MOSIS BƖRA WULLI WƖA WOMBIIŊ 6:3 - WƖA TENIŊ

³ Iziral tɩmma, má tuto wombie-la woruŋ dɩ ŋɩɩ leŋ dɩ wɩaa vɛŋ woruŋ a pɩma, dɩ ma pʋŋa yʋgɛ tintee-la sɩ sɩma woruŋ a kɛŋ kɩaa lɛ, arɩ La TƖƖNA ma nyɩmmaba Wɩa sɩ hɛ niiŋ ŋɩɩ a pɩma.

MOSIS BƖRA WULLI WƖA WOMBIIŊ 6:3 ပူးပေါင်းရင်းမြစ်များ

WƖAA DƖ-SUOMUŊ 12:2

Mɩ jaŋ leŋ dɩ ŋ doho nɩaa pʋŋ, a ŋaa tintee-bal. Mɩ jaŋ pɛ ŋ lɛ, a leŋ dɩ ŋ yɩrɩŋ yɩrɛ, a to ŋ lɛ a pɛ nɩaa lɛ.

WƖAA DƖ-SUOMUŊ 13:16

Mɩ jaŋ leŋ dɩ ŋ doho nɩaa nagɛ hagɩlɩ-biee. Dɩ nʋʋ nɛ jaŋ wuo dɩɩsɛ hagɩlɩ-bie, ʋ jaŋ wuo dɩɩsɛ ŋ doho nɩaa.

WƖAA DƖ-SUOMUŊ 15:5

Ŋɩɩ nɛ La TƖƖNA kɛŋ Abɩram lɩɩ dɩ-jalɩŋ aŋ bʋl, “Beŋ wɩa-nyuŋ a na chɛnwʋlaa sɩ magɛ ŋɩɩ, ŋ bɩ jaŋ wuo dɩɩsɛba. Ŋɩɩ nɛ ŋ doho nɩaa jaŋ magɛ.”

WƖAA DƖ-SUOMUŊ 22:17

mɩ jaŋ pɛ ŋ lɛ a leŋ dɩ ŋ doho nɩaa pʋŋ a nagɛ chɛnwʋlaa, koo hagɩlɩ-bumbugulo sɩ hɛ mʋgʋ-balɩŋ niiŋ. Ŋ doho nɩaa jaŋ yuo laa ba dʋndɔŋŋɔɔ tinteeŋ.

WƖAA DƖ-SUOMUŊ 26:4

Mɩ jaŋ leŋ dɩ ŋ doho nɩaa pʋŋ a nagɛ chɛnwʋlaa sɩ hɛ wɩa-nyuŋ a joŋ leriŋ deeŋ kala pɩba. Ba lɛ nɛ mɩ jaŋ to pɛ dʋnɩa nɩaa kala lɛ,

WƖAA DƖ-SUOMUŊ 28:14

Ŋ doho nɩaa jaŋ pʋŋa nagɛ hagɩlɩ-biee a jɛrɛ su lee-kala a hɛ wɩɩpɔsʋŋ, wɩɩjʋʋlʋŋ arɩ taŋ-sɛsɩŋ kala. Ŋ dɩ ŋ doho nɩaa lɛ nɛ mɩ jaŋ to a pɛ dʋnɩa nɩaa kala lɛ.

WƖA YƖƖLAA 119:4

La Tɩɩna, ŋ nɛ bil wombie-la pɩla, dɩ la chaasa tutoba.

MOSIS KƐŊ IZIRAL TƖŊŊAA LƖƖ 1:7

Ama ba doho nɩaa fa lʋl biiriŋ yʋgɛ nɛ woruŋ a pʋŋa su tintee-la kala.

MOSIS KƐŊ IZIRAL TƖŊŊAA LƖƖ 3:17

Ŋɩɩ nɛ mɩ sɩ mɩ jaŋ lɩɩsɛma hɛɛŋ deeŋ lɛ Ijipiti tinteeŋ lɛ a kɛmma mʋ Kɛnaŋ tɩŋŋaa, Hiti tɩŋŋaa, Amɔrɩ tɩŋŋaa, Pɛrɛs tɩŋŋaa, Hivi tɩŋŋaa arɩ Jebus tɩŋŋaa tinteeŋ, tintee-la sɩ sɩma a kɛŋ kɩaa woruŋ.’

MOSIS KƐŊ IZIRAL TƖŊŊAA LƖƖ 3:6

Ŋɩɩ nɛ La TƖƖNA bɩra bʋl, “Mɩ nɛ ŋaa ŋ naabalɩmaba Abɩraham, Aɩzɩk arɩ Jekɔb Wɩa.” Mosis sɩ nɩɩ wɩaa deemba, ʋ kɛŋ ʋ sɩaa kaa faa, bɛɛ wɩaa fawʋllʋŋ kɛnʋ nɛ, ʋ bɩ cho dɩ ʋ beŋ Wɩa.

MOSIS KƐŊ IZIRAL TƖŊŊAA LƖƖ 3:8

Ŋɩɩ nɛ mɩ kʋ tuu dɩ mɩ laaba ta Ijipiti tɩmma-la nɩsɩŋ lɛ, a lɩɩsɛba tintee-la lɛ a kaa mʋ tintee-la sɩ zɔmɔ a kɛŋ kʋdiilee aŋ pɛ jal ma. Mɩ jaŋ joŋ Kɛnaŋ tɩŋŋaa, Hiti tɩŋŋaa, Amɔrɩ tɩŋŋaa, Pɛrɛs tɩŋŋaa, Hivi tɩŋŋaa arɩ Jebus tɩŋŋaa tinteyee a pɩba.

TƖƖCHA 8:12

Dɩ nɩbɔmʋŋ nɛ jaŋ ŋaa wʋbɔŋŋɔɔ zɔlɔ aŋ ha hɛ ʋ mɩɩsɩŋ lɛ a dieni, mɩ jɩma nɩalɩŋ sɩɩ fá Wɩa a zizilu, ba-na wɩaa jaŋ vɛŋ woruŋ pɩba.

AZAAYA 3:10

Bʋla pɩ nɩalɩŋ sɩ kɛŋ tʋɔpʋla dɩ ba jaŋ kɛŋ tʋɔtɔrʋŋ, wɩaa jaŋ vɛŋ woruŋ pɩba. Ba jaŋ dii ba wʋzɔmɔ-la ba sɩɩ ŋaa nyʋʋrʋŋ.

JƐRƖMAAYA 42:6

Dɩ wɩɩ-la zɔmɔ koo ʋ bɩ zɔŋ, la jaŋ to La TƖƖNA Wɩa niiŋ, Nɩɩ-la teeŋ la sɩɩ tɩmɩŋ, dɩ ŋɩɩ leŋ wɩaa vɛŋ woruŋ a pɩla a tɩŋ la sɩ jaŋ to La TƖƖNA Wɩa niiŋ wɩaa.”

JƐRƖMAAYA 7:23

Ama mɩ fa joŋ wɩɩŋ deeŋ ma a dagɛba nɛ: Má sɛɩ mɩ niiŋ, dɩ mɩ ŋaa ma Wɩa, dɩ ma ma ŋaa mɩ nɩaa. Má to wɩalɩŋ kala mɩ sɩ dagɛma, dɩ wɩaa wuo vɛŋ woruŋ a pɩma.

Tɩntɩŋŋaa 7:17

Ʋ fa sɩ ka mʋa, ka dɩ wɩɩ-la Wɩa fa sɩ bʋla pɩ Abɩraham kʋ ŋaa, bʋa-la lɛ Jekɔb doho nɩaa fa pʋŋa nɛ woruŋ Ijipiti tinteeŋ lɛ.

MOSIS BƖRA WULLI WƖA WOMBIIŊ 11:9

Ŋɩɩ nɛ jaŋ leŋ dɩ ma wuo dieni tintee-la lɛ La TƖƖNA sɩ hɛ niiŋ pɩ ma naabalɩmaba arɩ ʋ jaŋ joŋo pɩ ba dɩ ba doho nɩaa. Tintee-la zɔmɔ nɛ woruŋ a kɛŋ kɩaa.

MOSIS BƖRA WULLI WƖA WOMBIIŊ 26:15

Ŋ sɩ hɛ ŋ jaŋ lɛ, ŋ dɩ-jʋʋlɩɩ-la sɩ bɩ disiniŋ kɛnɛ, gʋra bee na ŋ nɩaa Iziral tɩŋŋaa a pɛ la lɛ aŋ wasɛ tintee-la sɩ sɩma a kɛŋ kɩaa woruŋ, dɩ ʋ wasa zɔŋ woruŋ arɩ ŋ sɩ hɛ niiŋ ŋɩɩ a pɩ la naabalɩmaba.”

MOSIS BƖRA WULLI WƖA WOMBIIŊ 26:9

Ʋ kɛnla kaa kɔ daha nɛ, a joŋ tinteeŋ deeŋ sɩ sɩma a kɛŋ kɩaa woruŋ a pɩla.

MOSIS BƖRA WULLI WƖA WOMBIIŊ 27:3

Má ŋmʋnsɛ Wɩa niiriŋ deemba kala a hɛ ba lɛ dɩ ma nɛ jʋʋ tintee-la sɩ sɩma a kɛŋ kɩaa woruŋ, tintee-la ma TƖƖNA, ma naabalɩmaba Wɩa sɩ hɛ niiŋ arɩ ʋ jaŋ joŋo pɩma.

MOSIS BƖRA WULLI WƖA WOMBIIŊ 31:20

Dɩ mɩ nɛ kɛmba mʋ tintee-la sɩ sɩma a kɛŋ kɩaa woruŋ, tintee-la mɩ sɩ hɛ niiŋ pɩ ba naabalɩmaba dɩ mɩ joŋo pɩba, ba jaŋ na kʋdiilee a magɛ ŋɩɩ kala ba sɩɩ chɛ a didii ba tʋɔtɔrʋŋ, ama ba jaŋ vɩa mɩ niiŋ aŋ kpʋkpaarɛ vesiŋ a chei nii-la mɩ sɩ bile mɩ dɩ ba pɛgɛ.

MOSIS BƖRA WULLI WƖA WOMBIIŊ 4:40

Má to ʋ wombie-la arɩ ʋ wɩalɩŋ mɩ sɩɩ dagɛma jɩnɩŋ, dɩ wɩaa wuo vɛŋ woruŋ a pɩ ma dɩ ma doho nɩaa, dɩ ma nɛ mʋ hɔŋ tintee-la ma TƖƖNA Wɩa sɩ joŋo pɩma dɩ ʋ ŋaa ma kʋŋ a kaa mʋ wuu lɛ.

MOSIS BƖRA WULLI WƖA WOMBIIŊ 4:6

Má fɩɛlɛ ma sɩaa a tuto wɩalɩŋ kala. Ŋɩɩ nɛ jaŋ dagɛ arɩ ma kɛŋ wʋjɩmɩŋ nɛ a jɩŋ wɩaa sɩaa a pɩ tintee-la nɩaa sɩ jaŋ nɩɩ ma wɩaa. Dɩ ba nɛ kʋ nɩɩ wombie-la arɩ wɩalɩŋ La TƖƖNA sɩ dagɛma, ba jaŋ bʋl, “Tinteeŋ deeŋ kɛŋ yɩrɩ-balɩŋ a kɛŋ doluŋ ma ʋ nɩaa ŋaa wʋjɩnna, a jɩŋ wɩaa sɩaa.”

MOSIS BƖRA WULLI WƖA WOMBIIŊ 8:8

Tintee-la kɛŋ kʋdiilee, mɛmpɛ, mɩaa, girep, tutogusuŋ, tɩɩnɛnɛ-la sɩ nagɛ kampoi nɛnɛɛ, olif tɩɩsɩŋ arɩ tʋʋŋ.