Ɛfɛsɩs Nɩaa 1:10 - WƖA TENIŊ

¹⁰ Ʋ ŋaa ŋɩɩ dɩ bʋa-la nɛ yie, dɩ ʋ kɛŋ kʋŋkala kʋ hɛ dɔŋɔ lɛ, kɩalɩŋ sɩ hɛ Wɩa-jaŋ arɩ kɩalɩŋ sɩ hɛ tinteeŋ kala, dɩ Kirisito ŋaa ba kala Tɩɩna.

Ɛfɛsɩs Nɩaa 1:10 ပူးပေါင်းရင်းမြစ်များ

WƖAA DƖ-SUOMUŊ 49:10

Kuori-dantɩga-la bɩ jaŋ kɔ dɩ ʋ lɩɩ ŋ nɩsɩŋ lɛ koo dɩ ʋ paala sʋrɩsɛ ŋ naasɩŋ bʋbʋɔŋ, a mʋʋ yi nɩɩ-la sɩ maga dɩ ʋ tɩɩʋ. Tinteyee kala jaŋ tuto ŋ niiŋ.

DANƖƐL 2:44

Kuoroo deemba kuoruŋ bʋa lɛ Wɩa sɩ hɛ ʋ jaŋ lɛ a bibeŋ kʋŋkala jaŋ bil kuoro ba sɩ bɩ jaŋ wuo giru, koo ba bɩ jaŋ laa a pɩ nɩa dɔsɛ. Ʋ jaŋ yuo dii kuorusu-la kala a leŋ dɩ ba kuoruŋ dɛrɛ, ama ʋ-na jaŋ hɛ nɩmɛ a kaa mʋ wuu.

AMƆS 9:11

Tapʋlɩɩ dɔŋ mɩ jaŋ wasa saa kuoro Devit dɩa-la sɩ tele a pɩŋ jikpeeŋ dɩ ʋ nagɛ ʋ fa sɩ nagɛ ŋɩɩ, mɩ jaŋ wasa saa lere-la kala sɩ cheye.

MALAKAƖ 3:1

La TƖƖNA doluŋ kala Tɩɩna sɩ, “Mɩ jaŋ tɩŋ mɩ tɩndaara dɩ ʋ kʋ wasɛ wombiiŋ a bil mɩ lɛ. Ŋɩɩ harɩŋ nɛ ma Tɩɩna-la ma sɩ bee chɩchɛ jaŋ guu kʋ jʋʋ ʋ dɩɩ-balɩŋ. Tɩndaarʋ-la ma sɩɩ yɩɛlʋ nɛ jaŋ kɛŋ nii-la sɩ hɛ mɩ dɩ ma pɛgɛ wɩaa polli.”

Matiu 25:32

Dʋnɩa nɩaa kala jaŋ kʋ hilimi mɩ sɩpaaŋ. Mɩ jaŋ kɛmba kaa kpaa leree balɩa, a nagɛ pie-daara sɩ yie kɛŋ ʋ piesee pɔrɛ bʋʋnaa lɛ ŋɩɩ.

Maak 1:15

a bʋl, “Bʋa-la yie nɛ. Wɩa kuorii-la kpaga nɛ. Má bɩrɩma lɩɩ ma wʋbɔŋŋɔɔ lɛ a laa Wɩa wʋzɔmɔ-la dii.”

1 Kɔrɩntɩ Nɩaa 10:11

Wɩa ŋaa wɩaa deemba kala ba lɛ dɩ ʋ chagɩlɛba nɛ. Ama ba saa ŋmʋnsɛ wɩaa deemba bil nɛ a pɩla dɩ ba dɩdagɛla wɩaa nɛ. La hɛ bʋa-la lɛ dʋnɩa sɩ kpagɛ dɩdɛrɩŋ nɛ.

1 Kɔrɩntɩ Nɩaa 11:3

Ama mɩɩ chɛ dɩ ma jɩŋ arɩ Kirisito nɛ ŋaa baal-na kala sɩpaalaara, ka baala ma nɛ ŋaa haala sɩpaalaara, ka Wɩa ma nɛ laa Kirisito sɩpaaŋ.

Galiisia Nɩaa 4:4

Ama bʋa-la tɩtɩa sɩ yie, Wɩa tɩŋ ʋ bie nɛ. Haal nɛ lʋlʋ. Ʋ ma faa to Juu tɩŋŋaa naabalɩmaba wombii-la nɛ,

Ɛfɛsɩs Nɩaa 1:22

Wɩa joŋ kʋŋkala doluŋ a hɛ Kirisito nɩsɩŋ lɛ nɛ, a bɩra leŋ ʋ ŋaa Wɩa nɩaa kala kʋhɩaŋ ma.

Ɛfɛsɩs Nɩaa 2:15

Ʋ sɩ sʋba ŋɩɩ, ʋ leŋe wɩalɩŋ Mosis fa sɩ bile dɩ nɩaa tuto arɩ wɩalɩŋ ʋ sɩ daga bɩra bɩ doluŋ kɛnɛ. Ʋ ŋaa ŋɩɩ dɩ nɩalɩŋ sɩ ŋaa Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kala to ʋ lɛ nɛ a bɩrɩmɛ nɩfalɩa a sɩŋ.

Ɛfɛsɩs Nɩaa 3:15

Ʋ nɛ hɛ doho kala yɩrɩŋ, kɩalɩŋ kala sɩ hɛ Wɩa-jaŋ arɩ kɩalɩŋ kala sɩ hɛ tinteeŋ lɛ.

Ɛfɛsɩs Nɩaa 3:2

Mɩ jɩma arɩ ma ma nɩɩ ŋɩɩ Wɩa sɩ lɩɩsɛmɛ ʋ lahɔrɩmɔ lɛ dɩ mɩ tɩŋ tɩntɩmɩŋ deeŋ ma teeŋ nɛ.

Koloosi Nɩaa 1:16

Ʋ lɛ nɛ Wɩa to a ŋaa kʋŋkala sɩ hɛ wɩa-nyuŋ arɩ tinteeŋ, kɩalɩŋ la sɩɩ na arɩ kɩalɩŋ la sɩ bɩ na kala, a pɛ kɩalɩŋ la sɩ bɩ na ka ba kɛŋ doluŋ a bibeŋ leriŋ. Ʋ lɛ nɛ ʋ to a ŋaa kɩaa kala, ba ŋaa ʋ kɩaa.

Koloosi Nɩaa 1:20

Ʋ lɛ nɛ Wɩa to ʋ dɩ kʋŋkala sɩŋ, kɩalɩŋ sɩ hɛ wɩa-nyuŋ arɩ kɩalɩŋ sɩ hɛ tinteeŋ lɛ kala. Bʋa-la lɛ ʋ sɩ sʋʋ daagɛsɛ nyuŋ, ʋ chalɩŋ jaasɛ, ʋ ŋɩɩ nɛ leŋe Wɩa arɩ kɩalɩŋ kala sɩ hɛ nɩmɛ tʋɔŋ tɔrɛ dɔŋɔ nyuŋ.

Koloosi Nɩaa 3:11

Mɛl-falɩŋ deeŋ tʋɔŋ ʋ bɩ wɩɩ kɛnɛ dɩ ma ŋaa Juu tɩŋŋaa koo ma bɩ Juu tɩŋŋaa ŋaa, dɩ ma keri ma penee koo ma bɩ ma penee kere, dɩ ma ŋaa nʋhʋɔraa, koo dɩ ma ŋaa nɩalɩŋ sɩaa sɩ bɩ suro, dɩ ma ŋaa yosuŋ koo dɩ ma tɩɩ ma tɩtɩa. Wɩa nɩaa tʋɔŋ, Kirisito nɛ ŋaa ba wʋnyuŋ, ʋ hɛ ba kala lɛ nɛ.

Hiburu TƖŊŊAA 1:2

Ama lɛɛlɛ dʋnɩa dɩdɛrɩŋ deeŋ lɛ, ʋ to ʋ Bie lɛ nɛ a bʋl wɩaa pɩla. Wɩa to ʋ Bie lɛ nɛ a ŋaa dʋnɩa, a joŋ kʋŋkala hɛ ʋ nɩsɩŋ lɛ.

Hiburu TƖŊŊAA 11:40

Wɩa faa chɛ dɩ ʋ joŋ kʋzɔŋ nɛ a pɩ la dɩ ba kala. Ʋ faa chɛ dɩ la dɩ ba kala ŋaa nɩzɔmɔ nɛ woruŋ dɩ ʋ wuo joŋ kʋ-la pɩ la kala.

Hiburu TƖŊŊAA 9:10

Wɩaa deemba ka dagɛ kʋdiilee arɩ kʋnyʋalaa arɩ Wɩɩchʋɔlɛ lɩɩŋ sɔmʋŋ dʋndʋŋa wɩaa nɛ, a kaa mʋ yi bʋa-la lɛ Wɩa sɩ jaŋ kɛŋ wʋfalaa kɔ.

1 Pɩɩta 1:20

Bumbuŋ kala, ka dɩ Wɩa-na ŋaa dʋnɩa, ʋ lɩɩsɛ Yesu Kirisito nɛ dɩ ʋ to ʋ lɛ a laa dʋnɩa nɩaa ta. Ama Wɩa leŋe ʋ kɔ nɛ dʋnɩa deeŋ dɩdɛrɩŋ, ma wɩaa.

Jɔɔŋ Wʋnaalaa 5:9

Ŋɩɩ nɛ nɩhɩasɩ-la arɩ kɩalɩŋ sɩ weye ta yɩɩl-falɩŋ aa yɩɩ, “Ŋ nɛ wuo laa teŋ-la ba sɩ mɛrɛ, a lɛrɛ kel-la ba sɩ kaa mɛrɛ, bɛɛ wɩaa ba kpʋŋ nɛ. Ba sɩ kpʋŋ ŋɩɩ, ŋ joŋ ŋ chalɩŋ a yɔɔ nuhuobiine mɩɩsɩŋ a pɩ Wɩa. Nɩalɩŋ ŋ sɩ yɔbɔ lɩɩ nɩdoho kala tʋɔŋ nɛ aa bʋl yikori doho kala a hɛ taŋ kala arɩ tintee kala lɛ.