɩ jaŋ joŋo chɛ ʋ tɩɩna lɛɛlɛ a kaa mʋ wuu.”

Tɩntɩŋŋaa 4:12

Nʋʋkala bɩ jaŋ wuo laala ta, see Yesu dʋndʋŋa. Ʋ yɩrɩŋ dʋndʋŋa nɛ Wɩa sɩ la yɩrɛ dʋnɩa lɛ dɩ ʋ laala ta. Nʋʋ dɔŋ bɩra tuo dɩ ʋ laala ta.”

Ɛfɛsɩs Nɩaa 2:2

Ma faa ŋaa wʋbɔŋŋɔɔ nɛ a ŋɩŋaa dʋnɩa deeŋ tʋɔtɔrɛ wɩaa, a tuto Sɩtaanɩ. Sɩtaanɩ nɛ ŋaa jɩŋ-bɔŋŋɔɔ kala kuoro, ʋ nɩɩ beŋ nɩalɩŋ sɩ bɩ Wɩa niiŋ wɩaa ka to.

Ɛfɛsɩs Nɩaa 3:10

Wɩa ka chɛ dɩ ʋ to nɩalɩŋ sɩ laa Yesu wɩaa dii aa hilimi lɛ, a leŋ Wɩa bii-zɔŋŋɔɔ arɩ Wɩa bii-bɔŋŋɔɔ kala sɩ hɛ wɩa-nyuŋ kʋ jɩŋ Wɩa sɩ kɛŋ wʋjɩmɩŋ ŋɩɩ kɩŋkɛŋ.

Ɛfɛsɩs Nɩaa 6:12

Ama la bɩ naga nɩalɩŋ sɩɩ yuo nuhuobiinee. Laa yuo Sɩtaanɩ arɩ ʋ harɩ-tooroo nɛ, arɩ kʋŋkala sɩ kɛŋ doluŋ nɩalɩŋ sɩ hɛ birimiŋ tʋɔŋ teeŋ. Dʋnɩa deeŋ arɩ dol-bɔmɔ-la kala sɩ hɛ wɩa-nyuŋ, ba nɛ laa yuo.

Koloosi Nɩaa 2:10

Ma dɩ ʋ sɩ ŋaa kʋbala ŋɩɩ, ma wɩɩkala chese nɛ. Ʋ nɛ kɩɩ kɩalɩŋ kala la sɩ bɩ na ka ba kɛŋ doluŋ a bibeŋ leriŋ.

Koloosi Nɩaa 2:15

Ʋ laa kɩalɩŋ kala la sɩ bɩ na ka ba kɛŋ doluŋ a bibeŋ leriŋ doluŋ nɛ. Ʋ sɩ sʋʋ daagɛsɛ nyuŋ ŋɩɩ, ʋ yuo diiba nɛ a hɩɩsɛba nʋʋkala na.

Hiburu TƖŊŊAA 1:4

Ʋ nɛ kɩɩ Wɩa tɩndaaraa kala. Yɩrɩ-la ʋ sɩ laa Wɩa teeŋ, ʋ ma nɛ kɩɩ yɩrɩ-la Wɩa tɩndaara-la sɩ laa.

Hiburu TƖŊŊAA 2:5

Ʋ bɩ naga Wɩa joŋ tintee-falɩɩ-la sɩ jaŋ kɔ a hɛ Wɩa tɩndaaraa nɩsɩŋ lɛ nɛ dɩ ba bibeŋ, tintee-falɩɩ-la wɩaa la sɩɩ bʋl.

Hiburu TƖŊŊAA 4:14

Yesu nɛ ŋaa Wɩa Bie a bɩra ŋaa nɩalɩŋ sɩ tɩma pɩpɩ Wɩa nɩaa nyuŋ kʋhɩaŋ. Ʋ sɩ tɩŋ ʋ tɩntɩŋŋaa dɛrɛ, ʋ jɩl wɩa-nyuŋ a mʋ Wɩa teeŋ, ŋɩɩ wɩaa, má leŋ dɩ la kɛŋ wɩalɩŋ la sɩ laa dii woruŋ.

1 Pɩɩta 3:22

Ʋ nɛ lɩɩ dʋnɩa lɛ a jɩl Wɩa-jaŋ a hɔŋ Wɩa nadiiŋ, nɩduoŋ dɩhɔnʋŋ. Ʋ nɛ kɛŋ doluŋ a bibeŋ Wɩa tɩndaaraa arɩ kʋŋkala sɩ kɛŋ doluŋ a hɛ Wɩa-jaŋ lɛ.