MOSIS BƖRA WULLI WƖA WOMBIIŊ 9:3 - WƖA TENIŊ

³ Jɩnɩŋ, má jɩŋ arɩ ma TƖƖNA Wɩa nɛ laa ma sɩpaaŋ dɩ ʋ yuo dii nɩalɩŋ a nagɛ nyiniŋ sɩɩ dii kɩaa ŋɩɩ, dɩ ma kiri ba kala ta dɩ ba lɩɩ tintee-la lɛ arɩ ma TƖƖNA sɩ bʋl ŋɩɩ.

MOSIS BƖRA WULLI WƖA WOMBIIŊ 9:3 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 23:23

Mɩ tɩndaara jaŋ laa ma sɩpaaŋ a kɛmma mʋ Amɔrɩ tɩŋŋaa, Hiti tɩŋŋaa, Pɛrɛs tɩŋŋaa, Kɛnaŋ tɩŋŋaa, Hivi tɩŋŋaa arɩ Jebus tɩŋŋaa tintee-la. Mɩ jaŋ chei ba kala.

MOSIS KƐŊ IZIRAL TƖŊŊAA LƖƖ 24:17

La TƖƖNA tʋla nagɛ nyiniŋ sɩɩ dii nɛ peel-la nyuŋ Iziral tɩŋŋaa sɩaa lɛ.

AZAAYA 27:4

Mɩ bɩra bɩ baanɩŋ na mɩ tɩɩnɛnɛɛ baga-la nyuŋ. Ama dɩ ʋ nɛ fa nagɛ sɔ-lugunuŋ a chɩchɛ dɩ ba walɩmɛmɛ, mɩ jaŋ kpʋba a nyɩga ta.

AZAAYA 30:27

Má bee na, La TƖƖNA doluŋ arɩ ʋ tʋla nɛ lɩɩ dɩ-bolii a kʋkɔ. Ʋ baanɩŋ chaasa sii nɛ a nagɛ duoŋ-bɩlɩmbaanɩŋ sɩ tɔ nyʋɔsʋŋ. Ʋ niiŋ wʋbʋlaa kɛŋ baanɩŋ, ʋ nɛ suri ʋ niiŋ ʋ nagɛ nyiniŋ sɩ joŋ kɩaa didii nɛ.

AZAAYA 30:30

La TƖƖNA jaŋ leŋ dɩ nɩaa nɩɩ ʋ baalɩŋ-yikoro, a na ʋ baaŋ-la sɩ nagɛ nyiniŋ a didii kɩaa. Duoŋ-bɩlɩmbaanɩŋ jaŋ tɔ dɩ duonuŋ nɩnɩɩ aŋ kpɩkpɩa dɩ duoŋ-tabɩaa titel.

AZAAYA 30:33

Ba gɩrɛ daasɩŋ nɛ lee-la ba sɩɩ yɩrɛ Tɔfɛf lɛ faafaa kala a gbɩgbɛrɛ Asiiria kuoro. Ba leŋe nyiŋ-la bʋa luŋ nɛ aŋ jal ma, nyiniŋ arɩ daasɩŋ yʋga nɛ a hɛ nɩmɛ. La TƖƖNA wiese jaŋ nagɛ juribiiŋ sɩ chol nyiŋgeliŋ a jomba dii.

AZAAYA 33:14

Wʋbɔŋ ŋaara-la sɩ hɛ Zaayɔŋ lɛ, fawʋllʋŋ jʋʋba nɛ. Nɩalɩŋ sɩ bɩ Wɩa ka to ka chel nɛ aŋ pɩpɩɛsɛ, “La kʋbɛɛ nɛ jaŋ wuo hɛ nyiniŋ sɩɩ dii tʋɔŋ? La kʋbɛɛ nɛ jaŋ wuo hɛ nyiŋ-la sɩɩ dii a bɩ dɩsɛ tʋɔŋ aŋ kɛŋ mɩɩsɩŋ?”

MƖKA 2:13

Mɩ nɛ jaŋ suri wombiiŋ, a laa ba sɩpaaŋ, a kɛmba lɩɩ yoŋ-baga lɛ. Mɩ-na ma TƖƖNA sɩ ŋaa ba kuoro nɛ jaŋ laa sɩpaaŋ.”

Matiu 15:10

Ŋɩɩ nɛ Yesu yɩrɛ nɩaa ba kɔ. Ʋ bʋla pɩba, “Má jegile nɩɩ woruŋ.

Maak 7:14

Ŋɩɩ nɛ Yesu bɩra yɩrɛ nɩ-daŋ ba kɔ ʋ teeŋ, ʋ bʋla pɩba, “Má kala jegile nɩɩ mɩ teeŋ woruŋ a jɩŋ wɩɩŋ deeŋ sɩaa.

Rom Tɩŋŋaa 8:31

Dɩ la nɛ jɩŋ wɩaa deemba kala, bɛɛ nɛ bɩra ka dɩ la bʋl? Dɩ Wɩa nɛ chɩŋ la harɩŋ, kʋbɛɛ ma nɛ bɩra kɛŋ doluŋ a kɩɩla?

Ɛfɛsɩs Nɩaa 5:17

Má sɩ́ nɩyaara ŋaa, má hɛ doluŋ a jɩŋ wɩalɩŋ sɩɩ tɔrɛ La Tɩɩna Wɩa tʋɔŋ a ŋɩŋaaba.

MOSIS BƖRA WULLI WƖA WOMBIIŊ 1:30

Ma TƖƖNA Wɩa sɩ laa ma sɩpaaŋ jaŋ yuo nɩalɩŋ a pɩma arɩ ʋ fa sɩ yuo Ijipiti tɩŋŋaa ŋɩɩ pɩma ma sɩɩŋ lɛ.

MOSIS BƖRA WULLI WƖA WOMBIIŊ 20:1

Dɩ laalɩŋ nɛ sii ma dɩ ma dʋndɔŋŋɔɔ pɛgɛ, dɩ ma nɛ na ba janɩŋ arɩ ba janɩŋ torukoba arɩ ba laalɩyuoroo dɩ ba yʋga kɩɩma, má sɩ́ leŋe dɩ fawʋllʋŋ kɛmma, bɛɛ wɩaa ma TƖƖNA Wɩa sɩ kɛmma kaa lɩɩ Ijipiti tinteeŋ lɛ chɩŋ ma harɩŋ nɛ.

MOSIS BƖRA WULLI WƖA WOMBIIŊ 20:4

Ma Tɩɩna Wɩa nɛ kɛmma vɩvɛŋ, ʋ jaŋ yuo dii ma dʋndɔŋŋɔɔ a pɩma.”

MOSIS BƖRA WULLI WƖA WOMBIIŊ 4:24

Ma TƖƖNA Wɩa nagɛ nyiŋgeliŋ sɩɩ belimi kɩaa nɛ, ʋ bɩ hadɔrʋŋ ka chɛ.

MOSIS BƖRA WULLI WƖA WOMBIIŊ 7:16

Tintee kala ma TƖƖNA Wɩa sɩ jaŋ joŋo hɛ ma nɩsɩŋ lɛ, má cheiba, má sɩ́ ba nenige fá. Má sɩ́ ba vesiŋ kpaarʋ. Dɩ ma nɛ ŋaa ŋɩɩ, ba jaŋ to ŋɩɩ lɛ a nyɩsa kɛmma.

MOSIS BƖRA WULLI WƖA WOMBIIŊ 7:22

Ma TƖƖNA Wɩa jaŋ kiri tinteye-la nɩaa sɩ hɛ tintee-la lɛ dɩ ba lɩɩ kʋŋ kʋŋ. Ʋ bɩ jaŋ leŋ dɩ ma guu kiri ba kala bala. Dɩ ʋ nɛ leŋe ma guu kiri ba kala bala, baga kɩaa jaŋ pʋrɩgɛ tintee-la lɛ a wʋwalɩmɛma.

MOSIS BƖRA WULLI WƖA WOMBIIŊ 9:6

Má jɩŋ arɩ ma tʋɔpʋla wɩaa dee bɩ tɩɩ ma TƖƖNA Wɩa joŋ tintee-zɔmʋŋ deeŋ a pɩma. Ma paala ŋaa nyu-duo tɩmma nɛ.

2 Tɛsalonaaka Nɩaa 1:8

Ʋ sɩ jaŋ kɔ, ʋ jaŋ nagɛ nyiŋgeliŋ a dɔgɩsɛ nɩalɩŋ sɩ bɩ Wɩa jɩŋ arɩ nɩalɩŋ sɩ bɩ La Tɩɩna Yesu wʋzɔmɔ-la ka to.

Hiburu TƖŊŊAA 12:29

bɛɛ wɩaa Wɩa nagɛ nyiŋgeliŋ nɛ a didii kɩaa.

JOSUA 11:12

Josua fa yuo dii tabalaa deemba kala nɛ a kpʋ ba kuoroo arɩ ba nɩaa kala arɩ La TƖƖNA tɩntɩnna Mosis fa sɩ dagɛ ŋɩɩ.

JOSUA 11:8

La TƖƖNA fa jomba a hɛ Iziral tɩŋŋaa laalɩyuoroo nɩsɩŋ lɛ. Ba kire kpʋba ŋɩɩ a mʋ yi tabal-la ba sɩɩ yɩrɛ Sɩdɔŋ, a joŋo mʋ Mɩsɩrɛfɔf Meem, a to ŋɩɩ mʋ Mɩzɩpa fuonaa-la sɩ hɛ wɩɩpɔsʋŋ, a kpʋ ba kala, nɩbala ma bɩ ka.

JOSUA 14:12

Lɛɛlɛ, joŋ tintee-la peelee sɩ yʋga a pɩmɛ arɩ La TƖƖNA fa sɩ bʋl ŋɩɩ pɩmɛ tapʋlɩɩ-la. Ŋ ma tɩtɩa nɩɩ ŋɩɩ Anakɩ tɩŋŋaa nɩwaayiile-la sɩ hɛ lee-la sɩ dolie nɛ. Ba tasɩ-la fa ŋaa tabalaa nɛ, ba saa kɛrɛ a golli ba kala. Ama dɩ La TƖƖNA nɛ pɛ mɩ lɛ, mɩ jaŋ yuo kiriba arɩ ʋ sɩ bʋl ŋɩɩ.”

JOSUA 3:11

dɩ La TƖƖNA sɩ tɩɩ tinteeŋ kala niiriŋ daga-la nɛ laa ma sɩpaaŋ a chol Jɔdaŋ fuo-la.

JOSUA 3:14

Bʋa-la lɛ Iziral tɩmma-la sɩ sii ba dɩhɔnʋŋ dɩ ba chol Jɔdaŋ fuoŋ, Wɩɩsʋllɩ sɩpaalaaraa sɩ chʋŋ Wɩa niiriŋ daga-la nɛ laa ba sɩpaaŋ.

SƖPAALAARAA 4:14

Ŋɩɩ nɛ Debora bʋla pɩ Barak, “Jɩnɩŋ La TƖƖNA joŋ Sɩsɛra a hɛ ŋ nɩsɩŋ lɛ nɛ, ŋɩɩ wɩaa mʋ! La TƖƖNA paala laa ŋ sɩpaaŋ a mʋ nɛ dɩ ʋ yuou pɩŋ.” Barak sii peel-la ba sɩɩ yɩrɛ Tabɔ nyuŋ a tuu, ʋ laalɩyuoroo bʋɩ fii ma to ʋ harɩŋ.