MOSIS BƖRA WULLI WƖA WOMBIIŊ 1:3 - WƖA TENIŊ

³ Iziral tɩŋŋaa sɩ lɩɩ Ijipiti tinteeŋ lɛ jɩsɩŋ mahɩŋ balɩa tʋɔŋ, chɛŋ fii arɩ kʋbala tapʋl-bumbuŋ lɛ nɛ Mosis bʋl wɩalɩŋ kala La TƖƖNA sɩ dagʋ a tɩgɛ ba lɛ a pɩba.

MOSIS BƖRA WULLI WƖA WOMBIIŊ 1:3 ပူးပေါင်းရင်းမြစ်များ

LEVI DOHO NƖAA 27:34

Wɩalɩŋ La TƖƖNA sɩ bʋla pɩ Mosis Sɩnaɩ peel-la nyuŋ dɩ ʋ bʋla pɩ Iziral tɩŋŋaa nɛ ŋɩɩ.

NAMBABA 1:1

Iziral tɩŋŋaa sɩ lɩɩ Ijipiti tinteeŋ lɛ jɩ-lɩamɩŋ tʋɔŋ chɛŋ-lɩamɩŋ tapʋl-bumbuŋ nɛ La TƖƖNA bʋl wɩaa pɩ Mosis, lɛbɩ-la lɛ ʋ sɩ yie kɔ Iziral tɩŋŋaa teeŋ Sɩnaɩ tintee-hɩlɩɩ-la lɛ. Ʋ sɩ,

NAMBABA 20:1

Jɩna tʋɔŋ chɛŋ-bumbuŋ lɛ, Iziral tɩŋŋaa kala mʋ yi tintee-hɩlɩɩ-la ba sɩɩ yɩrɛ Zɩŋ, ŋɩɩ nɛ ba hɔŋ taŋ-la ba sɩɩ yɩrɛ Kadɛs lɛ. Nɩmɛ nɛ Mɩrɩam sʋʋ ba hugu.

NAMBABA 33:38

La TƖƖNA leŋ Wɩɩsʋllɩ sɩpaalaara Arɔŋ jɩl peel-la nyuŋ, nɩmɛ nɛ ʋ sʋʋ. Iziral tɩŋŋaa sɩ lɩɩ Ijipiti tinteeŋ lɛ jɩsɩŋ mahɩŋ balɩa tʋɔŋ chɛŋ-nɔŋ tapʋl bumbuŋ nɛ ŋɩɩ.

JOSUA 4:19

Chɛŋ bumbuŋ tapʋl-fii chɛɛŋ nɛ, Iziral tɩmma-la fa chol Jɔdaŋ fuo-la a mʋ hɔŋ taŋ-la ba sɩɩ yɩrɛ Gɩlɩgal lɛ. Ʋ hɛ Jeriko tinteeŋ wɩɩpɔsʋŋ dɩɩrɩŋ bʋa lɛ nɛ.