Ɛfɛsɩs Nɩaa 1:19 - WƖA TENIŊ

¹⁹ Mɩ bɩraa sʋlʋ dɩ ʋ wuo leŋ dɩ ma jɩŋ ŋɩɩ ʋ dol-bal-la sɩ bɩ magɩa kɛnɛ nɩalɩŋ sɩ laa ʋ wɩaa dii teeŋ. Ʋ yie to ʋ dol-bal-la lɛ nɛ a tɩŋ ʋ tɩntɩŋŋaa.

Ɛfɛsɩs Nɩaa 1:19 ပူးပေါင်းရင်းမြစ်များ

AZAAYA 53:1

Kʋbɛɛ nɛ hɛ nɩmɛ a laa wɩalɩŋ la sɩ bʋla a dii? Kʋbɛɛ nɛ La TƖƖNA kɛŋ ʋ doluŋ dagɛ?

Jɔɔŋ 3:6

Nuhuobiine yie lʋl nuhuobiine ʋ kɛŋ mɩɩsɩŋ nɛ tinteeŋ deeŋ lɛ. Wɩa ma yie joŋ ʋ Dɩŋ-zɔmʋŋ a hɛ nʋʋ lɛ ʋ kɛŋ mɩɩsɩŋ Wɩa teeŋ.

Tɩntɩŋŋaa 26:18

Mɩ jaŋ tɩmɩŋ dɩ ŋ mʋ bʋl wɩaa a suri ba sɩaa, dɩ ba bɩrɩma lɩɩ birimiŋ lɛ a kʋ jʋʋ pʋlʋmʋŋ tʋɔŋ, a ŋaa dɩ ba lɩɩ Sɩtaanɩ nɩsɩŋ lɛ a kɔ Wɩa teeŋ. Dɩ ba nɛ ŋaa ŋɩɩ a laa mɩ wɩaa dii, Wɩa jaŋ joŋ ba wʋbɔŋŋɔɔ chɛba. Ba jaŋ na leriŋ nɩalɩŋ Wɩa sɩ lɩɩsa tʋɔŋ.’

Rom Tɩŋŋaa 1:16

Mɩ bɩ hɩɩsɩŋ ka fá dɩ mɩ bʋl Wɩa wʋzɔmɔ-la, bɛɛ wɩaa ʋ nɛ ŋaa Wɩa doluŋ. Nɩalɩŋ sɩ laaba dii, Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kala, Wɩa jaŋ laaba ta.

2 Kɔrɩntɩ Nɩaa 4:7

La nagɛ pupoyee nɛ, Wɩa joŋ kʋzɔmʋŋ deeŋ a tʋɔlɛ la tʋɔŋ lɛ. Ŋ-la saa daga arɩ dol-bal-la ŋaa Wɩa kʋŋ nɛ. La dee bɩ ʋ tɩɩ.

2 Kɔrɩntɩ Nɩaa 5:17

Ŋɩɩ wɩaa dɩ nʋʋkala nɛ laa Kirisito wɩaa dii, Wɩa kɛnʋ bɩrɩmɛ nɩ-falɩɩ nɛ. Wʋbɩnɩa-la kala bálá nɛ. Wʋfalaa nɛ suomi ʋ mɩɩsɩŋ lɛ.

Ɛfɛsɩs Nɩaa 2:10

Wɩa nɛ ŋaala. Ʋ ŋaala dɩ la dɩ Kirisito Yesu ŋaa kʋbala nɛ a ŋɩŋaa wʋzɔŋŋɔɔ. Ʋ ŋaa wʋzɔŋŋɔɔ deemba bil la lɛ faa faa kala nɛ dɩ la ŋɩŋaaba.

Ɛfɛsɩs Nɩaa 3:20

Ʋ dol-la ʋ sɩ kaa tɩtɩŋ la lɛ, mɩɩ sʋlʋ dɩ ʋ leŋ dɩ dol-la faasa tɩtɩŋ la tʋɔŋ lɛ. Ʋ nɛ jaŋ wuo ŋaa wɩaa yʋga kɩɩ wɩalɩŋ kala la sɩ sʋlʋ chɩchɛ arɩ wɩalɩŋ kala la sɩɩ bɩɩnʋ.

Ɛfɛsɩs Nɩaa 3:7

Wɩa leŋe mɩ ŋaa ʋ tɩntɩnnʋ nɛ, dɩ mɩ bʋl Yesu wʋzɔmɔ-la a pɩ nɩaa. Ʋ lahɔrɩmɔ lɛ nɛ ʋ dii zile mɩ lɛ a joŋ ʋ doluŋ pɩmɛ mɩ kaa tɩtɩŋ.

Ɛfɛsɩs Nɩaa 6:10

Wɩɩ-la mɩ sɩɩ chɛ mɩ bʋl, ʋ wʋkaanɩŋ nɛ ŋ-la: Má leŋ dɩ La Tɩɩna dol-bal-la hɛ ma lɛ dɩ ma kɛŋ doluŋ woruŋ.

Fɩlɩpa Nɩaa 2:13

Má ŋaa ŋɩɩ, bɛɛ wɩaa, Wɩa hɛ ma teeŋ nɛ bʋa na-kala lɛ a kɛmma tɩtɩŋ, dɩ ma cho dɩ ma ŋaa wɩɩ-la ʋ sɩɩ chɛ.

Fɩlɩpa Nɩaa 3:21

Dɩ ʋ nɛ kɔ, ʋ jaŋ kɛŋ ʋ dol-la ʋ sɩ kaa bibeŋ kʋŋkala a kaa bɩrɩmɛ la yaraa deemba sɩ jaŋ pʋa, dɩ ba nagɛ ʋ tɩtɩa yara-la sɩ bɩ pʋa.

Koloosi Nɩaa 1:29

Ŋɩɩ wɩaa mɩ faasa hɛ mɩ doluŋ kala nɛ a tɩtɩŋ, arɩ Wɩa sɩ joŋ ʋ dol-bal-la pɩmɛ dɩ mɩ kaa tɩtɩŋ ŋɩɩ.

Koloosi Nɩaa 2:12

Ba sɩ foma Wɩɩchʋɔlɛ lɩɩŋ, ʋ naga ma dɩ Kirisito kala nɛ sʋba ba joŋo hugi, Wɩa chɩsɛ ma dɩ Yesu kala sʋʋ-la lɛ, a tɩŋ ma sɩ laa dii arɩ Wɩa kɛŋ doluŋ.

1 Tɛsalonaaka Nɩaa 1:5

Bʋa-la lɛ la sɩ bʋl Wɩa wʋzɔmɔ-la a pɩma, ʋ bɩ naga arɩ wʋbʋlʋŋ dʋndʋŋa nɛ la kʋ bʋla pɩma. La sɩ hɛ ma teeŋ, Wɩa wʋzɔmɔ-la fa kɛŋ doluŋ, Wɩa Dɩŋ-zɔmʋŋ ma fa hɛ la teeŋ, ka wɩalɩŋ ma sɩ nɩa ma jʋʋ ma dɩgɩlaa woruŋ. La sɩ hɛ ma teeŋ, ma na la mɛlɛ fa sɩ nagɛ ŋɩɩ nɛ. Ma wɩaa nɛ tɩɩ la kɛŋ la tɩtɩa woruŋ ŋɩɩ.

2 Tɛsalonaaka Nɩaa 1:11

A tɩŋ wɩɩŋ deeŋ wɩaa la yie chʋɔlɛ Wɩa pɩpɩma nɛ bʋa na-kala lɛ. Laa sʋl Wɩa dɩ ʋ leŋ dɩ ma ŋaa nɩzɔmɔ a nagɛ ŋɩɩ ʋ sɩ yɩrɛma dɩ ma nagɛ, a leŋ dɩ ʋ doluŋ hɛ ma lɛ dɩ ma wuo ŋɩŋaa wʋzɔmɔ-la ma sɩ cho, a wuo chɩŋ wɩalɩŋ ma sɩ laa dii lɛ a mʋ dɛrɛ.

Jeems 1:18

Ʋ tʋɔtɔrʋŋ lɛ nɛ ʋ laa sɩpaaŋ bʋl ʋ niiŋ wɩaa sɩ ŋaa wʋtɩtɩɩ a pɩla dɩ la wuo tutoba, a ŋaa ʋ bii-bumbumba kɩalɩŋ kala ʋ sɩ ŋaa tʋɔŋ.

1 Pɩɩta 4:11

Dɩ Wɩa nɛ pɩ nʋʋkala doluŋ dɩ ʋ wuo bʋbʋl Wɩa wɩaa, ʋ maga dɩ ʋ bʋl wɩalɩŋ Wɩa doluŋ lɛ nɛ. Dɩ nʋʋ nɛ tɩma pɩpɩ nɩaa, ʋ kɛŋ dol-la Wɩa sɩ joŋo pʋ a tɩma pɩpɩba. Má ŋaa ŋɩɩ dɩ nɩaa wuo to Yesu Kirisito lɛ a dɛnnɛ Wɩa, dɩ ʋ yɩrɩŋ yɩrɛ wɩɩ-na kala lɛ. Ʋ nɛ Nɩɩ-la sɩ kɛŋ doluŋ arɩ yɩrɩŋ a kaa mʋ wuu. Amɩɩ.