MOSIS BƖRA WULLI WƖA WOMBIIŊ 4:4 - WƖA TENIŊ

⁴ Ama ma nɩalɩŋ kala sɩ to ma TƖƖNA Wɩa arɩ tʋɔ-bala nɛ ha hɛ ma mɩɩsɩŋ lɛ ŋ-la jɩnɩŋ.

MOSIS BƖRA WULLI WƖA WOMBIIŊ 4:4 ပူးပေါင်းရင်းမြစ်များ

WƖA YƖƖLAA 63:8

Mɩ mɛrɛ ŋ lɛ nɛ, ŋ pɔmɛ arɩ ŋ naduo-la.

AZAAYA 26:20

Mɩ nɩaa, má jʋʋ faa ma dɩɩsɩŋ lɛ a kɛŋ ma borusuŋ tɔ aŋ gbɛrɛ mʋa dɩ Wɩa baanɩŋ fɩɛlɛ.

ƐZƖKƖƐL 9:4

a bʋla pʋ, “Gɔllɛ Jerusalɛm tabal-la lɛ a tuuri magɩlɩŋ hɛ nɩaa tilliŋ lɛ, nɩalɩŋ tʋɔŋ sɩ cheye ba yiyel a tɩŋ wʋkɩsɩa-la kala nɩaa sɩɩ ŋaa taŋ-la lɛ wɩaa.”

Tɩntɩŋŋaa 11:23

Ʋ sɩ mʋa, ʋ na ŋɩɩ Wɩa sɩ pɛ nɩalɩŋ lɛ. Ʋ tʋɔŋ tɔrɛ. Ʋ bʋl wɩaa nyaasɛ ba nyuŋ woruŋ dɩ ba kɛŋ wʋtɩtɩɩ a to La Tɩɩna Yesu arɩ ba tʋɔŋ kala.

Rom Tɩŋŋaa 12:9

Má cho dɔŋɔ arɩ wʋtɩtɩɩ. Má bɛrɛ wʋbɔŋŋɔɔ, aŋ joŋ ma tɩtɩa hɛ wʋzɔŋŋɔɔ ŋaanɩŋ lɛ.

MOSIS BƖRA WULLI WƖA WOMBIIŊ 10:20

Má zizil ma TƖƖNA Wɩa a tɩma pʋpʋ. Má kɛŋ ma tɩtɩa mɛrɛ ʋ lɛ a kɛŋ ʋ yɩrɩŋ dʋndʋŋa nɛ a tɩtɩŋ.

MOSIS BƖRA WULLI WƖA WOMBIIŊ 13:4

La TƖƖNA Wɩa dʋndʋŋa nɛ maga dɩ ma tuto a zizilu. Má tuto ʋ niiŋ a tɩma pʋpʋ a kɛŋ ma tɩtɩa mɛrɛ ʋ lɛ woruŋ.

MOSIS BƖRA WULLI WƖA WOMBIIŊ 30:20

Má cho ma TƖƖNA Wɩa a tuto ʋ niiŋ a kɛŋ ma tɩtɩa mɛrɛ ʋ lɛ. La TƖƖNA nɛ ŋaa ma mɩɩsɩŋ. Ʋ jaŋ leŋ dɩ ma hɔŋ tintee-la lɛ a dieni, arɩ ʋ sɩ hɛ niiŋ pɩ ma naabalɩmaba Abɩraham, Aɩzɩk, arɩ Jekɔb ŋɩɩ.”

MOSIS BƖRA WULLI WƖA WOMBIIŊ 4:3

Ma tɩtɩa na wɩalɩŋ kala La TƖƖNA sɩ ŋaa nɛ peel-la ba sɩɩ yɩrɛ Pio lɛ. Ma tʋɔŋ, ʋ fa kpʋ nɩalɩŋ kala sɩ kpaarɛ vene-la ba sɩɩ yɩrɛ Baal, a hɛ Pio lɛ nɛ.

MOSIS BƖRA WULLI WƖA WOMBIIŊ 4:5

Mɩ dagɛma wombie-la arɩ wɩalɩŋ kala mɩ Tɩɩna Wɩa sɩ sɩ dɩ mɩ dagɛma nɛ. Dɩ ma nɛ mʋ tintee-la, má tuto ba.

JOSUA 22:5

Má ta fɩɛlɛ ma sɩaa a to niiri-la arɩ wombie-la La TƖƖNA tɩntɩnna Mosis sɩ joŋo pɩma. Má cho ma TƖƖNA Wɩa, a tuto ʋ wombiee kala, arɩ niiri-la ʋ sɩ daga, a mɛrɛ ʋ lɛ a tɩma pʋpʋ arɩ ma tʋɔŋ arɩ ma wɩɩ-wɩɩkala.”

JOSUA 23:8

Ʋ maga dɩ ma mɛrɛ ma TƖƖNA Wɩa lɛ nɛ, arɩ ma sɩ ŋaa ŋɩɩ a kaa kɔ arɩ jɩnɩŋ.

Jɔɔŋ Wʋnaalaa 14:4

Nɩaa deemba nɛ ŋaa nɩalɩŋ sɩ bɩ wʋlɩɩlɩŋ ŋaa, a lɩɩsɛ ba tɩta disiŋ kala lɛ. Ba nɩɩ to Pie-bie-la harɩŋ lee-na kala ʋ sɩɩ mʋ. Ba nɛ Wɩa laa sɩpaaŋ lɩɩsɛ nuhuobiinee tʋɔŋ, dɩ ba ŋaa Wɩa arɩ Pie-bie-la tʋɔpʋl tɩŋŋaa.

Jɔɔŋ Wʋnaalaa 20:4

Ŋɩɩ nɛ mɩ na kuoru kpasɩnɩŋ dɩ nɩaa hɔŋ ba nyuŋ. Nɩaa deemba nɛ Wɩa pa doluŋ dɩ ba dii dʋnɩa nɩaa sarɩya. Ŋɩɩ nɛ aŋ ka mɩ na nɩaa dɩnsɩŋ. Nɩaa deemba nɛ faa bʋl wʋtɩtɩɩ-la Yesu fa sɩ daga a pɩ nɩaa, aŋ pɛɛ bʋl Wɩa niiŋ wɩaa. Ŋɩɩ nɛ ba kpʋba a keri ba nyusuŋ. Nɩaa deemba-na fa bɩ baga kʋ-la ka chʋɔlɛ, ba bɩ kʋ-la ba sɩ mɛ ʋ nagʋ ma chʋɔlɛ. Ba bɩ baga kʋ-la magɩlɩŋ kɛnɛ ba tilliŋ lɛ koo ba nɩsaa lɛ. Nɩaa deemba sii sʋʋŋ lɛ, ba dɩ Kirisito dii kuoruŋ a beŋ dʋnɩa nɩaa jɩsɩŋ bʋɩ.