Ɛfɛsɩs Nɩaa 1:17 - WƖA TENIŊ

¹⁷ Mɩ yie sʋl Wɩa, La Tɩɩna Yesu Kirisito Nyɩmma, Nɩɩ-la sɩ kɛŋ yɩrɩŋ, dɩ ʋ pɩma wʋjɩmɩŋ, a bɩra kɛŋ ʋ tɩtɩa ma kaa dagɛma ʋ Dɩŋ-zɔmʋŋ doluŋ lɛ dɩ ma wuo jɩmʋ.

Ɛfɛsɩs Nɩaa 1:17 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 29:11

La TƖƖNA, ŋ nɛ yʋga kɩɩ kʋŋkala, a kɛŋ doluŋ, arɩ tʋla arɩ yɩrɩŋ. Ŋ nɛ tɩɩ kʋŋkala sɩ hɛ tinteeŋ arɩ wɩa-nyuŋ, La TƖƖNA, ŋ nɛ kuoro. Ŋ nɛ kɩɩ kʋŋkala.

JOB 42:5

Mɩ dɩgɩlaa nɛ faa nɩɩ ŋ wɩaa, ama lɛɛlɛ mɩ sɩɩŋ naŋ nɛ.

WƖA YƖƖLAA 24:10

Kʋbɛɛ nɛ ŋaa kuoru-balɩŋ deeŋ? Ʋ nɛ ŋaa La Tɩɩna, doluŋ kala Tɩɩna, ʋ nɛ ŋaa kuoru-balɩŋ.

WƖA YƖƖLAA 24:7

Má kɛŋ boi-baalaa suri, má suri boi-bɩnɩa-la, dɩ kuoru-balɩŋ kʋ jʋʋ.

WƖA YƖƖLAA 29:3

La Tɩɩna yikoro dɔmɔ nɛ mʋgʋ-balaa nyuŋ. La Tɩɩna Wɩa sɩ kɛŋ tʋla kpɩa goŋ nɛ mʋgʋ-balaa nyuŋ a nagɛ duonuŋ sɩ kpɩa.

MOSIS KƐŊ IZIRAL TƖŊŊAA LƖƖ 28:3

Bʋla pɩ nɩalɩŋ mɩ sɩ joŋ jɩma pa ba jɩŋ gɛnnɩŋ yɛrɩŋ, dɩ ba yɛrɛ gɛnnɩ-la dɩ ŋ joŋ Arɔŋ hɛ mɩ nɩsɩŋ lɛ dɩ ʋ ŋaa mɩ Wɩɩsʋllɩ sɩpaalaara.

NAMAGABA 18:15

Nɩɩ-la sɩɩ nɩɩ wɩaa sɩaa ka chɛ wʋjɩmɩŋ nɛ. Wʋjɩnna yie chɛ dɩ ʋ jegilee nɩɩ wɩaa sɩaa nɛ a jɩŋ.

NAMAGABA 2:5

ŋɩɩ lɛ nɛ ŋ jaŋ jɩŋ La Tɩɩna ziliŋ bʋbʋɔŋ, aŋ pɛ gʋnnɛ wɩaa a mʋ tɩgɛ Wɩa lɛ.

AZAAYA 11:2

Wɩa Dɩma jaŋ hɛ ʋ lɛ dɩ ʋ kɛŋ wʋjɩmɩŋ a wuo jɩjɩŋ wɩaa bʋbʋɔŋ, a jɩŋ nɩaa chagɩlɩŋ, a kɛŋ doluŋ a jɩŋ wɩaa sɩaa a zizil La TƖƖNA.

JƐRƖMAAYA 2:11

Tintee-kala nɩaa tuo a vɩa ba vesiŋ aŋ mɩɩra tuto veŋ-wogo. (Ba vesi-la ŋaa kʋpɛɩ ma nɛ.) Ama mɩ nɩaa-na joŋ yɩrɩ-zɔŋ-la mɩ sɩ laa pɩba, a mɩɩra pɩ vʋɩyaa sɩ ŋaa kʋpɛɩba nɛ.

JƐRƖMAAYA 24:7

Mɩ jaŋ pɩba tʋɔ-la sɩ jaŋ leŋ dɩ ba jɩŋ arɩ mɩ nɛ ba TƖƖNA. Ba jaŋ ŋaa mɩ nɩaa, dɩ mɩ ma ŋaa ba Wɩa, bɛɛ wɩaa ba jaŋ mɩɩra kɔ mɩ teeŋ arɩ ba tʋɔŋ kala.

JƐRƖMAAYA 31:34

Nʋʋkala bɩra bɩ jaŋ dagɛ ʋ dɔŋɔ tɩɩna koo ʋ naambii ŋɩɩ ʋ sɩ jaŋ ŋaa a jɩmmɛ, bɛɛ wɩaa ba kala jaŋ jɩmmɛ, a chɩŋ nɩbiisiŋ lɛ a kaa jɩl nɩbalaa. Mɩ jaŋ joŋ ba wʋbɔŋŋɔɔ chɛba. Mɩ bɩra bɩ jaŋ liliisi ba wʋbɔŋŋɔɔ wɩaa. Mɩ-na ma Tɩɩna nɛ bʋla.”

JƐRƖMAAYA 9:24

Ama, leŋ dɩ nʋʋkala nɩɩ ŋmoo ʋ bɔyɛ, ʋ ŋmoo ʋ bɔyɛ a mʋ tɩgɛ wɩɩŋ deeŋ nɛ: Arɩ ʋ jɩŋ mɩ wɩaa sɩaa nɛ, a jɩmmɛ dɩ mɩ nɛ ŋaa ʋ TƖƖNA. Nɩɩ-la sɩ cho nɩaa a kɛŋ wʋtɩtɩɩ arɩ tʋɔpʋla a ŋɩŋaa wɩaa tinteeŋ lɛ, wɩaa deemba nɩɩ tɔrɛ mɩ tʋɔŋ. Mɩ-na ma TƖƖNA nɛ bʋla.”

DANƖƐL 10:1

Siirus sɩ dii Pɛsɩa tinteeŋ kuoruŋ, ʋ jɩ-tori lɛ nɛ Wɩa joŋ wɩaa dagɛ Danɩɛl (ba sɩ kaa yɩrɛ Bɛlɩtɛsaza ma). Wɩalɩŋ sɛnɛ ŋaa wʋtɩtɩɩba nɛ, a ŋaa wɩaa sɩ mʋ tɩgɛ laal-bal kʋbala lɛ. Ba dagɛ wɩalɩŋ bʋbʋɔŋ pʋ a nagɛ duosoo tʋɔŋ nɛ.

DANƖƐL 5:11

Baal kʋbala nɛ hɛ ŋ tinteeŋ lɛ, vesiŋ doluŋ hɛ ʋ lɛ. Ŋ nyɩmma Nebukadineza kuoruŋ bʋa lɛ, ʋ na dɩ ʋ kɛŋ wʋjɩmɩŋ a jɩŋ wɩaa sɩaa a nagɛ vesiŋ. Kuoro lɩɩsʋ ʋ ŋaa chichiribee, nɩalɩŋ sɩ yie beŋ chɛnwʋlaa aŋ dɩdagɛ wɩaa, wʋjɩnnaa arɩ vʋgʋraa kuoro.

Matiu 11:25

Bʋa-la tɩtɩa lɛ Yesu guu yɩrɛ, “Mɩ Nyɩmma, ŋ nɛ ŋaa wɩa-nyuŋ arɩ tinteeŋ kala Tɩɩna. Mɩɩ lɔllʋŋ arɩ ŋ sɩ kɛŋ wɩalɩŋ ŋ sɩ joŋo faa a dagɛ nɩalɩŋ sɩ bɩ wɩaa jɩŋ, aŋ bɩ joŋo dagɛ nɩalɩŋ sɩ kɛŋ wʋjɩmɩŋ.

Matiu 11:27

Ŋɩɩ nɛ ʋ bɩra bʋl, “Mɩ Nyɩmma joŋ kʋŋkala doluŋ nɛ pɩmɛ. Mɩ Nyɩmma dʋndʋŋa nɛ jɩŋ ŋɩɩ mɩ sɩ naga. Mɩ ma dʋndʋŋa nɛ jɩŋ ŋɩɩ mɩ Nyɩmma sɩ naga. Nʋʋkala bɩra bɩ ʋ jɩŋ, see nɩalɩŋ mɩ sɩ cho dɩ mɩ daga pa.”

Matiu 16:17

Ŋɩɩ nɛ Yesu bʋl, “Saamɔŋ, Jɔɔŋ bie, Wɩa jaŋ pɛ ŋ lɛ, wʋjɩmɩŋ deeŋ bɩ naga nuhuobiine nɛ pɩŋ. Ama mɩ Nyɩmma sɩ hɛ Wɩa-jaŋ nɛ pɩŋ.

Matiu 20:33

Ba bʋl, “La Tɩɩna, laa chɛ dɩ ŋ suri la sɩaa nɛ.”

Matiu 6:13

Sɩ́ leŋe dɩ wɩɩkala kɛnla hɛ wʋbɔmʋŋ lɛ, ama lɩɩsɛla wʋbɔŋŋɔɔ lɛ [bɛɛ wɩaa kuorii-la arɩ doluŋ arɩ yɩrɩ-la ŋaa ŋ kɩaa nɛ, lɛɛlɛ a kaa mʋ deeŋ deeŋ. Amɩɩ].’

Luuk 12:12

Bʋa-la tɩtɩa lɛ Wɩa Dɩŋ-zɔmʋŋ jaŋ dagɛma wɩɩ-la ma sɩ jaŋ bʋl.”

Luuk 2:14

“Má leŋ dɩ la dɛnnɛ Wɩa sɩ hɛ Wɩa-jaŋ lɛ. Nɩalɩŋ nyuŋ Wɩa tʋɔŋ sɩ tɔrɔ tinteeŋ lɛ jaŋ na fɩɛlɩŋ.”

Luuk 21:15

bɛɛ wɩaa mɩ jaŋ joŋ wʋjɩmɩŋ a hɛ ma nyuŋ lɛ dɩ ma bʋl wɩalɩŋ ma dʋndɔŋŋɔɔ sɩ bɩ jaŋ wuo kaalɛrɛ arɩ wʋtɩtɩɩ dee.

Jɔɔŋ 14:17

Ʋ jaŋ dɩdagɛma wʋtɩtɩɩ. Dʋnɩa nɩaa bɩ ʋ jɩŋ. Ba bɩ jaŋ wuo naʋ, ŋɩɩ nɛ tɩɩ ʋ bɩ jaŋ wuo hɛ ba lɛ. Ama ma-na jɩmʋ nɛ. Ʋ hɛ ma teeŋ nɛ. Ʋ saa jaŋ hɛ ma lɛ.

Jɔɔŋ 14:26

Ama mɩ Nyɩmma jaŋ leŋ dɩ ʋ Dɩŋ-zɔmʋŋ kʋ tuu a hɛ ma lɛ mɩ yɩrɩŋ lɛ. Ʋ jaŋ pɛ ma lɛ a wuo dagɛma wɩɩkala, a leŋ dɩ ma liisi wɩalɩŋ kala mɩ sɩ bʋla pɩma.

Jɔɔŋ 16:3

Ba jaŋ ŋaa wɩaa deemba kala a tɩŋ ba sɩ́ bɩ mɩ Nyɩmma jɩŋ, a bɩ mɩ ma jɩŋ.

Jɔɔŋ 17:3

Nɩalɩŋ sɩ jɩma arɩ ŋ nɛ sɛnɛ ŋaa Wɩɩ-tɩtɩɩ, Wɩa dɔŋ bɩra tuo, aŋ pɛ jɩŋ mɩ-na Yesu Kirisito, Nɩɩ-la ma ŋ sɩ tɩma, ba nɛ kɛŋ mɩɩsɩ-la sɩ bɩ dɛrɛ.

Jɔɔŋ 20:17

Ŋɩɩ nɛ Yesu bʋla pʋ, “Sɩ́ mɩ kɛŋ. Mɩ ha bɩ mɩ Nyɩmma teeŋ jɩla. Ama mʋ bʋla pɩ mɩ naambiiriŋ arɩ mɩ jaŋ jɩl mɩ Nyɩmma teeŋ. Ʋ ŋaa ma ma Nyɩmma nɛ a ŋaa mɩ Wɩa, a ŋaa ma ma Wɩa.”

Tɩntɩŋŋaa 6:10

Ama Wɩa Dɩŋ-zɔmʋŋ fa pɩ Sɩtɩɩvɩŋ wʋjɩmɩŋ nɛ woruŋ nɩalɩŋ bɩ ʋ wuo pagɩsɛ.

Tɩntɩŋŋaa 7:2

Sɩtɩɩvɩŋ bʋl, “Mɩ nyɩmmaba arɩ mɩ naambiiriŋ, má jegile nɩɩ mɩ teeŋ. Wɩa sɩ kɛŋ tʋla fa kɛŋ ʋ tɩtɩa kʋ dagɛ la naabalɩma Abɩraham, bʋa-la lɛ ʋ fa sɩ hɔŋ Mesopotemia tinteeŋ lɛ nɛ, dɩ ʋ ha bɩ taŋ-la ba sɩɩ yɩrɛ Haraŋ lɛ mʋ hɔŋ.

Rom Tɩŋŋaa 1:28

Nɩaa deemba bɩ chɛ dɩ ba jɩŋ Wɩa. Ŋɩɩ nɛ tɩɩ Wɩa lemba ta ba tuto ba tʋɔbɩɩŋ bɔmɔ-la harɩŋ a ŋɩŋaa wɩalɩŋ sɩ bɩ maga dɩ baa ŋaa.

Rom Tɩŋŋaa 15:6

dɩ ma kala wuo kɛŋ nii-bala arɩ tʋɔ-bala a dɛnnɛ Wɩa. Ʋ nɛ ŋaa La Tɩɩna Yesu Kirisito Nyɩmma.

1 Kɔrɩntɩ Nɩaa 12:8

Wɩa Dɩŋ-zɔmʋŋ yie joŋ wʋjɩmɩŋ a pɩ nʋʋ ʋ wuo bʋl Wɩa wɩaa pɩpɩ nɩaa. Ʋ yie joŋ wɩɩ pɩ nʋʋ dɔŋ ʋ wuo jɩŋ Wɩa wɩaa bʋbʋɔŋ a wuo dɩdagɛba woruŋ.

1 Kɔrɩntɩ Nɩaa 14:6

Mɩ naambiiriŋ, dɩ mɩ nɛ kɔ ma teeŋ a bʋbʋl wɩaa yikoro-la Wɩa Dɩŋ-zɔmʋŋ sɩ pɛ nɩaa lɛ ba bʋbʋl, ɛɛ nɛ mɩ jaŋ ŋaa a pɛ ma lɛ? Mɩ bɩ jaŋ wuo pɛ ma lɛ, see dɩ mɩ bʋl wɩɩ-la Wɩa sɩ joŋo dagɛmɛ a pɩma, koo dɩ mɩ jɩŋ wɩɩ a kaa kʋ dagɛma Wɩa doluŋ lɛ, koo dɩ mɩ nɛ bʋl wɩaa Wɩa Dɩŋ-zɔmʋŋ doluŋ lɛ, koo dɩ mɩ joŋ Wɩa wɩɩ dɔŋ a dagɛma ʋ doluŋ lɛ.

1 Kɔrɩntɩ Nɩaa 2:10

Ama Wɩa to ʋ Dɩŋ-zɔmʋŋ lɛ nɛ a kɛŋ wɩaa deemba fa sɩ faa kaa dagɛla. Wɩa Dɩŋ-zɔmʋŋ yie gbilli wɩɩkala nɛ, a paala jɩŋ Wɩa wɩɩ-wɩɩkala sɩ faa.

1 Kɔrɩntɩ Nɩaa 2:8

Nɩalɩŋ kala sɩɩ beŋ dʋnɩa deeŋ bɩ wɩaa deemba bʋbʋɔŋ jɩŋ. Dɩ ba nɛ fa jɩmba, ba fa bɩ jaŋ kpaasɛ La Tɩɩna sɩ kɛŋ tʋla a mɛrɛ daagɛsɛ nyuŋ.

2 Kɔrɩntɩ Nɩaa 12:1

Ʋ maga mɩ sɩ bigisi mɩ tɩtɩa lɛ, arɩ ŋɩɩ sɩ bɩ jaŋ pɛ mɩ lɛ ma, ama mɩ ha jaŋ bigisi mɩ tɩtɩa lɛ a bʋl wɩalɩŋ Wɩa sɩ leŋe mɩ na a nagɛ duosoo tʋɔŋ, arɩ wɩalɩŋ ʋ sɩ joŋo dagɛmɛ.

Ɛfɛsɩs Nɩaa 1:3

Má leŋ dɩ la dɛnnɛ Wɩa. Ʋ nɛ ŋaa La Tɩɩna Yesu Kirisito Nyɩmma. La dɩ Kirisito sɩ ŋaa kʋbala nɛ tɩɩ ʋ pɛ la lɛ a joŋ wʋzɔŋ na-kala sɩ lɩɩ ʋ teeŋ a pɩla.

Ɛfɛsɩs Nɩaa 3:5

Wɩa fa bɩ leŋe nʋʋkala jɩŋ wɩaa deemba, ama lɛɛlɛ ʋ to ʋ Dɩŋ-zɔmʋŋ lɛ nɛ a joŋ wɩalɩŋ dagɛ ʋ nanzɔɔba-la sɩ kɛŋ tʋɔpʋla arɩ ʋ wʋlaabʋllaa.

Ɛfɛsɩs Nɩaa 4:13

Ʋ pɛ la lɛ ŋɩɩ a kaa mʋ yi bʋa-la lɛ la kala sɩ jaŋ wuo kʋ chɩŋ wɩalɩŋ la sɩ laa dii lɛ, a wuo kʋ jɩŋ Wɩa Bie sɩ nagɛ ŋɩɩ, a kʋ ŋaa nɩduoru Wɩa wɩaa lɛ, a wuo kʋ nagɛ Kirisito sɩ nagɛ ŋɩɩ wɩɩkala lɛ.

Fɩlɩpa Nɩaa 3:15

Ʋ maga dɩ la nɩalɩŋ kala sɩ waa Kirisito wɩaa lɛ bɩbɩɩnɛ wɩaa deemba nɛ. Dɩ ma dɔnsʋŋ nɩɩ bɩɩnɛ wɩɩ dɔŋ ma, Wɩa jaŋ kɛŋ wɩɩŋ deeŋ pʋlla pɩma.

2 Timoti 2:25

Ʋ maga dɩ ʋ sɩaa fɩɛlɛ dɩ ʋ nɩɩ dagɛ nɩalɩŋ sɩ bɩ ʋ harɩŋ chɩna. Ŋ bɩ pɔ, Wɩa jaŋ leŋ dɩ ba na wombiiŋ a wuo bɩrɩma lɩɩ ba wʋbɔŋŋɔɔ lɛ a kʋ jɩŋ wʋtɩtɩɩ-la.

Taatɩs 1:1

Mɩ-na Pɔɔl nɛ ŋmʋnsɛ teniŋ deeŋ aa pɩ ŋ-na Taatɩs. Mɩ ŋaa Wɩa tɩntɩnnʋ nɛ a ŋaa Yesu Kirisito nanzɔɔ ma. Wɩa nɛ lɩɩsɛmɛ dɩ mɩ pɛ nɩalɩŋ ʋ sɩ lɩɩsa lɛ dɩ ba wasa chɩŋ wɩalɩŋ ba sɩ laa dii lɛ, a wuo jɩŋ wʋtɩtɩɩ-la sɩɩ to Wɩa wombiiŋ.

Jeems 2:1

Mɩ naambiiriŋ, lɛɛlɛ ma laa La Tɩɩna Yesu Kirisito wɩaa dii nɛ, ʋ-na yɩrɩ-balɩŋ Tɩɩna. Ŋɩɩ wɩaa ʋ bɩ maga dɩ ma zizil nɩaa dɔnsʋŋ aŋ ka ma sɩɩŋ bɩ dɔnsʋŋ ka su.

2 Pɩɩta 1:3

Wɩa doluŋ lɛ, ʋ pɩla kʋŋkala la sɩɩ chɛ la mɩɩsɩŋ lɛ, dɩ la wuo kaa ŋaa wɩalɩŋ kala sɩɩ to ʋ wombiiŋ, dɩ la wuo jɩŋ ʋ-na Wɩa, Nɩɩ-la sɩ yɩrɛla dɩ la wuo na ʋ tʋla arɩ ʋ zɔmʋŋ kala.

2 Pɩɩta 3:18

Má leŋ dɩ ma wʋjɩmɩŋ pʋŋa pɛ La Tɩɩna Yesu Kirisito wɩaa, Nɩɩ-la sɩ ŋaa la Laataara. Dɩ ma nɛ ŋaa ŋɩɩ, ʋ jaŋ pɛ ma lɛ. Ʋ yɩrɩŋ nɛ nɩaa jaŋ yɩrɛ lɛɛlɛ a kaa mʋ wuu. Amɩɩ.

Jɔɔŋ Wʋnaalaa 7:12

a bʋl, “Amɩɩ. La jaŋ dɛnnɛ La Tɩɩna Wɩa a yɩrɛ ʋ yɩrɩŋ, aa lɔllʋ, bɛɛ wɩaa ʋ nɛ wʋjɩmɩŋ arɩ doluŋ a kaa mʋ wuu. Amɩɩ.”