DANƖƐL 9:7 - WƖA TENIŊ

⁷ La TƖƖNA, ŋ ŋaa tʋɔpʋl Tɩɩna nɛ, ama jɩnɩŋ hɩɩsɩŋ kɛŋ la Juda nɩaa arɩ Jerusalɛm nɩaa arɩ Iziral tɩŋŋaa kala nɛ, nɩalɩŋ sɩ kpaga arɩ nɩalɩŋ kala sɩ hɛ dɩ-boloo, tinteye-la lɛ ŋ sɩ kɛnla pɩsa hɛ a tɩŋ la sɩ bɩ wʋtɩtɩɩ kɛnɛ ŋ teeŋ wɩaa.

DANƖƐL 9:7 ပူးပေါင်းရင်းမြစ်များ

ƐZƖRA 9:13

Wɩalɩŋ kala sɩ ŋaa la lɛ, la wʋbɔŋŋɔɔ arɩ la wʋcheelee sɩ faasa yʋgɛ wɩaa nɛ tɩɩ. Ama ŋ-na la Wɩa, ŋ bɩ la dɔgɩsɔ a magɛ ŋɩɩ la wʋbɔŋŋɔɔ sɩ maga, aŋ leŋ la dɔnsʋŋ ka a bɩ sʋba.

ƐZƖRA 9:15

La TƖƖNA Iziral tɩŋŋaa Wɩa, ŋ ŋaa tʋɔpʋl Tɩɩna nɛ. Ŋ leŋe la dɔnsʋŋ ka nɛ a bɩ sʋba. La kɔ ŋ sɩpaaŋ nɛ arɩ la cheeriŋ, arɩ la sɩ jɩma arɩ la bɩ wombiiŋ kɛnɛ dɩ la kɔ ŋ sɩpaaŋ ma kala.”

NƐHƖMAAYA 9:33

Wɩalɩŋ kala sɩ ŋaa la lɛ, ŋ to wʋtɩtɩɩ lɛ nɛ ka la-na bɩ woruŋ ŋaa.

WƖA YƖƖLAA 119:137

La TƖƖNA, ŋ ŋaa tʋɔpʋl Tɩɩna nɛ, ŋ wombie-la ŋ sɩ bile dɩ la tuto ma tʋʋlɛ.

WƖA YƖƖLAA 44:15

Tapʋlɩɩ kala hɩɩsɩŋ yie kɛmmɛ nɛ, mɩ bɩ mɩ sɩaa wuo kaa suri,

WƖA YƖƖLAA 51:14

Wɩa, lɩɩsɛmɛ nɩaa kpʋnʋŋ lɛ, ŋ nɛ ŋaa mɩ Laataara. Dɩ ŋ nɛ ŋaa ŋɩɩ, mɩ jaŋ yɩɩ yɩɩlaa a dagɛ ŋ tʋɔpʋla.

WƖA YƖƖLAA 51:4

Mɩ chaasa ŋaa wʋbɔŋ nɛ ŋ lɛ. Mɩ ŋaa wɩɩ-la sɩ bɩ zɔŋ nɛ ŋ lɛ. Ŋ kɩaa sɩma nɛ a magɛ dɩ ŋ bʋl mɩ teeŋ, a diimi sarɩya a dɔgɩsɛmɛ.

AZAAYA 11:11

Dɩ bʋa-la nɛ yie, La TƖƖNA jaŋ tiire laa ʋ nɩkaanaa a lɩɩ Asiiria arɩ Ijipiti sɛmɛ-la sɩ hɛ bʋbʋɔŋ arɩ Ijipiti sɛmɛ sɩ hɛ nyuŋ arɩ Kus, Ɛlam, Babɩlɔŋ, Hamaf a pɛ tinteye-la kala mʋgʋ-balɩŋ sɩ gollo chu lɛ.

AZAAYA 45:16

Nɩalɩŋ kala sɩɩ mɛ tɔŋŋɔɔ jaŋ dii hɩɩsɩŋ. Ba jaŋ hɩɩsɛba hɛ dɔŋɔ.

JƐRƖMAAYA 12:1

La TƖƖNA, ŋ kɛŋ tʋɔpʋla nɛ bʋa na-kala lɛ, dɩ mɩ nɛ kɛŋ wɩɩ kɔ ŋ teeŋ. Ama mɩ ha jaŋ pɩɛsɩŋ wɩaa a mʋ tɩgɛ ŋ wʋtɩtɩɩ lɛ: Bɛɛ nɛ tɩɩ nɩbɔŋŋɔɔ wɩaa vɩvɛŋ woruŋ? Bɛɛ nɛ tɩɩ nɩalɩŋ kala sɩ bɩ wʋtɩtɩɩ kɛnɛ ŋ teeŋ hɔŋ, wɩɩ bɩ baa walɩmɛ?

JƐRƖMAAYA 23:6

Ʋ kuoruŋ bʋa lɛ, ʋ jaŋ laa Juda nɩaa ta, dɩ Iziral nɩaa ma hɔŋ sɔm. Yɩrɩ-la ba sɩ jaŋ yɩyɩrʋ nɛ: La TƖƖNA nɛ ŋaa la kɛŋ tʋɔpʋla koo La TƖƖNA nɛ laala ta arɩ wʋtɩtɩɩ.”

JƐRƖMAAYA 24:9

Mɩ jaŋ lɛrɛ wʋlɔrʋŋ kʋ hɛ ba lɛ, dɩ ba nagɛ kʋŋ sɩɩ sʋɔrʋ dʋnɩa tinteyee nɩaa kala teeŋ. Hɩɩsɩŋ jaŋ diiba dɩ nɩaa sisieri ba lɛ. Nɩaa jaŋ kɛŋ ba yɩrɩŋ ŋmɩɛsa hɩhɛ nɩaa lɛ lee na-kala mɩ sɩ kɛmba pɩsa hɛ.

JƐRƖMAAYA 3:25

Má leŋ la yaara kɛŋ la hɩɩsɩŋ pɩŋ, a leŋ la hɩɩsɩŋ diila. La ŋaa wʋbɔŋ nɛ La TƖƖNA Wɩa lɛ, la dɩ la naabalɩmaba kala. A chɩŋ la hambiiriŋ lɛ a kaa kɔ jɩnɩŋ, la bɩ La TƖƖNA Wɩa niiŋ to.”

JƐRƖMAAYA 32:32

Iziral tɩŋŋaa arɩ Juda nɩaa leŋe mɩ baanɩŋ sii nɛ a tɩŋ wʋbɔmɔ-la kala ba sɩ ŋaa wɩaa, ba dɩ ba kuoroo arɩ ba tɩntɩnnɩ-hɩasɩŋ, ba Wɩɩsʋllɩ sɩpaalaaraa arɩ ba nɩalɩŋ sɩ sɩ ba ŋaa mɩ wʋlaabʋllaa nɛ, a pɛ Juda nɩaa arɩ ba nɩalɩŋ sɩ hɛ Jerusalɛm lɛ.

JƐRƖMAAYA 33:16

Tapʋlɩa-la lɛ, ba jaŋ laa Juda nɩaa ta, dɩ Jerusalɛm nɩaa hɔŋ sɔm. Ba jaŋ yɩyɩrɛ tabal-la: La TƖƖNA nɛ ŋaa la kɛŋ tʋɔpʋla.”

JƐRƖMAAYA 4:17

Ba kʋ golli Jerusalɛm ma chu a nagɛ nɩaa sɩ chɩna pɔ baga nɛ, bɛɛ wɩaa ʋ nɩaa vɩa La TƖƖNA nɛ. La Tɩɩna nɛ bʋla.

JƐRƖMAAYA 7:19

Mɩ-na baanɩŋ lɛ dee ba didii. Ba tɩtɩa nɛ ba dʋdɔgɩsɛ, a hɩhɩɩsɛ ba tɩtɩa ma. Mɩ-na ma TƖƖNA nɛ bʋla.

ƐZƖKƖƐL 16:63

Dɩ mɩ nɛ joŋ wɩalɩŋ kala ŋ sɩ ŋaa a chɛŋ, ŋ jaŋ liise yi wʋbɔmɔ-la ŋ sɩ ŋaa lɛ, dɩ hɩɩsɩŋ kɛnɩŋ kɩŋkɛŋ dɩ ŋ bɩra bɩ ŋ niiŋ wuo suri. Mɩ-na ma TƖƖNA Wɩɩjarɩbakɔ nɛ bʋla.”

ƐZƖKƖƐL 36:31

Ŋɩɩ nɛ ma jaŋ liisi wʋbɔmɔ-la ma sɩ ŋaa, dɩ ma tʋɔŋ lɩɩ ma tɩtɩa a tɩŋ ma wʋbɔŋŋɔɔ arɩ wʋkɩsɩa-la ma sɩ ŋaa wɩaa.

ƐZƖKƖƐL 5:10

Jerusalɛm, ŋ lɛ nyɩmmaba jaŋ chaŋ ba biiriŋ, dɩ biiriŋ ma chɩchaŋ ba nyɩmmaba. Mɩ jaŋ dɔgʋsʋŋ, aŋ kɛŋ ŋ nɩalɩŋ sɩ ka kaa pɩsa hɛ lee-kala.

ƐZƖKƖƐL 6:12

Nɩalɩŋ sɩ hɛ dɩ-bolii, nyanyal bɔŋŋɔɔ jaŋ kpʋba, nɩalɩŋ sɩ kpaga ma jaŋ sʋʋ laalɩŋ lɛ, nɩalɩŋ ma sɩ ka a bɩ sʋba, losuŋ jaŋ kpʋba. Ŋɩɩ nɛ mɩ jaŋ joŋ mɩ baanɩŋ a fɩɩsɛ ba lɛ.

DANƖƐL 9:14

La TƖƖNA, ŋ bɩ kaa dieni aŋ joŋ wʋlɔrʋŋ ŋaa la lɛ, bɛɛ wɩaa ŋ-na La TƖƖNA Wɩa, ŋ ŋaa tʋɔpʋl Tɩɩna nɛ wɩɩ na-kala ŋ sɩɩ ŋaa lɛ, arɩ ŋɩɩ kala la bɩŋ niiŋ to.

DANƖƐL 9:18

Wɩa, kpil dɩgɩlɩŋ a jegile nɩɩ, suri ŋ sɩaa a na ŋ tabalɩŋ sɩ kɛŋ ŋ yɩrɩŋ sɩ pɩŋ jikpeeŋ. La bɩ tʋɔpʋl tɩmma nɛ ŋaa a sʋsʋlʋŋ, ama a tɩŋ ŋ sɩɩ fá nɩaa nenige kɩŋkɛŋ wɩaa nɛ.

DANƖƐL 9:8

La TƖƖNA, hɩɩsɩŋ kɛŋ la dɩ la kuoroo, la sɩpaalaaraa arɩ la nyɩmmaba kala nɛ, bɛɛ wɩaa la ŋaa wʋbɔŋ nɛ ŋ teeŋ.

AMƆS 9:9

Mɩ jaŋ pa wombiiŋ dɩ ba kɛŋ ma Iziral tɩŋŋaa a chɩgɩsɛ a nagɛ ba sɩ joŋ mɩaa hɛ chese lɛ a chesi. Mɩ jaŋ chesima tinteyee tʋɔŋ a lɩɩsɛ ma nɩalɩŋ sɩ ŋaa nɩyaayasɩŋ a ta.

Rom Tɩŋŋaa 6:21

Wɩaa deemba ma fa sɩɩ ŋaa, nyʋʋrʋ bɛɛ nɛ ma na? Wɩalɩŋ mɩɩra ŋaa hɩɩsɩŋ kɛmma nɛ lɛɛlɛ. Ba dɩdɛrɩŋ nɛ saa ŋaa sʋʋŋ.

MOSIS BƖRA WULLI WƖA WOMBIIŊ 32:4

Ʋ doluŋ nagɛ bʋŋ nɛ, a ŋɩŋaa wɩaa ba bʋa lɛ. Ʋ kɛŋ tɛŋɛ nɛ woruŋ ʋ wombiee kala lɛ. Ʋ ŋaa Wɩa sɩ kɛŋ wʋtɩtɩɩ a bɩ wɩaa ka chei nɛ.

MOSIS BƖRA WULLI WƖA WOMBIIŊ 4:27

La TƖƖNA jaŋ ŋmooma pɩsa hɛ tintee-wogusuŋ lɛ. Tintee-wogusu-la lɛ, ma jesiŋ kala jaŋ sʋʋ aŋ ka nɩaa baŋmɛnɛ.