Ɛfɛsɩs Nɩaa 1:18 - WƖA TENIŊ

¹⁸ Wɩa sɩ yɩrɛma dɩ ma wuo jʋʋ ʋ kuorii-la tʋɔŋ ŋɩɩ, mɩɩ sʋlʋ dɩ ʋ wuo suri ma tʋɔŋ dɩ ma wuo jɩŋ kʋ-la ma sɩɩ yɩɛlʋ nagɩsɩŋ, a bɩra jɩŋ kɩalɩŋ ma dɩ Wɩa nɩaa kala sɩ jaŋ dii zɔmʋŋ.

Ɛfɛsɩs Nɩaa 1:18 ပူးပေါင်းရင်းမြစ်များ

JOB 42:5

Mɩ dɩgɩlaa nɛ faa nɩɩ ŋ wɩaa, ama lɛɛlɛ mɩ sɩɩŋ naŋ nɛ.

WƖA YƖƖLAA 119:18

Suri mɩ sɩaa, dɩ mɩ wuo na wʋkpuŋkperisi-la sɩ hɛ wombii-la ŋ sɩ bile dɩ la tuto lɛ.

AZAAYA 11:2

Wɩa Dɩma jaŋ hɛ ʋ lɛ dɩ ʋ kɛŋ wʋjɩmɩŋ a wuo jɩjɩŋ wɩaa bʋbʋɔŋ, a jɩŋ nɩaa chagɩlɩŋ, a kɛŋ doluŋ a jɩŋ wɩaa sɩaa a zizil La TƖƖNA.

AZAAYA 29:10

La TƖƖNA ŋaa ma pɩŋ doŋ nɛ a yuo naaŋ. Ʋ tɔ ma Wɩa wʋlaabʋllaa sɩaa nɛ arɩ nɩalɩŋ sɩɩ na wɩaa arɩ duosoo tʋɔŋ.

AZAAYA 29:18

Tapʋlɩɩ-la, nɩalɩŋ sɩ taŋa jaŋ nɩɩ wɩalɩŋ sɩ hɛ teŋ-la tʋɔŋ, dɩ nyʋlɩmaa sɩ hɛ biriŋ lim tʋɔŋ sɩaa wuo nɩna.

AZAAYA 32:3

Ŋɩɩ lɛ nɛ nɩalɩŋ sɩaa sɩ suro jaŋ nɩna wɩaa, dɩ nɩalɩŋ ma sɩ kɛŋ dɩgɩlaa jegilee nɩɩ wɩaa.

AZAAYA 42:7

Ŋ jaŋ suri nyʋlɩmaa sɩaa, a lɩɩsɛ nɩalɩŋ sɩ hɛ bɩnɩŋ dɩa lɛ birimiŋ tʋɔŋ a ta.

AZAAYA 6:10

La TƖƖNA bɩra bʋl, “Leŋ dɩ nɩaa deemba tʋɔŋ dol, ŋaa dɩ ba dɩgɩlaa kparɩmɛ, aŋ ŋaa dɩ ba sɩaa ma tɔ. Dɩ ŋɩɩ dee ba jaŋ na wɩaa koo a nɩɩ wɩaa a bɩrɩmɛ ba tʋɔbɩɩnaa a kɔ mɩ teeŋ dɩ mɩ laaba ta.”

Matiu 13:15

bɛɛ wɩaa ba bɩ wʋjɩmɩŋ kɛnɛ Wɩa teeŋ, ba vɩa Wɩa niiŋ wɩaa nɛ. Ba tɔ ba dɩgɩlaa ma nɛ dɩ ba sɩ́ wɩɩkala nɩɩ, a kɛŋ ba sɩaa ma tɔ dɩ ba sɩ́ kʋŋkala na. Dɩ ŋɩɩ dee, ba fa jaŋ nɩna, ba dɩgɩlaa ma fa jaŋ nɩnɩɩ. Ba fa jaŋ jɩŋ wɩaa bʋbʋɔŋ a bɩrɩma kɔ mɩ teeŋ dɩ mɩ vaarɛba.’

Maak 10:17

Yesu bɩra sie dɩ ʋ vɛŋ wombiiŋ. Baal kʋbala fá kʋ kpirimi ʋ sɩpaaŋ a pɩɛsʋ, “Mɩ kʋhɩa-zɔmʋŋ, ɛɛ nɛ mɩ jaŋ ŋaa a kɛŋ mɩɩsɩ-la sɩ bɩ dɛrɛ?”

Luuk 24:45

Ŋɩɩ nɛ Yesu ŋaa ba kɛŋ wʋjɩmɩŋ dɩ ba wuo jɩŋ Wɩa teniŋ wɩaa bʋbʋɔŋ.

Tɩntɩŋŋaa 16:14

Haala-la sɩ jegile nɩɩ wɩalɩŋ tʋɔŋ dɔŋɔ yɩrɩŋ nɛ fa Lidia. Ʋ lɩɩ Taataya tinteeŋ nɛ, a biri gɛnnɩŋ yɩyallɛ. Ʋ faa chʋɔlɛ Wɩa nɛ woruŋ. Ʋ sɩ nɩɩ wɩalɩŋ Pɔɔl fa sɩɩ bʋl, Wɩa suri ʋ tʋɔŋ, ʋ laa wɩalɩŋ dii.

Tɩntɩŋŋaa 26:18

Mɩ jaŋ tɩmɩŋ dɩ ŋ mʋ bʋl wɩaa a suri ba sɩaa, dɩ ba bɩrɩma lɩɩ birimiŋ lɛ a kʋ jʋʋ pʋlʋmʋŋ tʋɔŋ, a ŋaa dɩ ba lɩɩ Sɩtaanɩ nɩsɩŋ lɛ a kɔ Wɩa teeŋ. Dɩ ba nɛ ŋaa ŋɩɩ a laa mɩ wɩaa dii, Wɩa jaŋ joŋ ba wʋbɔŋŋɔɔ chɛba. Ba jaŋ na leriŋ nɩalɩŋ Wɩa sɩ lɩɩsa tʋɔŋ.’

Rom Tɩŋŋaa 11:29

bɛɛ wɩaa kɩalɩŋ kala Wɩa sɩ joŋo pɩba arɩ ʋ sɩ lɩɩsɛba ŋɩɩ, ʋ bɩra bɩ jaŋ wuo vɔmba.

Rom Tɩŋŋaa 2:4

Wɩa sɩ kɛŋ zile kɩŋkɛŋ a kɛŋ kenyiri ŋɩɩ, a nyalɩma pɩma maa ŋaa wɩaa, ma bene arɩ ʋ bɩ kʋŋ ŋaa? Ma bɩ jɩŋ arɩ Wɩa sɩ kɛŋ zile ŋɩɩ, ʋʋ chɛ dɩ ma bɩrɩma lɩɩ ma wʋbɔŋŋɔɔ lɛ nɛɛ?

2 Kɔrɩntɩ Nɩaa 4:4

Nɩaa deemba Sɩtaanɩ nɛ tɔ ba wʋjɩmɩŋ dɩ ba sɩ́ wuo na Wɩa wʋzɔmɔ-la pʋlʋmʋŋ. Wɩa wʋzɔmɔ-la nɩɩ dagɛ Kirisito tʋla, Nɩɩ-la sɩ nagɛ Wɩa.

2 Kɔrɩntɩ Nɩaa 4:6

Bumbuŋ Wɩa sɩ ŋaa dʋnɩa, ʋ leŋe pʋlʋmʋŋ chaanɛ birimiŋ tʋɔŋ nɛ. Ŋɩɩ tɩtɩa nɛ lɛɛlɛ ʋ leŋ pʋlʋmʋŋ kʋ jʋʋ la tʋɔŋ. Pʋlʋŋ-la nɛ leŋe la kɛŋ wʋjɩmɩŋ a wuo jɩŋ ŋɩɩ Wɩa sɩɩ tʋl. Wɩa to Kirisito lɛ nɛ a dagɛ ʋ tʋla.

Galiisia Nɩaa 5:5

Ama Wɩa Dɩŋ-zɔmʋŋ doluŋ lɛ, la-na laa dii a kɛŋ yɩɛlaa arɩ la jaŋ kɛŋ tʋɔpʋla Wɩa sɩpaaŋ.

Ɛfɛsɩs Nɩaa 1:11

Wɩa tʋɔtɔrʋŋ arɩ ʋ chɛnɩŋ lɛ nɛ ʋ yie ŋaa wɩɩkala. Ʋ to Kirisito lɛ nɛ a lɩɩsɛla a leŋ la ŋaa ʋ nɩaa, arɩ ŋɩɩ ʋ sɩ bɩɩna bil faafaa kala.

Ɛfɛsɩs Nɩaa 1:7

La sɩ mɛrɛ Kirisito lɛ ŋɩɩ, ʋ joŋ ʋ chalɩŋ jaasɛ la wɩaa a tiŋ la wʋbɔŋŋɔɔ chɩmɩŋ, dɩ Wɩa joŋ la wʋbɔŋŋɔɔ chɛla. Wɩa zile yʋga nɛ kɩŋkɛŋ la teeŋ,

Ɛfɛsɩs Nɩaa 2:12

Ma bɩra sɩ́ yʋ arɩ bʋa kʋbala lɛ ma fa bɩ Kirisito jɩŋ. Ma dɩ Iziral tɩŋŋaa fa bɩ wɩɩ pɛ, ma fa nagɛ nʋhʋɔra nɛ. Wɩa fa sɩ bil nii-la ʋ dɩ ʋ nɩaa pɛgɛ arɩ ʋ jaŋ ŋaa wɩalɩŋ nɩaa lɛ, ma-na fa bɩ ba lɛ pɛ. Ma fa bɩ kʋŋkala ka yɩɛlɛ, ma fa hɛ dʋnɩa lɛ nɛ a bɩ Wɩa jɩŋ.

Ɛfɛsɩs Nɩaa 3:16

Ʋ sɩ kɛŋ yɩrɩŋ kɩŋkɛŋ ŋɩɩ, mɩɩ sʋlʋ dɩ ʋ leŋ dɩ ʋ Dɩŋ-zɔmʋŋ pɩma doluŋ ma tʋɔŋ lɛ.

Ɛfɛsɩs Nɩaa 3:8

Wɩa nɩaa kala tʋɔŋ, mɩ nɛ ŋaa ba kʋbie, aŋ ka ʋ lɩɩsɛmɛ ʋ lahɔrɩmɔ lɛ dɩ mɩ bʋl ʋ wʋzɔmɔ-la wɩaa a pɩ nɩalɩŋ sɩ bɩ Juu tɩŋŋaa ŋaa, dɩ ba jɩŋ Kirisito dʋa-la sɩ bɩ dɩdɛrɩ kɛnɛ wɩaa,

Ɛfɛsɩs Nɩaa 4:1

Ba kɛŋ mɩ-na Pɔɔl tɔ dɩa a tɩŋ La Tɩɩna Yesu wɩaa nɛ. Ma nɩalɩŋ Wɩa sɩ yɩra, mɩɩ sʋlma dɩ ma leŋ dɩ ma wʋŋaalaa joŋ wombiiŋ arɩ Wɩa sɩɩ chɛ ŋɩɩ.

Ɛfɛsɩs Nɩaa 4:4

La kala ŋaa kʋbala nɛ a tɩŋ Kirisito wɩaa. Wɩa Dɩŋ-zɔŋ-la sɩ hɛ la lɛ, ma ŋaa kʋbala nɛ. Wɩa sɩ yɩrɛla ŋɩɩ, la kala ka yɩɛlɛ wʋbala nɛ.

Ɛfɛsɩs Nɩaa 5:8

Bʋa kʋbala lɛ ma ma fa hɛ birimiŋ tʋɔŋ nɛ, ama La Tɩɩna Yesu leŋe ma lɛɛlɛ hɛ pʋlʋmʋŋ tʋɔŋ nɛ. Ŋɩɩ wɩaa, má leŋ dɩ ma wʋŋaalaa nagɛ nɩalɩŋ sɩ hɛ pʋlʋmʋŋ tʋɔŋ.

Fɩlɩpa Nɩaa 3:14

Ŋɩɩ wɩaa, mɩ joŋ mɩ sɩaa chaasɛ sɩpaaŋ nɛ a yige mʋmʋ dɩ mɩ na kʋ-la Wɩa sɩ to Yesu Kirisito lɛ a yɩrɛmɛ dɩ ʋ joŋo pɩmɛ ʋ jaŋ lɛ.

Koloosi Nɩaa 1:12

a lɔllɛ Wɩa arɩ ʋ sɩ leŋe ma ma maachie jaŋ wuo pɛ dii kɩalɩŋ ʋ sɩ ŋaa bil ʋ nɩaa lɛ Wɩa kuorii-la tʋɔŋ.

Koloosi Nɩaa 1:23

Kirisito jaŋ ŋaa wɩalɩŋ pɩma, dɩ ma nɛ chɩŋ wɩalɩŋ ma sɩ laa dii lɛ kpaŋ kpaŋ, aa yɩɛlɛ wɩalɩŋ ba sɩ bʋla Wɩa wʋzɔmɔ-la tʋɔŋ. Ma nɩɩ Wɩa wʋzɔŋŋɔɔ deemba ba sɩ bʋla pɩ nɩaa dʋnɩa lee-kala nɛ. Mɩ-na Pɔɔl ma kʋ ŋaa Wɩa tɩntɩnnaa dɔŋɔ aa bʋl Wɩa wʋzɔŋŋɔɔ deemba.

Koloosi Nɩaa 1:27

Ba nɛ Wɩa lɩɩsɛ dɩ ba jɩŋ wɩalɩŋ sɩ zɔmɔ ŋɩɩ kɩŋkɛŋ, ka ʋ fa joŋo faa. Lɛɛlɛ ʋ dagɛ ba sɩ magɛ ŋɩɩ nɛ a pɩ nɩalɩŋ sɩ bɩ Juu tɩŋŋaa ŋaa. Wɩalɩŋ nɛ daga arɩ Kirisito hɛ ma tʋɔŋ lɛ nɛ. Ŋɩɩ wɩaa, má yɩyɩɛlɛ dɩ ma kpaa ʋ yɩrɩ-bal-la nɛ.

Koloosi Nɩaa 1:5

Ma ŋaa ŋɩɩ a tɩŋ ma sɩɩ yɩɛlɛ kɩalɩŋ sɩ pɩna gbɛrɛma nɛ Wɩa-jaŋ lɛ. Ma nɩɩ wɩɩŋ deeŋ bʋa-la ma sɩ nɩɩ Wɩa wʋzɔmɔ-la sɩ ŋaa wʋtɩtɩɩ nɛ.

Koloosi Nɩaa 2:2

Mɩɩ chɛ dɩ ba kɛŋ bɔɩ-duoŋ a kɛŋ nii-bala a cho dɔŋɔ, a wuo jɩŋ wɩaa sɩaa woruŋ a mʋ dɛrɛ, a jɩŋ wɩɩ-la Wɩa sɩ joŋo faa bʋbʋɔŋ, wɩɩ-la nɛ ŋaa Kirisito.

Koloosi Nɩaa 3:15

Má leŋ dɩ fɩɛla-la Kirisito sɩ pɩma kɛmma tɩtɩŋ. Wɩa yɩrɛma dɩ ma ŋaa kʋbala nɛ a hɔŋ arɩ fɩɛlɩŋ, a lɔllɛ bʋa na-kala.

1 Tɛsalonaaka Nɩaa 2:12

La bʋl wɩaa ma nyuŋ nyaasɛ nɛ, a leŋ ma tʋɔŋ pɩŋ dɩ-bala. La sʋlma nɛ dɩ ma leŋ dɩ ma mɛlɛ zɔŋ Wɩa sɩpaaŋ. Wɩa nɛ yɩrɛma dɩ ma kʋ jʋʋ ʋ kuorii-la tʋɔŋ a pɛ na ʋ tʋla.

1 Tɛsalonaaka Nɩaa 5:8

Ama la-na hɛ pʋlʋmʋŋ tʋɔŋ nɛ, ŋɩɩ wɩaa ʋ maga dɩ la kɛŋ la tɩtɩa wɩɩ-na kala lɛ nɛ. Wɩalɩŋ la sɩ laa dii arɩ la sɩ cho nɩaa ŋɩɩ, má leŋ dɩ ba nagɛ hɔɔŋ bɔɩ-tɔɔrɩ gɛrɩŋ. La sɩɩ yɩɛlɛ dɩ Wɩa laala ta ŋɩɩ, má leŋ dɩ ʋ nagɛ hɔɔŋ nyuŋ-chu-gbaŋkogo dɩ la chu,

2 Tɛsalonaaka Nɩaa 1:11

A tɩŋ wɩɩŋ deeŋ wɩaa la yie chʋɔlɛ Wɩa pɩpɩma nɛ bʋa na-kala lɛ. Laa sʋl Wɩa dɩ ʋ leŋ dɩ ma ŋaa nɩzɔmɔ a nagɛ ŋɩɩ ʋ sɩ yɩrɛma dɩ ma nagɛ, a leŋ dɩ ʋ doluŋ hɛ ma lɛ dɩ ma wuo ŋɩŋaa wʋzɔmɔ-la ma sɩ cho, a wuo chɩŋ wɩalɩŋ ma sɩ laa dii lɛ a mʋ dɛrɛ.

2 Tɛsalonaaka Nɩaa 2:16

La Tɩɩna Yesu Kirisito arɩ la Nyɩmma Wɩa sɩ chola lahɔrɩmɔ lɛ, ʋ ŋaa la tʋɔŋ pɩŋ dɩ-bala nɛ a kaa mʋ wuu, dɩ la wuo yɩyɩɛlɛ wʋzɔŋŋɔɔ.

1 Timoti 6:12

Yuo laal-la woruŋ a mʋ tɩgɛ wɩalɩŋ ŋ sɩ laa dii lɛ. Hɛ doluŋ a wuo laa mɩɩsɩ-la sɩ bɩ dɛrɛ, ʋ wɩaa nɛ Wɩa yɩrɩŋ bʋa-la lɛ ŋ sɩ suri ŋ niiŋ a bʋl nɩ-daŋ sɩpaaŋ arɩ ŋ laa Wɩa dii nɛ.

Taatɩs 2:13

La sɩ hɛ dʋnɩa deeŋ lɛ ŋɩɩ, laa gbɛrɛ tapʋlɩɩ-la la Wɩɩ-balɩŋ arɩ la Laataara Yesu Kirisito sɩ jaŋ mɩɩra kɔ arɩ ʋ tʋla nɛ.

Taatɩs 3:7

Ʋ lahɔrɩmɔ lɛ ʋ ŋaa ŋɩɩ dɩ la kɛŋ tʋɔpʋla ʋ sɩpaaŋ, a wuo kɛŋ mɩɩsɩ-la sɩ bɩ dɛrɛ, wɩɩ-la la sɩɩ yɩɛlʋ lɛ.

Hiburu TƖŊŊAA 10:32

Má liise mʋ yi bʋa-la lɛ Wɩa sɩ suri ma sɩaa, ma kʋ laa Yesu wɩaa dii. Bʋa-la lɛ ma na hɛɛŋ nɛ woruŋ aŋ nyalɩmɛ.

Hiburu TƖŊŊAA 6:4

Dɩ Wɩa nɛ wuo suri nɩaa sɩaa dɩ ba wuo jɩŋ ʋ wɩaa, a wuo laa Wɩa zile kɩalɩŋ ma, a bɩra kɛŋ ʋ Dɩŋ-zɔmʋŋ ma,

1 Pɩɩta 1:3

Má leŋ dɩ la dɛnnɛ Wɩa, ʋ nɛ ŋaa La Tɩɩna Yesu Kirisito Nyɩmma. Ʋ fá la nenige nɛ kɩŋkɛŋ a leŋ la kɛŋ mɩɩ-falɩŋ, a tɩŋ ʋ sɩ chɩsɛ Yesu Kirisito sʋʋŋ lɛ. La saa yɩɛlʋ arɩ la jaŋ kɛŋ mɩɩsɩŋ,

1 Pɩɩta 3:9

Má sɩ́ wʋbɔŋ joŋo tiŋ wʋbɔmʋŋ chɩmɩŋ. Dɩ nʋʋ nɛ tʋʋsɛma, má sɩ́ tʋʋsa tiŋ, ama má sʋl Wɩa dɩ ʋ pɛ tɩɩna lɛ, bɛɛ wɩaa Wɩa ma lɩɩsɛma nɛ dɩ ʋ pɛ ma lɛ.

1 Pɩɩta 5:10

Hɛɛŋ deeŋ ma sɩɩ na bɩ jaŋ dieni. Ʋ ŋɩɩ harɩŋ lɛ, Wɩa sɩ kɛŋ zile kɩŋkɛŋ kɩŋkɛŋ a yɩrɛma dɩ ma ma na tʋla-la Kirisito sɩ kɛnɛ a kaa mʋ wuu. Ʋ nɛ jaŋ kɛmma wasa kɩɩ, a leŋ dɩ ma chaasa chɩŋ arɩ doluŋ.