MOSIS BƖRA WULLI WƖA WOMBIIŊ 4:2 - WƖA TENIŊ

² Má pɔ ma sɩ́ wɩɩ kaa pɛ wɩalɩŋ mɩ sɩ dagɛma lɛ, koo a keri wɩalɩŋ kʋŋ ta. Má tuto ma TƖƖNA Wɩa niiri-la kala mɩ sɩ dagɛma.

MOSIS BƖRA WULLI WƖA WOMBIIŊ 4:2 ပူးပေါင်းရင်းမြစ်များ

WƖA YƖƖLAA 78:7

dɩ ŋɩɩ leŋ dɩ ba joŋ ba yɩɛlaa hɛ Wɩa lɛ, a sɩ́ ʋ wʋŋaalaa yʋ, aŋ tuto wɩalɩŋ ʋ sɩ daga.

NAMAGABA 30:6

Pʋpɔ ŋ sɩ́ wɩɩ kaa pɛ ʋ niiŋ wɩaa lɛ. Dɩ ŋ ŋaa ŋɩɩ, ʋ jaŋ kɛnɩŋ tʋra kɩɩ a leŋ dɩ ŋ jɩŋ arɩ ŋ ŋaa wʋnyɩɛrʋ nɛ.”

TƖƖCHA 12:13

Wɩaa deemba kala dɩdɛrɩŋ, wʋbala nɛ mɩ kɛŋ dɩ mɩ bʋl: Fɩfá Wɩa a tuto wɩalɩŋ ʋ sɩ daga, bɛɛ wɩaa ŋɩɩ wɩaa nɛ Wɩa ta nuhuobiine.

JƐRƖMAAYA 26:2

Wɩɩ-la La TƖƖNA sɩ bʋla nɛ ŋ-la: “Mʋ chɩŋ mɩ dɩɩ-bal-la kaala lɛ a bʋl wɩaa pɩ nɩalɩŋ kala sɩ hɛ Juda tasɩŋ lɛ a yie kɔ mɩ dɩɩ-bal-la a dɩdɛnnɛmɛ. Bʋl wɩalɩŋ kala mɩ sɩ bʋla pɩŋ a pɩba, sɩ́ wɩɩkala gɛllɛ ta.

Matiu 5:18

Wʋtɩtɩɩ nɛ mɩ bʋlaa pɩma, tinteeŋ arɩ wɩa-nyuŋ sɩ jaŋ hɛ nɩmɛ a dieni ŋɩɩ, wɩalɩŋ Mosis fa sɩ ŋmʋnsa bil dɩ nɩaa tuto, ba bɩ jaŋ keri ba mʋa ma ta see dɩ tinteeŋ arɩ wɩa-nyuŋ lɛlɛ.

Matiu 5:43

Ma nɩa arɩ Mosis fa sɩ dɩ ma cho ma dɔnsʋŋ tɩŋŋaa aŋ bɛrɛ ma dʋndɔŋŋɔɔ.

Galiisia Nɩaa 3:15

Mɩ naambiiriŋ, wʋmagɩsɩɩ nɛ mɩɩ chɛ dɩ mɩ magɩsɛ. Dɩ nɩaa balɩa nɛ vʋʋra dɩ ba ŋaa wɩɩ a ŋmɩɛsa pɩ dɔŋɔ, nʋʋkala bɩ jaŋ wuo chei wɩɩ-la koo a ŋaa wɩɩ pɛ wɩalɩŋ ba sɩ vʋʋra bil lɛ.

MOSIS BƖRA WULLI WƖA WOMBIIŊ 1:3

Iziral tɩŋŋaa sɩ lɩɩ Ijipiti tinteeŋ lɛ jɩsɩŋ mahɩŋ balɩa tʋɔŋ, chɛŋ fii arɩ kʋbala tapʋl-bumbuŋ lɛ nɛ Mosis bʋl wɩalɩŋ kala La TƖƖNA sɩ dagʋ a tɩgɛ ba lɛ a pɩba.

MOSIS BƖRA WULLI WƖA WOMBIIŊ 12:32

Má hɛ doluŋ aŋ to wɩalɩŋ kala mɩ sɩ dagɛma, ma pʋpɔ má sɩ́ wɩɩ lɩɩsa ta a sɩ́ wɩɩ ma kaa pɛ.

MOSIS BƖRA WULLI WƖA WOMBIIŊ 13:1

Dɩ nʋʋ nɛ hɛ ma tʋɔŋ a ŋaa Wɩa wʋlaabʋllʋ koo a wuo dɩdagɛ duosoo bʋbʋɔŋ, a bʋl arɩ wʋkpuŋkpere koo wʋmagɩl jaŋ ŋaa,

MOSIS BƖRA WULLI WƖA WOMBIIŊ 33:4

arɩ wombie-la Mosis sɩ daga dɩ ba tuto. Ʋ ŋaa Jekɔb doho nɩaa kʋŋ nɛ.

MOSIS BƖRA WULLI WƖA WOMBIIŊ 4:14

Bʋa-la lɛ, La TƖƖNA leŋe mɩ dagɛma wombie-la arɩ wɩalɩŋ ma sɩ jaŋ tuto nɛ dɩ ma nɛ chol Jɔdaŋ fuo-la a jʋʋ tintee-la ʋ sɩ jaŋ joŋo pɩma dɩ ma tɩɩʋ.

MOSIS BƖRA WULLI WƖA WOMBIIŊ 4:40

Má to ʋ wombie-la arɩ ʋ wɩalɩŋ mɩ sɩɩ dagɛma jɩnɩŋ, dɩ wɩaa wuo vɛŋ woruŋ a pɩ ma dɩ ma doho nɩaa, dɩ ma nɛ mʋ hɔŋ tintee-la ma TƖƖNA Wɩa sɩ joŋo pɩma dɩ ʋ ŋaa ma kʋŋ a kaa mʋ wuu lɛ.

MOSIS BƖRA WULLI WƖA WOMBIIŊ 4:5

Mɩ dagɛma wombie-la arɩ wɩalɩŋ kala mɩ Tɩɩna Wɩa sɩ sɩ dɩ mɩ dagɛma nɛ. Dɩ ma nɛ mʋ tintee-la, má tuto ba.

MOSIS BƖRA WULLI WƖA WOMBIIŊ 5:29

Dɩ ba nɛ jaŋ kɛŋ ŋɩɩ naaŋ lɛ a zizilmi, aŋ tuto wɩalɩŋ mɩ sɩ daga, ŋɩɩ fa jaŋ leŋ dɩ wɩaa vɛŋ woruŋ a pɩ ba dɩ ba biiriŋ kala a kaa mʋ wuu.

MOSIS BƖRA WULLI WƖA WOMBIIŊ 5:32

Ŋɩɩ wɩaa, má hɛ doluŋ aŋ to wɩalɩŋ kala ma TƖƖNA Wɩa sɩ dagɛma, má sɩ́ begilu.

JOSUA 1:7

Nyɩrɛ bɔyɛ a leŋ dɩ ŋ tʋɔŋ faasa dol. Fɩɛlɛ ŋ sɩaa a to wombii-la kala mɩ tɩntɩnna Mosis sɩ dagɩŋ. Pɔ dɩ ŋ sɩ́ begilu wombii-la lɛ a mʋ nadiiŋ koo nagʋa, dɩ wɩɩkala ŋ sɩɩ ŋaa vɛŋ woruŋ pɩŋ lee na-kala ŋ sɩ jaŋ mʋ.

JOSUA 8:35

Wɩalɩŋ kala Mosis fa sɩ daga, Josua bɩ ba kʋŋkala kere ta. Ba kala nɛ ʋ karɩmɛ a pɩ Iziral tɩŋŋaa, ba haalaa arɩ ba biiriŋ arɩ nɩwogusu-la kala fa sɩ hɛ ba tʋɔŋ.