MOSIS BƖRA WULLI WƖA WOMBIIŊ 4:9 - WƖA TENIŊ

⁹ Má kɛŋ ma tɩtɩa woruŋ, a sɩ́ wɩalɩŋ ma sɩ na yʋ ma mɩɩsɩŋ kala lɛ. Má joŋ wɩalɩŋ dagɛ ma biiriŋ, dɩ ba ma bɩra joŋo dagɛ ba biiriŋ.

MOSIS BƖRA WULLI WƖA WOMBIIŊ 4:9 ပူးပေါင်းရင်းမြစ်များ

WƖAA DƖ-SUOMUŊ 18:19

Mɩ nɛ lɩɩsʋ dɩ ʋ dagɛ ʋ biiriŋ arɩ ʋ doho nɩaa sɩ jaŋ to harɩŋ kɔ mɩ wombiiŋ dɩ ba kɛŋ wʋtɩtɩɩ, a ŋɩŋaa wɩaa ba bʋa lɛ, dɩ ŋɩɩ leŋ dɩ mɩ ŋaa wɩɩ-la mɩ sɩ bʋla pɩ Abɩraham arɩ mɩ jaŋ ŋaa pʋ.”

WƖA YƖƖLAA 119:11

Mɩ joŋ ŋ niiŋ wɩaa hɛ mɩ tʋɔŋ lɛ nɛ, dɩ ŋɩɩ leŋ dɩ mɩ sɩ́ wʋbɔŋ kala ŋaa chei ŋ lɛ.

WƖA YƖƖLAA 71:18

Mɩ Wɩa, mɩ hɩɛsa nɛ, mɩ nyuŋ pʋllɛ, sɩ́ mɩ vɩa ta. Leŋ dɩ mɩ ha heele bʋl ŋ dol-bal-la wɩaa a pɩ nɩalɩŋ ba ha sɩ jaŋ lʋl.

MOSIS KƐŊ IZIRAL TƖŊŊAA LƖƖ 10:2

Ŋɩɩ jaŋ leŋ dɩ ma wuo bʋla pɩ ma biiriŋ arɩ ma nihee ŋɩɩ mɩ sɩ wʋrɩgɛ Ijipiti tɩŋŋaa arɩ wʋmagɩla-la mɩ sɩ ŋaa ba tʋɔŋ, dɩ ma wuo jɩŋ arɩ mɩ nɛ ŋaa ma TƖƖNA.”

MOSIS KƐŊ IZIRAL TƖŊŊAA LƖƖ 23:13

Má jegile nɩɩ wɩalɩŋ kala mɩ-na ma TƖƖNA sɩ bʋla pɩma. Má pɔ dɩ ma sɩ́ vʋɩyaa kpaarʋ, a sɩ́ ba yɩrɩŋ yɩrʋ.

NAMAGABA 1:8

Mɩ bii, jegile nɩɩ wɩalɩŋ ŋ nyɩmma sɩɩ dagɩŋ. Pʋpɔ ŋ sɩ ŋ naaŋ niiŋ vɩa.

NAMAGABA 23:26

Mɩ bii, suri ŋ tʋɔŋ pɩmɛ, aŋ leŋ dɩ ŋ sɩaa hɛ mɩ wʋŋaalaa lɛ.

NAMAGABA 3:21

Mɩ bii, gurigi wʋjɩmɩŋ arɩ ŋɩɩ ŋ sɩ jaŋ bɩɩnɛ wɩaa woruŋ a ŋɩŋaa a kpɛrɛ. Sɩ́ leŋe dɩ ba fori.

NAMAGABA 7:1

Mɩ bii, to mɩ niiŋ wɩaa, aŋ leŋ dɩ mɩ wʋdagaa hɛ ŋ tʋɔŋ lɛ bʋa na-kala.

AZAAYA 38:19

Nɩweyee nɛ jaŋ wuo dɛnnɩŋ. Ba nɛ jaŋ wuo dɛnnɩŋ arɩ ŋɩɩ mɩ sɩɩ dɛnnɩŋ jɩnɩŋ. Nyɩmmaba bʋla pɩ ba biiriŋ ŋɩɩ ŋ sɩ kɛŋ wʋtɩtɩɩ nɛ.

AZAAYA 42:20

Ma Iziral tɩŋŋaa, ma na wɩaa a yʋgɛ nɛ, aŋ vɩa dɩ ma chɩna gbɛrɛ wɩalɩŋ, ma dɩgɩlaa suro nɛ, ka ma bɩ wɩɩkala ka nɩɩ.”

JƐRƖMAAYA 17:21

Wɩɩ-la mɩ-na ma TƖƖNA sɩ bʋla nɛ ŋ-la: Má pɔ ma sɩ́ kɩaa chʋŋ chɛ-wiesii-la chɛɛŋ, a sɩ́ kʋŋ ma kala chʋŋa to Jerusalɛm boi-baalaa kʋ jʋʋ.

Luuk 8:18

Má fɩɛlɛ ma sɩaa woruŋ arɩ wɩalɩŋ ma sɩɩ nɩɩ lɛ. Nɩɩ-la kala sɩɩ to Wɩa niiŋ wɩaa, Wɩa jaŋ faasa pɛ ʋ lɛ dɩ ʋ to woruŋ. Nɩɩ-la ma sɩ bɩ Wɩa niiŋ wɩaa ka to, Wɩa bɩ jaŋ pɛ ʋ lɛ. Ʋ sɩ pɛ ʋ lɛ mʋa-la maa, ʋ jaŋ laaʋ kaa viiri.”

Ɛfɛsɩs Nɩaa 6:4

Ma nyɩmmaba, má sɩ́ ma biiriŋ walɩmʋ kɩŋkɛŋ dɩ ba baanɩŋ sisii ma nyuŋ. Má bemba a dagɛba woruŋ Yesu Kirisito wombiiŋ lɛ.

MOSIS BƖRA WULLI WƖA WOMBIIŊ 11:19

Má joŋ wɩalɩŋ a dɩdagɛ ma biiriŋ bʋa na-kala, ma dɩɩsɩŋ lɛ koo dɩ ma nɩɩ vɛŋ wombiiŋ, dɩ ma nɩɩ chɛ dɩ ma pɩŋ koo dɩ ma nɛ pɩna aŋ sii.

MOSIS BƖRA WULLI WƖA WOMBIIŊ 12:1

Wombiee deemba arɩ niiriŋ deemba nɛ maga dɩ ma fɩɛlɛ ma sɩaa a tuto, bʋa-la kala lɛ ma sɩ jaŋ hɔŋ tintee-la lɛ La TƖƖNA sɩ ŋaa ma naabalɩmaba Wɩa sɩ joŋo pɩma.

MOSIS BƖRA WULLI WƖA WOMBIIŊ 16:3

Dɩ ma nɩɩ dii gbiele-la kʋdiilee, má sɩ́ boroboro-la sɩ kɛŋ sɩbʋrʋŋ dii. Má dii boroboro-la sɩ bɩ sɩbʋrʋŋ kɛnɛ ŋɩɩ tapʋlaa balɩpɛ, dɩ ʋ liliisima hɛɛ-la ma sɩ na bʋa-la lɛ ma sɩɩ chɛ lɩma lɩma dɩ ma lɩɩ Ijipiti tinteeŋ lɛ.

MOSIS BƖRA WULLI WƖA WOMBIIŊ 17:19

Teŋ-la maga ʋ hɛ ʋ teeŋ nɛ dɩ ʋ kɩkarɩmɛ ʋ mɩɩsɩŋ kala lɛ, dɩ ŋɩɩ leŋ ʋ zizil ʋ Tɩɩna Wɩa a tuto ʋ wombiiŋ arɩ wɩalɩŋ kala ʋ sɩ daga.

MOSIS BƖRA WULLI WƖA WOMBIIŊ 29:29

Wɩaa dɔnsʋŋ hɛ nɩmɛ La TƖƖNA Wɩa joŋo faala, ba-na ŋaa ʋ kɩaa nɛ, ama wombie-la ʋ sɩ joŋo dagɛla, la dɩ la biiriŋ kala maga dɩ la tutoba nɛ a kaa mʋ wuu.

MOSIS BƖRA WULLI WƖA WOMBIIŊ 31:19

Ŋmʋnsɛ yɩɩlɩŋ deeŋ bil, a dagɛ Iziral tɩŋŋaa, a leŋ dɩ ba yɩyɩɩ dɩ ʋ ŋaa magɩl a pɩma.

MOSIS BƖRA WULLI WƖA WOMBIIŊ 32:46

ʋ bʋla pɩba, “Má joŋ wɩalɩŋ mɩ sɩ chaasa bʋla pɩma jɩnɩŋ a hɛ ma tʋɔŋ lɛ, a dagɛ ma biiriŋ dɩ ba fɩɛlɛ ba sɩaa a to wombie-la kala mɩ sɩ daga.

MOSIS BƖRA WULLI WƖA WOMBIIŊ 4:10

Má liisi tapʋlɩɩ-la ma sɩ chɩŋ ma TƖƖNA Wɩa sɩpaaŋ Sɩnaɩ peel-la lɛ, bʋa-la ʋ sɩ leŋe mɩ yɩrɛma kʋ hilimi ʋ sɩpaaŋ, dɩ ma nɩɩ wɩalɩŋ ʋ sɩ jaŋ bʋl, a jɩŋ ŋɩɩ ma sɩ jaŋ zizilu ma mɩɩsɩŋ kala lɛ, aŋ joŋ wɩalɩŋ dagɛ ma biiriŋ ma.

MOSIS BƖRA WULLI WƖA WOMBIIŊ 4:15

Bʋa-la lɛ La TƖƖNA sɩ hɛ nyiŋ-la tʋɔŋ aŋ bʋl wɩaa pɩma Sɩnaɩ peel-la lɛ, ma bɩ ʋ nagɩsɩŋ na. Ŋɩɩ wɩaa má kɛŋ ma tɩtɩa woruŋ

MOSIS BƖRA WULLI WƖA WOMBIIŊ 4:23

Má kɛŋ ma tɩtɩa woruŋ a pʋpɔ dɩ má sɩ́ nii-la sɩ hɛ ma dɩ ma TƖƖNA Wɩa pɛgɛ yʋ. Má sɩ́ tɔŋ kala mɛ dɩ ʋ nagɛ kʋŋkala a pɩ ma tɩtɩa. Ma Tɩɩna Wɩa ka kɩsɛ ŋɩɩ nɛ.

MOSIS BƖRA WULLI WƖA WOMBIIŊ 6:12

má sɩ́ ma TƖƖNA wɩaa yʋ. Ʋ nɛ kɛmma kaa kʋ lɩɩ Ijipiti tinteeŋ lɛ, lee-la ma fa sɩ hɛ a ŋaa yosi.

MOSIS BƖRA WULLI WƖA WOMBIIŊ 6:2

Ma dɩ ma biiriŋ arɩ ma nihee kala maga dɩ má zizil ma TƖƖNA Wɩa nɛ bʋa na-kala lɛ, a tuto wombie-la arɩ niiri-la kala mɩ sɩ jaŋ dagɛma, dɩ ŋɩɩ leŋ dɩ ma kɛŋ mɩɩ-duduoŋ tintee-la lɛ ʋ sɩ jaŋ joŋo pɩma.

MOSIS BƖRA WULLI WƖA WOMBIIŊ 6:20

Maachie dɩ ma biiriŋ nɛ pɩɛsɛma, “Bɛɛ nɛ tɩɩ La TƖƖNA Wɩa bʋl dɩ la to wombiee deemba arɩ niiriŋ deemba arɩ wɩalɩŋ kala ʋ sɩ dagɛla?”

MOSIS BƖRA WULLI WƖA WOMBIIŊ 6:7

Má joŋ wɩalɩŋ a dɩdagɛ ma biiriŋ bʋa na-kala, ma dɩɩsɩŋ lɛ koo dɩ ma nɩɩ vɛŋ wombiiŋ.

MOSIS BƖRA WULLI WƖA WOMBIIŊ 8:11

Má fɩɛlɛ ma sɩaa a sɩ́ ma TƖƖNA Wɩa wɩaa yʋ. Má to ʋ niiŋ, ʋ wombiee arɩ ʋ wɩalɩŋ mɩ sɩɩ dagɛma jɩnɩŋ.

MOSIS BƖRA WULLI WƖA WOMBIIŊ 8:14

ma pʋpɔ má sɩ́ ma tɩtɩa dagʋ a yʋ ma TƖƖNA Wɩa wɩaa. Ʋ nɛ kɛmma kaa kʋ lɩɩ Ijipiti tinteeŋ lɛ, lee-la ma fa sɩ hɛ, a ŋaa yosi.

Hiburu TƖŊŊAA 2:1

A tɩŋ wɩɩŋ deeŋ wɩaa, ʋ maga dɩ la kɛŋ wɩalɩŋ la sɩ nɩa woruŋ, dɩ wɩɩkala sɩ́ leŋe dɩ la mɩɩrɛ harɩŋ.

Hiburu TƖŊŊAA 2:3

Ŋɩɩ wɩaa dɩ la nɛ vɩa wʋbalɩŋ deeŋ Wɩa sɩ ŋaa dɩ ʋ laala ta, ɛɛ nɛ la jaŋ ŋaa a fori? La Tɩɩna Yesu nɛ laa sɩpaaŋ bʋl wɩɩ-la, nɩalɩŋ ma sɩ nɩɩ wɩɩ-la bʋla pɩla arɩ wʋtɩtɩɩ nɛ.

Jeems 2:22

Abɩraham laa Wɩa wɩaa dii nɛ a faa ŋaa wɩalɩŋ ma Wɩa sɩ cho. Ʋ ŋaa wʋzɔŋŋɔɔ a pɛ wɩalɩŋ ʋ sɩ laa dii lɛ nɛ. Ŋɩɩ nɛ ʋ Wɩa laa diine-la sɛnɛ wasa su.

JOSUA 1:18

Nɩɩ-la kala sɩ bɩŋ sɛyɛ aŋ ŋaa wɩɩ a chei wɩalɩŋ ŋ sɩ daga, la jaŋ kpʋ tɩɩna. Ŋ-na nyɩrɛ ŋ bɔyɛ a kɛŋ tʋɔ-doluŋ.”

JOSUA 23:11

Ŋɩɩ wɩaa má fɩɛlɛ ma sɩaa a cho ma TƖƖNA Wɩa.

JOSUA 4:21

aŋ bʋla pɩ Iziral tɩŋŋaa, “Dɩ ma doho nɩaa nɛ maachie pɩɛsɛma arɩ tabɩaa deemba bʋbʋɔŋ nɛ bɛɛ,

Jɔɔŋ Wʋnaalaa 3:3

Má liise yi wɩalɩŋ ba sɩ dagɛma arɩ wɩalɩŋ ma sɩ nɩa aŋ laa maa. Má toba, aŋ bɩrɩma lɩɩ ma wʋbɔŋŋɔɔ lɛ. Dɩ ma nɛ bɩ doŋ lɛ sie, mɩ jaŋ lʋara kɔ a nagɛ gaara. Ma bɩ jaŋ wuo jɩŋ bʋa-la mɩ sɩ jaŋ kɔ ma teeŋ.

SƖPAALAARAA 3:7

Ŋɩɩ nɛ Iziral tɩŋŋaa ŋaa wʋbɔŋ La TƖƖNA teeŋ, ba yʋ La TƖƖNA wɩaa aŋ tuto vesi-la ba sɩɩ yɩrɛ Baal arɩ Asɩra.

SƖPAALAARAA 8:34

aŋ yʋ ba TƖƖNA Wɩa sɩ laaba ta ba dʋndɔmɔ-la kala sɩ golliba nɩsɩŋ lɛ.