Ɛfɛsɩs Nɩaa 1:16 - WƖA TENIŊ

¹⁶ Ŋɩɩ nɛ tɩɩ, dɩ mɩ nɩɩ chʋɔlɛ Wɩa na-kala, mɩ yie lʋlɔllʋ nɛ a tɩŋ ma wɩaa. Mɩ yie liisi ma wɩaa nɛ a chʋɔlɛ Wɩa pɩpɩma.

Ɛfɛsɩs Nɩaa 1:16 ပူးပေါင်းရင်းမြစ်များ

WƖAA DƖ-SUOMUŊ 40:14

Ama dɩ wɩaa nɛ vɛŋ woruŋ pɩŋ sɩ́ mɩ wɩaa yʋ, bʋl mɩ wɩaa pɩ Ijipiti tinteeŋ kuoro dɩ ʋ lɩɩsɛmɛ nɩtɔɔrɩ dɩa deeŋ lɛ.

AZAAYA 62:6

Jerusalɛm, mɩ leŋe nɩaa nɛ sagɛ ŋ je-kɛrɩsɩŋ nyuŋ a pʋpɔŋ. Ba bɩ maga dɩ ba tɔrɛ ba niiŋ wɩɩhɛyɛ koo tɩtaŋɩŋ. Ma nɩalɩŋ sɩɩ yɩrɛ La TƖƖNA yɩrɩŋ, má sɩ́ wiesu.

Koloosi Nɩaa 1:3

Bʋa na-kala dɩ la nɛ chʋɔlɛ Wɩa aa pɩma, la yie lɔllʋ, ʋ-na, La Tɩɩna Yesu Kirisito Nyɩmma,

Koloosi Nɩaa 1:9

A tɩŋ wɩɩŋ deeŋ wɩaa, a lɩɩ tapʋlɩɩ-la la sɩ nɩɩ ma wɩaa, la chʋɔlɛ Wɩa pɩpɩma nɛ a bɩ leŋ. Laa sʋl Wɩa aa pɩma dɩ ʋ leŋ dɩ ma sɛnɛ jɩŋ wɩɩ-la ʋ sɩɩ chɛ dɩ ma ŋaa, a kɛŋ wʋjɩmɩŋ arɩ dɩgɩlɩŋ jegilee Wɩa Dɩŋ-zɔŋ-la sɩ pɩma.

1 Tɛsalonaaka Nɩaa 1:2

La yie chʋɔlɛ la Nyɩmma Wɩa pɩpɩ ma kala nɛ. Dɩ la nɩɩ chʋɔlɛ Wɩa, la yie lʋlɔllʋ nɛ a tɩŋ ma wɩaa.

1 Tɛsalonaaka Nɩaa 5:17

a chʋchʋɔlɛ Wɩa bʋa na-kala lɛ.

2 Tɛsalonaaka Nɩaa 1:3

La naambiiri, ʋ maga dɩ la lɔllɛ Wɩa nɛ bʋa na-kala a pɩma. Ŋɩɩ maga dɩ la ŋaa nɛ, bɛɛ wɩaa ŋɩɩ ma sɩ laa Wɩa dii pʋŋaa pɛ nɛ, chono-la ma ma sɩ kɛnɛ arɩ dɔŋɔ pʋŋaa pɛ.

1 SAMƲƐL 12:23

Mɩ-na bɩ jaŋ kɔ dɩ mɩ vɩa dɩ mɩ sʋl Wɩa pɩma. Dɩ mɩ nɛ ŋaa ŋɩɩ, mɩ jaŋ ŋaa wʋbɔŋ La TƖƖNA lɛ. Mɩ jaŋ dagɛma wɩalɩŋ sɩ zɔmɔ a magɛ dɩ ma ŋɩŋaa.

1 SAMƲƐL 7:8

Ba bʋla pɩ Samʋɛl, “Ŋ sɩ bunso pɩpɩ La TƖƖNA Wɩa dɩ ʋ pɛ la lɛ ŋɩɩ, sɩ́ leŋ. Sʋlʋ dɩ ʋ laala ta Fɩlɩsɩtɩa tɩŋŋaa nɩsɩŋ lɛ.”