MOSIS BƖRA WULLI WƖA WOMBIIŊ 11:2 - WƖA TENIŊ

² Jɩnɩŋ ma jɩŋ arɩ wɩalɩŋ kala ma sɩ na, ma biiriŋ dee bɩ ba na. Ma nɛ na ma TƖƖNA Wɩa sɩ ŋaa wɩalɩŋ a kɛmma tʋraa kɩɩ, ma na ʋ ballɩŋ arɩ ʋ doluŋ sɩ yʋga nɛ.

MOSIS BƖRA WULLI WƖA WOMBIIŊ 11:2 ပူးပေါင်းရင်းမြစ်များ

Tɩntɩŋŋaa 26:22

Ama arɩ jɩnɩŋ kala Wɩa haa pɛ mɩ lɛ nɛ, ŋɩɩ nɛ tɩɩ mɩ chɩŋ daha aa bʋl wɩaa deemba kala mɩ sɩ pɛ na aŋ nɩɩ ma a pɩpɩma, ma nɩbalaa arɩ ma nɩbiisiŋ kala. Wɩɩŋ deeŋ mɩ sɩɩ bʋl, ʋ tɩtɩa nɛ Wɩa wʋlaabʋllaa arɩ Mosis kala fa bʋl arɩ wɩɩ-la jaŋ ŋaa.

NAMAGABA 22:19

Mɩɩ dagɩŋ wɩaa deemba jɩnɩŋ, a paalaa dagɩŋ dɩ ŋɩɩ leŋ dɩ ŋ laa La Tɩɩna wɩaa dii nɛ.

MOSIS BƖRA WULLI WƖA WOMBIIŊ 29:10

Jɩnɩŋ ma kala nɛ chɩŋ ma TƖƖNA Wɩa sɩpaaŋ, ma sɩpaalaaraa, ma kuoroo, ma nɩhɩasɩŋ, ma tɩntɩnnɩ-hɩasɩŋ arɩ ma Iziral tɩŋŋaa baalaa kala,

MOSIS BƖRA WULLI WƖA WOMBIIŊ 9:26

Mɩ sʋllʋ a bʋl, “Mɩ Tɩɩna Wɩɩjarɩbakɔ, sɩ́ ŋ nɩaa ŋ tɩtɩa sɩ lɩɩsa chei. Ŋ nɛ laaba arɩ ŋ doluŋ Ijipiti tɩŋŋaa nɩsɩŋ lɛ a kɛmba kaa lɩɩ Ijipiti tinteeŋ lɛ.

MOSIS BƖRA WULLI WƖA WOMBIIŊ 8:19

Dɩ ma nɛ yʋ ma TƖƖNA Wɩa wɩaa, aŋ mɩɩra tuto vesiŋ harɩŋ, mɩ jaŋ chaasa bʋla pɩma jɩnɩŋ arɩ ŋɩɩ jaŋ leŋ dɩ ʋ cheima.

MOSIS BƖRA WULLI WƖA WOMBIIŊ 7:19

Ma na wʋkpuŋkperisi-la arɩ wʋmagɩla-la arɩ wʋduoru-la La TƖƖNA Wɩa sɩ kɛŋ ʋ doluŋ ŋaa nɛ, aŋ kɛmma kaa kʋ lɩɩ Ijipiti tinteeŋ lɛ. Wɩalɩŋ tɩtɩa nɛ ma TƖƖNA Wɩa jaŋ joŋo ŋaa nɩalɩŋ ma sɩɩ fá lɛ.

MOSIS BƖRA WULLI WƖA WOMBIIŊ 5:24

a bʋl, “La TƖƖNA Wɩa kɛŋ ʋ doluŋ arɩ ʋ tʋla dagɛla nɛ, la nɩɩ ʋ yikoro ma nyiŋ-la tʋɔŋ. Jɩnɩŋ la jɩma arɩ Wɩa arɩ nuhuobiine jaŋ wuo bʋl wɩaa, ka dɩ tɩɩna ha kɛŋ mɩɩsɩŋ.

MOSIS BƖRA WULLI WƖA WOMBIIŊ 4:34

Veŋ bɛɛ nɛ hɛ nɩmɛ a jaŋ wuo mʋ tinteeŋ tʋɔŋ a ŋaa wɩaa magɩsɛba, a ŋaa wʋkpuŋkperisiŋ arɩ wʋmagɩlaa, a yuo laalɩŋ, a dagɛ ʋ doluŋ a ŋaa wɩaa sɩ kɛŋ fawʋllʋŋ a laa ʋ nɩaa tintee-la nɩaa teeŋ? Ŋ-la nɛ ma TƖƖNA Wɩa ŋaa ma sɩɩŋ lɛ aŋ laama kaa kʋ lɩɩ Ijipiti tinteeŋ lɛ.

MOSIS BƖRA WULLI WƖA WOMBIIŊ 3:24

“Mɩ Tɩɩna Wɩɩjarɩbakɔ, ŋ dagɛmɛ ŋ doluŋ sɩ magɛ ŋɩɩ nɛ, veŋ bɛɛ ma nɛ hɛ wɩa-nyuŋ koo tinteeŋ a jaŋ wuo pagɩsɩŋ a ŋaa wʋduoru-la ŋ sɩɩ ŋaa?

WƖA YƖƖLAA 136:12

Ʋ naduo-la nɛ ʋ kaa laaba ta. Ʋ chonuŋ bɩ dɛrɛ.

AZAAYA 53:5

Ba pɩrʋ a tɩŋ la wʋbɔŋŋɔɔ wɩaa nɛ. Wʋbɔmɔ-la la sɩ ŋaa wɩaa nɛ ba tɩma vɩɩrʋ. Hɛɛ-la ʋ sɩ na nɛ leŋe la kɛŋ yarɩfɩɛlaa. Ba sɩ pɩrʋ, ŋɩɩ nɛ tɩɩ dɩ la nɛ wɩɩla ma, la yie duori.

MOSIS KƐŊ IZIRAL TƖŊŊAA LƖƖ 6:6

Ŋɩɩ wɩaa, bʋla pɩ Iziral tɩŋŋaa: ‘Mɩ nɛ ŋaa Wɩa, ma TƖƖNA, mɩ jaŋ lɩɩsɛma hɛɛ-la ma sɩɩ na Ijipiti tɩŋŋaa nɩsɩŋ lɛ. Mɩ jaŋ laama ta arɩ mɩ doluŋ, dɩ ma bɩra sɩ́ yosi ŋaa. Mɩ jaŋ dɔgɩsɛ Ijipiti tɩŋŋaa.

JOSUA 24:31

Josua mɩɩsɩŋ kala lɛ, Iziral tɩŋŋaa fa to La TƖƖNA nɛ woruŋ. Ʋ sʋʋŋ harɩŋ ma, nɩhɩasɩ-la kala sɩ hɛ ba mɩɩsɩŋ lɛ a na wɩalɩŋ La TƖƖNA sɩ ŋaa pɩ Iziral tɩŋŋaa, ba mɩɩsɩŋ kala lɛ Iziral tɩŋŋaa fa ha to Wɩa nɛ.