MOSIS BƖRA WULLI WƖA WOMBIIŊ 8:2 - WƖA TENIŊ

² Má liisi jɩsɩŋ mahɩŋ balɩa-la kala ma TƖƖNA Wɩa sɩ kɛmma kaa vɩvɛŋ tintee-hɩlɩɩ-la lɛ. Ʋ ŋaa wɩaa ma lɛ dɩ ma sɩaa tuu tinteeŋ nɛ, aŋ magɩsɛma dɩ ʋ na ma jaŋ to wɩalɩŋ ʋ sɩ daga koo ma bɩ to.

MOSIS BƖRA WULLI WƖA WOMBIIŊ 8:2 ပူးပေါင်းရင်းမြစ်များ

WƖAA DƖ-SUOMUŊ 22:1

Ʋ sɩ yi bʋa kʋbala Wɩa chɩchɛ dɩ ʋ na Abɩraham laa ʋ wɩaa dii nɛ, ŋɩɩ nɛ ʋ yɩrʋ, “Abɩraham!” Ʋ sɛɩ a bʋl, “Namɛ nɛ ŋ-la!”

2 IZIRAL TƖŊŊAA NAABARƖŊ 32:31

Ama Babɩlɔŋ kuoro sɩ tɩŋ nɩaa dɩ ba kʋ pɩɛsɛ Hezikaaya wɩaa a tɩgɛ wʋmagɩl-la Wɩa sɩ joŋo ŋaa tintee-la lɛ, Wɩa fa leŋu nɛ ka dɩ ʋ na wɩɩ-la sɩ hɛ ʋ tʋɔŋ lɛ.

2 IZIRAL TƖŊŊAA NAABARƖŊ 33:12

Ʋ sɩ hɛ nɩmɛ a nɩna hɛɛŋ, ʋ leŋ ʋ sɩaa tuu tinteeŋ ʋ nyɩmmaba Wɩa teeŋ, aŋ sʋl ʋ TƖƖNA Wɩa dɩ ʋ pɛ ʋ lɛ.

2 IZIRAL TƖŊŊAA NAABARƖŊ 33:19

Ʋ sɩ sʋl Wɩa arɩ ŋɩɩ Wɩa sɩ laa ʋ sʋla, ʋ sɩ vɩa Wɩa aŋ ŋaa wʋbɔmɔ-la kala aŋ bɩrɩma lɩɩ ba lɛ, ʋ sɩ ŋaa veŋ-kpaarɛ lere-la, a joŋ Asɩra daasɩŋ pɛ, tɔmɔ-la ʋ sɩ kpaara lɛ, ba kala nɛ ba ŋmʋnsa hɛ Wɩa wʋlaabʋllaa tenniŋ tʋɔŋ.

NƐHƖMAAYA 9:19

A tɩŋ ŋ sɩ faasa fɩfá nɩaa nenige wɩaa, ŋ bɩ ba vɩa ta tintee-hɩlɩŋ lɛ. Wɩɩhɛyɛ, duoŋ-bɩlɩmbaaŋ-la sɩ nagɛ jebiiŋ bɩ ba harɩŋ mɩɩra, nyiŋ-la ma sɩ nagɛ jebiiŋ a chaanɛ pʋlʋmʋŋ pɩpɩba a dɩdagɛba wombii-la ba sɩ jaŋ to bɩ ba harɩŋ mɩɩra.

JOB 33:17

Ʋ yie to ŋɩɩ lɛ dɩ ʋ kɛŋ nuhuobiine bɩrɩma lɩɩ wʋbɔŋŋɔɔ ŋaanɩŋ lɛ, a lɩɩsʋ babiibal wɩaa lɛ.

WƖA YƖƖLAA 103:2

Mɩɩ dɛnnɛ La Tɩɩna nɛ arɩ mɩ tʋɔŋ kala. Mɩ bɩ jaŋ yʋ wʋzɔmɔ-la kala ʋ sɩ ŋaa pɩmɛ.

WƖA YƖƖLAA 106:7

Bʋa-la lɛ la naabalɩmaba sɩ hɛ Ijipiti tinteeŋ lɛ, ba bɩ wʋkpuŋkperisi-la ŋ sɩ ŋaa wɩaa liise. Ba bɩ ŋ chono-la sɩ bɩ dɛrɛ ma wɩaa liise, aŋ lɩɩ ŋ-na Wɩa sɩ kɩɩ kʋŋkala harɩŋ Mʋgʋ-fɩaŋ leriŋ.

WƖA YƖƖLAA 136:16

La Tɩɩna nɛ kɛŋ ʋ nɩaa Iziral tɩŋŋaa a gɔllɛ tintee-hɩlɩŋ lɛ. Ʋ chonuŋ bɩ dɛrɛ.

WƖA YƖƖLAA 77:11

Mɩ jaŋ liise yi wʋduoru-la La Tɩɩna sɩ ŋaa lɛ. Mɩ jaŋ liise yi wʋkpuŋkperisi-la ŋ sɩ ŋaa faafaa kala lɛ.

WƖA YƖƖLAA 81:7

Hɛɛŋ sɩ jʋʋma, ma yɩrɛmɛ, mɩ hɛ duoŋ-bɩlɩmbaanaa tʋɔŋ nɛ, aŋ nɩɩ a laama ta. Mɛrɩba lɩɩrɩ-la leriŋ, mɩ magɩsɛma.

MOSIS KƐŊ IZIRAL TƖŊŊAA LƖƖ 15:25

Ŋɩɩ nɛ Mosis bunso pɩ La TƖƖNA. La TƖƖNA dagʋ daaŋ ʋ joŋo yuo hɛ lɩɩ-la lɛ ʋ zɔŋ arɩ nyʋanʋŋ. Nɩmɛ nɛ La TƖƖNA bil wombiee pɩba a magɩsɛba.

MOSIS KƐŊ IZIRAL TƖŊŊAA LƖƖ 16:35

Ŋɩɩ nɛ Iziral tɩŋŋaa dii ‘mana-la’ halɩɩ jɩsɩŋ mahɩŋ balɩa a kaa mʋ yi bʋa-la lɛ ba sɩ yi Kɛnaŋ tintee-la lɛ ba sɩ hɔnɔ.

MOSIS KƐŊ IZIRAL TƖŊŊAA LƖƖ 16:4

Ŋɩɩ nɛ La TƖƖNA bʋla pɩ Mosis, “Mɩ jaŋ leŋ dɩ kʋdiilee lɩɩ wɩa-nyuŋ kʋ tuu a pɩma a nagɛ duonuŋ sɩ yie lɩɩ wɩa-nyuŋ kʋʋ tuu ŋɩɩ. Tapʋlɩɩ na-kala nɩalɩŋ jaŋ lɩɩ paa ba sɩ jaŋ wuo dii magɛ ŋɩɩ. Mɩɩ chɛ dɩ mɩ magɩsɛba a na ba jaŋ to wɩalɩŋ mɩ sɩ dagɛba koo ba bɩ jaŋ to.

MOSIS KƐŊ IZIRAL TƖŊŊAA LƖƖ 20:20

Ŋɩɩ nɛ Mosis bʋla pɩba, “Má sɩ́ leŋe dɩ fawʋllʋŋ kɛmma, Wɩa kɔ dɩ ʋ magɩsɛma a na nɛ dɩ ma fɩfáʋ a sɩ́ wʋbɔŋ wɩaa ŋaa.”

NAMAGABA 17:3

Ba yie joŋ sɛlɩmɛ koo hɔpʋla a hɛ chefuguŋ-bʋa nyiniŋ lɛ nɛ a ŋmɩɛra lɩɩsɛ ʋ disiniŋ. Ama La Tɩɩna nɛ yie magɩsɛ nuhuobiine tʋɔŋ a na dɩ ʋ zɔmɔ koo ʋ bɩ zɔŋ.

AZAAYA 2:17

Nuhuobiine dagɛ ŋ-tɩtɩɩ arɩ ʋ babii-ballɩŋ kala jaŋ dɛrɛ. La TƖƖNA yɩrɩŋ dʋndʋŋa nɛ jaŋ yɩyɩrɛ.

JƐRƖMAAYA 2:6

Ba bɩ pɩɛsa chɛmɛ a bʋl, ‘Nɩɩ nɛ La TƖƖNA hɛ?’ Nɩɩ-la sɩ laala ta Ijipiti tɩŋŋaa nɩsɩŋ lɛ a kɛnla lɩɩ, a vɛŋ tintee-hɩlɩŋ tʋɔŋ. Tintee-la fa ŋaa tintee-hɩlɩɩ nɛ, a kɛŋ buotuonuŋ sɩ luŋie. Duonuŋ bɩ nɩmɛ ka nɩɩ, lee-la sɩ bire, nʋʋkala bɩ nɩmɛ ka vɛŋ. Nʋʋkala ma bɩ lee-la hɔnɔ.

ƐZƖKƖƐL 20:19

Mɩ nɛ ma TƖƖNA Wɩa, má to mɩ niiŋ wɩalɩŋ mɩ sɩ dagɛma, a fɩɛlɛ ma sɩaa to mɩ wombie-la mɩ sɩ bile dɩ ma tuto.

AMƆS 2:10

Mɩ nɛ kɛmma kaa kʋ lɩɩ Ijipiti tinteeŋ lɛ, a kɛmma gɔllɛ tintee-hɩlɩŋ lɛ jɩsɩŋ mahɩŋ balɩa a joŋ Amɔrɩ tɩŋŋaa tinteeŋ pɩma.

NAMBABA 14:33

Ma biiriŋ jaŋ ŋaa kʋdaaraa daha jɩsɩŋ mahɩŋ balɩa. Ba jaŋ na hɛɛŋ a tɩŋ ma sɩ bɩ wʋtɩtɩɩ kɛnɛ wɩaa, see dɩ ma kala sʋʋ dɛrɛ tintee-hɩlɩŋ deeŋ lɛ.

Luuk 18:14

Ŋɩɩ nɛ Yesu bɩra bʋl, “Mɩ jaŋ bʋla pɩma arɩ Wɩa joŋ lampoo laarʋ-la wʋbɔŋŋɔɔ chɛʋ nɛ, ʋ mʋ dɩa. Ama ʋ bɩ ŋɩɩ ŋaa Farisii tɩɩna-la lɛ. Nɩɩ-la kala sɩɩ bigisi ʋ tɩtɩa lɛ, Wɩa jaŋ kɛnʋ muuri. Ama nɩɩ-la sɩ kɛŋ ʋ tɩtɩa muuri, Wɩa jaŋ ŋaa dɩ ʋ yʋgɛ.”

Jɔɔŋ 2:25

Ʋ fa bɩ maga dɩ nʋʋkala bɩra bʋl nuhuobiinee wɩaa pʋ, bɛɛ wɩaa ʋ jɩŋ nuhuobiinee tʋɔŋ wʋkɛnɩŋ kala nɛ.

MOSIS BƖRA WULLI WƖA WOMBIIŊ 1:3

Iziral tɩŋŋaa sɩ lɩɩ Ijipiti tinteeŋ lɛ jɩsɩŋ mahɩŋ balɩa tʋɔŋ, chɛŋ fii arɩ kʋbala tapʋl-bumbuŋ lɛ nɛ Mosis bʋl wɩalɩŋ kala La TƖƖNA sɩ dagʋ a tɩgɛ ba lɛ a pɩba.

MOSIS BƖRA WULLI WƖA WOMBIIŊ 1:33

Ʋ fa yie laa ma sɩpaaŋ nɛ tɩtaŋɩŋ a nagɛ nyiniŋ, a laa ma sɩpaaŋ wɩɩhɛyɛ a nagɛ duoŋ-bɩlɩmbaanɩŋ aa dagɛma lere-la ma sɩ jaŋ to arɩ lere-la ma sɩ jaŋ hɔŋ.

MOSIS BƖRA WULLI WƖA WOMBIIŊ 13:3

má sɩ́ jegile nɩɩ ʋ teeŋ. Ma Tɩɩna Wɩa to ŋɩɩ lɛ nɛ dɩ ʋ magɩsɛma a na arɩ ma chou arɩ ma tʋɔŋ arɩ ma wɩɩ-wɩɩkala nɛ.

MOSIS BƖRA WULLI WƖA WOMBIIŊ 2:7

Ma TƖƖNA Wɩa pɛ ma lɛ nɛ woruŋ ma tɩntɩmɩɩ-kala lɛ. Ʋ beŋ ma nyuŋ nɛ bʋa-la kala lɛ ma sɩɩ vɛŋ tintee-hɩlɩŋ deeŋ tʋɔŋ. Jɩsɩŋ mahɩŋ balɩa-la kala ma TƖƖNA Wɩa sɩ kɛmma baarɛ tintee-hɩl-jalɩŋ deeŋ lɛ, ʋ hɛ ma teeŋ nɛ, ma bɩ kʋŋkala chɛ ka.

MOSIS BƖRA WULLI WƖA WOMBIIŊ 29:5

Jɩsɩ-la mahɩŋ balɩa mɩ sɩ kɛmma vɛŋ tintee-hɩlɩɩ-la lɛ, ma gɛnnɩŋ bɩ kɔsɔ, ma nɛntɛŋŋɛɛ ma bɩ dii dɛrɛ.

MOSIS BƖRA WULLI WƖA WOMBIIŊ 32:7

Má liisi wɩalɩŋ sɩ ŋaa faafaa, a pɩɛsɛ ma nyɩmmaba dɩ ba bʋl wɩalɩŋ sɩ ŋaa a pɩma, má pɩɛsɛ ma nɩhɩasɩŋ ma, dɩ ba dagɛ wɩalɩŋ pɩma.

MOSIS BƖRA WULLI WƖA WOMBIIŊ 7:18

Ama má sɩ́ leŋe dɩ fawʋllʋŋ kɛmma a tɩŋ ba wɩaa. Má liisi wɩalɩŋ ma TƖƖNA Wɩa sɩ joŋo ŋaa Ijipiti tinteeŋ kuoro arɩ Ijipiti tɩŋŋaa kala lɛ.

MOSIS BƖRA WULLI WƖA WOMBIIŊ 8:16

Ʋ pɩma kʋdiile-la ba sɩɩ yɩrɛ ‘Mana’ nɛ tintee-hɩlɩɩ-la lɛ, kɩalɩŋ ma dɩ ma nyɩmmaba kʋŋkala ha sɩ bɩ die aŋ ka. Ʋ ŋaa ŋɩɩ a magɩsɛma nɛ dɩ ma sɩaa tʋʋ tinteeŋ, dɩ wɩaa vɛŋ woruŋ a pɩma.

Jeems 1:3

bɛɛ wɩaa dɩ ma nɩɩ na hɛɛŋ wɩɩ lɛ aŋ ha laa Wɩa dii, ŋɩɩ lɛ nɛ ma jaŋ kɛŋ kanyalɩma.

Jeems 4:10

Má kɛŋ ma tɩtɩa muuri Wɩa sɩpaaŋ. Dɩ ma nɛ ŋaa ŋɩɩ, ʋ jaŋ kɛmma je.

Jeems 4:6

Ama Wɩa fá la nenige nɛ woruŋ a pɩpɛ la lɛ dɩ la joŋ la tɩtɩa kala a pʋ. Ŋɩɩ nɛ tɩɩ ba ŋmʋnsɛ Wɩa teniŋ tʋɔŋ arɩ Wɩa vɩa nɩalɩŋ sɩɩ bigisi ba tɩtɩa lɛ nɛ aŋ pɩpɛ nɩalɩŋ sɩ kɛŋ ba tɩtɩa muuri lɛ.

1 Pɩɩta 1:7

Wɩaa deemba jʋʋma dɩ ba magɩsɛ ŋɩɩ ma sɩ laa Wɩa dii nɛ, a leŋ nɩaa wuo na arɩ ʋ sɛnɛ ŋaa wʋtɩtɩɩ nɛ. Ʋ nagɛ sɛlɩmɛ ba sɩ joŋo chɔ a yʋgɩlɛ dɩ ba na ʋ sɛnɛ ŋaa sɛlɩmɛ nɛɛ? Ba sɩ joŋ sɛlɩmɛ chɔ ŋɩɩ ma kala, ʋ bɩ dieni ka dɩ ʋ chei. Ma Wɩa laa diiniŋ nɛ yuŋŋie a kɩɩ sɛlɩmɛ. Ba sɩ magɩsɛma na ŋɩɩ, tapʋlɩɩ-la Yesu Kirisito sɩ jaŋ mɩɩra kɔ, nɩaa jaŋ dɛnnɛ Wɩa a zizilu dɩ ʋ yɩrɩŋ yɩrɛ a tɩŋ wɩalɩŋ ma sɩ laa dii wɩaa.

Jɔɔŋ Wʋnaalaa 2:23

Mɩ jaŋ ŋmoo ʋ harɩ-tooroo kala kpʋ. Dɩ mɩ nɛ ŋaa ŋɩɩ, nɩalɩŋ kala sɩ laa Yesu wɩaa dii aa hilimi jaŋ jɩŋ arɩ mɩ jɩŋ nʋʋkala tʋɔbɩɩnaa nɛ. Nʋʋkala sɩ tɩma magɛ ŋɩɩ, ŋɩɩ nɛ mɩ jaŋ timu magɛ.

SƖPAALAARAA 2:22

Mɩ jaŋ kɛŋ tinteye-la a magɩsɛ Iziral tɩŋŋaa, a na dɩ ba jaŋ to mɩ wombiiŋ arɩ ba naabalɩmaba sɩ to ŋɩɩ koo ba bɩ jaŋ to.”

SƖPAALAARAA 3:4

Ʋ lemba dɩ ʋ kɛmba magɩsɛ Iziral tɩŋŋaa a na ba jaŋ to niiri-la ʋ sɩ to Mosis lɛ a bile pɩ ba naabalɩmaba nɛɛ.