MOSIS BƖRA WULLI WƖA WOMBIIŊ 7:2 - WƖA TENIŊ

² Dɩ ma TƖƖNA Wɩa nɛ jomba hɛ ma nɩsɩŋ lɛ dɩ ma yuo dii, má sɩ́ ba nenige fá, má chei ba kala. Má sɩ́ leŋe ma dɩ ba pɛ nii.

MOSIS BƖRA WULLI WƖA WOMBIIŊ 7:2 ပူးပေါင်းရင်းမြစ်များ

WƖAA DƖ-SUOMUŊ 14:20

Mɩɩ dɛnnɛ Wɩa sɩ kɩɩ kʋŋkala sɩ joŋ ŋ dʋndɔŋŋɔɔ hɛ ŋ nɩsɩŋ lɛ.” Ŋɩɩ nɛ Abɩram kɛŋ kɩalɩŋ kala ka kpaa puguloo fii a joŋ dɔŋɔ pɩ Mɛlɩkɩzɛdɛk.

2 SAMƲƐL 21:2

Ŋɩɩ nɛ Devit yɩrɛ Gibioŋ tɩŋŋaa kala hɛ dɔŋɔ. (Gibioŋ tɩmma-la fa bɩ Iziral tɩmma ŋaa, ba ŋaa Amɔrɩ tɩŋŋaa nɩkaanaa nɛ, Iziral nɩaa fa ŋmɩɛsa pɩba nɛ arɩ ba bɩ jaŋ kpʋba, ka Sɔɔl chɩchɛ dɩ Iziral arɩ Juda tinteeŋ kɛŋ doluŋ, ʋ tɩŋ ŋɩɩ wɩaa a chɩchɛ dɩ ʋ kpʋ Gibioŋ nɩalɩŋ.)

1 KUOROO 20:34

Ŋɩɩ nɛ Bɛŋ-Hadad bʋla pʋ, “Tasɩ-la kala mɩ nyɩmma sɩ yuo laa ŋ nyɩmma teeŋ, mɩ jaŋ mɩɩra joŋo pɩŋ. Ŋ jaŋ wuo bil ŋ tɩtɩa yɔbɔ Damasɩkʋs lɛ, arɩ mɩ nyɩmma sɩ ŋaa ŋɩɩ Samarɩa lɛ.” Ahab ma bʋl, “See dɩ la hɛ niiŋ pɩ dɔŋɔ, ka dɩ mɩ-na joŋuŋ ta.” Ŋɩɩ nɛ ʋ hɛ niiŋ pʋ, aŋ leŋ ʋ viiri.

ƐZƖRA 10:3

Lɛɛlɛ, má leŋ dɩ la bil niiŋ la dɩ la Wɩa pɛgɛ, aŋ kiri haala-la arɩ ba biiriŋ dɩ ba viiri. La jaŋ ŋaa wɩɩ-la ŋ-na mɩ kʋhɩaŋ arɩ nɩalɩŋ sɩɩ zil la Wɩa sɩ daga. Má leŋ dɩ la ŋaa ŋɩɩ Wɩa wombiiŋ sɩ daga.

WƖA YƖƖLAA 106:34

Iziral tɩŋŋaa fa vɩa La Tɩɩna niiŋ nɛ, a bɩ nɩalɩŋ ʋ sɩ sɩ dɩ ba kpʋ kpʋa,

MOSIS KƐŊ IZIRAL TƖŊŊAA LƖƖ 22:20

Dɩ nʋʋkala nɛ kpaarɛ vene aŋ vɩa mɩ-na ma TƖƖNA, má kpʋʋ.

NAMBABA 21:2

Ŋɩɩ nɛ Iziral tɩŋŋaa ta niiŋ La TƖƖNA teeŋ a bʋl, “Dɩ ŋ nɛ leŋe dɩ la yuo dii nɩaa deemba, la jaŋ chei ba tabalaa kala gbelem gbelem.”

NAMBABA 31:17

Lɛɛlɛ, má kpʋ hambolibiisi-la kala aŋ kpʋ haala-la kala sɩ jɩŋ baalaa.

NAMBABA 33:52

ba kiri nɩalɩŋ kala sɩ hɛ lee-la a chei ba vesiŋ kala, kɩalɩŋ ba sɩ saa arɩ kɩalɩŋ ba sɩ libe aŋ chei lere-la kala ba sɩɩ kpaarɛ ba vʋɩyaa,

MOSIS BƖRA WULLI WƖA WOMBIIŊ 13:8

sɩ́ jegile nɩɩ ʋ teeŋ, sɩ́ sɛɩ a pʋ, a sɩ́ ʋ nisusuŋ fá a gbaa tɔ wɩɩ-la.

MOSIS BƖRA WULLI WƖA WOMBIIŊ 13:9

Ʋ maga dɩ ŋ kpʋʋ nɛ. Ŋ nɛ maga dɩ ŋ laa sɩpaaŋ yagʋ arɩ tabɩɩŋ ka dɩ nɩaa na kʋʋ pɛ.

MOSIS BƖRA WULLI WƖA WOMBIIŊ 19:13

Má sɩ́ nɩɩ-la nenige fá. Má ŋaa ŋɩɩ a leŋ dɩ nɩalɩŋ sɩ bɩ wɩɩ cheye chalɩŋ sɩ́ jaasʋ Iziral tinteeŋ lɛ, ka dɩ wɩaa wuo vɛŋ woruŋ a pɩma.

MOSIS BƖRA WULLI WƖA WOMBIIŊ 2:33

La TƖƖNA Wɩa jomba hɛ la nɩsɩŋ lɛ nɛ, la kpʋʋ arɩ ʋ hambolibiisiŋ arɩ ʋ laalɩyuoro kala.

MOSIS BƖRA WULLI WƖA WOMBIIŊ 2:34

Bʋa-la lɛ, la yuo dii ʋ tasɩŋ kala nɛ, a kpʋ baalaa, haalaa arɩ hambiisi-la kala sɩ hɛ tasɩ-la lɛ, la bɩ nʋʋkala leŋe.

MOSIS BƖRA WULLI WƖA WOMBIIŊ 23:14

Má leŋ dɩ ma dɩhɔnʋŋ zɔŋ ma TƖƖNA Wɩa sɩaa lɛ, bɛɛ wɩaa ʋ hɛ ma tʋɔŋ nɛ ma dɩ-hɔnɩɩ-la lɛ, a pʋpɔma, a leŋ ma yuo didii ma dʋndɔŋŋɔɔ. Ma pɔ dɩ má sɩ́ wɩɩkala sɩ kɛŋ disiniŋ ŋaa dɩ ŋɩɩ leŋ dɩ ʋ mɩɩrɛ ma harɩŋ.

MOSIS BƖRA WULLI WƖA WOMBIIŊ 25:12

má kɛŋ haal-la a ta ʋ nɩsɩŋ keri, má sɩ́ ʋ nenige fá.

MOSIS BƖRA WULLI WƖA WOMBIIŊ 3:3

Ŋɩɩ nɛ La TƖƖNA Wɩa joŋ Basaŋ tɩŋŋaa kuoro Ɔgɩ arɩ ʋ laalɩyuoroo kala a hɛ la nɩsɩŋ lɛ, la kpʋ ba kala, ba kʋbala ma bɩ ka.

MOSIS BƖRA WULLI WƖA WOMBIIŊ 31:5

La TƖƖNA jaŋ joŋ tinteye-la a hɛ ma nɩsɩŋ lɛ dɩ ma joŋ wɩalɩŋ kala mɩ sɩ dagɛma a ŋaa ba lɛ.

MOSIS BƖRA WULLI WƖA WOMBIIŊ 33:27

Wɩa sɩ hɛ nɩmɛ deeŋ deeŋ nɛ ŋaa nɩɩ-la la sɩ yie fá mʋ yuori, ʋ dol-la sɩ bɩ dɛrɛ nɛ ʋ kaa pʋpɔma. Ʋ jaŋ kiri ma dʋndɔŋŋɔɔ, aŋ leŋ dɩ ma cheiba.

MOSIS BƖRA WULLI WƖA WOMBIIŊ 7:16

Tintee kala ma TƖƖNA Wɩa sɩ jaŋ joŋo hɛ ma nɩsɩŋ lɛ, má cheiba, má sɩ́ ba nenige fá. Má sɩ́ ba vesiŋ kpaarʋ. Dɩ ma nɛ ŋaa ŋɩɩ, ba jaŋ to ŋɩɩ lɛ a nyɩsa kɛmma.

MOSIS BƖRA WULLI WƖA WOMBIIŊ 9:3

Jɩnɩŋ, má jɩŋ arɩ ma TƖƖNA Wɩa nɛ laa ma sɩpaaŋ dɩ ʋ yuo dii nɩalɩŋ a nagɛ nyiniŋ sɩɩ dii kɩaa ŋɩɩ, dɩ ma kiri ba kala ta dɩ ba lɩɩ tintee-la lɛ arɩ ma TƖƖNA sɩ bʋl ŋɩɩ.

JOSUA 10:28

Tapʋlɩɩ-la nɛ Josua bɩra yuo dii taŋ-la ba sɩɩ yɩrɛ Makɛda arɩ ʋ kuoro ma, a kpʋ nʋʋkala sɩ hɛ taŋ-la lɛ a chei ʋ kala, nɩbala ma bɩ ka. Wɩɩ-la Josua fa sɩ joŋo ŋaa Jeriko kuoro lɛ tɩtɩa nɛ ʋ joŋo ŋaa Makɛda kuoro ma lɛ.

JOSUA 10:30

La TƖƖNA bɩra joŋ taŋ-la ma arɩ ʋ kuoro a hɛ Iziral laalɩyuoroo nɩsɩŋ lɛ. Ŋɩɩ nɛ ba kpʋ nʋʋkala sɩ hɛ taŋ-la lɛ, nɩbala ma bɩ ka. Wɩɩ-la ʋ sɩ joŋo ŋaa Jeriko kuoro lɛ nɛ, ʋ fa joŋo ŋaa Libina kuoro ma lɛ.

JOSUA 10:32

La TƖƖNA bɩra joŋ Lakɩs ma a hɛ Iziral laalɩyuoroo nɩsɩŋ lɛ, Josua fa yuo diiu chɛ-lɩa chɛɛŋ nɛ. Nʋʋkala sɩ hɛ taŋ-la lɛ nɛ Josua kpʋ, a nagɛ ʋ sɩ ŋaa Libina tɩŋŋaa ŋɩɩ.

JOSUA 10:40

Josua fa yuo dii tintee-la kala nɛ: Tintee-la peelee sɩ yʋga, Nɛgɛf tinteeŋ kala, dundollu-la kala sɩ hɛ wɩɩjʋʋlʋŋ dɩɩrɩŋ arɩ peelee lere-la sɩ chullo tutuu arɩ ba kuoroo kala. Ʋ fa bɩ ba kʋŋkala leŋe. Kʋŋ na-kala sɩɩ wiesu, ʋ chei ba kala nɛ arɩ La TƖƖNA Iziral tɩŋŋaa Wɩa fa sɩ dagɛ ŋɩɩ.

JOSUA 10:42

Kuoroo deemba arɩ ba tinteyee kala nɛ Josua yuo dii bʋa bala lɛ, bɛɛ wɩaa La TƖƖNA Iziral tɩŋŋaa Wɩa nɛ yuo pɩba.

JOSUA 11:8

La TƖƖNA fa jomba a hɛ Iziral tɩŋŋaa laalɩyuoroo nɩsɩŋ lɛ. Ba kire kpʋba ŋɩɩ a mʋ yi tabal-la ba sɩɩ yɩrɛ Sɩdɔŋ, a joŋo mʋ Mɩsɩrɛfɔf Meem, a to ŋɩɩ mʋ Mɩzɩpa fuonaa-la sɩ hɛ wɩɩpɔsʋŋ, a kpʋ ba kala, nɩbala ma bɩ ka.

JOSUA 2:14

Ŋɩɩ nɛ baala-la bʋl, “A leŋ dɩ Wɩa kpʋla dɩ la nɛ chei nii-la sɩ hɛ la pɛgɛ. Dɩ ŋ nɛ bɩ wɩɩ-la la sɩ kɔ dɩ la ŋaa daha bʋla pɩ nɩaa, la jaŋ kɛnɩŋ woruŋ arɩ wʋtɩtɩɩ bʋa-la lɛ La TƖƖNA sɩ jaŋ joŋ tinteeŋ deeŋ a hɛ la nɩsɩŋ lɛ.”

JOSUA 21:44

La TƖƖNA fa pɩ Iziral tɩŋŋaa wiese nɛ sɛmɛ na-kala, arɩ ʋ fa sɩ hɛ niiŋ ŋɩɩ a pɩ ba naabalɩmaba. Ba dʋndɔŋ-kala fa bɩ wuo yuo diiba. La TƖƖNA joŋ ba dʋndɔŋŋɔɔ kala a hɛ ba nɩsɩŋ lɛ nɛ ba wuoba.

JOSUA 8:24

Iziral tɩŋŋaa sɩ kpʋ Aɩ tɩmma-la sɩ kiriba kʋ lɩɩ tintee-hɩlɩŋ a dɛrɛ, ba kala bɩra mɩɩra jʋʋ Aɩ tʋɔŋ, a kpʋ nɩalɩŋ kala sɩ ka nɩmɛ.

JOSUA 9:24

Ŋɩɩ nɛ ba bʋla pɩ Josua, “La ŋaa ŋɩɩ, bɛɛ wɩaa la nɩɩ ŋɩɩ ma TƖƖNA Wɩa sɩ bʋla pɩ ʋ tɩntɩnna Mosis arɩ ʋ jaŋ joŋ tintee-la kala a pɩma, aŋ kpʋ nɩalɩŋ kala sɩ hɛ tintee-la lɛ nɛ. Fawʋllʋŋ fa kɛnla nɛ, ŋɩɩ nɛ tɩɩ la tɩŋ la mɩɩsɩŋ wɩaa a ŋaa ŋɩɩ.

JOSUA 9:7

Ŋɩɩ nɛ Iziral tɩŋŋaa bʋla pɩba, “Ŋ bɩ pɔ ma jʋʋ kpɩkpagɛla nɛ. Ɛɛ nɛ saa la dɩ ma jaŋ wuo hɛ niiŋ pɩ dɔŋɔ?”

SƖPAALAARAA 1:24

nɩalɩŋ mʋ na baal kʋbala dɩ ʋ lɩɩ taŋ-la tʋɔŋ kʋʋ lɩɩ. Ba bʋla pʋ, “Dagɛla ŋɩɩ la sɩ jaŋ to a jʋʋ taŋ deeŋ tʋɔŋ, ka dɩ la sɩ́ŋ wɩɩkala ŋaa.”

SƖPAALAARAA 1:4

Juda doho nɩaa arɩ Simioŋ tɩŋŋaa sɩ mʋ yuo Kɛnaŋ tɩŋŋaa arɩ Pɛrɛs tɩŋŋaa, La TƖƖNA jomba hɛ ba nɩsɩŋ lɛ, ba kpʋ nɩaa bʋɩ fii taŋ-la ba sɩɩ yɩrɛ Bɛzɛk lɛ.

SƖPAALAARAA 2:2

Má ma bɩ maga dɩ ma leŋ ma dɩ nɩalɩŋ sɩ hɛ tinteeŋ deeŋ lɛ pɛ nii kala. Ʋ maga dɩ ma chei ba vʋɩyaa korunuŋ kala.’ Ama ma bɩ mɩ niiŋ lɛ to. Bɛɛ nɛ tɩɩ ma ŋaa ŋɩɩ?