Ɛfɛsɩs Nɩaa 1:1 - WƖA TENIŊ

¹ Mɩ-na Pɔɔl nɛ ŋmʋnsɛ teniŋ deeŋ a pɩpɩ ma Wɩa nɩalɩŋ sɩ hɛ Ɛfɛsɩs lɛ a laa Yesu Kirisito dii arɩ wʋtɩtɩɩ. Wɩa tʋɔtɔrʋŋ lɛ nɛ ʋ lɩɩsɛmɛ dɩ mɩ ŋaa Kirisito Yesu nanzɔɔ.

Ɛfɛsɩs Nɩaa 1:1 ပူးပေါင်းရင်းမြစ်များ

NAMBABA 12:7

Ama ŋɩɩ dee mɩ yie bʋl wɩaa mɩ tɩntɩnna Mosis teeŋ. Mɩ laaʋ dii nɛ a joŋ mɩ nɩaa kala hɛ ʋ nɩsɩŋ lɛ.

Luuk 16:10

Dɩ ŋ nɛ joŋ kɩaa mʋa a pɩ nʋʋ dɩ ʋ wuo beŋ ba nyuŋ woruŋ, tɩɩna jaŋ wuo beŋ kɩaa sɩ yʋga ma nyuŋ woruŋ. Dɩ nʋʋ ma nɛ bɩ wʋtɩtɩɩ kɛnɛ kɩaa mʋa lɛ, ʋ bɩ jaŋ kɛŋ wʋtɩtɩɩ kʋ-daŋ ma lɛ.

Tɩntɩŋŋaa 16:15

Ba fo ʋ dɩ ʋ dɩa nɩaa Wɩɩchʋɔlɛ lɩɩŋ. Ŋɩɩ nɛ haal-la sʋlla a bʋl, “Dɩ ma nɛ bɩɩna dɩ mɩ sɛnɛ laa Yesu wɩaa dii nɛ, má kʋ jʋʋ chʋa mɩ dɩa lɛ.” Ʋ sɩ sʋlla dieni ŋɩɩ, la mʋ chʋa.

Tɩntɩŋŋaa 18:19

Ba mʋ yi taŋ kʋbala baa yɩrɛ Ɛfɛsɩs. Nɩmɛ Pɔɔl leŋ Pɩrɩsɩla arɩ Akuila aŋ mʋ jʋʋ Wɩɩchʋɔlɛ dɩa. Ʋ dɩ Juu tɩŋŋaa magɩsɛ wɩaa pɩpɩ dɔŋɔ.

Tɩntɩŋŋaa 18:21

Ʋ sɩ sii nɩmɛ, ʋ bʋla pɩba, “Dɩ Wɩa nɛ pɩmɛ wombiiŋ, mɩ jaŋ mɩɩra kɔ ma teeŋ.” Ŋɩɩ nɛ ʋ sii mʋ jʋʋ lɩɩŋ daboro a lɩɩ Ɛfɛsɩs lɛ,

Tɩntɩŋŋaa 9:13

Ŋɩɩ nɛ Ananɩas bʋl, “Mɩ Tɩɩna, nɩaa yʋga kɩŋkɛŋ a bʋla pɩmɛ arɩ baala deeŋ ŋaa wʋbɔŋŋɔɔ ŋ nɩaa sɩ hɛ Jerusalɛm lɛ.

Rom Tɩŋŋaa 1:1

Mɩ-na Pɔɔl sɩ ŋaa Yesu Kirisito tɩntɩnna, mɩ nɛ ŋmʋnsɛ teniŋ deeŋ a pɩpɩ ma Rom tɩŋŋaa. Wɩa nɛ yɩrɛmɛ mɩ ŋaa ʋ nanzɔɔ. Ʋ lɩɩsɛmɛ dɩ mɩ bʋl ʋ wʋzɔmɔ-la a pɩ nɩaa nɛ.

Rom Tɩŋŋaa 1:7

Ŋɩɩ wɩaa mɩ ŋmʋnsɛ teniŋ deeŋ pɩpɩ ma nɩalɩŋ kala sɩ hɛ Rom tinteeŋ lɛ, ma nɩalɩŋ Wɩa sɩ cho a lɩɩsɛma dɩ ma ŋaa tʋɔpʋl tɩŋŋaa. La Nyɩmma Wɩa arɩ La Tɩɩna Yesu lahɔrɩmɔ lɛ, ba jaŋ pɛ ma lɛ dɩ ma hɔŋ arɩ fɩɛlɩŋ.

Rom Tɩŋŋaa 8:1

Dɩ la dɩ Kirisito kala nɛ ŋaa kʋbala, Wɩa bɩra bɩ jaŋ dii la sarɩya a joŋ cheeriŋ pɩla.

1 Kɔrɩntɩ Nɩaa 4:12

La faasa tɩtɩŋ nɛ dɩ la pɛ la tɩtɩa lɛ. Dɩ nɩaa nɛ ŋmɩɛsa hɛ la lɛ, la-na yie sʋl Wɩa pɩba nɛ, dɩ ba nɛ to naasɩŋ dʋdɔgɩsɛla, la yie nyalɩmɛ nɛ.

1 Kɔrɩntɩ Nɩaa 4:17

Ŋɩɩ nɛ tɩɩ mɩ tɩŋ Timoti dɩ ʋ kɔ ma teeŋ ŋɩɩ. Ʋ nagɛ mɩ bii-choolii nɛ, a kɛŋ wʋtɩtɩɩ ma La Tɩɩna Kirisito wɩaa lɛ. Ʋ jaŋ liliisima ŋɩɩ mɩ sɩɩ to Kirisito wɩaa, arɩ ŋɩɩ mɩ sɩ yie dagɛba lee-na kala nɩaa sɩ laa Yesu wɩaa dii aa hilimi tʋɔŋ.

2 Kɔrɩntɩ Nɩaa 1:1

Mɩ-na Pɔɔl arɩ la naambie Timoti nɛ ŋmʋnsɛ teniŋ deeŋ a pɩpɩma. Wɩa tʋɔtɔrʋŋ lɛ nɛ ʋ lɩɩsɛmɛ dɩ mɩ ŋaa Kirisito Yesu nanzɔɔ. La ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi a hɛ Kɔrɩntɩ taŋ-la lɛ nɛ, arɩ Wɩa nɩaa sɩ hɛ Akaaya tinteeŋ lɛ.

Galiisia Nɩaa 1:1

Mɩ-na Pɔɔl sɩ ŋaa Yesu Kirisito nanzɔɔ nɛ ŋmʋnsɛ teniŋ deeŋ aa pɩ ma nɩalɩŋ sɩ laa Yesu wɩaa dii aa hilimi Galiisia tinteeŋ lɛ. Yesu Kirisito arɩ ʋ Nyɩmma Wɩa sɩ chɩsʋ sʋʋŋ lɛ nɛ lɩɩsɛmɛ a tɩmmɛ, nuhuobiinee dee bɩ mɩ lɩɩsa.

Galiisia Nɩaa 3:26

A tɩŋ ma sɩ laa Yesu Kirisito dii nɛ tɩɩ ma kala ŋaa Wɩa biiriŋ ŋɩɩ.

Galiisia Nɩaa 3:28

Lɛɛlɛ, la bɩra bɩ nɩaa kaa pʋpɔrɛ. Dɩ ŋ ŋaa Juu tɩɩna koo dɩ ŋ bɩ ŋaa, dɩ ŋ ŋaa yoŋ koo dɩ ŋ tɩɩ ŋ tɩtɩa, dɩ ŋ ŋaa haal koo baal, ma kala ŋaa kʋbala nɛ Kirisito Yesu teeŋ.

Galiisia Nɩaa 3:9

Abɩraham nɩɩ wɩɩŋ deeŋ nɛ a laa dii. Ŋɩɩ nɛ Wɩa pɛ ʋ lɛ. Nɩalɩŋ ma kala sɩ laa wɩɩŋ deeŋ dii, Wɩa pɛ ba ma lɛ nɛ arɩ ʋ sɩ pɛ Abɩraham lɛ ŋɩɩ.

Ɛfɛsɩs Nɩaa 1:15

Mɩ nɩɩ ŋɩɩ ma sɩ laa La Tɩɩna Yesu wɩaa dii arɩ ŋɩɩ ma sɩ cho Wɩa nɩaa ma nɛ.

Ɛfɛsɩs Nɩaa 2:10

Wɩa nɛ ŋaala. Ʋ ŋaala dɩ la dɩ Kirisito Yesu ŋaa kʋbala nɛ a ŋɩŋaa wʋzɔŋŋɔɔ. Ʋ ŋaa wʋzɔŋŋɔɔ deemba bil la lɛ faa faa kala nɛ dɩ la ŋɩŋaaba.

Ɛfɛsɩs Nɩaa 2:13

Ma dɩ Wɩa pɛgɛ fa bolie nɛ, ama lɛɛlɛ ma dɩ Kirisito sɩ ŋaa kʋbala ŋɩɩ, ʋ joŋ ʋ chalɩŋ jaasɛ ma wɩaa nɛ, a kɛŋ ma dɩ Wɩa kʋ kpagɛ dɔŋɔ.

Ɛfɛsɩs Nɩaa 2:6

La dɩ Kirisito Yesu sɩ ŋaa kʋbala ŋɩɩ, Wɩa chɩsɛla sʋʋ-la lɛ la wʋbɔŋŋɔɔ fa sɩ ŋaa la sʋʋ lɛ nɛ, arɩ ʋ sɩ chɩsɛ Kirisito sʋʋŋ lɛ ŋɩɩ, a leŋ la dɩ Kirisito Yesu kala hɔŋ Wɩa kuorii-la tʋɔŋ Wɩa jaŋ lɛ.

Ɛfɛsɩs Nɩaa 6:21

Takɩkas sɩ ŋaa la naambii-choolii a bɩra ŋaa La Tɩɩna Yesu tɩntɩnnɩ-tɩtɩɩ, ʋ jaŋ kɔ ma teeŋ a bʋl mɩ wɩaa pɩma, dɩ ma jɩŋ ŋɩɩ mɩ hɔnʋŋ sɩ naga arɩ tɩntɩmɩɩ-la mɩ sɩɩ tɩŋ.

Koloosi Nɩaa 1:2

Mɩ ŋmʋnsɛ teniŋ deeŋ a pɩpɩ ma-na Wɩa nɩaa sɩ ŋaa la naambii-tɩtɩɩba Kirisito teeŋ. La Nyɩmma Wɩa lahɔrɩmɔ lɛ, ʋ jaŋ pɛ ma lɛ a leŋ dɩ ma hɔŋ arɩ yarɩfɩɛlaa.

Jɔɔŋ Wʋnaalaa 17:14

Ba dɩ Pie-bie-la jaŋ yuo dɔŋɔ, ama Pie-bie-la jaŋ yuo diiba, bɛɛ wɩaa ʋ nɛ ŋaa nɩalɩŋ kala sɩɩ beŋ nɩaa Kʋhɩaŋ, a kɛŋ kuoroo kala ma doluŋ. Ʋ dɩ ʋ harɩ-tooroo nɛ jaŋ yuo diiba. Nɩaa deemba nɛ ŋaa nɩalɩŋ Wɩa sɩ yɩra aŋ lɩɩsɛ, ba ŋaa nɩaa sɩ kɛŋ wʋtɩtɩɩ.”

Jɔɔŋ Wʋnaalaa 2:10

Má sɩ́ leŋe dɩ fawʋllʋŋ kɛmma a mʋ tɩgɛ hɛɛ kala ma sɩ jaŋ na lɛ. Mɩ bʋlaa pɩma, Sɩtaanɩ jaŋ magɩsɛ ma dɔnsʋŋ a leŋ dɩ ba kɛmma tɔ bɩnɩŋ dɩa. Ma jaŋ na hɛɛŋ a yi tapʋlaa fii. Dɩ ba nɩɩ chɛ dɩ ba kpʋma ma, ma-na ha chɩŋ wɩalɩŋ ma sɩ laa dii lɛ. Dɩ ma nɛ ŋaa ŋɩɩ, mɩ jaŋ joŋ mɩɩ-zɔmʋŋ pɩma Wɩa-jaŋ lɛ.

Jɔɔŋ Wʋnaalaa 2:13

Mɩ jɩŋ lee-la ma sɩ hɛ nɛ, nɩmɛ nɛ Sɩtaanɩ dii kuoruŋ. Ama ma ha kɛŋ wʋtɩtɩɩ nɛ a mʋ tɩgɛ mɩ yɩrɩŋ lɛ. Ma bɩ wɩalɩŋ ma sɩ laa dii joŋo ta bʋa-la lɛ ba sɩ kpʋ Antɩpas sɩ ŋaa wʋtɩtɩɩ tɩɩna a bʋl wɩaa a tɩgɛ mɩ lɛ. Ba kpʋʋ ma tabalɩŋ lɛ nɛ, lee-la Sɩtaanɩ sɩ hɛ.