MOSIS BƖRA WULLI WƖA WOMBIIŊ 7:9 - WƖA TENIŊ

⁹ Ŋɩɩ wɩaa, ʋ maga dɩ ma jɩŋ arɩ La TƖƖNA Wɩa dʋndʋŋa nɛ Wɩa, ʋ nɛ kɛŋ wʋtɩtɩɩ. Ʋ jaŋ leŋ dɩ nii-la sɩ hɛ ma dɩ ʋ pɛgɛ chɩŋ. Ʋ jaŋ dagɛ ʋ chonuŋ a pɩ nɩalɩŋ kala sɩ chou a tuto wɩalɩŋ kala ʋ sɩ daga doho doho bʋɩba.

MOSIS BƖRA WULLI WƖA WOMBIIŊ 7:9 ပူးပေါင်းရင်းမြစ်များ

WƖAA DƖ-SUOMUŊ 17:7

Mɩ jaŋ leŋ dɩ nii-la mɩ sɩ bile mɩ dɩ ŋ doho nɩaa arɩ nɩalɩŋ sɩ jaŋ to ŋ harɩŋ kɔ pɛgɛ, dɩ ʋ chɩŋ kpaŋkpaŋ a kaa mʋ wuu. Mɩ jaŋ ŋaa ŋ dɩ nɩalɩŋ sɩ jaŋ to ŋ harɩŋ kɔ Wɩa.

WƖAA DƖ-SUOMUŊ 28:15

Bee-na, mɩ chɩŋ ŋ harɩŋ nɛ aa beniŋ lee-la kala ŋ sɩɩ mʋ. Mɩ jaŋ kɛnɩŋ mɩɩra kɔ tinteeŋ deeŋ. Mɩ bɩ jaŋ leŋiŋ, see mɩ sɩ ŋaa wɩɩ-la mɩ sɩ sɩ mɩ jaŋ ŋaa pɩŋ.”

WƖAA DƖ-SUOMUŊ 9:15

mɩ jaŋ liisi nii-la mɩ sɩ bile mɩ dɩŋ pɛgɛ arɩ kɩalɩŋ kala sɩ weye a ŋaa doho doho a hɛ dʋnɩa lɛ. Mɩ bɩra bɩ jaŋ leŋ dɩ lɩɩ-balɩŋ kʋ chei kɩalɩŋ mɩɩsɩŋ kala.

1 KUOROO 8:23

aŋ chʋɔlɛ Wɩa a bʋl: “Ou, La TƖƖNA, Iziral tɩŋŋaa Wɩa, kʋŋkala tuo wɩa-nyuŋ koo tinteeŋ lɛ a magɩŋ. Ŋ sɩ cho ŋ nɩaa a hɛ nii-la ŋ dɩ ba pɛgɛ, ŋ bɩ ʋ wɩaa yʋa. Ŋ yie chɩŋ ŋ nɩalɩŋ sɩ kɛŋ ba tʋɔŋ kala a tuto wɩalɩŋ ŋ sɩ daga harɩŋ nɛ.

1 IZIRAL TƖŊŊAA NAABARƖŊ 16:15

Ʋ bɩ nii-la ʋ sɩ bile ʋ dɩ ma pɛgɛ ka yʋ, nii-la sɩ hɛ nɩmɛ a kaa mʋ wuu,

2 IZIRAL TƖŊŊAA NAABARƖŊ 6:14

Ŋɩɩ nɛ ʋ chʋɔlɛ Wɩa a bʋl: “Ou, La TƖƖNA, Iziral tɩŋŋaa Wɩa, kʋŋkala tuo wɩa-nyuŋ koo tinteeŋ lɛ a magɩŋ. Ŋ sɩ cho ŋ nɩaa a hɛ nii-la ŋ dɩ ba pɛgɛ, ŋ bɩ ʋ wɩaa yʋa. Ŋ yie chɩŋ ŋ nɩalɩŋ sɩ kɛŋ ba tʋɔŋ kala a tuto wɩalɩŋ ŋ sɩ daga harɩŋ nɛ.

NƐHƖMAAYA 1:5

Ŋɩɩ nɛ mɩ bʋl, “Ou, La TƖƖNA Wɩa, ŋ sɩ hɛ ŋ jaŋ lɛ, ŋ kɛŋ doluŋ nɛ woruŋ, la chaasa fɩfáŋ. Ŋ kɛŋ nii-la sɩ hɛ ŋ dɩ ŋ nɩaa pɛgɛ kaa tɩtɩŋ nɛ arɩ wʋtɩtɩɩ, nɩalɩŋ sɩ choŋ a tuto ŋ wʋdagaa.

NƐHƖMAAYA 9:32

Lɛɛlɛ la Wɩa, ŋ nɛ yʋga a kɛŋ doluŋ nɩaa fɩfáŋ, ŋ sɩ cho ŋ nɩaa a hɛ nii-la ŋ dɩ ba pɛgɛ, ŋ kaa tɩtɩŋ nɛ. Sɩ́ bee kieli hɛɛ-la la sɩ na a chɩŋ bʋa-la lɛ Asiiria kuoroo sɩ dɔgɩsɛla a kaa kɔ jɩnɩŋ. La kuoroo arɩ la sɩpaalaaraa, la ŋ Wɩɩsʋllɩ sɩpaalaaraa arɩ ŋ wʋlaabʋllaa, la naabalɩmaba arɩ ŋ nɩaa kala nɛ na hɛɛ-la.

WƖA YƖƖLAA 103:18

nɩalɩŋ sɩ kɛŋ nii-la sɩ hɛ ʋ dɩ ba pɛgɛ tɩtɩŋ, aŋ liise yi niiri-la ʋ sɩ bile pɩba dɩ la tuto lɛ, a sɛɩba.

WƖA YƖƖLAA 105:8

Ʋ bɩ nii-la ʋ sɩ bile ʋ dɩ ma pɛgɛ ka yʋ, nii-la sɩ hɛ nɩmɛ a kaa mʋ wuu,

WƖA YƖƖLAA 119:75

La Tɩɩna, mɩ jɩma ŋŋ dii sarɩya ʋ bʋa lɛ nɛ. Ŋ dɔgɩsɛmɛ wʋtɩtɩɩ bʋa lɛ nɛ.

WƖA YƖƖLAA 146:6

La Tɩɩna nɛ ŋaa wɩa-nyuŋ, tinteeŋ, mʋgʋ-balɩŋ arɩ kʋŋ na-kala sɩ hɛ ba lɛ. Wɩa kɛŋ wʋtɩtɩɩ arɩ wɩalɩŋ kala ʋ sɩ bʋla lɛ nɛ a kaa mʋ wuu.

WƖA YƖƖLAA 36:6

La Tɩɩna, ŋ tʋɔpʋla leŋie a magɛ peel-balaa nɛ, ŋ wʋtɩtɩɩ ma luŋ a magɛ mʋgʋ-balɩŋ. Ŋ nɩɩ beŋ nuhuobiinee arɩ pʋsʋŋ kala.

MOSIS KƐŊ IZIRAL TƖŊŊAA LƖƖ 20:6

Ama nɩalɩŋ sɩ chomi a tuto mɩ niiriŋ, mɩ jaŋ dagɛ mɩ chonuŋ a pɩba arɩ ba biiriŋ arɩ ba nihee arɩ ba nihi-lɩɛrɛba a kaa mʋ wuu.

AZAAYA 49:7

Iziral tɩŋŋaa, Wɩa sɩ bɩ disiniŋ kɛnɛ, a ŋaa ba laataara bʋla pɩ nɩɩ-la Iziral tɩŋŋaa sɩ bɩ ʋ wʋŋaalaa cho a bɛrɛ, a ŋaa kuoroo tɩntɩnnʋ: “Kuoroo jaŋ naŋ a sii chɩŋ, dɩ kuori-biiriŋ ma naŋ a tuu kpirimi. Wɩaa deemba kala jaŋ ŋaa, bɛɛ wɩaa mɩ-na ma TƖƖNA Iziral tɩŋŋaa Wɩa sɩ bɩ disiniŋ kɛnɛ sɩ lɩɩsɛ mɩ tɩntɩnna, kɛŋ wʋtɩtɩɩ nɛ.”

JƐRƖMAAYA 32:18

Ŋ yie dagɛ ŋ chonuŋ a pɩ nɩaa bʋɩba nɛ, ama ŋ yie dɔgɩsɛ nɩaa biiriŋ arɩ ba nihee a tɩŋ ba nyɩmmaba wʋbɔŋŋɔɔ wɩaa. Ŋ nɛ Wɩa sɩ faasa kɛŋ doluŋ, ŋ yɩrɩŋ nɛ La TƖƖNA, doluŋ kala Tɩɩna.

JEMBIEE 3:23

Chʋchʋɔ na-kala ba yie bɩrɩmɛ wʋfalɩa nɛ. Ŋ wʋtɩtɩɩ chaasa yʋgɛ nɛ.

DANƖƐL 9:4

Mɩ sɩɩ sʋl mɩ TƖƖNA Wɩa ŋɩɩ, mɩ dagɛ wʋbɔmɔ-la mɩ nɩaa sɩ ŋaa a bʋl: “La TƖƖNA ŋ nɛ Wɩa sɩ yʋga a kɛŋ fawʋllʋŋ. Ŋ kɛŋ wʋtɩtɩɩ nɛ nii-la sɩ hɛ la dɩ ŋ pɛgɛ. Ŋ dagɛ ŋ chono-la sɩ bɩ dɛrɛ a pɩ nɩalɩŋ sɩ choŋ a ŋɩŋaa wɩalɩŋ ŋ sɩ daga nɛ.

NAMBABA 14:18

Ŋ-na La TƖƖNA baanɩŋ bɩ lɩma lɩma ka sii, ŋ kɛŋ chonuŋ arɩ wʋtɩtɩɩ, a joŋ nɩaa wʋbɔŋŋɔɔ arɩ ba wʋcheelee aa chɛba, a bɩ nɩalɩŋ sɩ ŋaa wɩaa chei ka leŋ pɛɩ. Ŋ yie dɔgɩsɛ nyɩmmaba biiriŋ arɩ ba nihee arɩ ba nihi-lɩɛrɛba a tɩŋ ba nyɩmmaba wʋbɔŋŋɔɔ wɩaa.

Rom Tɩŋŋaa 8:28

La jɩma wɩɩkala lɛ, Wɩa yie leŋ wɩaa zɔŋ nɛ a pɩ nɩalɩŋ sɩ chou, nɩalɩŋ ʋ sɩ lɩɩsa ʋ tʋɔtɔrʋŋ lɛ.

1 Kɔrɩntɩ Nɩaa 1:9

Wɩa kɛŋ wʋtɩtɩɩ. Ʋ nɛ yɩrɛma dɩ ma dɩ ʋ Bie Yesu Kirisito kʋ ŋaa kʋbala. Ʋ nɛ ŋaa La Tɩɩna.

1 Kɔrɩntɩ Nɩaa 10:3

Ba kala dii kʋdiile-la Wɩa sɩ joŋo lo a pɩba nɛ,

1 Kɔrɩntɩ Nɩaa 8:3

Ama dɩ nʋʋ nɛ cho Wɩa, Wɩa jɩŋ ʋ tɩɩna nɛ.

2 Kɔrɩntɩ Nɩaa 1:18

Ma jɩma woruŋ arɩ Wɩa kɛŋ wʋtɩtɩɩ. Ŋɩɩ wɩaa wɩalɩŋ kala la sɩ bʋla pɩma ŋaa wʋtɩtɩɩ nɛ, la bɩ niiriŋ balɩa ka bʋl.

MOSIS BƖRA WULLI WƖA WOMBIIŊ 32:39

Má bee na, mɩ-na nɛ Wɩa, Wɩa dɔŋ bɩra tuo. Mɩ yie kpʋ nɛ aŋ bɩra chɩsɛ, a pɩrɛ aŋ vaarɛ, nʋʋkala bɩ jaŋ wuo laa nʋʋ ta mɩ nɩsɩŋ lɛ.

MOSIS BƖRA WULLI WƖA WOMBIIŊ 32:4

Ʋ doluŋ nagɛ bʋŋ nɛ, a ŋɩŋaa wɩaa ba bʋa lɛ. Ʋ kɛŋ tɛŋɛ nɛ woruŋ ʋ wombiee kala lɛ. Ʋ ŋaa Wɩa sɩ kɛŋ wʋtɩtɩɩ a bɩ wɩaa ka chei nɛ.

MOSIS BƖRA WULLI WƖA WOMBIIŊ 4:35

La TƖƖNA ŋaa wɩaa deemba kala dɩ ʋ dagɛma nɛ, dɩ ma jɩŋ arɩ ʋ dʋndʋŋa nɛ ŋaa Wɩa, wɩa dɔŋ bɩra tuo.

MOSIS BƖRA WULLI WƖA WOMBIIŊ 4:39

Ma jɩŋ woruŋ jɩnɩŋ a sɩ́ yʋ, La TƖƖNA nɛ ŋaa wɩa-nyuŋ arɩ tinteeŋ kala Wɩa, wɩa dɔŋ bɩra tuo.

MOSIS BƖRA WULLI WƖA WOMBIIŊ 5:10

Ama nɩalɩŋ sɩ chomi a tuto mɩ niiriŋ, mɩ jaŋ dagɛ mɩ chonuŋ a pɩba arɩ ba doho doho bʋɩba sɩ jaŋ to ba harɩŋ kɔ.

1 Tɛsalonaaka Nɩaa 5:24

Nɩɩ-la sɩ yɩrɛma ŋaa Wʋtɩtɩɩ Tɩɩna nɛ, ʋ jaŋ bemma.

2 Tɛsalonaaka Nɩaa 3:3

Ama La Tɩɩna Yesu kɛŋ wʋtɩtɩɩ. Ʋ jaŋ pɩma doluŋ a lɩɩsɛma Sɩtaanɩ nɩsɩŋ lɛ.

2 Timoti 2:13

Dɩ la nɛ bɩ ʋ ka to arɩ wʋtɩtɩɩ, ʋ-na ha kɛŋ wʋtɩtɩɩ nɛ, bɛɛ wɩaa ʋ bɩ jaŋ wuo nyɩsɛ ʋ tɩtɩa.

Taatɩs 1:2

Nɩalɩŋ sɩɩ to Wɩa wombiiŋ deeŋ, baa yɩɛlɛ arɩ ba jaŋ kɛŋ mɩɩsɩ-la sɩ bɩ dɛrɛ. Wɩa fa bʋl wɩaa a tɩgɛ mɩɩsɩŋ deeŋ lɛ faafaa kala nɛ, ka dʋnɩa-na suomi. Wɩa bɩ wɩaa ka nyɩɛ, ʋ jaŋ ŋaa wɩɩ-la.

Hiburu TƖŊŊAA 10:23

Ŋɩɩ wɩaa, wɩalɩŋ la sɩ laa dii, má leŋ dɩ laa yɩɛlɛ wɩalɩŋ, a chɩŋ ba lɛ kpaŋ kpaŋ, a sɩ́ begilu mʋa ma, bɛɛ wɩaa Wɩa kɛŋ wʋtɩtɩɩ nɛ. Kɩalɩŋ ʋ sɩ sɩ ʋ jaŋ joŋo pɩla, la laa dii arɩ la jaŋ naba.

Hiburu TƖŊŊAA 11:11

Ŋɩɩ tɩtɩa nɛ Abɩraham haala Saara ma laa Wɩa wɩaa dii. Saara fa ŋaa hapɩrɩ nɛ. Abɩraham arɩ ʋ haala kala fa hɩɛsa nɛ woruŋ, ka Wɩa wuo pɛ ba lɛ ba lʋl bie. Sara jɩma arɩ Wɩa kɛŋ wʋtɩtɩɩ nɛ. Ŋɩɩ wɩaa ʋ laa dii arɩ ʋ jaŋ na kʋ-la Wɩa sɩ sɩ ʋ jaŋ joŋo pʋ.

Hiburu TƖŊŊAA 6:18

Wɩa saa ŋaa wɩaa balɩa nɛ. Ʋ sɩ wuo bʋl wɩɩ-la aŋ pɛ ŋmɩɛsɛ ŋɩɩ, wɩaa deemba balɩamɩŋ bɩra bɩ jaŋ kɔ dɩ ba bɩrɩma, bɛɛ wɩaa Wɩa bɩ wɩaa nyɩɛ. Ŋɩɩ wɩaa, la nɩalɩŋ sɩ fá mʋ Wɩa teeŋ dɩ ʋ laala ta nyuŋ nyaasɛ nɛ dɩ la kɛŋ yɩɛlaa woruŋ a mʋ tɩgɛ wɩalɩŋ Wɩa sɩ sɩ ʋ jaŋ ŋaa pɩla lɛ.

Jeems 1:12

Wɩa jaŋ pɛ nɩɩ-la wɩɩŋ sɩ jʋa lɛ, aŋ ka ʋ wuo nyalɩmɛ a chɩŋ. Ʋ sɩ wuo nyalɩmɛ ŋɩɩ, Wɩa jaŋ joŋ mɩɩsɩ-la sɩ bɩ dɛrɛ a timu, mɩɩsɩ-la ʋ sɩ sɩ ʋ jaŋ joŋo pɩ nɩalɩŋ kala sɩ chou.

1 Jɔɔŋ 1:9

Ama dɩ la nɛ sɛyɛ arɩ la ŋaa wʋbɔŋŋɔɔ nɛ a dagɛ la wʋbɔmɔ-la a pʋ, Wɩa kɛŋ wʋtɩtɩɩ, ʋ jaŋ wuo joŋ la wʋbɔŋŋɔɔ a chɛla a chɛsɛ la wʋbɔŋŋɔɔ kala ta.

SƖPAALAARAA 2:1

Ŋɩɩ nɛ Wɩa tɩndaara lɩɩ Gɩlɩgal lɛ a mʋ Bokim a bʋla pɩ Iziral tɩŋŋaa, “Mɩ kɛmma lɩɩ Ijipiti tinteeŋ lɛ nɛ, a kɛmma kaa mʋ tintee-la mɩ sɩ hɛ niiŋ arɩ mɩ jaŋ joŋo pɩ ma naabalɩmaba. Mɩ sɩ, ‘Mɩ bɩ jaŋ kɔ dɩ mɩ leŋe dɩ niiŋ deeŋ birigi.

SƖPAALAARAA 5:31

La TƖƖNA, a leŋ dɩ ŋ dʋndɔŋŋɔɔ kala sʋʋ a nagɛ Sɩsɛra, aŋ leŋ dɩ nɩalɩŋ sɩ choŋ chaanɛ a nagɛ wɩɩpɔsʋŋ.” Ŋɩɩ nɛ Iziral tɩŋŋaa hɔŋ tintee-la lɛ arɩ fɩɛlɩŋ jɩsɩŋ mahɩŋ balɩa.