MOSIS BƖRA WULLI WƖA WOMBIIŊ 5:2 - WƖA TENIŊ

² Sɩnaɩ peel-la lɛ La TƖƖNA Wɩa hɛ niiŋ nɛ la dɩ ʋ pɛgɛ.

MOSIS BƖRA WULLI WƖA WOMBIIŊ 5:2 ပူးပေါင်းရင်းမြစ်များ

2 KUOROO 17:35

Bʋa-la lɛ La TƖƖNA fa sɩ bil niiŋ ʋ dɩ Iziral tɩŋŋaa pɛgɛ, ŋ-la nɛ ʋ bʋl, “Má pɔ ma sɩ́ vesiŋ to koo a kpirimi ba sɩpaaŋ, má sɩ́ ba to koo a kpʋkpaarɛba.

MOSIS KƐŊ IZIRAL TƖŊŊAA LƖƖ 19:1

Iziral tɩŋŋaa sɩ lɩɩ Ijipiti tinteeŋ lɛ, ʋ chɛŋ tori tapʋl bumbuŋ lɛ nɛ ba kʋ yi tintee-hɩlɩɩ-la ba sɩɩ yɩrɛ Sɩnaɩ.

MOSIS KƐŊ IZIRAL TƖŊŊAA LƖƖ 24:8

Ŋɩɩ nɛ Mosis joŋ chal-la mɩsɛ nɩalɩŋ aŋ bʋl, “Chal-la Wɩa sɩ joŋo hɛ niiŋ ʋ dɩ ma pɛgɛ nɛ ŋ-la a tɩgɛ wɩalɩŋ ʋ sɩ bʋla lɛ.”

MOSIS KƐŊ IZIRAL TƖŊŊAA LƖƖ 34:10

Ŋɩɩ nɛ La TƖƖNA bʋl, “Mɩɩ bil niiŋ nɛ mɩ dɩŋ pɛgɛ. Ŋ nɩaa kala sɩpaaŋ, mɩ jaŋ ŋaa wʋmagɩlaa ha sɩ bɩ ŋaa aŋ ka tintee kala lɛ koo dʋnɩa kala lɛ. Ma dɩ nɩalɩŋ sɩɩ jʋʋ jaŋ na ŋɩɩ mɩ-na ma TƖƖNA sɩ jaŋ to ŋ lɛ a tɩŋ tɩntɩŋ-duoruŋ.

JƐRƖMAAYA 11:4

wɩalɩŋ mɩ sɩ joŋo dagɛ ma naabalɩmaba bʋa-la lɛ mɩ fa sɩ laaba ta Ijipiti tɩŋŋaa nɩsɩŋ lɛ a kɛmba kʋ lɩɩ, lee-la ba fa sɩ chaasa nɩna hɛɛŋ.’ Mɩ fa bʋla pɩba, ‘Má to mɩ niiŋ a ŋaa wɩalɩŋ mɩ sɩ dagɛma. Dɩ ma nɛ ŋaa ŋɩɩ, ma jaŋ ŋaa mɩ nɩaa, dɩ mɩ ma ŋaa ma Wɩa.’

JƐRƖMAAYA 31:32

Ʋ bɩ jaŋ nagɛ nii-la mɩ fa sɩ bile mɩ dɩ ba naabalɩmaba pɛgɛ, bʋa-la lɛ mɩ sɩ kɛmba kaa kʋʋ lɩɩ Ijipiti tinteeŋ lɛ. Mɩ fa ŋaa ba bala nɛ, aŋ ka ba ha pɛ vɩa aŋ chei nii-la sɩ hɛ mɩ dɩ ba pɛgɛ. La TƖƖNA nɛ bʋla.”

JƐRƖMAAYA 34:13

“Wɩɩ-la mɩ-na ma TƖƖNA, Iziral tɩŋŋaa Wɩa sɩ bʋla nɛ ŋ-la: Mɩ fa bil niiŋ nɛ mɩ dɩ ma naabalɩmaba pɛgɛ, bʋa-la lɛ mɩ sɩ kɛmba kaa kʋ lɩɩ Ijipiti tinteeŋ lɛ, lee-la ba fa sɩ ŋaa yosi. Mɩ fa bʋla pɩba:

MALAKAƖ 4:4

Má pʋpɔ ma sɩ́ wombie-la arɩ niiri-la mɩ tɩntɩnna Mosis sɩ dagɛma yʋ. Ba nɛ mɩ joŋo dagʋ peel-la ba sɩɩ yɩrɛ Sɩnaɩ nyuŋ ŋɩɩ, dɩ ʋ joŋo dagɛ Iziral tɩŋŋaa kala dɩ ba tuto.

MOSIS BƖRA WULLI WƖA WOMBIIŊ 1:6

La fa sɩ hɛ peel-la ba sɩɩ yɩrɛ Sɩnaɩ lɛ, La TƖƖNA Wɩa bʋla pɩla, “Má hɔŋ daha dieni nɛ.

MOSIS BƖRA WULLI WƖA WOMBIIŊ 29:1

Nii-la La TƖƖNA sɩ bile ʋ dɩ Iziral tɩŋŋaa pɛgɛ Mosis daga pɩ Iziral tɩŋŋaa Mʋab tinteeŋ lɛ nɛ ŋ-la, a pɛ nii-la ʋ sɩ bile ʋ dɩ ba pɛgɛ Sɩnaɩ peel-la lɛ.

MOSIS BƖRA WULLI WƖA WOMBIIŊ 4:13

Ʋ bʋl nii-la sɩ hɛ ma dɩ ʋ pɛgɛ wɩaa nɛ, niiri-la fii ʋ sɩ dagɛma dɩ ma tuto, aŋ ŋmʋnsɛba hɛ tabɩɩ-taalaa balɩa lɛ.

MOSIS BƖRA WULLI WƖA WOMBIIŊ 4:23

Má kɛŋ ma tɩtɩa woruŋ a pʋpɔ dɩ má sɩ́ nii-la sɩ hɛ ma dɩ ma TƖƖNA Wɩa pɛgɛ yʋ. Má sɩ́ tɔŋ kala mɛ dɩ ʋ nagɛ kʋŋkala a pɩ ma tɩtɩa. Ma Tɩɩna Wɩa ka kɩsɛ ŋɩɩ nɛ.

MOSIS BƖRA WULLI WƖA WOMBIIŊ 5:1

Ŋɩɩ nɛ Mosis yɩrɛ Iziral tɩŋŋaa kala kʋ hɛ dɔŋɔ a bʋla pɩba: Iziral tɩmma, má jegile nɩɩ niiri-la arɩ wombie-la mɩ sɩɩ dagɛma jɩnɩŋ. Má gʋnnɛba woruŋ a kɛmba kaa tɩŋ.