MOSIS BƖRA WULLI WƖA WOMBIIŊ 3:2 - WƖA TENIŊ

² Ŋɩɩ nɛ La TƖƖNA bʋla pɩmɛ, “Sɩ́ leŋe dɩ ŋ bɔyɛ joŋ a tɩŋ kuoro Ɔgɩ wɩaa. Mɩ joŋ ʋ dɩ ʋ nɩaa arɩ ba tinteeŋ kala hɛ ŋ nɩsɩŋ lɛ nɛ. Wɩɩ-la ŋ fa sɩ joŋo ŋaa Amɔrɩ tɩŋŋaa kuoro Sɩhɔŋ fa sɩ hɛ Hɛsɩbɔŋ lɛ, joŋ ŋɩɩ tɩtɩa ŋaa Basaŋ tɩŋŋaa kuoro Ɔgɩ ma lɛ.”

MOSIS BƖRA WULLI WƖA WOMBIIŊ 3:2 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 20:17

Ma dee bɩ jaŋ yuo laal-la, ma-na chɩŋ ma dɩchɩnaa, a gbɛrɛ na ŋɩɩ La TƖƖNA sɩ jaŋ laama ta. Juda arɩ Jerusalɛm tɩmma, má sɩ́ fawʋllʋŋ fá, a sɩ́ leŋe dɩ ma nandaasɩŋ yʋɔrɛ. Má chie lɩɩ cheme yuoba, La TƖƖNA jaŋ chɩŋ ma harɩŋ.’ ”

AZAAYA 41:10

Má sɩ́ fawʋllʋŋ fá, mɩ hɛ ma teeŋ nɛ. Má sɩ́ leŋe dɩ ma tʋɔŋ vʋgʋmɛ, mɩ nɛ ma Wɩa. Mɩ jaŋ pɛ ma lɛ a pɩma doluŋ, mɩ jaŋ pɔma a laama ta.

AZAAYA 43:5

Má sɩ́ fawʋllʋŋ fá, mɩ hɛ ma teeŋ nɛ. Mɩ jaŋ kɛsɛ ma biiriŋ a lɩɩ wɩɩpɔsʋŋ dɩɩrɩŋ a kɛmma lɩɩ wɩɩjʋʋlʋŋ dɩɩrɩŋ kʋ hɛ dɔŋɔ.

NAMBABA 14:9

Má sɩ́ La TƖƖNA wɩɩkala vɩa, a sɩ́ nɩalɩŋ sɩ hɛ tintee-la lɛ ma fá, la jaŋ yuo diiba. La TƖƖNA hɛ la teeŋ nɛ, ba bɩra bɩ kʋŋkala kɛnɛ dɩ ba kaa pɔ ba tɩtɩa, má sɩ́ ba fá.”

NAMBABA 21:34

Ŋɩɩ nɛ La TƖƖNA bʋla pɩ Mosis, “Sɩ́ leŋe dɩ ŋ bɔyɛ joŋ, mɩ joŋ Basaŋ kuoro Ɔgɩ arɩ ʋ laalɩyuoroo arɩ ʋ tinteeŋ kala hɛ ŋ nɩsɩŋ lɛ nɛ. Ŋɩɩ ŋ sɩ joŋo ŋaa Amɔrɩ tɩŋŋaa kuoro Sɩhɔŋ sɩ hɛ Hɛsɩbɔŋ lɛ, joŋ ŋɩɩ tɩtɩa ŋaa ba ma lɛ.”

Tɩntɩŋŋaa 18:9

Tɩtaŋ kʋbala Pɔɔl na arɩ duosoo tʋɔŋ dɩ Wɩa bʋla pʋ, “Sɩ́ fawʋllʋŋ fá. Ha bʋl wɩaa pɩpɩ nɩaa a sɩ́ leŋ.

Tɩntɩŋŋaa 27:24

a bʋla pɩmɛ, ‘Pɔɔl, sɩ́ fawʋllʋŋ fá. Ŋ jaŋ mʋ chɩŋ kuoru-balɩŋ Siiza sɩpaaŋ. Wɩa tɩŋ ŋ wɩaa nɛ a leŋ ŋ dɩ nɩalɩŋ kala sɩ hɛ lɩɩŋ daboro tʋɔŋ, kɛŋ mɩɩsɩŋ.’

MOSIS BƖRA WULLI WƖA WOMBIIŊ 20:3

Ʋ jaŋ bʋl, “Iziral tɩmma, má jegile nɩɩ, jɩnɩŋ maa mʋ laalɩŋ nɛ dɩ ma yuo ma dʋndɔŋŋɔɔ. Má sɩ́ ba fá, má sɩ́ leŋe dɩ ma bɔyɛ joŋ, má sɩ́ leŋe dɩ ma nandaasɩŋ yʋɔrɛ, má sɩ́ chel ba sɩpaaŋ.

MOSIS BƖRA WULLI WƖA WOMBIIŊ 3:1

La sɩ yuo dii kuoro Sɩhɔŋ arɩ ʋ nɩaa a dɛrɛ, ŋɩɩ nɛ la mɩɩrɛ a to Basaŋ tinteeŋ dɩɩrɩŋ mʋmʋ. Basaŋ tɩŋŋaa kuoro Ɔgɩ arɩ ʋ laalɩyuoroo kala kʋ lɩɩ dɩ ba yuola Ɛdɩrɛ lɛ.

MOSIS BƖRA WULLI WƖA WOMBIIŊ 3:11

(Kuoro Ɔgɩ nɛ fa ŋaa Refem doho nɩaa nɩwaayiile-la nɩkaanɩŋ. Hɔɔŋ nɛ ba fa kaa ŋaa ʋ kʋpɩnɩŋ. Ʋ duomuŋ ŋaa naakieliŋ bʋnɛsɛ arɩ kpaa magɛ dɔŋɔ, ʋ jalɩŋ ma ŋaa naakieliŋ bʋlɩa. Ʋ kʋpɩnɩɩ-la ha hɛ Amɔŋ tɩŋŋaa tabal-la ba sɩɩ yɩrɛ Raba lɛ.)

MOSIS BƖRA WULLI WƖA WOMBIIŊ 3:3

Ŋɩɩ nɛ La TƖƖNA Wɩa joŋ Basaŋ tɩŋŋaa kuoro Ɔgɩ arɩ ʋ laalɩyuoroo kala a hɛ la nɩsɩŋ lɛ, la kpʋ ba kala, ba kʋbala ma bɩ ka.

JOSUA 10:8

La TƖƖNA bʋla pɩ Josua, “Sɩ́ leŋe dɩ fawʋllʋŋ kɛnɩŋ a tɩŋ nɩalɩŋ wɩaa, mɩ jomba hɛ ŋ nɩsɩŋ lɛ nɛ. Ba kʋŋkala bɩ ŋ sɩpaaŋ wuo chɩŋ.”

Jɔɔŋ Wʋnaalaa 2:10

Má sɩ́ leŋe dɩ fawʋllʋŋ kɛmma a mʋ tɩgɛ hɛɛ kala ma sɩ jaŋ na lɛ. Mɩ bʋlaa pɩma, Sɩtaanɩ jaŋ magɩsɛ ma dɔnsʋŋ a leŋ dɩ ba kɛmma tɔ bɩnɩŋ dɩa. Ma jaŋ na hɛɛŋ a yi tapʋlaa fii. Dɩ ba nɩɩ chɛ dɩ ba kpʋma ma, ma-na ha chɩŋ wɩalɩŋ ma sɩ laa dii lɛ. Dɩ ma nɛ ŋaa ŋɩɩ, mɩ jaŋ joŋ mɩɩ-zɔmʋŋ pɩma Wɩa-jaŋ lɛ.