Ɛfɛsɩs Nɩaa 1:11 - WƖA TENIŊ

¹¹ Wɩa tʋɔtɔrʋŋ arɩ ʋ chɛnɩŋ lɛ nɛ ʋ yie ŋaa wɩɩkala. Ʋ to Kirisito lɛ nɛ a lɩɩsɛla a leŋ la ŋaa ʋ nɩaa, arɩ ŋɩɩ ʋ sɩ bɩɩna bil faafaa kala.

Ɛfɛsɩs Nɩaa 1:11 ပူးပေါင်းရင်းမြစ်များ

JOB 12:13

Wɩa nɛ ŋaa wʋjɩmɩŋ arɩ doluŋ kala Tɩɩna, ʋ nɩɩ chagɩlɛ nɩaa a jɩŋ wɩaa bʋbʋɔŋ ma.

JOB 33:29

Wɩa yie ŋaa wɩaa deemba kala nuhuobiine lɛ a mʋ yi naansɩɩŋ bʋlɩa koo butori,

WƖA YƖƖLAA 37:18

Nɩalɩŋ sɩɩ to La Tɩɩna niiŋ, ʋʋ bemba nɛ tapʋlɩɩ kala. Kɩalɩŋ ʋ sɩ joŋo pɩba jaŋ hɛ nɩmɛ a kaa mʋ wuu.

NAMAGABA 8:14

Mɩ jɩŋ nɩaa chagɩlɩŋ, a jɩŋ wɩaa jense bʋlʋŋ ma, mɩ jɩŋ wɩaa a kɛŋ doluŋ ma.

AZAAYA 25:1

Ou La TƖƖNA, ŋ nɛ mɩ Wɩa. Mɩ jaŋ dɛnnɩŋ a yɩrɛ ŋ yɩrɩŋ. Ŋ wʋtɩtɩɩ lɛ nɛ ŋ ŋaa wʋkpuŋkperisiŋ, wɩalɩŋ ŋ sɩ bɩɩna bil faafaa kala.

AZAAYA 28:29

Wɩaa deemba kala lɩɩ La TƖƖNA doluŋ kala Tɩɩna sɩ jɩŋ nɩaa chagɩlɩŋ woruŋ, a kɛŋ wʋjɩmɩŋ kɩŋkɛŋ teeŋ nɛ.

AZAAYA 5:19

Nɩalɩŋ yie bʋl, “Má leŋ dɩ La TƖƖNA ŋaa lɩma a ŋaa wɩɩ-la ʋ sɩ sɩ ʋ jaŋ ŋaa dɩ la na. Má leŋ dɩ Iziral tɩŋŋaa Wɩa sɩ bɩ disiniŋ kɛnɛ ŋaa wɩalɩŋ ʋ sɩɩ bɩɩnɛ dɩ ʋ ŋaa, dɩ la kala jɩŋ ʋ tʋɔŋ.”

JƐRƖMAAYA 23:18

Ama ba tʋɔŋ kʋbɛɛ nɛ ha chɩŋ La TƖƖNA sɩpaaŋ, a nɩɩ mɩ wɩaa? Ba tʋɔŋ kʋbɛɛ nɛ ha jegile a nɩɩ mɩ wɩaa?

JƐRƖMAAYA 32:19

Ŋ wɩaa kala ŋaa wʋbala nɛ, ŋ wʋŋaalaa ma kala ŋaa wʋduoru. Ŋ sɩaa ka na nuhuobiinee wʋŋaalaa kala nɛ. Ŋ yie tiŋ nʋʋkala a lɩɩ ŋɩɩ ʋ mɛlɛ arɩ ʋ wʋŋaalaa sɩ naga nɛ.

ZƐKARƖYA 6:13

Ʋ nɛ jaŋ saa mɩ-na ma TƖƖNA dɩɩ-bal-la, ʋ jaŋ kɛŋ yɩrɩŋ woruŋ. Ʋ jaŋ hɔŋ ʋ kuoru kpasa nyuŋ a beŋ ʋ nɩaa, a bɩra ŋaa nʋʋ sɩ jaŋ laa nɩaa nyuŋ a tɩma pɩpɩ mɩ-na Wɩa. Ʋ jaŋ ŋaa wɩalɩŋ balɩa kala hɩhɛ dɔŋɔ dɩ fɩɛlɩŋ hɛ nɩmɛ.

Tɩntɩŋŋaa 13:48

Nɩalɩŋ sɩ bɩ Juu tɩŋŋaa ŋaa sɩ nɩɩ wɩɩŋ deeŋ, ba tʋɔŋ kala tɔrɛ, ba bʋl dɩ La tɩɩna niiŋ wɩaa sɩma kɩŋkɛŋ. Nɩalɩŋ Wɩa sɩ lɩɩsa dɩ ba kɛŋ mɩɩsɩ-la sɩ bɩ dɛrɛ, ba laa wɩalɩŋ dii.

Tɩntɩŋŋaa 2:23

Wɩa jɩma nɛ aŋ leŋ Yesu jʋʋ ma nɩsɩŋ. Ma nɛ leŋe wʋbɔŋ ŋaaraa kpaasʋ mɛrɛ daagɛsɛ nyuŋ ʋ sʋʋ.

Tɩntɩŋŋaa 20:27

bɛɛ wɩaa mɩ bʋl wɩalɩŋ kala Wɩa sɩɩ chɛ nɛ a pɩma.

Tɩntɩŋŋaa 20:32

Mɩ lɛɛlɛ jomma hɛ Wɩa nɩsɩŋ lɛ nɛ. Wɩa wʋzɔmɔ-la lahɔrɩmɔ lɛ ʋ jaŋ pɛ ma lɛ. Ʋ jaŋ wuo pɛ ma lɛ dɩ ma kɛŋ doluŋ a chɩŋ wɩalɩŋ ma sɩ laa dii lɛ. Ʋ jaŋ leŋ dɩ ma wuo dii kɩalɩŋ ʋ sɩ ŋaa bil nɩaa lɛ.

Tɩntɩŋŋaa 26:18

Mɩ jaŋ tɩmɩŋ dɩ ŋ mʋ bʋl wɩaa a suri ba sɩaa, dɩ ba bɩrɩma lɩɩ birimiŋ lɛ a kʋ jʋʋ pʋlʋmʋŋ tʋɔŋ, a ŋaa dɩ ba lɩɩ Sɩtaanɩ nɩsɩŋ lɛ a kɔ Wɩa teeŋ. Dɩ ba nɛ ŋaa ŋɩɩ a laa mɩ wɩaa dii, Wɩa jaŋ joŋ ba wʋbɔŋŋɔɔ chɛba. Ba jaŋ na leriŋ nɩalɩŋ Wɩa sɩ lɩɩsa tʋɔŋ.’

Tɩntɩŋŋaa 4:28

Ba hilime ŋaa wɩalɩŋ kala ŋ sɩ paala jɩŋ ŋ doluŋ arɩ ŋ tʋɔbɩɩnaa lɛ arɩ ba jaŋ ŋaa nɛ.

Rom Tɩŋŋaa 11:34

Kʋbɛɛ nɛ jaŋ wuo jɩŋ Wɩa tʋɔbɩɩnaa? Kʋbɛɛ ma nɛ jaŋ wuo dagɛ Wɩa?

Rom Tɩŋŋaa 8:17

La sɩ ŋaa Wɩa biiriŋ ŋɩɩ, Wɩa joŋ kɩaa nɛ a bil la lɛ, kɩalɩŋ kala Wɩa sɩ joŋo bil Kirisito lɛ, la ma jaŋ tɩɩba. Dɩ la dɩ Kirisito kala nɛ na hɛɛŋ, la ma jaŋ laa yɩrɩ-la Kirisito sɩ jaŋ laa.

Rom Tɩŋŋaa 8:28

La jɩma wɩɩkala lɛ, Wɩa yie leŋ wɩaa zɔŋ nɛ a pɩ nɩalɩŋ sɩ chou, nɩalɩŋ ʋ sɩ lɩɩsa ʋ tʋɔtɔrʋŋ lɛ.

Rom Tɩŋŋaa 8:29

Nɩalɩŋ Wɩa sɩ laa sɩpaaŋ lɩɩsɛ, ʋ lɩɩsɛba dɩ ʋ kɛmba bɩrɩmɛ dɩ ba nagɛ ʋ tɩtɩa Bie nɛ, a leŋ ʋ Bie ŋaa ba kala kʋhɩaŋ.

Rom Tɩŋŋaa 8:30

Wɩa yɩrɛ nɩalɩŋ ʋ fa sɩ laa sɩpaaŋ lɩɩsɛ dɩ ba ŋaa ʋ nɩaa nɛ. Ʋ sɩ yɩrɛba ŋɩɩ, ʋ leŋ ba kɛŋ tʋɔpʋla ʋ sɩpaaŋ. Nɩalɩŋ ma sɩ kɛŋ tʋɔpʋla ʋ sɩpaaŋ, ʋ leŋ ba ma pɛ laa ʋ yɩrɩŋ.

Rom Tɩŋŋaa 9:11

Ka dɩ Rɩbɛka-na lʋl daalɩarɩ-la, biiri-la ha bɩ wʋzɔŋ koo wʋbɔŋ kala ŋaa, ka Wɩa bʋla pʋ, “Ŋ sɩ jaŋ lʋl biiri-la, kʋhɩaŋ jaŋ tɩma pɩpɩ kʋbie.” Ŋɩɩ daga arɩ Wɩa tʋɔtɔrʋŋ lɛ nɛ ʋ yɩrɛ ʋ nɩaa a tʋɔsɛba, ʋ bɩ naga arɩ ba sɩ ŋaa wɩalɩŋ nɛ tɩɩ ʋ tʋɔsɛba. Ʋ sɩ yɩrɛba nɛ tɩɩ ba ŋaa ʋ nɩaa.

Galiisia Nɩaa 3:18

Kʋ-la Wɩa sɩ sɩ ʋ jaŋ joŋo pɩ Abɩraham, ʋ bɩ wɩalɩŋ Mosis sɩ bile lɛ lɩa. Dɩ ʋ nɛ lɩɩ wɩalɩŋ Mosis sɩ bile lɛ, ʋ naga arɩ Wɩa bɩ ʋ niiŋ hɛ pɩ Abɩraham. Ama Wɩa sɩ hɛ niiŋ pɩ Abɩraham nɛ tɩɩ ʋ joŋ kʋ-la pʋ.

Ɛfɛsɩs Nɩaa 1:14

Wɩa Dɩŋ-zɔmʋŋ ʋ sɩ joŋo hɛ la lɛ nɛ sɛnɛ daga arɩ wʋtɩtɩɩ, maachie la jaŋ dii kɩalɩŋ Wɩa sɩ ŋaa bil ʋ nɩaa lɛ, aŋ laa ʋ nɩaa ta. Ŋɩɩ lɛ nɛ ʋ yɩrɩŋ jaŋ yɩrɛ.

Ɛfɛsɩs Nɩaa 1:18

Wɩa sɩ yɩrɛma dɩ ma wuo jʋʋ ʋ kuorii-la tʋɔŋ ŋɩɩ, mɩɩ sʋlʋ dɩ ʋ wuo suri ma tʋɔŋ dɩ ma wuo jɩŋ kʋ-la ma sɩɩ yɩɛlʋ nagɩsɩŋ, a bɩra jɩŋ kɩalɩŋ ma dɩ Wɩa nɩaa kala sɩ jaŋ dii zɔmʋŋ.

Ɛfɛsɩs Nɩaa 1:5

ʋ laa sɩpaaŋ bɩɩna bil nɛ arɩ ʋ jaŋ to Yesu Kirisito lɛ nɛ a leŋ dɩ la ŋaa ʋ biiriŋ. Ʋ tʋɔtɔrʋŋ lɛ nɛ ʋ ŋaa ŋɩɩ.

Ɛfɛsɩs Nɩaa 1:8

ŋɩɩ nɛ tɩɩ ʋ ŋaa ŋɩɩ pɩla. Ʋ sɩ kɛŋ wʋjɩmɩŋ, a jɩŋ wɩaa sɩaa lɛ nɛ ʋ ŋaa ŋɩɩ pɩla.

Ɛfɛsɩs Nɩaa 1:9

Ʋ tʋɔtɔrʋŋ lɛ nɛ ʋ leŋ la jɩŋ ʋ wɩalɩŋ kala fa sɩ faa, wɩalɩŋ ʋ sɩɩ chɛ dɩ ʋ to Kirisito lɛ a ŋaa pɩla.

Ɛfɛsɩs Nɩaa 3:11

Wɩa fa bɩɩnɛ wɩɩŋ deeŋ faafaa kala nɛ a lɛɛlɛ to La Tɩɩna Yesu Kirisito lɛ a leŋ wɩalɩŋ sɛnɛ kʋ ŋaa wʋtɩtɩɩ.

MOSIS BƖRA WULLI WƖA WOMBIIŊ 4:20

Ma nɛ ŋaa nɩalɩŋ La TƖƖNA sɩ laa ta Ijipiti tɩŋŋaa nɩsɩŋ lɛ, lee-la ma fa sɩ chaasa na hɛɛŋ. Ʋ laama dɩ ma ŋaa ʋ nɩaa nɛ arɩ ma sɩ ŋaa ʋ nɩaa ŋɩɩ jɩnɩŋ.

Koloosi Nɩaa 1:12

a lɔllɛ Wɩa arɩ ʋ sɩ leŋe ma ma maachie jaŋ wuo pɛ dii kɩalɩŋ ʋ sɩ ŋaa bil ʋ nɩaa lɛ Wɩa kuorii-la tʋɔŋ.

Koloosi Nɩaa 3:24

Má sɩ́ yʋ arɩ Wɩa jaŋ pɩma ma time, kɩalɩŋ ʋ sɩ ŋaa bil ʋ nɩaa lɛ Wɩa-jaŋ lɛ. La Tɩɩna Kirisito nɛ ma tɩma pɩpa.

Taatɩs 2:14

La wɩaa nɛ tɩɩ ʋ sʋʋ, dɩ ʋ laala ta la wʋbɔŋŋɔɔ lɛ a pɩɩsɛ la disiniŋ ta, dɩ la ŋaa ʋ nɩaa. Ʋʋ chɛ dɩ la ŋaa nɩa sɩ joŋ la nyuŋ hɛ wʋzɔŋŋɔɔ ŋaanɩŋ lɛ.

Taatɩs 3:7

Ʋ lahɔrɩmɔ lɛ ʋ ŋaa ŋɩɩ dɩ la kɛŋ tʋɔpʋla ʋ sɩpaaŋ, a wuo kɛŋ mɩɩsɩ-la sɩ bɩ dɛrɛ, wɩɩ-la la sɩɩ yɩɛlʋ lɛ.

Hiburu TƖŊŊAA 6:17

Ŋɩɩ tɩtɩa nɛ Wɩa fa sɩ bʋla pɩ ʋ nɩaa arɩ ʋ jaŋ joŋ kɩaa pɩba, ʋ fa sɩɩ chɛ dɩ ba chaasa jɩŋ arɩ ʋ bɩ jaŋ kɛŋ ʋ niiŋ bɩrɩmɛ, ʋ ŋmɩɛsa daŋ nɛ.

Jeems 2:5

Mɩ naambii-kpɩanaba, má jegile nɩɩ mɩ teeŋ. Nɩalɩŋ sɩ ŋaa summoo dʋnɩa deeŋ lɛ, Wɩa tʋɔsɛba nɛ dɩ ba laa ʋ wɩaa dii woruŋ a jʋʋ ʋ kuorii-la, lee-la ʋ sɩ sɩ ʋ jaŋ joŋo pɩ nɩalɩŋ sɩ chou.

1 Pɩɩta 1:4

a dii kʋzɔmɔ-la Wɩa sɩ ŋaa bil ʋ nɩaa lɛ ʋ jaŋ lɛ. Kɩalɩŋ bɩ jaŋ pʋa, ba bɩ jaŋ chei ma, ba zɔmʋŋ ma bɩ jaŋ lɩɩ.

1 Pɩɩta 3:9

Má sɩ́ wʋbɔŋ joŋo tiŋ wʋbɔmʋŋ chɩmɩŋ. Dɩ nʋʋ nɛ tʋʋsɛma, má sɩ́ tʋʋsa tiŋ, ama má sʋl Wɩa dɩ ʋ pɛ tɩɩna lɛ, bɛɛ wɩaa Wɩa ma lɩɩsɛma nɛ dɩ ʋ pɛ ma lɛ.