DANƖƐL 9:6 - WƖA TENIŊ

⁶ Ŋ tɩntɩnnaa sɩ ŋaa ŋ wʋlaabʋllaa a bʋl wɩalɩŋ, la bɩ jegile nɩɩ. Ba bʋl wɩaa ŋ yɩrɩŋ lɛ a pɩ la kuoroo, la sɩpaalaaraa, la nyɩmmaba arɩ la tinteeŋ nɩaa kala nɛ.

DANƖƐL 9:6 ပူးပေါင်းရင်းမြစ်များ

2 KUOROO 18:12

Wɩaa deemba kala ŋaa Iziral tɩŋŋaa lɛ, a tɩŋ ba sɩ bɩ ba TƖƖNA Wɩa niiŋ to nɛ, aŋ chei nii-la ʋ sɩ bile ʋ dɩ ba pɛgɛ arɩ wɩalɩŋ La TƖƖNA tɩntɩnna Mosis sɩ dagɛba. Ba bɩ wɩalɩŋ jegile nɩɩ koo a toba.

2 IZIRAL TƖŊŊAA NAABARƖŊ 33:10

La TƖƖNA kpʋrɩsɛ Manasɛ arɩ ʋ nɩaa dɩgɩlaa, ama ba bɩ jegile nɩɩ.

ƐZƖRA 9:7

A chɩŋ la naabalɩmaba bʋa lɛ a kaa kɔ jɩnɩŋ, la wʋcheelee chaasa yʋgɛ nɛ woruŋ. A tɩŋ la wʋbɔŋŋɔɔ wɩaa nɛ tɩɩ ŋ joŋ la dɩ la kuoroo arɩ ŋ Wɩɩsʋllɩ sɩpaalaaraa hɛ tintee-wogusuŋ kuoroo nɩsɩŋ lɛ. Ba kpʋla, a laa la kɩaa, aŋ kɛsɛ la dɔnsʋŋ kaa mʋ tɔ bɩnɩŋ dɩa. La dii hɩɩsɩŋ nɛ woruŋ, arɩ jɩnɩmba la ha sɩɩ dii hɩɩsɩŋ ŋɩɩ.

NƐHƖMAAYA 9:30

Jɩ-daŋ nɛ ŋ kɛŋ kenyiri arɩ ba. Ŋ Dɩma to ŋ wʋlaabʋllaa lɛ nɛ a bʋl wɩaa chagɩlɛba. Ama ba bɩ jegile nɩɩ, ŋɩɩ nɛ ŋ jomba hɛ tintee-wogusuŋ nɩaa nɩsɩŋ lɛ.

NƐHƖMAAYA 9:32

Lɛɛlɛ la Wɩa, ŋ nɛ yʋga a kɛŋ doluŋ nɩaa fɩfáŋ, ŋ sɩ cho ŋ nɩaa a hɛ nii-la ŋ dɩ ba pɛgɛ, ŋ kaa tɩtɩŋ nɛ. Sɩ́ bee kieli hɛɛ-la la sɩ na a chɩŋ bʋa-la lɛ Asiiria kuoroo sɩ dɔgɩsɛla a kaa kɔ jɩnɩŋ. La kuoroo arɩ la sɩpaalaaraa, la ŋ Wɩɩsʋllɩ sɩpaalaaraa arɩ ŋ wʋlaabʋllaa, la naabalɩmaba arɩ ŋ nɩaa kala nɛ na hɛɛ-la.

NƐHƖMAAYA 9:34

La kuoroo, la sɩpaalaaraa, la ŋ Wɩɩsʋllɩ sɩpaalaaraa arɩ la nyɩmmaba bɩ wombii-la ŋ sɩ bile to. Ba bɩ jegile nɩɩ ŋ wʋdagaa koo wɩalɩŋ ŋ sɩ bʋla kpʋrɩsɛ ba dɩgɩlaa.

JƐRƖMAAYA 26:5

dɩ ma nɛ bɩ mɩ wʋlaabʋllaa sɩ ŋaa mɩ tɩntɩnnaa wɩaa jegile nɩɩ, nɩalɩŋ mɩ sɩ tɩma ba kɔ ma teeŋ bʋlɩa bʋlɩa (ma sɩ́ bɩ jegile nɩɩ ba teeŋ ŋɩɩ),

JƐRƖMAAYA 29:19

Mɩ jaŋ dɔgɩsɛba ŋɩɩ a tɩŋ ba sɩ bɩ jegile nɩɩ mɩ niiŋ wɩaa, wɩalɩŋ mɩ sɩ to mɩ wʋlaabʋllaa lɛ a bʋla pɩba bʋlɩa bʋlɩa. Ma nɩalɩŋ ma sɩ hɛ yoŋ-baga lɛ, ma ma bɩ jegile nɩɩ. Mɩ-na ma TƖƖNA nɛ bʋla.

JƐRƖMAAYA 44:16

“La bɩ jaŋ jegile nɩɩ tɩndaarɩ-la ŋ sɩ bʋla pɩla La TƖƖNA yɩrɩŋ lɛ.

JƐRƖMAAYA 7:13

La TƖƖNA bɩra sɩ, “Ma fa sɩɩ ŋaa wɩaa deemba kala, mɩ fa chagɩlɛma nɛ bʋlɩa bʋlɩa, ka ma bɩ nɩa. Mɩ fa yɩrɛma nɛ, ka ma vɩa dɩ ma sɛɩ.

JƐRƖMAAYA 7:24

Ama ba fa bɩ jegile nɩɩ koo a kaa tɩŋ. Ba fa mɩɩra to ba nyuduoŋ arɩ ba tʋɔbɩɩŋ bɔŋŋɔɔ harɩŋ nɛ. Ba fa mɩɩra mʋ harɩŋ nɛ, ba bɩ sɩpaaŋ mʋa.

DANƖƐL 9:10

a bɩ ŋ-na La TƖƖNA Wɩa niiŋ to, a bɩ wombie-la ma ŋ sɩ to ŋ wʋlaabʋllaa sɩ ŋaa ŋ tɩntɩnnaa lɛ a joŋo dagɛla dɩ la tuto ka to.

DANƖƐL 9:9

La TƖƖNA Wɩa, ŋŋ fá nɩaa nenige nɛ a joŋ wɩaa chɩchɛba, arɩ la sɩ lɩɩ ŋ harɩŋ ma kala,

Matiu 23:37

Ma Jerusalɛm nɩaa, ma kpʋ Wɩa wʋlaabʋllaa nɛ, a joŋ tabɩaa yagɛ tɩndaara-la Wɩa sɩ tɩma dɩ ba kɔ ma teeŋ. Naansɩɩŋ yʋga nɛ mɩ fa cho dɩ mɩ chu tɔ ma nɩaa kala arɩ jimiŋ sɩ yie chu tɔ ʋ biiriŋ ŋɩɩ, ka ma bɩ sɛyɛ.

Tɩntɩŋŋaa 13:27

Yesu sɩ kɔ, nɩalɩŋ sɩ hɛ Jerusalɛm lɛ arɩ ba kʋhɩasɩŋ fa bɩ jɩŋ arɩ ʋ nɛ ŋaa la Laataara. Ba bɩ Wɩa wʋlaabʋllaa wʋbʋlɩɩ-la bʋbʋɔŋ jɩŋ, wɩalɩŋ ba sɩ yie karɩmɛ chɛ-wiesii-la chɛɛŋ kala. Ama ba ha leŋe Wɩa wʋlaabʋllaa niiŋ wɩalɩŋ kʋ ŋaa wʋtɩtɩɩ, a kpʋ Yesu.