Ɛfɛsɩs Nɩaa 1:13 - WƖA TENIŊ

¹³ Ma ma kʋ ŋaa Kirisito nɩaa nɛ bʋa-la lɛ ma sɩ nɩɩ Wɩa wɩalɩŋ sɩ ŋaa wʋtɩtɩɩba, Yesu wʋzɔmɔ-la sɩ laa nɩaa tɩta. Ma sɩ laa ʋ wɩaa dii ŋɩɩ, Wɩa joŋ ʋ Dɩŋ-zɔmʋŋ hɛ ma lɛ nɛ a magɩlɛma, kʋ-la ʋ fa sɩ sɩ ʋ jaŋ joŋo pɩ nɩalɩŋ sɩ laa ʋ wɩaa dii.

Ɛfɛsɩs Nɩaa 1:13 ပူးပေါင်းရင်းမြစ်များ

WƖA YƖƖLAA 119:43

Leŋ dɩ mɩ bʋbʋl wʋtɩtɩɩ bʋa na-kala, bɛɛ wɩaa mɩ joŋ mɩ yɩɛlaa kala hɛ wombie-la ŋ sɩ bile dɩ la tuto lɛ nɛ.

JOWƐL 2:28

Ŋɩɩ harɩŋ, mɩ jaŋ joŋ mɩ Dɩma hɛ nʋʋkala lɛ. Ma hambolibiisiŋ arɩ ma hantolibiisiŋ jaŋ bʋbʋl wɩaa mɩ doluŋ lɛ, ma nɩhɩasɩŋ ma jaŋ duduosi duosoo, ma bapʋɔsaa ma jaŋ nɩna wɩaa a nagɛ duosoo tʋɔŋ.

Luuk 11:13

Dɩ ma nɛ bɔmɔ aŋ joŋ kʋzɔŋŋɔɔ pɩpɩ ma biiriŋ, ɛɛ nɛ ma Nyɩmma sɩ hɛ Wɩa-jaŋ bɩ jaŋ joŋ ʋ Dɩŋ-zɔmʋŋ a pɩ nɩalɩŋ sɩ sʋla chɩchɛ?”

Luuk 24:49

Mɩ jaŋ leŋ dɩ kʋ-la mɩ Nyɩmma sɩ sɩ ʋ jaŋ joŋo pɩma kɔ ma teeŋ. Ama má gbɛrɛ Jerusalɛm lɛ, a kaa mʋ yi bʋa-la lɛ doluŋ sɩ jaŋ lɩɩ Wɩa teeŋ a kʋ tuu hɛ ma lɛ.”

Jɔɔŋ 1:17

Wɩa to Mosis lɛ nɛ a bil wombie-la sɩ maga la tuto pɩla. Ama Yesu Kirisito lɛ nɛ Wɩa to a fá la nenige, a dagɛla wʋtɩtɩɩ.

Jɔɔŋ 14:26

Ama mɩ Nyɩmma jaŋ leŋ dɩ ʋ Dɩŋ-zɔmʋŋ kʋ tuu a hɛ ma lɛ mɩ yɩrɩŋ lɛ. Ʋ jaŋ pɛ ma lɛ a wuo dagɛma wɩɩkala, a leŋ dɩ ma liisi wɩalɩŋ kala mɩ sɩ bʋla pɩma.

Jɔɔŋ 15:26

Ama mɩ jaŋ leŋ dɩ Wɩa Dɩŋ-zɔmʋŋ lɩɩ mɩ Nyɩmma teeŋ a kʋ tuu hɛ ma lɛ. Ʋ jaŋ pɛ ma lɛ a dagɛma wʋtɩtɩɩ. Ʋ nɛ jaŋ bʋl mɩ wɩaa pɩma.

Jɔɔŋ 3:33

Nɩɩ-la kala sɩ sɛɩ ʋ niiŋ wɩalɩŋ jɩma arɩ Wɩa hɛ nɩmɛ nɛ a kɛŋ wʋtɩtɩɩ.

Jɔɔŋ 6:27

Má sɩ́ ma doluŋ kala hɛ a chɛ kʋdiile-la sɩ jaŋ chei, ama má tɩma chɩchɛ kʋdiile-la sɩ jaŋ pɩma mɩɩsɩ-la sɩ bɩ dɛrɛ. Kʋdiilee deemba mɩ-na Nuhuobiine Bie nɛ jaŋ pɩma, bɛɛ wɩaa mɩ Nyɩmma Wɩa joŋ doluŋ hɛ mɩ lɛ nɛ dɩ mɩɩ ŋaa ŋɩɩ.”

Tɩntɩŋŋaa 1:4

Bʋa kʋbala lɛ, ʋ dɩ ba hɔnɔ didii kɩaa ʋ bʋla pɩba, “Má sɩ́ Jerusalɛm lɛ lɩɩ, má gbɛrɛ mɩ Nyɩmma zile kʋ-la ʋ sɩ sɩ ʋ jaŋ joŋo pɩma, kʋ-la wɩaa mɩ fa sɩ bʋla pɩma.

Tɩntɩŋŋaa 13:26

Mɩ naambiiriŋ Abɩraham doho nɩaa arɩ ma nɩalɩŋ sɩ bɩ Juu tɩŋŋaa ŋaa a hɛ daha a fɩfá Wɩa, la wɩaa nɛ ba tɩŋ dɩ ba bʋl wɩaa deemba sɩ jaŋ wuo laala ta.

Tɩntɩŋŋaa 2:33

Wɩa chɩsʋ ʋ sii jɩla hɔŋ Wɩa nadiiŋ, nɩduoŋ dɩhɔnʋŋ, a bɩra pʋ ʋ Dɩŋ-zɔmʋŋ arɩ ʋ fa sɩ bʋl ŋɩɩ. Dɩŋ-zɔmʋŋ deeŋ Yesu sɩ joŋo hɛ la lɛ jɩnɩŋ, ʋ nɛ wɩalɩŋ ma sɩɩ na a nɩnɩɩ ma.

Rom Tɩŋŋaa 1:16

Mɩ bɩ hɩɩsɩŋ ka fá dɩ mɩ bʋl Wɩa wʋzɔmɔ-la, bɛɛ wɩaa ʋ nɛ ŋaa Wɩa doluŋ. Nɩalɩŋ sɩ laaba dii, Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kala, Wɩa jaŋ laaba ta.

Rom Tɩŋŋaa 4:11

Abɩraham sɩ keri ʋ peniŋ ŋɩɩ ŋaa magɩl nɛ, aa dagɛ arɩ ʋ sɩ laa Wɩa dii nɛ tɩɩ ʋ kɛŋ tʋɔpʋla ʋ sɩpaaŋ, bʋa-la lɛ ʋ ha sɩ bɩ ʋ peniŋ kere dee. Ŋɩɩ leŋ Abɩraham kʋ ŋaa nɩalɩŋ sɩ bɩ ba penee kere aŋ laa Wɩa dii naabalɩma. Wɩa jomba ba ŋaa tʋɔpʋl tɩmma ʋ sɩpaaŋ arɩ ba sɩ bɩ ba penee kere ma kala.

Rom Tɩŋŋaa 6:17

Ama laa lɔllɛ Wɩa arɩ ma nɩalɩŋ fa sɩ ŋaa wʋbɔŋŋɔɔ yosuŋ, ma lɛɛlɛ joŋ ma tʋɔŋ kala aa to Wɩa wɩalɩŋ ba sɩ dagɛma dɩ maa to nɛ.

2 Kɔrɩntɩ Nɩaa 1:22

a joŋ ʋ magɩlɩŋ hɛ la lɛ a tɩɩla. Ʋ joŋ ʋ Dɩŋ-zɔmʋŋ a hɛ la lɛ nɛ, dɩ la wuo jɩŋ arɩ maachie ʋ jaŋ joŋ kʋ-daŋ ma pɩla.

2 Kɔrɩntɩ Nɩaa 6:7

La yie bʋl wʋtɩtɩɩ nɛ a kɛŋ dol-la Wɩa sɩ pɩla a kaa tɩtɩŋ, a kɛŋ tʋɔpʋla ma Wɩa sɩpaaŋ. Tʋɔpʋla-la nagɛ huonuŋ nɛ la sɩ vɔɔ laalɛ la nadiiŋ arɩ la nagʋa nɩsaa lɛ a kɛŋ la tɩtɩa hɛ dɔŋɔ dɩ la pɔ la tɩtɩa lɛ.

Galiisia Nɩaa 3:14

Kirisito ŋaa wɩɩŋ deeŋ pɩ nɩalɩŋ sɩ bɩ Juu tɩŋŋaa ŋaa dɩ ba wuo to ʋ lɛ a na pɛnɛ-la Wɩa sɩ hɛ niiŋ pɩ Abɩraham arɩ ʋ jaŋ joŋo pɩba. Dɩ la nɛ laa Kirisito wɩaa dii, ʋ Dɩŋ-zɔŋ-la ʋ sɩ hɛ niiŋ arɩ ʋ jaŋ joŋo pɩla, la jaŋ wuo laa.

Ɛfɛsɩs Nɩaa 4:21

Ma nɩɩ Yesu wɩaa nɛ, ba dagɛma wʋtɩtɩɩ-la kala sɩ mʋ tɩgɛ Yesu lɛ.

Ɛfɛsɩs Nɩaa 4:30

Má sɩ́ leŋe dɩ Wɩa Dɩŋ-zɔmʋŋ tʋɔŋ chei. Ʋ nɛ Wɩa joŋo hɛ ma lɛ, ʋ ŋaa magɩlɩŋ ma lɛ a dagɛ arɩ Wɩa jaŋ laama ta tapʋlɩɩ-la Kirisito sɩ́ jaŋ mɩɩra kɔ.

1 Tɛsalonaaka Nɩaa 2:13

A tɩŋ wɩɩŋ deeŋ wɩaa, la yie lʋlɔllɛ Wɩa nɛ bʋa na-kala. La sɩ kɛŋ Wɩa wɩalɩŋ kʋ bʋla pɩma, ma laaba nɛ a sɛɩba. Ma bɩ ba joŋo arɩ ba ŋaa nuhuobiine wɩaa, ama ma sɛɩba arɩ ba sɛnɛ ŋaa Wɩa wɩaa nɛ, wɩalɩŋ ka tɩŋ ma nɩalɩŋ sɩ laaba dii lɛ nɛ.

2 Timoti 2:15

Hɛ ŋ doluŋ kala dɩ Wɩa wuo na arɩ ŋ ŋaa tɩntɩnnɩ-tɩtɩɩ nɛ, sɩ bɩ hɩɩsɩŋ ka fá, a bɩra leŋ dɩ ʋ wuo na arɩ ŋ dagɛ wɩalɩŋ sɩ ŋaa wʋtɩtɩɩba nɛ woruŋ.

2 Timoti 2:19

Ama dɩa gentiŋ-duo-la Wɩa sɩ bile pɩ ʋ nɩaa, ʋ bɩ jaŋ wuo jigisi. Wɩalɩŋ ba sɩ ŋmʋnsa hɛ ʋ lɛ nɛ ŋ-la: “La Tɩɩna Wɩa jɩŋ nɩalɩŋ sɩ ŋaa ʋ nɩaa nɛ.” Ba bɩra ŋmʋnsa arɩ ʋ maga dɩ nɩɩ-la kala sɩ sɩ ʋ ŋaa Wɩa nʋʋ nɛ, dɩ ʋ leŋ wʋbɔŋŋɔɔ ŋaanɩŋ.

2 Timoti 3:15

A suomi ŋ hambiiriŋ kala lɛ a kaa kɔ, ŋ jɩŋ Wɩa teniŋ sɩ bɩ disiniŋ kɛnɛ. Ʋ nɛ pɩŋ wʋjɩmɩŋ ŋ laa Kirisito Yesu wɩaa dii dɩ ʋ laaŋ ta.

Taatɩs 2:11

Wɩa dagɛ ʋ zile pɩla nɛ, a kɔ dɩ ʋ laa nʋʋkala ta.

Hiburu TƖŊŊAA 2:3

Ŋɩɩ wɩaa dɩ la nɛ vɩa wʋbalɩŋ deeŋ Wɩa sɩ ŋaa dɩ ʋ laala ta, ɛɛ nɛ la jaŋ ŋaa a fori? La Tɩɩna Yesu nɛ laa sɩpaaŋ bʋl wɩɩ-la, nɩalɩŋ ma sɩ nɩɩ wɩɩ-la bʋla pɩla arɩ wʋtɩtɩɩ nɛ.

Jeems 1:18

Ʋ tʋɔtɔrʋŋ lɛ nɛ ʋ laa sɩpaaŋ bʋl ʋ niiŋ wɩaa sɩ ŋaa wʋtɩtɩɩ a pɩla dɩ la wuo tutoba, a ŋaa ʋ bii-bumbumba kɩalɩŋ kala ʋ sɩ ŋaa tʋɔŋ.

Jeems 1:21

Ŋɩɩ wɩaa, má lɩɩsɛ ma tɩtɩa wʋbɔŋ wʋŋaalaa lɛ a vɩa wʋbɔmɔ-la kala sɩ gollima. Má kɛŋ ma tɩtɩa muuri Wɩa sɩpaaŋ a sɛɩ Wɩa niiŋ wɩalɩŋ ʋ sɩ dagɛma, wɩalɩŋ sɩ jaŋ wuo laama ta.

1 Pɩɩta 2:10

Bumbuŋ-la ma fa bɩ kʋŋkala ŋaa, ama lɛɛlɛ ma ŋaa Wɩa nɩaa nɛ. Wɩa fa bɩ ma nenige fá, ama lɛɛlɛ ʋ fá ma nenige nɛ.

Jɔɔŋ Wʋnaalaa 7:2

Ŋɩɩ nɛ ka mɩ na Wɩa tɩndaara dɔŋɔ dɩ ʋ to wɩɩpɔsʋŋ dɩɩrɩŋ aa jɩl wɩa-nyuŋ, a kori kʋ-la Wɩa sɩ weye sɩ kaa magɩlɛ ʋ nɩaa. Ŋɩɩ nɛ ʋ faasa yɩrɛ Wɩa tɩndaara-la banɛsɛ Wɩa fa sɩ pa doluŋ dɩ ba chei tinteeŋ arɩ mʋgʋ-balɩŋ.