MOSIS BƖRA WULLI WƖA WOMBIIŊ 26:2 - WƖA TENIŊ

² ma kʋŋkala maga ʋ ŋaa ʋ kʋdii falaa ʋ sɩ pɛrɛ tintee-la lɛ a hɛ sime tʋɔŋ, a kaa mʋ lee-la ma TƖƖNA Wɩa sɩ jaŋ dagɛ dɩ ma zizilu nɩmɛ.

MOSIS BƖRA WULLI WƖA WOMBIIŊ 26:2 ပူးပေါင်းရင်းမြစ်များ

2 KUOROO 4:42

Ŋɩɩ nɛ baal kʋbala lɩɩ taŋ-la ba sɩɩ yɩrɛ Baal Salɩsa, a kɛŋ jɩna-la mɩɩ-bumbumba ba sɩ kaa wasɛ boroboroba kɩaa mara arɩ kuori-mɩɩ-falaa koŋŋoo baŋmɛnɛ a kaa kʋ pɩ Elaasa. Elaasa bʋla pɩ ʋ tɩntɩnna, “Joŋo pɩ nɩalɩŋ dɩ ba dii.”

2 IZIRAL TƖŊŊAA NAABARƖŊ 31:5

Ba sɩ nɩɩ wɩɩ-la kuoro sɩ bʋla, Iziral tɩmma-la sii kɛŋ ba zile kɩaa kɔ. Mɩɩ-bumbumba, tɩɩnɛnɛɛ sɩ-falɩŋ, nʋʋŋ, tʋʋŋ arɩ kʋŋ na-kala ba sɩɩ pɛrʋ. Ba kɛŋ kʋ-daŋ nɛ kɔ, a pɛ ba sɩ yie kɛŋ ba kɩaa kpaa leree fii fii a joŋ kʋbala-la pɩ Wɩa lɛ.

2 IZIRAL TƖŊŊAA NAABARƖŊ 6:6

Ama lɛɛlɛ, mɩ lɩɩsɛ Jerusalɛm nɛ dɩ ba chʋchʋɔlɛmɛ nɩmɛ, a lɩɩsɛ Devit ma dɩ ʋ bibeŋ mɩ nɩaa Iziral tɩŋŋaa.’

NƐHƖMAAYA 12:44

Bʋa-la lɛ nɛ ba lɩɩsɛ nɩaa ba bibeŋ chʋgʋsʋŋ dɩɩsɩŋ, lee-la nɩaa sɩ yie kɩɛsɛ kɩaa arɩ ba kʋdii falaa kaa kʋʋ bil, a pɛ kpaalɩŋ fii tʋɔŋ kʋbala-la ba sɩ yie joŋo pɩ Wɩa lɛ. Bagɩsɩ-la sɩ golli Jerusalɛm lɛ, ba fa yie kɩɛsɛ kɩaa nɛ a kaa kʋ bil chʋgʋsʋŋ dɩɩsɩ-la lɛ a pɩ Wɩɩsʋllɩ sɩpaalaaraa arɩ Levi doho nɩaa a nagɛ Wɩa wombiiŋ ʋ sɩ bile dɩ ba tuto sɩ dagɛ ŋɩɩ, bɛɛ wɩaa Juda nɩaa tʋɔŋ fa tɔrɛ Wɩɩsʋllɩ sɩpaalaaraa arɩ Levi doho nɩalɩŋ sɩɩ tɩŋ Wɩa tɩntɩŋŋaa lɛ nɛ.

NƐHƖMAAYA 13:31

Mɩ bɩra dagɛ nɩalɩŋ bʋa-la lɛ sɩ maga dɩ ba kɛŋ daasɩŋ arɩ ba kʋdii falaa kɔ Wɩa dɩɩ-balɩŋ. Mɩ Wɩa, liisi wɩaa deemba kala mɩ sɩ ŋaa aŋ pɛ mɩ lɛ.

MOSIS KƐŊ IZIRAL TƖŊŊAA LƖƖ 20:24

Má kɛŋ tɩɛrɩŋ saa Wɩɩsʋllɩ koruŋ pɩmɛ. Nɩmɛ nɛ ma jaŋ kɛŋ ma piesee, bʋʋnaa arɩ ma nɛsɩŋ kʋ ŋaa ma kʋnyɩgaa Wɩɩsʋlʋŋ arɩ ma nii-magɛ dɔŋɔ Wɩɩsʋlʋŋ pɩmɛ. Lee na-kala mɩ sɩ dagɛma dɩ ma dɩdɛnnɛmɛ, mɩ jaŋ kɔ lee-la a pɛ ma lɛ.

MOSIS KƐŊ IZIRAL TƖŊŊAA LƖƖ 22:29

Má ŋaa ma kʋdiilee arɩ ma tɩɩnɛnɛɛ a sʋl Wɩɩsʋlʋŋ pɩmɛ. Má joŋ ma hambolibii bumbumba ma pɩmɛ.

MOSIS KƐŊ IZIRAL TƖŊŊAA LƖƖ 23:16

Dɩ ma nɛ bumoo ŋaa ma baga kʋdii falaa, má gbieli gbiele-la ba sɩɩ yɩrɛ kʋdii falaa gbiele. Dɩ ma nɛ bɩra kʋ tɔrɛ ma tɩɩnɛnɛɛ, má bɩra gbieli gbiele-la ba sɩɩ yɩrɛ bagasieu gbiele.

MOSIS KƐŊ IZIRAL TƖŊŊAA LƖƖ 23:19

Má kɛŋ ma kʋdii falaa ma sɩ ŋaa kʋzɔŋŋɔɔ kaa kɔ mɩ-na ma TƖƖNA Wɩa dɩa a zilmi. Ma pɔ má sɩ́ bʋ-bie koo pie-bie joŋo hɛ ʋ naaŋ yɩlɩŋ lɛ a chɔ.

MOSIS KƐŊ IZIRAL TƖŊŊAA LƖƖ 34:26

Má kɛŋ ma baga kʋfalaa sɩ zɔmɔ woruŋ a kaa kʋ pɩ mɩ-na ma TƖƖNA Wɩa. Ma pɔ má sɩ́ bʋʋ-bie koo pie-bie chɔ ʋ naaŋ yɩlɩŋ lɛ.”

JƐRƖMAAYA 2:3

Iziral tɩmma, ma fa bɩ disiniŋ kɛnɛ mɩ-na ma TƖƖNA teeŋ. Ma nɛ mɩ laa sɩpaaŋ lɩɩsɛ, a nagɛ paara sɩ ŋaa ʋ kʋdii falaa. Mɩ fa joŋ cheeriŋ pɩ nɩalɩŋ kala sɩɩ dɔgɩsɛma nɛ a leŋ wʋlɔrʋŋ faasa jʋʋba. Mɩ-na ma TƖƖNA nɛ bʋla.”

ƐZƖKƖƐL 20:40

Mɩ-na ma TƖƖNA Wɩɩjarɩbakɔ nɛ bʋla, dɩ tapʋlɩɩ-la nɛ yie, nʋʋkala sɩ hɛ Iziral lɛ jaŋ chʋɔlɛmɛ Zaayɔŋ peel-la nyuŋ, mɩ peel-la sɩ hɛ Jerusalɛm lɛ a bɩ disiniŋ kɛnɛ. Mɩ jaŋ bɩra kɛmma a yɩrɛ mɩ nɩaa. Nɩmɛ nɛ mɩ jaŋ laa ma Wɩɩsʋlʋŋ kɩaa arɩ ma Wɩɩsʋlʋŋ pʋsʋ-la kala sɩ bɩ disiniŋ kɛnɛ.

ƐZƖKƖƐL 44:30

Ma sɩ yie ŋaa ma bagɩsɩŋ kʋbumbumba-la a kaa kʋ ŋaa Wɩɩsʋlʋŋ arɩ kɩalɩŋ ma sɩ yie kaa kʋ ŋaa zile mɩ lɛ, Wɩɩsʋllɩ sɩpaalaaraa nɛ tɩɩba. Dɩ ma nɛ ŋaa kʋdiilee, ma maga ma laa sɩpaaŋ ŋaa pɩba nɛ, dɩ mɩ to ŋɩɩ lɛ a pɛ ma dɩa nɩaa kala lɛ.

ƐZƖKƖƐL 48:14

Ʋ bɩ maga dɩ ba joŋ tintee-la sɛmɛ kala yallɛ koo a joŋo lenni lee dɔŋ. Tintee-la dɩ-zɔmʋŋ nɛ ŋɩɩ. Ʋ bɩ maga dɩ ʋ bɩra jʋʋ nʋʋ dɔŋ nɩsɩŋ, bɛɛ wɩaa, lee-la ŋaa dɩ-zɔŋ nɛ mɩ-na ma TƖƖNA teeŋ.

LEVI DOHO NƖAA 2:12

Kɩalɩŋ sɩ kɛŋ sɩbʋrʋŋ koo tʋʋŋ, ma jaŋ wuo kɛmba a sʋl kʋdii falaa Wɩɩsʋlʋŋ, ama ʋ bɩ maga dɩ ma nyɩgɛba Wɩɩsʋlʋŋ koru-la nyuŋ a pɩ mɩ-na ma TƖƖNA. Ba sʋɔra bɩ sɩŋ a pɩ mɩ-na ma TƖƖNA.

LEVI DOHO NƖAA 2:14

Dɩ ma nɩɩ chɛ dɩ ma kɛŋ ma mɩɩ-falaa sʋl mɩaa Wɩɩsʋlʋŋ a pɩ mɩ-na ma TƖƖNA, má keri mɩɩ-nyusu-la kʋlaarɩŋ a wasɛ a gɛrɩgɛ,

Rom Tɩŋŋaa 11:16

Dɩ ŋ nɛ buu boroboro munuŋ a laa sɩpaaŋ lɔgɛ mʋa a pɩ Wɩa, dɩ ʋ nɛ bɩ disiniŋ kɛnɛ, kʋkaanɩŋ ma bɩra bɩ disiniŋ kɛnɛ. Dɩ tɩa naapoloo ma nɛ zɔmɔ, ʋ naakelee ma zɔmɔ nɛ.

Rom Tɩŋŋaa 16:5

Má chʋɔlɛ nɩalɩŋ ma sɩ laa Yesu wɩaa dii a hilimee chʋɔlɛ Wɩa ba dɩa lɛ. Má chʋɔlɛ mɩ nandɔŋ-chooluŋ Epinetus ma. Ʋ nɛ laa sɩpaaŋ laa Kirisito wɩaa dii Esia tinteeŋ lɛ.

Rom Tɩŋŋaa 8:23

Dʋnɩa kɩaa dʋndʋŋa dee, ama la ma nɩalɩŋ Wɩa sɩ laa sɩpaaŋ joŋ ʋ Dɩŋ-zɔmʋŋ hɛ la lɛ, la maa huuni nɛ la tʋɔŋ lɛ dɩ ʋ kɛŋ la yaraa bɩrɩmɛ dɩ la chaasa ŋaa ʋ biiriŋ a laa yɩrɩŋ.

1 Kɔrɩntɩ Nɩaa 15:20

Ama wʋtɩtɩɩ nɛ, Wɩa chɩsɛ Kirisito sʋʋŋ lɛ nɛ. Ʋ ŋɩɩ daga arɩ nɩalɩŋ Wɩa sɩ jaŋ chɩsɛ sʋʋŋ lɛ, Kirisito nɛ nɩɩ-la Wɩa laa sɩpaaŋ chɩsɛ sʋʋŋ lɛ.

1 Kɔrɩntɩ Nɩaa 15:23

Ama la kala kɛŋ bʋa-la lɛ Wɩa sɩ jaŋ chɩsɛla sʋʋŋ lɛ nɛ. Kirisito nɛ Wɩa laa sɩpaaŋ chɩsɛ sʋʋŋ lɛ. Dɩ ʋ nɛ mɩɩra kɔ, nɩalɩŋ sɩ ŋaa ʋ nɩaa, Wɩa jaŋ chɩsɛ ba ma sʋʋŋ lɛ.

1 Kɔrɩntɩ Nɩaa 16:2

Lahadi chɛɛ na-kala, moribie-la ma kʋŋkala sɩ tɩma a na yɔbɔ-la tʋɔŋ, nʋʋkala lɩɩsɛ magɛ ŋɩɩ ʋ sɩɩ chɛ dɩ ʋ joŋo bil, a bil. Dɩ mɩ nɛ kɔ, ma bɩra bɩ jaŋ kɩkɩɛsɛ moribiee.

MOSIS BƖRA WULLI WƖA WOMBIIŊ 16:10

aŋ gbieli ma baga kɩaa ŋaanɩŋ gbiele a pɩ ma TƖƖNA Wɩa. Nʋʋkala jaŋ kɛŋ Wɩa sɩ pɛ ʋ lɛ magɛ ŋɩɩ tʋɔtɔrɛ Wɩɩsʋlʋŋ kɩaa a kaa kʋ ŋaa Wɩɩsʋlʋŋ pɩ ma TƖƖNA Wɩa.

MOSIS BƖRA WULLI WƖA WOMBIIŊ 18:4

Má joŋ ma baga kʋdii falaa ma a pɩba: Mɩaa, tɩɩnɛnɛɛ sɩnɩŋ, nʋʋŋ arɩ ma pie-pʋŋ-bumbumba-la ma sɩ kɛ.

MOSIS BƖRA WULLI WƖA WOMBIIŊ 26:1

Dɩ ma nɛ jʋʋ tintee-la ma TƖƖNA Wɩa sɩ jaŋ joŋo pɩma dɩ ʋ ŋaa ma kʋŋ a hɔŋ nɩmɛ,

MOSIS BƖRA WULLI WƖA WOMBIIŊ 26:3

Má bʋla pɩ Wɩɩsʋllɩ sɩpaalaara sɩ hɛ nɩmɛ aa tɩŋ tɩntɩŋŋaa bʋa-la lɛ, “Jɩnɩŋ mɩɩ chɛ dɩ mɩ dagɛ a pɩ mɩ Tɩɩna Wɩa arɩ mɩ jʋʋ tintee-la ʋ fa sɩ hɛ niiŋ pɩ la naabalɩmaba arɩ ʋ jaŋ joŋo pɩla nɛ.”

Jeems 1:18

Ʋ tʋɔtɔrʋŋ lɛ nɛ ʋ laa sɩpaaŋ bʋl ʋ niiŋ wɩaa sɩ ŋaa wʋtɩtɩɩ a pɩla dɩ la wuo tutoba, a ŋaa ʋ bii-bumbumba kɩalɩŋ kala ʋ sɩ ŋaa tʋɔŋ.

JOSUA 18:1

Iziral tɩŋŋaa fa sɩ yuo laa tintee-la, ba kala kʋ hilimi taŋ-la ba sɩɩ yɩrɛ Sɩlɔ lɛ, a pɛ lɛbɩ-la lɛ La TƖƖNA sɩ yie kɔ Iziral tɩŋŋaa teeŋ nɩmɛ.

Jɔɔŋ Wʋnaalaa 14:4

Nɩaa deemba nɛ ŋaa nɩalɩŋ sɩ bɩ wʋlɩɩlɩŋ ŋaa, a lɩɩsɛ ba tɩta disiŋ kala lɛ. Ba nɩɩ to Pie-bie-la harɩŋ lee-na kala ʋ sɩɩ mʋ. Ba nɛ Wɩa laa sɩpaaŋ lɩɩsɛ nuhuobiinee tʋɔŋ, dɩ ba ŋaa Wɩa arɩ Pie-bie-la tʋɔpʋl tɩŋŋaa.